29/08/2026
لو بتحس بـكلبشه أو تقل ووجع في سمانة الرجل والفخذين أول ما تمشي وبتلاقي الحركة بقت صعبة عليك ومش قادر تكمل، ده مش تعب عادى من المشي ولا مجرد كبر سن!
ده إنذار من الجسم بيقولك لازم تكشف في أقرب وقت! ممكن يكون عندك إختناق للقناة العصبيه !
طب إيه المشكله الى بتحصل مع المشى بالضبط؟
1- إختناق و زنقه للأعصاب : المجرى اللي ماشى فيه جذور الأعصاب للرجلين بيضيق، ومع حركة المشى الضغط بيزيد، فتبدأ تحس بالتقل، التنميل، والشد الجامد في الساقين.
2- الراحة مع القعدة: العلامة المميزة جدا للموضوع ده إنك أول ما تقعد أو توطي لقدام شويه زي ما تسند على عربية السوبر ماركت، الوجع والكلبشة بيروحوا، وده لأن القعدة بتوسع القناة العصبية شوية وتخفف الضغط.
علامات بتقولك لازم تروح للدكتور:
1- رجليك بتتقل عليك مش بتشيلك بعد ما تمشى مسافة قصيرة.
2- وجع مسمع من ضهرك أو مقعدتك ونازل لحد سمانة رجلك.
3- تحس إن رجلك بتخونك أو مش قادر ترفع اطراف قدمك وأنت ماشي.
ليه التشخيص المبكر بيفرق معاك جداً؟
1- العلاج بيكون أسهل : لما نلحق الموضوع في أوله , زي أدوية لتقوية الأعصاب ومضادات التهاب مع جلسات العلاج الطبيعى , مع استثناء أسباب اخرى مهمه زى ضعف الدورة الدمويه بالساقيين
2- بتحمي أعصابك: لتجنب حدوث مشاكل أطول أو ضعف دائم في حركة الرجل.
3- ترجع لحياتك الطبيعية: من غير ما تشيل هم الوجع أو تدور على أقرب كرسي تقعد عليه.
لو الأعراض دي بتجيلك أو بتيجي لحد من قرايبك وكبار السن عندك، بلاش تتجاهلها وتعتبرها مجرد إرهاق!
الفحص المبكر عند دكتور المخ والأعصاب أو العمود الفقري وأشعة الرنين هيوفر عليك تعب كتير وهيساعدك ترجع لحياتك الطبيعيه!!
--------------------------------------------------------
قم بزيارة موقعنا الالكترونى الخاص للاطلاع على الخدمات المقدمه من خلالنا, و المعرفه عن المواضيع الصحيه المختلفه, مع تجارب المرضى الذين قاموا بزيارتنا, بالإضافه الى إمكانيه حجز موعدك الخاص باليوم و الساعه فى عيادتنا الشخصيه عن طريق خطوة واحده بدون تسجيل
https://www.aymanneurospine.com/
أو تواصل معنا للحجز و الاستفسار
01028485160
