د. ولاء عبد الكريم السيد - استشاري دولي الرضاعة الطبيعية ibclc, ٥ عمارات رابعة الاستثماري/ميدان الساعة/مدينة نصر, Cairo (2026)

12/08/2026

للحجز والاستفسار عن المواعيد المتاحة
010 12340759

05/08/2026

من كام اسبوع جاتلي العيادة أم لطفل عمره شهرين ونص.. لاحظت ضيقها وحزنها الشديد من وهي داخلة عليا حجرة الكشف
بتشتكي من ألم في الرضاعة وصل لحد لا يُحتمل😔

ودار بيني وبينها الحوار التالي

- حاسة بالألم من امتى يا ماما؟

- من اول رضعة يوم الولادة.. بس كنت فاكرة انه (عادي)😔

- مين اللي قالك إنه عادي؟

-كلهم قالولي كدا
وانتظرت الوجع يروح ... بس مراحش

-اوصفيلي الوجع شكله ايه؟

- في الاول كان الوجع في أول الرضعة وبيهدى بعد كدا
بعدها بقت الرضعة كلها وجع ...
اتعودت عالوجع لحد ما الحلمة جابت دم وهو رجعه ..
وكنت ادهن كريم اهدى شوية ويرجع الوجع تاني
جربت كللللل الكريمات والوصفات
الوجع بقى طول الوقت برضع او مبرضعش
مش مستحملة الهدوم ونار بتقيد في الثدي بعد الرضاعة
استحملت واستحملت .. بس خلاص

- خلاص ايه .. مش قادرة تكملي؟

- انا وقفت رضاعة خلاص بقالي اسبوع يا دكتورة😔

-وقفتي تماما؟

-اه

- وبعدين ؟

- ابني صعبان عليا وعايزة ارضعه .. بس مش قادرة

-بتشفطي الثدي؟

-لا الشفاط بيوجعني أوي .. واللبن قل جدا
وحاليا أنا لا مني مرتاحة بوقف الرضاعة .. ولا مني عايزة ارضع🥹

————————
فحصت الطفل ( قيمت قوة المص وشفت سقف الحلق واللسان والشفة وكله كان كويس جدا )
ورحت افحصها
وبمجرد ما شفت الثدي لقيت إن في أجزاء من نسيج الجلد في الحلمة واقعة فعلا
وفي صديد طالع منها
الثدي محجر وناشف جدا
والأم مش مستحملة اللمسة مني
وواضح علامات الالتهاب العنيف بالثدي

… في الحالات دي مينفعش نرجع الأم ترضع ابدا قبل ماتوصل للحد الادنى اللي عنده تقدر تستحمل نعلمها الالتقام الصحيح ونصلح المشكلة بالاضافة لاحتياجها لعلاج الالتهاب الموجود بالفعل

كان معاها جوزها اللي جاي متحفز جدا من زعله عليها وعايزها توقف رضاعة وبيطلب مني دعمها في القرار دا وتشجيعها عليه

الحقيقة أنا حاسة بالأم دي اوي
هي لو ارتاحت بوقف الرضاعة مكنتش جاتلي العيادة
ماهي بطلت اللي كان واجعها
هي عايزة ترضع وصادقة
بس الرضاعة بقت وحش مخيف وألم ملوش حدود وعذاب يومي صعب تحمله

طمنتها إنها هترضع ومن غير الم إن شاء الله
وطمنتها لقرارها بوقف الرضاعة المباشرة مؤقتا وإنه من حقها ترتاح
مكنش في مجال اعاتبها على تحملها الالام كل الفترة دي

وقفنا رضاعة كمان اسبوع بس اتفقنا اننا
هنعصر الثدي كل ٣ ساعات (تعصير مش تشفيط لأني لا أنصح بتشفيط الثدي المفتوح المتعور كدا … الجرح مش هيقفل كدا
لكن بالتعصير الالتئام بيكون اسرع)

واتفقنا اللبن اللي يطلع البيبي ياخده بالسرنجة وعلمتهالها صح
وبلاش ببرونة علشان نكون في الامان ونتجنب رفض الطفل بعد رجوعنا للارضاع

وطلبت اشوفها بعد اسبوع
و فعلا جاتلي...
وكانت زعلانة برضو
الواد بيعيط ليل نهار محتاج صدرها والسرنجة مش مريحاه
ولا مريحاها

وبدأنا التدريب كان الوضع اخف
اتعلمنا الرضاعة من الاول وكانها لسة والدة ( ازاي نقعد .. وازاي نمسك الطفل .. وازاي نمسك الثدي صح
بس تدريب الولد مكنش سهل الحقيقة لانه بقاله فترة بيرضع غلط
وفي الحالات دي كل مايكون الطفل اصغر النتايج تكون هايلة
واحتجنا ٣ جلسات تدريب
اخر جلسة منهم كانت النهاردة
مكانتش علشان نتعلم الالتقام
كنت بعلمها ترضع وهي نايمة على جنبها وعلى ضهرها (ودلع الرضاعة كله)

قالتلي انا مش مصدقة اني رجعت ارضع ومفيش الم🥰😍

وهنا جات الفرصة واللي مكانتش متاحة ليا من اول يوم اني اقولها
"متعمليش في نفسك كدا تاني"
ربنا مأمرناش نرضع ولادنا قرب السنتين والرضاعة تكون مؤلمة كدا - لا دا مش ظننا في الله سبحانه وتعالى

الرضاعة مبتوجعش متصدقيش اللي بقولك عكس كدا
صبرتي على نفسك كتير لحد مالوضع بقى لا يحتمل

وخدنا وقت على ما صلحنا الغلط

مفيش حاجة النهاردة اسعدتني قد سلامها عليا وهي ماشية وممتنة وبتقولي اجيلك كل قد ايه تطمنيني اني انا والنونو بخير
زازاي الام دي تحولت من ست صبرت على الالم شهور وفاهمة انه عادي لأم قررت تتبع منهج الوقاية خير من العلاج👌🏻

انتو تستاهلوا كل الحب والدعم والتقدير متصبروش عالالم ومتسمعوش كلام حد يحاول باي طريقة يقنعكم ان عذابكم والمكم دا شيء طبيعي وعادي♥️♥️
لا مش عادي😊

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز 📞 010 12340759

30/07/2026

طبعا مستغربين العنوان دا وبتقولوا يا ترى دكتورة ولاء هتكلمنا النهاردة عن ايه ؟🤔
بتجيلي رسايل من أمهات كتير انقطعوا عن الرضاعة لسبب او آخر
أو حتى فطموا ولسة موجود في ثديهم لبن وعايزين يرضعوا تاني بس اتقال لهم ان اللبن اللي بقاله فترة في الثدي دا مينفعش الطفل ياخده وان لو اخده هيموته أو هيضره ضرر شديد 😲😲

والحقيقة ان الكلام دا ليس له أي أساس من الصحة 🚫

رضعي ابنك في أي وقت ..
اللبن اللي في ثديك سائل حي بيتجدد وعمره ما يضر
لو فيه دم مش هيضر
لو نازل معاه صديد مش هيضر
طبعا مستغربين

بس عايزة اقولكم حاجة : الضرر الحقيقي هو قلته
زي المثل البلدي ما بيقول : ما وحش إلا قلته 🙄

رضعي وابعدي عن الخرافات ومتسلميش ودانك لنصايح وخبرات مبنية عالجهل والعادات الموروثة الخاطئة

مين اتقالها الكلام دا أو سمعت عن الموضوع دا ؟!!
.. ادخلي على التعليقات واكتبيلنا سمعتي ايه

☺

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثماري – ميدان الساعة – مدينة نصر
للحجز 📞 010 12340759

29/07/2026

احتقان الثدي ( تحجير الثدي)
❓❓هل يا دكتور طبيعى إن صدري يحجر بعد الولادة بكام يوم لدرجة إن البيبى ميعرفش يمسكه وأحس بألم فيه؟!
⬅ لو هنتكلم عن الطبيعي ..
فالطبيعي هو إن الأم تحس إن ثديها أكبر وأتقل ودرجة حرارته أعلى لما اللبن يبدأ يتدفق فيه وتزيد كميته على اليوم التالت للخامس بعد الولادة .. والإحساس دا بيستمر لمدة 24 ساعة تقريبا ونادرا لما بيزيد عن كدا .. والهالة البني والحلمة بيبقوا طبيعين مش وارمين .. وتدفق اللبن طبيعى والتقام الطفل للثدي مش بيتأثر ... دا الطبيعي

❓❓ لا يادكتور انا بتكلم عن التحجير اللي بيوجع واللي البيبى معاه مبيعرفش يرضع؟

⬅ تمام اللي بتوصفيه بيحصل فى حالة إن الام مع هجمة اللبن في ثديها مرضّعتش صح فبيتراكم اللبن في الثدي ويحجّر ويتعبها لدرجة تخلى البيبى مش عارف يلتقم الثدي ومش عارف يرضع وساعتها دخلنا في دايرة مفرغة من قلة الرضاعة وزيادة التحجير والألم

❓❓ ياخبر أبيض !! طيب ازاي يادكتور أتجنب حدوث التحجير دا ؟

⬅ هقولك على شوية نصايح تساعدك تتجنبي حدوث المشكلة دى

◾ أولا : رضعي البيبى على طول بعد الولادة ورضعيه كتير من 8- 12 مرة في اليوم ومتفوتيش رضعة حتى بالليل

◾ ثانيا : رضعي البيبى حسب الطلب مش بجدول ولو كان البيبى كسلان ونيمان صحيه ورضعيه كل ساعتين تلاتة .. واوعي تقضى ساعتين بالنهار أو 4 ساعات بليل من غير ما يرضع منك

◾ ثالثا: خلى البيبى وهو بيرضع يفضى الثدي الأول قبل ما تعرضي عليه الثدي التاني وممكن تغيري بين الناحيتين لو عايزة تصحيه أو هو من نفسه ساب الثدي الاول .. واوعي تقعديه على ثديك بحساب الدقايق سيبيه هو بنفسه ينهى الرضعة .. ودايما بنقول ( بصي للبيبي متبصيش للساعة )

◾رابعا: اتأكدى من خلال متابعتك مع استشاري الرضاعة الطبيعية إنك بترضعي صح وإن البيبى بيفضي ثديك كويس من اللبن علشان تتجنبي مشاكل التحجير والتهابات الثدي أو لا قدر الله تكوين خراج فيما بعد

◾ خامسا : لو فرضنا إن البيبى مكنش بيرضع كويس لازم تتعلمي التعصير اليدوي للثدي و تعصري صدرك بانتظام وكتير علشان تحافظى على انتاج اللبن في الثدي وتقللى احتمال حدوث الاحتقان

❓❓طيب يادكتور هو الاحتقان دا بيحصل امتى و ازاي وإيه أعراضه وعلاجه ؟

⬅ اقرأي الجزء الثاني والثالث هتلاقي إجابة لأسئلتك دي

✔️ احتقان الثدي الجزء الثاني (الأعراض)
https://www.facebook.com/103710618249548/posts/143246580962618/

✔️ احتقان الثدي الجزء الثالث ( العلاج)
https://www.facebook.com/103710618249548/posts/143816964238913/

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز 📞 010 12340759

27/07/2026

بعد ماتولدي هتلاقي من اللي حواليكي ناس بتقولك لازم تدخلي اللبن الصناعي من أول يوم ومن أول ساعة للأسف 😠😠
متستسلميش ومتستسهليش 💪🏻💪🏻
و تعالي أقولك وأفهمك واعلمك ايه الحالات اللي طبيعي تمري بيها خلال اول كام ساعة وأول كام يوم ولا تستدعي إدخال اللبن الصناعي 😊 وكمان اعلمك تواجهي ازاي .. و تردي عليهم تقوليلهم ايه🤔

📢لو قالولك إن لبنك لسة منزلش او إن لبن السرسوب قليل في أول يوم فنساعد الطفل بس على ما يبقى ينزل اللبن 😏😏 🎯قوليلهم : دا في الإطار الطبيعي 😅و إنك هتسني و اللبن هينزل مادام مفيش مايمنع من الأسباب العضوية وإنك هتخلي طفلك جنبك وهتزودى تلامسك الجلدي معاه وعرض الثدي عليه 🤱🏻و مش هيجراله حاجة قوليلهم : من فضلكم بلاش رضعة الكراوية🍼 ولا سرنجة الجلوكوز 💉 ولا رضعة اللبن الصناعي اللي الممرضة حضرتها 🍼

🎯قوليلهم لبن السرسوب كميته قليلة ممكن متتشافش وتناسب حجم معدة البيبي الصغير لكنها بتكفيه وتغذيه وتحميه 🥰 وقوليلهم البيبي مش بيعيط من الج*وع 😭ولا العياط كان عمره سببه الوحيد الجوع

🎯فهميهم إن بإدخالك للبن الصناعي في الوقت دا بتعرضي طفلك لتغير في البكتيريا النافعة في جهازه الهضمي غير تعرضه للاسهال خاصة لو البيئة المحيطة لا تحظي بمستوى نظافة والاخطر من دا كله إن لو كان نزول اللبن اتأخر فعلا فانتي بابتعادك عن طفلك وادخال اللبن الصناعي له اخرتي نزول اللبن زيادة وهددتى الرضاعة الطبيعية وكمية اللبن الجاري انتاجها في ثديك لأنك بدأتي غلط

📢لو قالولك ان الطفل خس واوهومكي ( بعيد عن رأي الاطباء) انه
هيدخل في جفاف

🎯قوليلهم إنك فاهمة ومذاكرة وعارفة إن طبيعي يخس لحد 7 في المية من وزنه اول يومين تلاتة علشان االسوائل اللي هيفقدها والبراز اللي عمله بعد الولادة وإنك لو اديتيه لبن صناعي او جلوكوز مش هيرضع منك بالقدر الكافي اللي يحافظ على انتاج اللبن عندك وإنه لو مرضعش منك وخد جلوكوز هيتعرض إن الصفرا تزيد عنده او يتعرض لتلوث بسبب أي حاجة تناولها غير لبن أمه 📢لو قاللوك ابنك عنده الصفرا ولازم ياخد لبن صناعي

🎯ردي عليهم وقوليلهم عمر اللبن ما كان بيزود الصفرا بل على العكس ابنك محتاج يرضع منك كتير علشان الصفرا تقل مش العكس وان لبن السرسوب ملين هيساعد الطفل انه يتخلص من مادة الصفرا اللي ممكن تمتص من امعاءه وانك المفروض تزودى الرضاعة مش توقفيها وان نوع اللبن عمره ما كلن سبب في الصفرا ولا بيكسر الدم وان النوع الوحيد اللي الطفل بتزيد عنده الصفرا بسبب لبن الام نادر وبيكون طفل بيرضع كتير وبنوقف اللبن يوم ولا يومين ونرجع نرضعه تاني

📢لو قالولك انتي خارجة من ولادة وبتاخدي ادوية ومضاد حيوي ومينفعش ترضعي أحسن ينزل للطفل في اللبن

🎯قوليلهم : معظم الادوية بتتوافق مع الرضاعة بشكل عام وكل دوا مش مناسب للرضاعة له بديل وانا متكلمة مع دكتور النسا ان الادوية اللي ممكن احتاجها بعد الولادة تكون متأثرش على الرضاعة الطبيعية

📢لو قاللوك انتي متعورة وقفي رضاعة لحد ما تخفي

🎯قوليلهم الم الرضاعة اللي انا حاسة بيه علشان الطفل ماسك الثدي غلط وانك هتروحي لاستشاري رضاعة طبيعية تعلمك الالتقام الصحيح وقت الرضاعة وان عمر ما كان وقف الرضاعة هيخفف الوجع بل على العكس وقف الرضاعة في الوقت الحرج دا بعد الولادة بكام ييوم هيعملك تحجير والتهاب في الثدي ولا قدر الله خراج

📢لو قالولك الطفل مابيشبعش وعايز يرضع كتير يبقى انتي مش مشبعاه

🎯قوليلهم طبيعى ان الطفل اللي لسة مولود يكون مقبل على الثدي وبتزيد رضاعته بالذات بليل علشان يزيد انتاج لبن الام بالقدر اللي يكفيه وانه في نمط من الرضاعة الطفل في بيفضل يرضع مرات كتيرة قصيرة علشان يزود لبن امه وانك موافقة وعاجبك مادام وزنه بيزيد وانتى مش موجوعة من الرضاعة

واجهي وسلحي نفسك بالمعلومة الصحيحة 💪🏻واستشيري أهل الثقة🧐 وانشري العلم
📢📢 واوعي تستسلمي ❤ وانشري البوست دا خليه يوصل لكل أم مضغوطة وفي حاجة النصيحة 😍💓

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثماري – ميدان الساعة – مدينة نصر
للحجز 📞 010 12340759

26/07/2026

نعتز بثقتكم ♥️♥️♥️

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز والاستفسار : 📞 01012340759

26/07/2026

بوست النهاردة حدوتة من العيادة 📅

ريهام أم بس يادوب من 9 أسابيع .. شايلة ابنها ومخنوقة وتعبانة .. راحت لدكاترة كتير تشتكى من ألم الرضاعة بس مفيش فايدة 😔

بالفحص كانت حلمات الثدي حمرا ومتقطعة .. ومع كل مرة بترضّع زي ماعنيها بتذرف الدموع من الألم صدرها كان بينزف دم من الجرح والوجع 😢 ... بس البيبى وزنه كويس وبيزيد بمعدل طبيعى📈
.. يعنى لبنها كفاية !!!

ريهام بتقول إن آلام الرضاعة مبتنتهيش .. وإنها تعبت ويأست .. و بتفكر توقف المعاناة دى وتفطم ابنها🍼 بس صعبان عليها ومش عارفة تعمل ايه 😥

في رحلة بحثها عن حل لمشكلتها .. نصحوها تستخدم الحلمة السليكون واهو تقلل الألم وبالفعل كانت ترتاحلها يوم يومين وترجع الألام تاني

طيب وضعية الرضاعة أخبارها ايه ؟🤔🤔
المفاجأة إن وضعية الرضاعة والتقام الطفل للثدي كان صحيح يعني مش هو سبب الألام ✔️

ياترى ايه سبب أوجاعها ؟ وليه عندها آلام شديدة لفترة طويلة كدة ؟ 🤔

للاسف استخدام الحلمة السليكون كان حل مؤقت مش بيحل المشكلة اللى طول ماهي موجودة هتفضل تتوجع

بفحص البيبى لقيت إن البيبى بيرضع صح والتقامه للثدي سليم فعلا .. وكان بيحصل على مايكفيه من لبن مامته ☑️ .. صوت بلعه للبن اثناء جلسة الرضاعة كان مسموع حتى هي نفسها قالت انها بتحس بنزول لبنها لابنها وبتسمع صوت بلعه للبن (الصوت الطبيعي مش صوت الكليك اللى بيعبر عن التقام خاطىء)☑️ .. وزنه كان طبيعي على منحنيات النمو وعدد مرات البول والبراز طبيعي جدا☑️

بس ريهام موجوعة!!!! 😔

عشان كدا كان لازم نفحص أكتر ونحدد سبب آلامها 🧐
بفحص فم الطفل لقينا لسانه بيتحرك كويس يعنى مش لسان مربوط
- بس ثواني هو كل لسان بيتحرك كويس يبقى براءة من اللسان المربوط ؟؟؟؟
- لأ طبعا

ودى معلومة انهاردة

🔸 لسان الطفل اللى أمه بتشتكي من آلام شديدة مستمرة في الرضاعة مبتخفش حتى بتظبيط وضعية الرضاعة .. لازم يتفحص كويس لاستبعاد اللسان المربوط من جهة الخلف

🔸ايوه اللسان المربوط الظاهر في الفحص للأم وللطبيب بيكون من النوع الامامي ولكن هناك نوع آخر للسان المربوط وهو اللسان المربوط من جهة الخلف ودا ممكن يعدى على الطبيب وقت الفحص لو فحص بسرعة ومكانش حاطط الإحتمال دا في باله

لما حطيت صباعي في فم الطفل وأنا بفحصه وحسيت جوانب اللسان من الجهة الخلفية اكتشفت السبب لمعاناة الام دى😲

وكانت المفاجأة إن الطفل كان لسانه مربوط من الناحية الخلفية 😲😲ومكنش بيمض صباعي لاخر الفم وبالكاد لسانه بيتحرك وقت البلع ودا اللي بيسبب الام لريهام مع كل مرة بترضع فيها

اللسان المربوط حله جراحى وبمجرد ما تتحل المشكلة تنتهي الالام
وفي امهات بتقدر ترضع في وجود اللسان المربوط بعد تظبيط وضعية مناسبة تتغلب بيها على العيب دا وبدون الحاجة لجراحة

المهم نفحص كويس منتجاهلش شكوى الام وهنلاقي السبب😊

انتظرونا في بوست قريبا عن اللسان المربوط أنواعه وتأثيره عالرضاعة وحلوله
تابعونا

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثماري – ميدان الساعة – مدينة نصر
للحجز والاستفسار : 📞 010 12340759

25/07/2026

جاتلي أم معاها طفلة عمرها 55 يوم بتقول إنها بقالها 25 يوم موقفة رضاعة وإنها رضعتها 30 يوم بس رضاعة طبيعية -- كانوا أيام عذاب بالنسبالها على حد قولها 😔

مرورا بمراحل "صدرك مفيهوش لبن" لــ " البنت بتعيط كتير علشان لبنك خفيف ومش بتشبع" 🙄🙄😠😡

والاهم من دا كله إنهم سابوها مع البنت وتتصرف بقى .. .ماكل الستات مولودة بتعرف ترضع ( خطأ كبير)✖️
متعلمتش تشيل البنت صح وترضع بطريقة سليمة

الام مكنتش تعرف يعني إيه التقام سليم ولما جبت البنت علشان ترضع منها
البنت رفضت الثدي بشدة ودا مفهوم طبعا زي ما وضحت في بوستات سابقة
لأن الطفل اللي جرب الببرونة وسهولتها بيرفض الثدي .. في اللي بيرفض بعد استخدامها بوقت قصير وفي اللي بيصبر شوية بياخد فيهم الببرونة مع الثدي بس بيتغير شكل رضاعته علشان التباس الحلمة اللي حصل
وبتتعور الام وتتشقق الحلمة ويحصل جروح تخليها هي اللي مش عايزة ترضع وموجوعة ومكتئبة وكارهة الرضاعة ووقتها

⬅️ بالفحص البنت دي الحقيقة مكنتش مشكلتها التقام خاطىء فقط
وبفحص البنت كانت شفتها مربوطة ولسانها كمان 🚩 ودا مخليها مش عارفة تفتح بقها وتلتقم التقام سليم ولاتحرك لسانها بنعومة تحت الحلمة
فكانت بتضغط عليها في الرضاعة
ودا سبب رضاعة مؤلمة جدا للأم

ونفس الناس اللي كانوا بيقولوا للام لبنك خفيف مش مكفي ... لما بدأت تشتكي من الام الرضاعة تحولت الضغوط لنوع تاني من عينة 🙄😡
"ماكل الستات بتتوجع" ... "شوية شوية الوجع هيروح "... "دا طبيعي" .. "هي الرضاعة كدا"

انا بعتت البنت لجراح يؤكد التشخيص ويفك ربطة الشفاة واللسان
وبالفعل الأهل اهتموا وراحوا للجراح اللي أكدلهم التشخيص✔️✔️ ... ولكن حصلت العقبة التانية 🚩🚩
إن الجراح رأيه إن في لسان مربوط وشفة مربوطة ولكن بدرجة لا تستدعي الجراحة
ممكن ميتعملوش لانه مش مسببين مشكلات
وإنه هيعملهم على عمر سنتين
وجالي الرد الصادم
إن رأي الجراح ان المشكلة دي لا تتعارض مع الرضاعة
طيب هو مين يقول؟؟؟
لما شكيت في وجود شفة مربوطة ولسان مربوط لم أفتي وأرسلت للجراح هو يؤكد التشخيص ودا الصح
ولكن الجراح أفتى فيما لا يتخصص فيه

هو ليه أنا حاسة إن في حالة عامة من اللا دعم من الضغوطات اللي ملهاش آخر

وكأننا بنعاقب الست اللي نفسها ترضع من غير اوجاع ونقولها هما اختيارين ملهومش تالت
يا ترضعي وانتى موجوعة ومتألمة ... يا مترضعيش
ارحموا الامهات يرحمكم الله

هنفرد بوست نتكلم فيه ازاي الشفة المربوطة او اللسان المربوط ممكن يسببوا مشكلات مع الرضاعة الطبيعية قريبا وازاي نشك فيهم ونرجع للطبيب المختص لتاكيد التشخيص

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز والاستفسار : 📞 010 12340759

24/07/2026

❓❓لو استخدمتي شفاط الثدي ولقيتي اللبن قليل جدا أو مفيش لبن ….. ياترى ايه السبب؟؟

تعالي اقولك ممكن يكون ايه السبب؟!

🔷 لو كنتي ام مرضعة ونازلة الشغل قريب ولبنك على قد احتياجات طفلك بس بدأتي تشفطي علشان تخزني
في الاول هيكون اللبن قليل او مفيش اصلا … بس كملي متقلقيش

🔷 لو شفطتي خلال اول ايام بعد الولادة
لبن السرسوب نادرا مابتعرفي تنزليه بالشفاط … عصري او حطي الطفل على صدرك يرضع وهو هيعرف يمصعه وياخده

🔷لو شفطتي وانتي موجوعة او كان التشفيط بيوجعك … الوجع بيعمل حبسة للبن (يعني في لبن بس مابينزلش)

🔷لو شفطتي وصدرك محجر من تراكم اللبن فيه . صعب ينزل اعملي كمادات دافيه ومساج وجربي تاني

🔷لو شفطتي وانتي بتتابعي نقطة نقطة نازلة .. توتر رهيب واللبن مش هينزل كدا

🔷لو شفطتي وانتي بتفكري انه مفيش فايدة

🔷لو شفطتي متأخر على مايكون صدرك جمع لبن .. غلطة كبيرة

🔷لو شفطتي بشفاط القمع بتاعه مش مقاسك ( واسع او ضيق)

🔷لو شفطتي بشفاط بايظ او موتوره ضعيف

🔷لو شفطتي وانتي متعورة والحلمة مشققه ومفتوحة

❓❓طيب ازاي اتلافي كل الاخطاء دي واعمل ايه علشان استفيد من الشفاط اكبر استفادة؟؟؟

تابعينا علشان تعرفي امتى الشفاط يساعدك في زيادة انتاج اللبن وتعملي ايه علشان تشفطي وتجيبي اكبر كمية لبن من الثدي

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ١٣ عمارات رابعة الاستثماري – ميدان الساعة – مدينة نصر
للحجز 📞 010 12340759

19/07/2026

إيه رأيكم نتعلم الإرادة والثبات من الأم العظيمة دي♥️

نعتز بثقتكم ❤
... وتسعدنا تعليقاتكم وتدفعنا للأمام❤
نسأل الله دائما أن يجعلنا سببا في دعمكم في مسيرة رحلتكم الغالية في الرضاعة الطبيعية💙

☺

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر

للحجز والاستعلام 📞 010 010 12340759

د. ولاء عبد الكريم السيد - استشاري دولي الرضاعة الطبيعية ibclc

12/08/2026

05/08/2026

30/07/2026

29/07/2026

27/07/2026

26/07/2026

26/07/2026

25/07/2026

24/07/2026

19/07/2026

Address

Telephone

Website

Alerts

Contact The Practice

Shortcuts

Share

Category

Listing takedown request