25/08/2026
قبل ما تكون انت لازم تكون إنسان بأخلاق و ذوق و متعبش فى شغل حد قبلك 😊
عن سلم التأهيل... وجبر الخواطر 🌿
في الجلسات الأونلاين، الأم بتكون قاعدة بتكتب ورايا كل ملاحظة عشان تطبق في البيت.. وفي وسط الكلام تقولي:
"يا دكتور إحنا بقالنا ٦ سنين تأهيل، وأول مرة أسمع عن المهارة دي!" او " احنا مشتغلناش على دة
الحقيقة إن المهارات زي السلم، لازم نطلعها خطوة خطوة، ولو وقعت مننا درجة.. بتأثر على كل اللي بعدها.
بس مش بعد كل الارهاق والتعب والمشوار ده هنيجي نطفي أملها أو نضايقها.. كفاية عليها تفكير وإرهاق وإحساس بالمسؤولية.
عشان كده ردي دايماً بيكون :
"ولا يهمك، هنشتغل عليها عادي.. اللي قبلينا عمل أقصى ما عنده وإحنا بنكمل وراه، ولو حاجة وقعت بنعيدها مرة واتنين وتلاتة لحد ما نتقنها."
التأهيل مش مجرد أهداف بنعلم عليها، التأهيل جبر خاطر واحتواء للأم قبل الطفل، لأن سلامها النفسي وطمأنينتها هي اللي بتوصلنا لأفضل نتائج. ❤️✨
