Trust Rania

29/06/2026

� أحيانًا… أول خطوة نحو التغيير هي أن تمنح نفسك فرصة

11/05/2025

الصدمات النفسية.......
الصدمات النفسية بتكون تجربة مؤلمة ومؤثرة على حياتنا، وبتأثر على صحتنا النفسية والعاطفية لكن ممكن نتعلم ازاي نتعامل مع الصدمات دي ونقدر نتجاوزها.
البرمجة اللغوية العصبية واحدة من أنجح التقنيات في التعامل مع الصدمات النفسية ...
البرمجة اللغوية العصبية بتساعدنا نغير نظرتنا السلبية تجاه الصدمة، ونركز على الجوانب الإيجابية ، بتساعدنا نتعامل مع المشاعر السلبية اللي بتسببها الصدمة، زي القلق والخوف وأحياناً الغضب .
البرمجة اللغوية العصبية بتساعدنا نستعيد ثقتنا بنفسنا، ونقدر نتغلب على شعور العجز ال ممكن بكون مسيطر علينا في المرحلة دي .
البرمجة اللغوية العصبية مش بس بتساعدنا نتعلم من التجربة الصعبة، لكن كمان نستخدمها كفرصة للنمو والتطور.
في تقنيات كتير في البرمجة اللغوية العصبية بتساعد في التغلب على الصدمات النفسية زي استخدام التخيل لتغيير المشاهد السلبية وتحويلها لمشاهد إيجابية ، استخدام التنويم الايحائي للوصول للعقل الباطن وتغيير الأفكار السلبية ، إعادة صياغة الأفكار السلبية وتحويلها لأفكار إيجابية من خلال فك الروابط السلبية واستبدالها بروابط إيجابية .
البرمجة اللغوية العصبية بتقدم لنا أدوات قوية للتغلب على الصدمات النفسية. باستخدام تقنياتها، ممكن نتعلم ازاي نتعامل مع الصدمات ونتجاوزها، ونبني حياتنا من جديد بشكل أقوى وأكثر إيجابية.
دمتم أصحاء....
🤍

10/05/2025

مش دايماً بتكون المشاكل الكبيرة هي اللي بتخرب العلاقات، لكن تراكم الخيبات الصغيرة والتصرفات اللي بتجرح الطرف التاني. لما بنستهين بزعل حد قريب مننا أو نكرر الأخطاء اللي بتجرحه، ده بيخلق شعور بالتجاهل وعدم التقدير.

في علاقات كتير بتتأثر بسبب تراكم الحاجات الصغيرة دي، زي عدم الاهتمام بالتفاصيل اللي بتفرق مع الطرف التاني، أو عدم تقدير مشاعره. عشان كده، مهم جداً إننا نكون منتبهين لتصرفاتنا وكلامنا مع اللي بنحبهم، ونحاول نصلح الأمور بسرعة لما يحصل خلاف.
خلي بالك أسوأ إحساس ممكن توصله لإنسان قريب منك هو أن تستهين بزعله؛ أنك تكرر نفس الأخطاء والتصرفات التي تجرحه.. لا يوجد أسوأ من أن يشعر أحدهم باختلال تقديره عندك، بعد ما كان يظن نفسه في منزلةٍ عالية.نحن لا نخسر علاقاتنا عادة بمشاكل كبيرة حاسمة، بل بتراكم الخيبات......
الاحترام والتقدير هما أساس أي علاقة ناجحة، ولو فقدناهم، فقدنا معهم اساسيات العلاقة الناجحة ال بنتمناها.....
دمتم أصحاء....🤍

06/05/2025

"المرونة في مواجهة الحياة؛

الحياة مش دايماً بتكون سهلة، وفي أوقات كتيرة بنواجه تحديات وضغوطات بتأثر على نفسيتنا وصحتنا. عشان كده، المرونة بقت حاجة مهمة جداً في حياتنا. المرونة مش معناها إنك ما تتأثرش، لكن معناها إنك تقدر تواجه التحديات وتتغلب عليها.

عشان تكون مرن، لازم *تتحمل المسؤولية* عن حياتك وماتستناش حد يغيرها. لما تاخد القرارات بنفسك، هتكون أكتر قدرة على التحكم في حياتك وتغييرها للأحسن. ولو عملت أخطاء، *اتعلم منها* وافتكر إنها فرص تتعلم منها، مش حاجة تخوف. كده هتكون أكتر نجاح في مواجهة التحديات.

*ركز على الإيجابية* في حياتك، وافتكر دايماً إن كل مشكلة وليها حل. الإيجابية بتساعدك تشوف النور في آخر النفق، وهتخليك أكتر قدرة على التعامل مع الضغوطات. ولما تكون إيجابي، هتكون كمان *مهتم بنفسك* وبتخص وقت للراحة والرياضة، وده بيفرق كتير في صحتك النفسية والجسدية.

وأخيراً، *ابني شبكة دعم* من ناس إيجابية بيدعموا بعض. الدعم من الناس اللي حواليك بيفرق كتير في قدرتك على مواجهة الضغوطات والتحديات. لما تكون مرن، هتقدر تواجه أي حاجة تيجي في طريقك وتتغلب عليها.....
دمتم أصحاء.....
🤍

30/04/2025

كل ما تعبر عن مشاعرك اكتر كل ما تشعر بمشاعر الاخرين، وكل ما تكبت مشاعرك كل ما تتجاهل مشاعر الاخرين....
عبر عن مشاعرك واوعي تخاف...🤍

25/04/2025

الاستحقاق معناه الشعور بأنك تستحق الاشياء الجيدة في الحياة زي الحب والنجاح والسعادة....
بس خلي بالك لازم توازن بين شعور الاستحقاق الصحي وغير الصحي ؛،
شعور الاستحقاق الصحي هو شعور انك تستحق الاشياء الجيدة ، لأنك شايف نفسك بشكل إيجابي وقادر تقيمها بشكل صحيح وبالتالي ثقتك بنفسك هتزيد تلقائيا، هتسعي لتحقيق أهدافك، هتقدر تحدد أحتياجاتك وتعرف تطالب بيها ، لكن
شعور الاستحقاق غير الصحي قد يكون استحقاق مبالغ فيه ، وهنا تظهر أهداف غير واقعية وبالتالي عدم القدرة علي تحقيقها مما يولد شعور بالأستياء والاحباط أو الغضب مما يؤثر علي علاقاتك بالمحيطين بك او استحقاق منخفض يشعرك انك غير جدير ولا تستحق الاشياء الجيدة وبالتالي تتردد في طلب احتياجاتك أو حتي التعبير عنها وتقبل بالاوضاع حتي لو تستحق ان تكون في وضع افضل بكثير....
وفي الحالتين يجب بذل الجهد للوصول للوضع الأنسب بالنسبه لكل شخص علي حدة ، والعمل علي التوازن الصحي بين الشعور بالاستحقاق والعمل الجاد لتحقيق الأهداف.....ودايما كرر جملة (انا استحق السعادة ، انا استحق النجاح )
لأنك فعلا تستحق....🤍

22/04/2025

خليك متأكد ان حديث النفس غالباً هو حديث سلبي ، افكار واحداث محبوسة جواك انت وبتلف في دايرة مقفولة ، حاول تستخدم كلمات إيجابية في حديثك مع نفسك ، طور من طريقة تفكيرك لانك طول ما بتفكر بنفس الطريقة مستحيل توصل لنتائج مختلفة ، خليك مستمع جيد وافهم وجهات نظر الحواليك يمكن دا يساعدك ، اتعلم تتحكم في انفعالاتك ، وتفهم مشاعرك وتسميها بمسمياتها وتتعود تعبر عنها صح عشان هو ده ال هيساعدك تفهم نفسك ويحسن علاقاتك بالاخرين ،
خليك دايماً مركز علي اللحظه ال انت بتعيشها، وبلاش تقلق علي المستقبل ولا تندم علي الماضي.....خليك إيجابي 🤍

19/04/2025

طول الوقت شايفين ولادنا لسه صغيرين ، خايفين يغلطوا ، عاوزينهم يعملوا كل حاجة صح....بس الصح دا من وجهة نظرنا احنا مش وجهة نظرهم هما....!!!!!
علي فكرة....ولادنا بيكبروا ، بيتعلموا وبيكتسبوا خبرات في الحياة ، عشان كدة لازم نصاحبهم من بدري ، نعلمهم ازاي يحددوا احتياجاتهم ويعرفوا قدراتهم ولما ياخدوا قرار ازاي يتحملوا مسؤليته.....!!!!
كل دا واحنا معاهم بنسندهم وندعمهم واكيد ننصحهم بس ساعتها مش هنخاف عليهم....هنعرف ان ولادنا كبروا ويستحقوا يختاروا حياتهم زي ماهما عاوزين يعيشوها.....🤍

18/04/2025

18/04/2025

🤍💙