Dr Nahla khalil عيادة د نهلة خليل للأطفال والرضاعة الطبيعية

  • Home
  • Egypt
  • Cairo
  • Dr Nahla khalil عيادة د نهلة خليل للأطفال والرضاعة الطبيعية

Dr Nahla khalil عيادة د نهلة خليل للأطفال والرضاعة الطبيعية استشارى دولى الرضاعة الطبيعية /استشارى طب الاطفال وحديثي الولادة والسكر والغدد فى الاطفال

استشاري طب الاطفال وحديثى الولادة وسكر وغدد الأطفال استشاري دولي الرضاعة الطبيعية العنوان: ع ٦٤ الاتحاد التعاونى مدين...
09/08/2026


استشاري طب الاطفال وحديثى الولادة
وسكر وغدد الأطفال
استشاري دولي الرضاعة الطبيعية

العنوان: ع ٦٤ الاتحاد التعاونى مدينة الشروق-القاهرة
للحجز 01097554209

جلسة ما قبل الولادة.. Antenatal class 🌸بداية رحلة رضاعة طبيعية ناجحة👩‍🍼 الجلسة دي بتعتبر خطوة أساسية علشان الأم تكون مس...
06/08/2026

جلسة ما قبل الولادة.. Antenatal class 🌸

بداية رحلة رضاعة طبيعية ناجحة

👩‍🍼 الجلسة دي بتعتبر خطوة أساسية علشان الأم تكون مستعدة من بدري:
✨التعرف على احتياجات الطفل النفسية والبدنية من اول الولادة (الساعات الذهبية )
✨ التعرف على فوائد الرضاعة الطبيعية للطفل والأم
✨ بتتعلمي الأوضاع الصحيحة للرضاعة الطبيعية عشان تحمي نفسك والبيبي من مشاكل زي تشققات الحلمة أو قلة اللبن.
✨ بتعرفي إزاي تتعاملي مع طفلك : ملامسة الجلد للجلد، وعلامات الجوع والشبع.
✨ بنجاوب على كل أسئلتك ونوضحلك التحديات اللي ممكن تقابلك وإزاي تتغلبي عليها.

💡 لأن فعلاً الوقاية خير من العلاج، تجهيزك بالمعلومة والدعم قبل الولادة بيخلي بداية علاقتك بطفلك أسهل وأجمل.

📌 احجزي جلستك من دلوقتي وكوني مستعدة لاستقبال طفلك بثقة وراحة 💕




استشاري طب الاطفال وحديثى الولادة
وسكر وغدد الأطفال
استشاري دولي الرضاعة الطبيعية

العنوان: ع ٦٤ الاتحاد التعاونى مدينة الشروق القاهرة
للحجز 01097554209

بمناسبة الأسبوع العالمي للرضاعة الطبيعية 🤱الرضاعة الطبيعية مش مجرد وسيلة لتغذية الطفل، لكنها بداية رحلة مليانة حب، واحتو...
05/08/2026

بمناسبة الأسبوع العالمي للرضاعة الطبيعية 🤱

الرضاعة الطبيعية مش مجرد وسيلة لتغذية الطفل، لكنها بداية رحلة مليانة حب، واحتواء، وصبر، وعطاء في كل لحظة.

كل رضعة هي خطوة بتقوي مناعة طفلك، وتدعم نموه، وتخلق بينكم رابطًا مميزًا يفضل معاه طول العمر.

لكل أم بتخوض الرحلة دي، سواء كانت سهلة أو مليانة تحديات… إنتِ بتقدمي أعظم هدية لطفلك كل يوم. فخورة بنفسك، وافتخري بكل مجهود بذلتيه، لأن كل خطوة بتعمليها بتفرق في صحته ومستقبله

كل الدعم والتقدير لكل أم في رحلتها مع الرضاعة الطبيعية ❤️

طفلك مش "مقلبظ" وبسصحة أطفالنا في خطر! 🚨كتير بنشوف الأطفال فرحانين بالحلويات والعصائر الجاهزة، وبنقول "معلش خليه يفرح".....
31/07/2026

طفلك مش "مقلبظ" وبس

صحة أطفالنا في خطر! 🚨

كتير بنشوف الأطفال فرحانين بالحلويات والعصائر الجاهزة، وبنقول "معلش خليه يفرح"..
بس الحقيقة اللي كشفتها الأبحاث الطبية
وهى ان نسب الإصابة بمقاومة الأنسولين، السمنة المبكرة، وحتى السكر من النوع الثاني بين الأطفال زادت بشكل غير مسبوق! 💔
و ده بقينا نشوفه كتير فى العيادة

عشان كدة السكريات والمأكولات المصنعة مش بس بتزود الوزن، دي بتجهد البنكرياس من سن صغير
وبتبدأ رحلة مقاومة الأنسولين اللي بتأثر على طاقتهم، تركيزهم في الدراسة، وصحتهم ونموهم النفسي والبدني.

طب إيه العلامات اللي لازم ناخد بالنا منها؟

⚠️ ظاهرة غمقان الجلد في مناطق زي الرقبة أو تحت الإبط
⚠️ زيادة ملحوظة في دهون منطقة البطن.
⚠️ الخمول والكسل المستمر بعد الأكل.
⚠️ طلب السكريات والحلويات بشكل مستمر.

📌الحل يبدأ من "البيت".. وخطوات صغيرة بتعمل فرق كبير:
1️⃣ استبدل مش تمنع مرة واحدة:
بدل العصير المصنع، قدم فاكهة كاملة بأليافها. وبدل الحلويات، اعمل شيكولاتة دارك أو حلويات صحية بالبيت بمكونات طبيعية (زي التمر والشوفان).
2️⃣ الأكل الحقيقي يرجع للسفرة:
اعتد على تقديم الخضروات، البروتين (بيض، دجاج، سمك)، والدهون الصحية (زيت زيتون، مكسرات) عشان الطفل يشبع لفترة أطول ونحافظ على ثبات مستويات الأنسولين.
3️⃣ الرياضة والحركة:
قلل وقت الشاشات (الموبايل والتليفزيون)، وشجعهم على الحركة، اللعب، أو ممارسة رياضة يحبوها.

صحة أولادنا أمانة في إيدينا، والأكل الصحي مش رفاهية... ده حماية لمستقبلهم! ❤️





لكل أم جديدة بتخوض تجربة الرضاعة لأول مرة.. البوست ده عشانك ❤️👶أول كم أسبوع بعد الولادة بتكون رحلة جديدة ومربكة شويةوأكث...
25/07/2026

لكل أم جديدة بتخوض تجربة الرضاعة لأول مرة.. البوست ده عشانك ❤️👶

أول كم أسبوع بعد الولادة بتكون رحلة جديدة ومربكة شوية
وأكثر سؤال بيلف في دماغ كل مامي جديدة :
"هل لبني كافي؟
وليه البيبي بيبكي طول الوقت؟" 🤔

تعالي أقولك على أسرار صغيرة هتريحك وتطمنك جداً:
1️⃣ معدة طفلك صغيييرة جداً! 🍼
في اليوم الأول، معدة البيبي بتكون في حجم حبة الكريز
في اليوم الثالث، بتبقى في حجم حبة اللوز (عين الجمل).
وفي الأسبوع الأول، بتبقى في حجم بيضة صغيرة

عشان كده، طبيعي جداً البيبي يرضع كميات صغيرة ويطلب يرضع كتير، وده مش معناه إطلاقاً إن لبنك قليل!

2️⃣ "السر في العرض والطلب" ✨
كل ما البيبي يرضع أكثر، كل ما جسمك بياخد إشارة إنه ينتج لبن أكتر. وبلاش تستعجلي على الببرونة
لأن جسمك بيفهم احتياج طفلك وبيضبط نفسه عليه

3️⃣ إزاي تعرفي إن البيبي شبعان؟ 🧐
بلاش تقيسي الشبع بمدى بكاء الطفل، وقيسيها بالحفاضات!
لو البيبي بيبلل من ٤-٥ حفاضات في اليوم
وبيزيد في الوزن بشكل طبيعي مع المتابعة
يبقى تطمني، طفلك أخد كفايته وزيادة!

4️⃣ وضعية الرضاعة الصح = رضاعة بدون ألم 👍
لو حاسة بألم أثناء الرضاعة، ده غالباً معناه إن طريقة التقام البيبي للثدي محتاجة تعديل

💡 الرضاعة الطبيعية رحلة محتاجة صبر ووقت، وطبيعي تحسي بالتعب في الأول. اطلبي الدعم من زوجك والمحيطين بيكي
ولو قابلتى اى صعوبة استشيري "استشارية رضاعة طبيعية"

أنتي بتعملي أعظم مجهود في الدنيا، وطبطبي على نفسك ومتقارنيش تجربتك بحد ❤️✨

شاركي البوست مع كل مامي جديدة محتاجة تطمن! 🤰


استشاري طب الاطفال وحديثى الولادة
وسكر وغدد الأطفال
استشاري دولي الرضاعة الطبيعية

العنوان: ع ٦٤ الاتحاد التعاونى مدينة الشروق-القاهرة
للحجز 01097554209

مقال مهم ل دكتور احمد خليل استشارى المخ والأعصاب عن تأثير استخدام السوشيال ميديا وخطورته على الاطفالhttps://style.ahram....
18/06/2026

مقال مهم ل دكتور احمد خليل استشارى المخ والأعصاب عن تأثير استخدام السوشيال ميديا وخطورته على الاطفال

https://style.ahram.org.eg/News/240931.aspx

د. أحمد خليل - عيادة أمراض المخ والأعصاب

أدام الله بهجة أعيادكم بقرب من تحبون كل عام وأنتم بخير عيدك مبارك عليكم 🌹🌹
27/05/2026

أدام الله بهجة أعيادكم بقرب من تحبون
كل عام وأنتم بخير
عيدك مبارك عليكم 🌹🌹

ندخله فى خطة العلاج بعد كدة😄
19/05/2026

ندخله فى خطة العلاج بعد كدة😄

الحكاية الرابعة: "سكر الأطفال (النوع الأول)" 🩸ابني سكره عالي.. هل ده معناه إن حياته وقفت؟ 🩸✨بنشوف في العيادة دموع كتير م...
13/05/2026

الحكاية الرابعة: "سكر الأطفال (النوع الأول)" 🩸

ابني سكره عالي.. هل ده معناه إن حياته وقفت؟ 🩸✨

بنشوف في العيادة دموع كتير من الأمهات أول ما بيعرفوا تشخيص "السكر النوع الأول"، وبيفتكروا إن الطفل هيتحرم من كل حاجة

يا مامي، "بطل السكر" يقدر يعمل كل اللي زمايله بيعملوه.. بس بنظام أذكى وأكل صحى

طيب ازاى نكتشف بدرى؟!

أعراض لو شفتيها لازم نتحرك فوراً:
1. طفلك بدأ يشرب مية بكميات مش طبيعية (عطش دايم).
2. بيدخل الحمام كتير، وممكن يرجع يبلل فراشه وهو نايم بعد ما كان اتحكم في نفسه.
3. بياكل كويس جداً بس وزنه بيقل بشكل ملحوظ.
4. خمول وتعب من أقل مجهود.

ليه التشخيص البدري بيفرق؟
لأننا بنحمي الطفل من "حموضة الدم"، وبنبدأ نعلمه إزاي يتعايش مع السكر كأنه "صاحبه". السكر مش حرمان، السكر هو "تنظيم" للنشويات مع جرعات الأنسولين المظبوطة.
في عيادتنا، مش بس بنظبط جرعات، إحنا بنعلمك إزاي تحسبي الكربوهيدرات، وإزاي طفلك يلعب رياضته المفضلة وهو مطمن.
بطلنا الصغير يقدر يكون بطل رياضي، مهندس، أو دكتور.. السكر مجرد "تفصيلة" في حياته مش هي اللي بتحدد مستقبله.




•
Dr Nahla Khalil Kids Clinic
• العنوان: الاتحاد التعاوني، مدينة الشروق.
• رقم الحجز01097554209

❌ بلاش "وصفة جارتك" تدمر هرمونات طفلك!يا مامي، بلاش أول ما طفلك يجيله تسلخات أو حساسية تجري تجيبي كريم فيه "كورتيزون" وت...
04/05/2026

❌ بلاش "وصفة جارتك" تدمر هرمونات طفلك!

يا مامي، بلاش أول ما طفلك يجيله تسلخات أو حساسية تجري تجيبي كريم فيه "كورتيزون" وتدهني منه كتير ومن نفسك. الموضوع مش مجرد كريم بيخفف الجلد، ده خطر حقيقي!

ليه الكورتيزون الكتير خطر؟
جسم الطفل بيمتص الكورتيزون ده بسرعة كبيرة، ولما بنستخدمه عمال على بطال ومن غير إشراف طبي، الجسم بيتلخبط وهرموناته بتتأثر. ده للأسف ممكن يسبب "بلوغ مبكر".. يعني تشوفي علامات بلوغ على طفلك وهو لسه صغير جداً، وده بيأثر على طوله ونموه الطبيعي وحالته النفسية قدام.

نعمل إيه؟:
• ممنوع أي كريم فيه كورتيزون يدخل البيت أو يلمس جلد طفلك إلا بوصفة طبية دقيقة.

• التزمي بالكمية والمدة اللي بيقول عليها الدكتور بالظبط.
• تسلخات الحفاض البسيطة حلها النظافة والتهوية وكريمات الزنك الآمنة.

صحة ولادنا أمانة، بلاش نجازف بيها عشان استسهال

Address

Https://maps. App. Goo. Gl/7iFtTvNzBbfVtmpb8?g_st=iw, , ٦٤ عمارات الإتحاد التعاونى/مدينة الشروق
Cairo

Opening Hours

Monday 5pm - 11pm
Tuesday 5pm - 11pm
Wednesday 5pm - 11pm
Thursday 5pm - 10pm
Saturday 5pm - 11pm
Sunday 6pm - 10pm

Telephone

+201097554209

Website

Alerts

Be the first to know and let us send you an email when Dr Nahla khalil عيادة د نهلة خليل للأطفال والرضاعة الطبيعية posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Nahla khalil عيادة د نهلة خليل للأطفال والرضاعة الطبيعية:

Shortcuts

Share

Category