د. أحمد أبوعبلة - Dr. Ahmed Abu Abla

06/05/2026

استكشاف كل الاصابات الموجودة في الركبة مهم جدا قبل البدء في الاصلاح واعادة بناء الرباط الصليبي الامامي #الركبة #الرباط _الصليبي

10/04/2026

عدم الفرد الكامل بعد عملية الرباط الصليبي الامامي

07/04/2026

مشكلة في الثني للركبة بعد عملية الصليبي

20/03/2026

عيد سعيد علي كل الامة الاسلامية

13/02/2026

أكتر لحظة بيكون فيها الطبيب سعيد لما يحس انه كان ليه دور في تخفيف لحظات صعبة علي اي مريض ويكلل مجهوده بالشفاء بتوفيق من الله.
فالحمد لله علي نعمة الطب
ويارب نكون دايما سبب في شفاء المرضي.

19/01/2026

الجمعة القادمة ان شاء الله ٢٣ يناير
في عيادة مطروح
والسبت عمليات العظام والركبة والرباط الصليبي ومناظير الركبة والكتف
العنوان : برج الطارق – الدور الأول
شارع الإسكندرية تقاطع شارع المحطة
أمام مصنع الثلج
للحجز والاستعلام ٠١٠٩١٩٤٣٥٢٣ - ٠١٠١٨٩٩٧٠٢٢

استشاري جراحة العظام والطب الرياضي . طبيب النادي الأهلي

10/12/2025

في إطار مبادرة "صحتك أمانة"مع"طبيبك الرياضي" للتوعية الطبيه للرياضيين وحماية أبطالنا في الملاعب 💪🏻🥼
بنسلط الضوء النهارده على اصابة من أهم اصابات العظام في الملاعب 👇🏻
خلع مفصل الكتف وعدم ثباته عند الرياضيين… إصابة قد تبدأ بخلعة واحدة وتنتهي بعدم ثبات مزمن ..

💪🏻 مفصل الكتف… المفصل الأكثر حركة والأقل ثباتاً
بيتميز بمدى حركة ضخم بيسمح للرياضيين بأداء الرفع، والرمي، والسباحة، والحركات السريعة فوق الرأس.
ورغم القوة دي، هو واحد من أضعف المفاصل من ناحية الثبات ومع تكرار الأحمال العالية، الأنسجة دي ممكن تضعف وتصبح عرضة للخلع.

❓خلع الكتف… كيف يحدث؟
الخلع بيحصل لما رأس عظمة العضد تخرج من التجويف الحقّاني.
والنوع الأكثر شيوعًا بنسبة 95% هو الخلع الأمامي

👌🏻أسباب الخلع الأكثر انتشاراً بين الرياضيين:
* السقوط على الذراع
* ضربة مباشرة للكتف
* حركات عالية فوق الرأس (السباحة – كرة السلة)
* احتكاك عنيف (كرة القدم – الرجبي)

💥أغلب الرياضيين ما يعرفوش إن الخلع لأول مره غالباً ما يتسبب في :
⬅️ تمزق في الشفا الحقّاني (Bankart lesion)
⬅️ ضعف في الأربطة
⬅️ إصابة في رأس العضد (Hill-Sachs).
وده يخلي المفصل غير ثابت وسهل الخلع تاني.
معظم الرياضيين أقل من 19 سنة بتتراوح نسبة تكرار الخلع بين 90–95% بعد أول إصابة وده رقم خطير جداً لأنه بيأثر على مستقبل اللاعب.

🚹 طرق خلع الكتف عند الرياضيين:

1️⃣ إصابات الإفراط في الاستخدام (Overuse)
متكررة في:( السباحين - لاعبي التنس - لاعبي الرمي - كرة اليد - … )

ازاي الحركات المتكررة بتسبب خلع الكتف؟
⬅️ إجهاد وتعب عضلات الكفّة المدورة
⬅️ تآكل بسيط تدريجي في الشفا الحقاني
⬅️ ضعف أو عدم توازن عضلات الكتف
⬅️ انحشار الأوتار مع الحركة
ده كله بيقلّل ثبات المفصل ويخلّي الكتف أسهل في الخلع مع أي حركة غلط.

2️⃣ الإصابات الحادة (Traumatic)
شائعة في: ( كرة القدم – الرجبي – السلة – الجودو- ..)
وتنتج عن : - سقوط مباشر
- تصادم قوي
- ضربة حادة
وغالباً بتسبب خلع كامل مع تمزق مصاحب.

🚨 الأعراض اللي لازم تخلي اللاعب يوقف فوراً:
* ألم حاد
* فقدان القدرة على الحركة
* تغير واضح في شكل الكتف
* تنميل أو خدر
* إحساس إن الكتف "بيفلت" أو "يطير" في الحركة

🥼التشخيص الطبي يشمل:
* فحص سريري متخصص
* أشعة X-ray لتحديد اتجاه الخلع
* الرنين المغناطيسي MRI للكشف عن:
(تمزق الشفا ، تمزق الكفّة المدورة ، إصابة Hill-Sachs ، تلف الأربطة و العظام ) .

♦️العلاج:
⏺️ الإسعاف الأولي في الملعب
- تثبيت الذراع على الوضع اللي وجد عليه
- عدم محاولة ردّ المفصل بدون طبيب متخصص
- وضع ثلج
- نقل اللاعب للطبيب المختص في الحال
⏺️ العلاج التحفّظي (بدون جراحة)
مناسب للحالات البسيطة :

* رد المفصل: بيقوم الطبيب بإعادة مفصل الكتف إلى مكانه الصحيح ،وممكن يحتاج اللاعب لمسكنات أو مخدر موضعي لتخفيف الألم.
* تثبيت الكتف: بعد رد المفصل، بيتم تثبيته في وضع معين باستخدام حمالة أو دعامة لعدة أسابيع من 3 ل 6 أسابيع عشان تشافي الأنسجة المحيطة .
* الأدوية: بيصف الطبيب مسكنات الألم ومضادات الالتهاب غير الستيرويدية عشان تقلل الألم والتورم، وممكن مرخيات العضلات في حال وجود تشنجات عضلية.
* الراحة وتجنب أي أنشطة .
* العلاج الطبيعي: بعد إزالة دعامات التثبيت، بنبدأ جلسات العلاج الطبيعي عشان تقوية العضلات المحيطة بالكتف، واستعادة نطاق الحركة بشكل تدريجي .
⏺️العلاج الجراحي:
يكون ضروري لو:
- الخلع اتكرر
- وجود تمزق Bankart
- وجود إصابة Hill-Sachs كبيرة
- عدم استقرار شديد
- لاعب محترف في رياضات احتكاكية
الجراحة لتهدف لاسترجاع الثبات ومنع الخلع المتكرر .

💪🏻 العودة الآمنة للملاعب:
اللاعب يرجع لما يوصل إلى قوة 90–100%
➕ حركة كاملة بدون ألم
➕ ثبات كامل للمفصل
➕اجتياز اختبارات الاستقرار
الفترة:
٠ بدون جراحة: 6–12 أسبوع حسب شدة الإصابة
٠ بعد الجراحة: 4–6 شهور مع المتابعة الدورية

💎 الوقاية
* تقوية عضلات الكتف والكفّة المدورة
* تمارين لوح الكتف
* الراحة الكافية وتدرّج الأحمال
* تعليم السقوط الآمن
* فحوصات دورية لمفصل الكتف

👌🏻 الخلاصة:
خلع الكتف مش " اصابة بسيطه "
( الوعي والتشخيص المبكر والعلاج السليم) = ( لاعب أقوى، مسيرة أطول، وأداء آمن )

✍🏻 إعداد: د.أحمد أبو عبله استشاري جراحة العظام واصابات الملاعب - طبيب النادي الأهلي ومنتخب مصر
✨تنفيذ: الإدارة العامة للشئون الطبية - الإدارة المركزية للطب الرياضي

20/11/2025

في إطار مبادرة "صحتك أمانة" مع طبيبك الرياضي'' للتوعية الطبية للرياضيين 🥼💪🏻
بنسلط الضوء النهارده على إصابات العظام في الملاعب .. ⛳️
لما الأداء العالي يتحول لضغط كبير على الهيكل الداعم للجسم!

🔹 العظام هي الأساس اللي شايله جسم الرياضي، بتتحمل السرعة، القوة، الاحتكاك، والاصطدام طول وقت اللعب.
💥لكن لما يزيد الحمل والتدريب، بيبدأ الخطر… والإصابات بتظهر، من إجهاد بسيط لكسور ممكن تغيّر مسار لاعب تماماً.

ومن أخطر الإصابات اللي بتواجه الرياضيين
👇
تمزق الرباط الصليبي الأمامي 🦵🏻Anterior Cruciate Ligament injury
إصابة بتقدر فعلاً تغيّر مسار لاعب!
و بتنهي مواسم لاعبين كتير ..
بتحتاج تشخيص وعلاج مظبوط.

🔹 الركبة هي مفصل القوة والتحكم في الحركة، والرباط الصليبي الأمامي مسؤول عن ثباتها وقت الجري أو القفز أو تغيير الاتجاه.

❓ الرباط الصليبي الأمامي هو إيه؟
واحد من ٤ أربطة رئيسية في مفصل الركبة، بيربط بين عظمة الفخذ وعظمة، يمنع انزلاق عظمة الساق ويحافظ على الركبة في الحركات المفاجئة.

💥 الإصابة بتحصل إزاي؟
غالبًا بتحصل بسبب:
- توقف مفاجئ بعد جري سريع.
- تغيير فجأة.
- القفز والهبوط بشكل غلط.
- صدمة مباشرة في الركبة مع اخر.

أوقات بيتسمع صوت "فرقعة" وقت الإصابة، بعدها ألم شديد وتورم بيظهر بسرعة في خلال ساعات.

🩻 درجات التمزق:
• الدرجة الأولى: تمدد بسيط في الرباط.
• الدرجة التانية:تمزق جزئي Partial tear
وده ممكن يتعالج بالراحة والعلاج الطبيعي.
• الدرجة التالتة: تمزق كامل tear وغالباً بيحتاج تدخل جراحي لإعادة بناء الرباط.

👌🏻 التشخيص بيتم إزاي؟
اختبار لاكمان (Lachman Test)
بيُقّيم الطبيب مقدار للركبة
بالنسبة لعظم الفخذ، حيث يشير (soft end-feel) إلى تمزق الرباط.
• اختبار بيفوت شيفت (Pivot Shift Test) لتقييم عدم الاستقرار الدوراني في الركبة، والذي ما يرتبط بتمزق الرباط الصليبي.
• ⁠أما التصوير المغناطيسي (MRI)، فيُعد الأداة التشخيصية الأكثر دقة، حيث يوفر صو ًرا مفصلة للأنسجة الرخوة والأربطة، ويساعد على استبعاد أي كسور عظمية.
🧠 الإهمال في أو العلاج بيعمل إيه؟
- فقدان ثبات الركبة وتكرار الخلع .
- خشونة مبكرة في الغضاريف.
- ضعف الأداء الرياضي وصعوبة الرجوع للمستوى القديم.

💪 برنامج التعافي:
- تقليل التورم واسترجاع حركة الركبة.
- تقوية عضلات الفخذ وأوتار الركبة.
- تمارين التوازن والتحكم العصبي العضلي.
- رجوع تدريجي للتدريب تحت إشراف الطبيب.

🧩 الوقاية هي الأساس:
✅ إحماء كويس قبل اللعب.
✅ تقوية عضلات الفخذ وأوتار الركبة.
✅ التركيز على الهبوط الصحيح بعد القفز.
✅ فحص دوري لو في إحساس بعدم ثبات.

أهِّل جسمك ، قوي عضلك ، تقي عظمك ..

✍🏻 إعداد: د.أحمد أبو عبله استشاري جراحة العظام واصابات الملاعب - طبيب النادي الأهلي ومنتخب مصر
تنفيذ: الإدارة العامة للشئون الطبية - الإدارة المركزية للطب الرياضي

03/11/2025

الجمعة القادمة ان شاء الله ٧ نوفمبر
في عيادة مطروح
والسبت عمليات العظام والركبة والرباط الصليبي ومناظير الركبة والكتف
العنوان : برج الطارق – الدور الأول
شارع الإسكندرية تقاطع شارع المحطة
أمام مصنع الثلج
للحجز والاستعلام ٠١٠٩١٩٤٣٥٢٣ - ٠١٠١٨٩٩٧٠٢٢

استشاري جراحة العظام والطب الرياضي . طبيب النادي الأهلي

29/07/2025

الحمدلله
مناقشة رسالة الدكتوراه. كل الشكر والتقدير والاحترام لكل اساتذتي الكرام