Z power of consciousness

Z power of consciousness مدربه اكسس بارز-ممارس فيس ليفت-فاونديشن-معالجه شعوريه-لايف كوتش-مختص نفسي
اساعد كل امرأه لبناء واقع يشبهها

زيادة المعلومات والكورسات .. مش هى اللى هتحل مشاكلك !!!!
28/07/2026

زيادة المعلومات والكورسات .. مش هى اللى هتحل مشاكلك !!!!

كل مرة بتحسى فيها بمشاعر مش مريحة أول حاجة بتفكرى فيها هى .. (( إزاى أتخلص منها؟؟ ))كل ما الخوف ييجى .. تحاولى تشغلى نف...
26/07/2026

كل مرة بتحسى فيها بمشاعر مش مريحة أول حاجة بتفكرى فيها هى .. (( إزاى أتخلص منها؟؟ ))

كل ما الخوف ييجى .. تحاولى تشغلى نفسك !!
كل ما الحزن يظهر .. تقولى : لازم ابقى قوية واتجاوز !!
كل ما الغضب يطلع .. تكبتيه . تحاولى تهديه بسرعة !!

مع إن الحقيقة ان المشاعر عمرها ما كانت عدوك ..
العدو الحقيقى ..هو الح.رب اللى بتعلنيها عليها كل مرة تظهر ..

زى طفل صغير .. كل مرة يعيط فيها ..
تصرخى فى وشه وتقولي له: " امشى اطلع عيط برة "
تفتكرى هيسكت؟ ولا هيعلى صوته أكتر علشان يسمعك إنه موجود؟؟

وده بالضبط اللى بيحصل مع مشاعرك !!! و النتيجه :

كل مرة تقاومى الخوف .. ما بيمشيش!
كل مرة ترفضى الحزن ..ما بيختفيش !
و بيفضل يدور على أى فرصة يرجع بيها ...

يمكن مشكلتك إنك اتعلمتى طول عمرك إن بعض المشاعر "غلط" و " سلبيه" ولازم تختفى بأسرع وقت !!!

بس خلينى اقولك ربنا ما خلقش مشاعرك دى عبث .. بالعكس !!
خلقها علشان توصلك رسالة ..
والرساله دى مش هتفهميها غير لما تتقبلى مشاعرك بدل ما تحاربيها .. وتعرفى ازاى تحرريها !!
ساعتها حياتك هتتبدل !!!

هتقررى تقبلى عرض شغل جديد.. بدل الهروب من الخوف !!
هتقدرى تحطى حدود وانتى هاديه .. بدل ما تغضبي و تزعقى !!
هتشوفى اللى عدى مجرد تجربه .. بدل ما تتعلقى وتحزنى !!

تخيلى بعد شهور من دلوقتى ..
نفس المواقف اللى كانت بتكسرك .. بقت بتمر عليكى بهدوء !!
ودة لأنك بقيتى تعرفى تسمعى مشاعرك بدل ما تقاوميها !!
ده بيحصل لما تشتغلى على نفسك بعمق .. خطوة بخطوة ..
لو جاهزة تشوفى تحول حقيقى .. جلسات الـ 1:1 هى المكان اللى هنبدأ فيه الرحلة دى سوا !!

ابعتيلى (جاهزة ) فى رساله وهبعتلك التفاصيل

كل الحب ❤
ومزيد من النور
زينب 💫

تخيلى انى كل مرة بقرر اغير حاجه جوايا او احقق هدف جديد ..كنت بلاقى نفسي اخد خطوه واتنين واقف !!واروح اتشغل بحاجه تانيه ...
23/07/2026

تخيلى انى كل مرة بقرر اغير حاجه جوايا او احقق هدف جديد ..
كنت بلاقى نفسي اخد خطوه واتنين واقف !!
واروح اتشغل بحاجه تانيه ..
وشويه واسيبها واروح لحاجه تالته ..
وهكذا يتكرر نفس السيناريو ..
لدرجه كنت بنسي واقول لنفسي ..

هو انا بدأت امتى؟
وكنت عاوزة ايه اصلا ؟

وكنت باحبط ..ببذل مجهود .. مفيش نتيجه قدامى ..
ولو فى نتيجه بتبقى عشوائيه ..

لحد ما اكتشفت واحد من الاسرار اللى بيحول النيه لنتايج فعليه ..
وهو ((التركيز)) ..

ودة اللى لقيته لما كنت بعمل Focus على موضوع محدد :

بقى فى وضوح اكبر ليه ..
عارفه انا واقفه فين .. ورايحه فين .. وازاى؟ ..
فى حاله حضور دائم بأفكارى ومشاعرى ..
طول ما انا مركزة فأنا تلقائى مستمرة ..
انضباط داخلى عالى وهو دة اساس النجاح ..
بحدد اولوياتى واختار واقرر اللى يخدم تحقيق خطواتى بسهوله ..
واقول (( لأ )) بردة لاى حاجه هتشتتنى ..

ومن وقتها وانا بشوف نتائج حقيقيه مستمرة و بتزيد ..

عشان كدة قررت اعمل مجتمع Keep Focus ..
بدءنا ولسه مكملين .. وحابه اشوفك معانا ..
هتتعلمى ازاى تركزى على نفسك ..
وتركزى على اللى يخدم تطورك ..
على افكارك .. على مشاعرك ..
ازاى تناغمي مع الحياه ..
رغم كل التحديات ..
و المشتتات ..

لو قررتى تسيبك من التشتت و العشوائيه ..
وتشوفى اقصر طريق بيحقق نتايج ..

ابعتيلى رساله او سيبى كومنت بكلمه Focus
وهبعتلك اللينك ..
الاشتراك مجانا ❤

كل الحب ❤
ومزيد من النور
زينب الوكيل 💫



حصل معاكى قبل كدة ؟؟؟أنك كنتي بتفكرى في مشكلة لفترة طويلة؟بتدورى على حلول ..تفكرى فى كل الاحتمالات ..وتسألى "اعمل ايه ؟؟...
22/07/2026

حصل معاكى قبل كدة ؟؟؟
أنك كنتي بتفكرى في مشكلة لفترة طويلة؟
بتدورى على حلول ..
تفكرى فى كل الاحتمالات ..
وتسألى "اعمل ايه ؟؟"
و فجأة .. تلاقى حل بسيط جدا و سهل ويسير !!

فتتصدمى وتقولى وانتى مندهشه "بس كدة !! اتحلت بالسهوله دى!!!"
المشكلة مش فى غياب اليسر عن حياتنا ..
المشكلة أنك بتدورى عليه بعقليه اتعودت على التعقيد و الصعوبه ..
عقليه فاكرة ان الشيء القيم صعب احصل عليه!!
وأن الطريق الصح لازم يكون فيه مجهود كبير!!

لدرجه انك تنصدمى ان اليسر موجود اصلا ..
وبشكل لا واعى تختارى الصعوبه فى حياتك ..
و تثقى في العسر أكثر من في اليسر..
تشكى في الحل اللى يمشي بسلاسة ..
وتحسي أن فى حاجه ناقصه لو مفيش معاناه !!

ونسيتى ان ربنا قال " ان مع العسر يسر"
يعنى الاتنين موجودين .. بس انتى هتختارى ايه ؟؟
فى عز العسر ...وفى نفس اللحظه .. فى كمان يسر موجود !!
هتركزى مع مين فيهم؟؟
على صعوبه المشكله .. ولا احتمالات لحلولها بيسر؟؟
على اللى ناقص ولا اللى موجود ومتاح بيسر ؟؟
على اللى متاخرة فيه .. ولا اللى عملتيه و اللى هتكمليه بيسر !!

اختيار اليسر مش معناه ان الحياة تبقى من غير مسؤوليات .. بالعكس !!
اليسر مش انك تفعلي اقل .. اليسر انك تفعلي ((الأهم)) بطريقه سهله ..ومجهود اقل ..
وبتسعى فى الحياه وانتى مستمتعه مش مستنزفه ..
انك توجهي طاقتك صح بدل ما تستهلكيها ..

ابدئى من اللحظه دة تختارى اليسر ..
اسمحيله يكون موجود فى حياتك ..
افتحيله مساحه تستقبليه فيها ..

غيرى طريقه كلامك من واحدة بتقول:
"كل حاجه بقت صعبه .. ومفيش حل!!"
لواحدة بتقول:
" ايوة عندى تحديات .. بس هلاقى الطريق .. السهل الميسر!! "

حطي اليسر جوا دايرة انتباهك !!!
بانك تركزى عليه.. لاحظيه فى ابسط الاشياء..
زى أنك تصحى من نومك..تفتحي عينيك .. تتنفسي .. تقومي .. تمشي .. وتتقدرى تتحركى كل دة بيسر!!
ممكن تشوفيها حاجات عاديه ..
لكن كل دة حصل يسر كبير .. بس انتى مش منتبهه ليه !!

لو عاوزة اليسر يزيد ازاى فى كل تفاصيل حياتك..
رزق بيسر .. افكار جديدة بيسر ..فرص و احتمالات فيها يسر ..

ركزى عليه اكتر.. هتلاقيه بيزيد و يكتر ..

ولو انتى لسه مش معانا فى مجتمع (Keep Focus) المجانى
ابعتيلى DM وهبعتلك اللينك

كل الحب ❤
ومزيد من النور 💫
زينب

مش لازم كل يوم تعملى فيه إنجاز كبير ..مش لازم تفضلى طول الوقت بتجرى ..مش كل خطوة بطيئة تقولى "انا متأخرة" ..أوقات أجمل ح...
21/07/2026

مش لازم كل يوم تعملى فيه إنجاز كبير ..
مش لازم تفضلى طول الوقت بتجرى ..
مش كل خطوة بطيئة تقولى "انا متأخرة" ..

أوقات أجمل حاجة تعمليها لنفسك ..
إنك تهدى شوية !!
تشربى قهوتك براحة ..
تستمتعى بلحظة صغيرة تضحكى فيها من قلبك ..
وتفتكرى إن الحياة مش بس حاجات لازم تخلص ..
الحياة كمان لحظات تعيشيها بتفاصيلها ..

قيمتك فى كمية الحاجات اللى بتعمليها ..
إنت ليكى قيمة لأنك ((أنتي)) !!

بكل محاولاتك ..
بكل مراحل حياتك ..
بكل النسخ اللى كنتيها واللى لسه بتبنيها ..
و زى ربنا خلقنا عشان نسعى ..
خلق لنا كمان حق الراحة والسكينة !!

خدى النهارده لحظة صغيرة لنفسك !!
مش علشان تهربى من الحياة !!
لكن علشان ترجعيلها بوضوح اكتر ..
وتكملي بخطوات أقوى .. وبروح اخف .. وقلب حاضر !!

حددى خطوة صغيرة هتعمليها النهارده هتخليكى تستعيدي طاقتك و تكملي رحلتك بشكل أجمل !!

كل الحب ❤
ومزيد من النور
زينب الوكيل 💫

اوقات بيكون جوانا إحساس صغير بيقول : في حاجة أجمل مستنيانى !!لكن بسرعه بنسكته .. ونقول ((الوقت فات)) !! ولو عندك حلم قدي...
20/07/2026

اوقات بيكون جوانا إحساس صغير بيقول : في حاجة أجمل مستنيانى !!
لكن بسرعه بنسكته .. ونقول ((الوقت فات)) !!

ولو عندك حلم قديم رجعتى افتكرتيه ..
بتقولى ((لسه هبدء من جديد)) ؟؟
و تتحججى انك مش فاضيه ومفيش وقت !!

بس ولا سبب من دول هو المشكله ..
المشكله اننا بنحس بالامان مع اللى اتعودنا عليه !!
فبنختار نفس الروتين .. نفس الأماكن .. نفس طريقة التفكير ..

لأن الجديد بالنسبه للعقل مخيف .. مفيهوش ضمان ..
الجديد فيه احتمال للخساره او لمجهود ازيد !!
او حتى لنجاح اكبر وبالتالى مسؤليه اعلى ..

فبنختار اللى احنا اتعودنا عليه .. مش اللى فعلا نفسنا فيه !!

بس خلينى أقولك ان الانفتاح للتغيير هو سيستم انتى اللى بتبنيه ..
بيحصل لما تقررى تكسرى الروتين اللى اتعودتى عليه ..
بيحصل لما تسمحى لنفسك تجربى حاجات جديدة ..

كل مرة بتجربى تغير بسيط انتى بتدربي جهازك العصبي انه يبنى روابط عصبيه جديدة !!
و بتعوديه ان التغير ممكن .. وسهل ..

ابدئى اعملى تغيرات صغيرة:
اقرأى كتاب عن موضوع جديد عليكى ..
دوقى مشروب او اكله مش متعودة عليها ..
جربي تاخدى رد فعل مختلف لموقف بيحصلك ديما !!
اخرجى فى مكان جديد .. اتعلمي لغه متعرفيهاش ..
اعملى مكالمة كنتي مأجلاها ..
العبي رياضه .. جربي شغل جديد ..

الانفتاح للتغيير مش معناه إن حياتك الحالية غلط !!
معناه إنك تسمحى لنفسك تكتشفى مساحات جديدة منك !!
وكانك بتشوفى نفسك بعيون جديدة من برة!!

هتشوفي نفسك وهى بتحاول .. وبتتعلم .. وبتتخطى الخوف..!!
هتكتشفى قدرات و وامكانيات و شطاره مكنتيش عارفاها عن نفسك ..
وواحدة واحدة هتبنى ثقتك بنفسك مع كل تغير سمحتى لنفسك تجربيه ..
حياتك هتتوسع بكل فكرة جديدة مختلفه .. و هتتفتحلك فرص جديدة كانت مستنياكى ..
هترجعى تحسى بجمال الحياة لان إحساس الفضول والحماس بيزيد مع كل تغير جديد ..

حددى ٣ حاجات جديدة بسيطه هتجربيها او هتغيريها !!

و اسألى نفسك ايه اللى هكتشفه عن نفسي لو اديت نفسي فرصة تجرب واحدة منهم ؟

كل الحب ❤
ومزيد من النور 🌟
زينب الوكيل

ا

الدعاء فى العيد هو فرصة لشكر الله على إتمام الصيام والقيام .. وطلب القبول والمغفرة ..اللهم تقبل منا صيامنا وقيامنا .. وا...
20/03/2026

الدعاء فى العيد هو فرصة لشكر الله على إتمام الصيام والقيام ..
وطلب القبول والمغفرة ..

اللهم تقبل منا صيامنا وقيامنا .. واغفر لنا ذنوبنا ..
وأعد علينا رمضان أعواماً مديدة و عديدة ..

اللهم في عيد الفطر نسألك السعادة التي تملأ قلوبنا .. والرزق الذي يكفينا .. والصحة التي تعيننا على مداومه طاعتك !!

اللهم اجعل عيدنا عيد فرح وسرور و سكينه !!

كل عام وانتم بخير 🌹

كل الحب ❤
ومزيد من النور
زينب الوكيل 💫

18/02/2026

فى مجتمعنا الخاص Wakeup & Keep Focus اللى بنتقابل فيه كل يوم ... عملنا ٣ لقاءات عن رمضان !!

الاول : الاستعداد والتهئه قبل رمضان (واعدو العدة) ..
الثانى : التعامل مع كل تفصيله فى رمضان بوعى أعلى وتحويلها لعبادة حقيقيه اثرها يدوم معايا لباقى السنه ..
الثالث : التجهيز و استقبال رمضان و وضع نوايا فارقه فى اول ليله بشكل واعى ..

لو جاهزة تستعدى وتستقبلى انوار رمضان بأقصى استفادة .. اسمعى تسجيل اللقاءات !!
ابعتيلى Dm (Foucs )
وهبعتلك اللينك

كل الحب ❤
ومزيد من النور
زينب الوكيل 💫

تم الانتهاء من تقديم كورس تأسيس البدايات السعيدةاشكر رب العالمين على تيسيرة لتقديم الكورس على مدار ٤ ايام اشتغالنا فيه...
31/01/2026

تم الانتهاء من تقديم كورس
تأسيس البدايات السعيدة

اشكر رب العالمين على تيسيرة لتقديم الكورس
على مدار ٤ ايام اشتغالنا فيهم على ١١ أساس لاكتمال معادله اليسر فى تحقيق اهدافك ..

تمارين لازاله معيقات قديمه كلها كانت مترسخه ومانعه تحقيق الاهداف بسهوله ..
و مفاهيم عميقه واسرار لبناء اسس قويه تحققى بيها اهدافك بوعى جديد كله يسر ونفع ..

الكورس الان مسجل تقدرى تشتركى وتطبقى من النهاردة و تفتحى مساحه لوعى جديد هيغير مفهومك تماما عن ازاى تحقيقي اهدافك فى اى جانب من جوانب حياتك لما تشتغلى برؤيه مختلفه ومنظور جديد على الداخل ..

ابعتيلى ع الخاص .. بدايه
وهبعتلك التفاصيل

كل الحب
والنور
زينب 💫


Address

Cairo

Website

Alerts

Be the first to know and let us send you an email when Z power of consciousness posts news and promotions. Your email address will not be used for any other purpose, and you can unsubscribe at any time.

Shortcuts

Share

Category