30/09/2023
بعد متابعه حوالي سنه وبعد تأخر انجاب حوالي ١٤ سنه، جاتلي مدام ب.ف ٣٧سنه عايزه تحمل وتاخد منشط تبويض زي ما كانت بتاخد قبل كده، اتكلمت معاها وعرفت التاريخ المرضي والأدوية اللي خدتها قبل كده وفهمتها هنعمل ايه ونمشي خطوه خطوه مع بعض وهي تفهمت وانبسطت ان فيه دكتور شرحلها خطة العلاج والتحاليل والاشعات اللازمه، عملنا الحاجات المطلوبه وطلع عندها ورم ليفي في تجويف الرحم وده كان السبب الرئيسي لمنع الحمل، عملنا عملية منظار رحمي وشيلت الورم الليفي ، وتابعنا مع بعض والحمد لله حملت بعد شهرين من العمليه، وتابعنا الحمل وبدأ الضغط يعلي في اخر الحمل والحمد لله ولدت قيصريه علي ٣٧ اسبوع وربنا رزقهم إياد والحمد لله بصحه كويسه ربنا يبارك فيه، القيصريه كانت مع التاب بلوك ومحستش بالآلام بعد الولاده
