Noha Thabet - مع نهي ثابت

26/04/2026

09/03/2026

إيه العاده اللي نفسك تستمري بيها مع أولادك بعد رمضان

08/03/2026

كنت عاوزه أكلم أولادي عن ليله القدر
و حبيت أوصف لهم أد إيه دي ليله عظيمه
ليله مش زي أي ليله
دي ليله بتتنزل فيها الملائكه و قلت لهم لو إحنا بنشوفهم أكيد كنا هنشوف أجنحتهم مغطيه السما من كثرتهم
و لكوا أن تتخيلوا إن سيدنا جبريل الذي أُنزل علي سيدنا محمد بيتنزل في الليله دي
ليله بتبدء من اذان المغرب و تصعد الملائكه مع أذان الفجر
أبواب خير كتييير بتتفتح كإن معاك كيس كبير بتملي فيه الخير و الصحه و الحاجات الحلوه اللي بتتمنوها و بيترفع عننا شر كتير بنستعيذ منه
ربنا من حبه فينا بيكرمنا و بيحب يعطينا ، يكون هو اللي معطينا و يحازينا خير عل القليل اللي بنعمله
الحمد لله أن الله هو ربنا
و اللهم بلغنا ليله القدر

08/03/2026

ايه العاده اللي نفسك تكتسبيها في رمضان و تستمر معاكي بعده ؟؟

07/03/2026

كلموا الأولاد عن ربنا
أد إيه ربنا بيحبنا و عايز يعطينا خير وفير و من كرمه علينا أنعم علينا برمضان ، و ليله القدر
ربنا الشكور الذي يشكر علي القليل
تخيلي تعملي عباده صغيره جدا في ليله واحده تكون خير من الف شهر
يا كرم ربنا
سبحان الله
إحنا اللي بيتعرفوا من خلالنا علي ربنا ،
عرفوهم عل الرحمن الرحيم القريب الوهاب ذو الفضل
علموهم يدعوه حتي في أبسط الأشياء
علموهم يكلموا ربهم ، يستعينوا بيه , يلجأوا إليه
و ادعوا لهم كتير ، ربنا يهديهم و يملئ صدورهم بالإيمان
الله ربي 🩵

27/02/2026

لو طفل غضبان و
بيبكي.
و رافض كل الحلول ، ماهو دماغه قفلت خالص
وانت واقفه قدامه ، بتحاولي تقنعيه او تهديه ، و تحايليه
و وصلتي لمرحله
هااا
أشيط فيه عشان اقفل الموضوع و ألم الدنيا
و لا اسيبه غضبان و أمشي
و لا أفضل أقوله إهدي إهدي

أو تجيلك الفكره الحلوه دي
تقولي له
"واضح إنك غضبان جدًا"
و تحسسيه إنك فاهمه إنه دلوقتي غضبان
فجأة… هيبدأ يهدأ.

رغم إن اللمشكلة متحلتش أصلا و متكلمتوش لسه فيها …

لكن لأنه حس أنه مفهوم.
و لقي لإحساسه إسم
مجرد ما نسمي مشاعرهم ، بيبدأوا يهدوا ، عشان ف اللحظه دي بيوصل له إنك شايفه و فهمت هو حاسس بإيه

الطريقه أو الأداه دي هي : تسمية المشاعر
جربيها

26/02/2026

في قانون غريب أوي في عالم الأطفال:
يا تري حصل معاكي قبل كده
إن كل ما كان صوتك هادي
كل ما طفلك خد "وقت أطول" عشان يرد او يستجيب لكلامك
وكل ما صوتك كان عالي
تلاقيه يستجيب فورًا…
🫣🫣🫣
إيه رأيك
بدل ما تكرري طلبك 5 مرات 😅

تقربي منه و تلمسي كتفه، وتتواصلي مع عينيه و تطلبي منه

و هتتفاجئي من النتيجه ،
هيستجيب أسرع… وبهدوء كمان
الطريقه و الاداه دي إسمها التواصل البصري والاقتراب الجسدي
الطفل يتفاعل مع الاتصال… أكثر من الكلمات من بعيد لبعيد

24/02/2026

لو بيقابلك التحدي ده و كل ما يشابهه
إن طفلك يرفض يلبس عشان تخرجوا
وأنت بتقولي له : "يلا بسرعة!"
أكيد هيتعامل مع كلمة "يلا" كأنها اقتراح اختياري.، و مش هيلبس لأي سبب عنده
بس الحقيقة؟
المشكلة مش في الطفل…

المشكلة إننا بنطلب، و بيوصل له إحساس إنك بتأمريه
طب ما تجربي بدل ما تقولي
"البس حالًا"
تقولي :
"تحب تلبس التيشيرت الأزرق ولا الأحمر؟"
فجأة…
الطفل اللي كان "رافض تمامًا"
هيحس إن عنده "رأي مهم جدًا في الحياة".

الطريقه دي إسمها : إعطاء خيارات محدودة

الطفل مش هيحس أنه مُجبر…هيحس إن هو المتحكم في الإختيار بس طبعا في الإطار اللي إنت حددتيه 😉
جربيها ☺️

22/02/2026

في رمضان و إحنا بنتعبد لربنا ، أولادنا هيقلدونا و يعملوا زينا
بس مهم نعرفهم علي ربنا اللي بنعبده
هما مش هيقدروا يفهموا اللي مش شايفينه
فمهم نعرفهم علي ربنا باللي هما بيشوفوه و يقدروا يحسوا بيه
من المواقف الصغيرة، الصادقة.

لما نقوله:"شايف الجمال ده؟ ده ربنا اللي خلقه عشاننا." الله الخالق البديع

لما نطمنه:"لو زعلت… ربنا سامعك دايمًا." الله القريب

لما نشوف" شخص بيعطف علي حيوان نقوله دي رحمه ربنا نزلها في قلوب الناس ." الله الرحيم

لما يشوف صبرك عليه لما يغلط ، و مسامحتك ليه ، ده ربنا الغفور بيغفر لخلقه و الصبور علي عباده

مواقف كتيره و لقطات يوميه نقدر نربطهم بربنا ، و يوم ورا يوم يتعرفوا علي الله خالقنا و هما كده كده بالفطره قلبهم جاهز يعرف ربهم
و يعبدوه حبا و علما و تعظيما مش مجرد تقليد لينا

رمضان مش بس شهر نعلم فيه أطفالنا العبادات…رمضان فرصه نعرفهم على ربنا…نحببهم فيه… ونزرع وجوده جواهم.

أجمل هدية ممكن نديها لأولادنا…إنهم يكبروا وقلبهم متعلق بربنا 🤍

09/02/2026

تعرفي إيه عن قانون الوفره ؟؟
ده فكر و قناعه إنت متبنياها، وعيك شايف الفرص، النعم، الإمكانيات… و هتلاحظي إن الحياة بتفتح لك أبواب أكتر. و نجاح غيرك مش بيقلل منك و زي ما هو نجح إنت كمان تقدر تنجح
و إن في خير كتير و فرص حلوه لسه هتيجي و لينا نصيب في الأرزاق الحلوه ،
لما تشوفي حد عنده نعمه ، عندك حسن ظن إن ربنا قادر ينعم عليكي بردوا
مش معني إن حد عنده حاجه يبقي خلاص مش هيجيلك زيها او احسن منها
العكس هو الندره
يعني وعيك دايمًا شايف النقص، المشاكل، الخوف… و تحسي إنهم بيزيدوا.
🔒 عقلية الندرة بتقولك
مفيش فرص كفاية
النجاح محدود
لو غيري كسب… أنا خسرت
دايمًا في مقارنة وخوف
الدنيا محدوده ، و الكل عنده حياه أحسن مني و انا خلاص راحت عليه
الكل بيشتغل و مستقر و انا مليش فرصه
الكل اتجوز و مبسوط و سعيد و انا اللي مليش حظ
الكل عارف يحوش و انا اللي جاي عل اد اللي رايح
دماغك موجهه للضيق و القله و إن مفيش ....

رغم إن ربنا الوهاب الواسع الرزاق الكريم ذو الجود
إزاي يبقي ربنا بيده خزائن السموات و الأرض و إنت محشور في ضيق الأفق
توكلي علي ربنا و سلمي أمرك ليه و الخير هيحاوطك من كل مكان

04/02/2026

No more ROBLOX