26/08/2026
أهلا بيكم
بقالي فتره منتظرة نزول منتج جديد للتخسيس منزلاه شركة LILLY اسمه Foundayo.
متمنية طبعًا إنو يكون فيه فرق في الفاعلية، فاعلية أفضل وسعر أفضل، ويكون مناسب لفئات أكتر تقدر تستخدمه.
الـ Foundayo عقار جديد، المادة الفعالة بتاعته Orforglipron.
جزيء غير ببتيدي
Non-peptide molecule
مصمم إنه يكون مناسب لمستقبلات الـ GLP-1 receptors علشان يدي مفعول مجموعة الـ GLP-1، اللي منها أدوية زي الأوزمبيك.
ومرخص من هيئة الغذاء والدواء الأمريكية FDA كعقار لعلاج السمنة وزيادة الوزن.
فاعليته في نزول الوزن بتوصل في الدراسات لحوالي 7–11% .
مقارنةً بالمونجارو اللي ممكن يوصل متوسط نزول الوزن مع أعلى جرعة مدروسة لحوالي 22.5%.
وده لأن الـ Mounjaro بيشتغل على مستقبلات GLP-1 و GIP، وبالتالي بيدينا Dual action.
💊 أقراص يومية
لا يشترط إنها تتاخد على معدة فاضية، فيمكن تناولها مع أو بدون الأكل، على عكس طريقة تناول Rybelsus.
وهتؤدي وظيفتها، لكن طبعًا زي باقي أدوية الـ GLP-1 ممكن تظهر بعض الآثار الجانبية، زي:
آلام أو اضطرابات المعدة، القيء، الغثيان، الإسهال، والإمساك.
الأقراص غير قابلة للكسر أو الطحن أو المضغ، ومينفعش تتقسم، وبتتاخد كاملة.
وعلى شكل تركيزات مختلفة، وبتبدأ بجرعة منخفضة ويتم زيادتها تدريجيًا حسب استجابة المريض وتحمله للعلاج.
وهنا النقطة الفاصلة في الموضوع، وذات الأهمية الأكبر:
هل السعر مناسب لفاعلية المفترض إنها أقل؟
الحقيقة إن السعر ما زال عالي، ولو هنقارن تكلفة عبوة شهرية من Foundayo بتكلفة العلاج بالمونجارو، لازم نحسب تكلفة الجرعات الموصوفة ومدة العلاج بشكل دقيق.
ومع نسبة نزول في الوزن أعلى مع الـ Mounjaro، فحاليًا يظل هو الاختيار الأقوى من ناحية فعالية نزول الوزن، مع اختلاف الاختيار المناسب من شخص للتاني.
بنرشحه لمين؟
بنرشحه لعملاء رهاب الإبر اللي مش بتفضل الحقن، وهيكون خيار مناسب ليهم بعد تقييم الطبيب لحالتهم.
وفي النهاية، ما نبطلش نحارب السمنة لأنها عدو خفي بيهدد صحتنا، مش بس الشكل الخارجي ❤️
بنتمنالكم رحلة تخسيسية آمنة ومرضية 🌷
صيدلية د/ سحر أبو النصر
