Teemah

18/06/2026

https://youtu.be/052M8mEUdz0?si=XU0lnVjmSEr77Zzi

🎨 أسعدنا أننا من مؤسسي ملتقى الإبداع للعلاج بالفنون التعبيرية 🥰
تلك التجربة الملهمة التي جمعت بين الإبداع والوعي النفسي في مساحة واحدة.

هذا الويبينار المجاني هو اللقاء التأسيسي الاول والمدخل العملي لـ "دبلومة إعداد معالج بالفنون التعبيرية" المعتمده دولياً من البورد الامريكي✨️

نتطلع للقائكم لنبدأ معاً مسيره علميه وعمليه و مشاركتم لخبراتنا العلميه والمسيره العمليه ضمن محاور الدبلومة المتعدده والمتنوعة والتي تتناول العديد من طرق وأساليب العلاجات التعبيريه✨

Enjoy the videos and music you love, upload original content, and share it all with friends, family, and the world on YouTube.

15/06/2026

شاركونا رأيكم في اولى حلقات البودكاست
🖼️ 🎨🖌️ حكايتنا بالفن 🖍️🥁🪇🎭
مع رضوي و نجلا 🤍
مش لازم تبقى فنان.
ولا محتاج موهبة.
بس محتاج مساحة آمنة تعبّر فيها.

الفن بيبدأ يتكلم لما الكلام يعجز عن التعبير

استمع لأول حلقة من حكايتنا بالفن 👇
حتلاقي اللينك بأول كومنت

17/05/2026

جانب من فعاليات علاج الضغوط النفسية بالفنون التعبيرية
تنفيذ لجنة المرأة

من خلال الرسم... والحكي
اتفتح باب للابداع ...

الفنون أحيانًا بتقول اللي الكلام بيعجز عنه 🎨

ممتنة لكل سيدة شاركتني رحلتها
وممتنة للحظات الصدق اللي حصلت 🌸


#أمل

22/04/2026

"أنا مش لوحدي"
كانت دي الجملة اللي لمست قلوب كتير النهارده 🩷

من خلال الرسم... والحكي
اتفتح باب للأمل والتعبير

الفنون أحيانًا بتقول اللي الكلام بيعجز عنه 🎨

ممتنة لكل سيدة شاركتني رحلتها
وممتنة للحظات الصدق اللي حصلت 🌸


#أمل

19/03/2026

كل عام وأنتم بخير 🤍
عيد سعيد عليكم وعلى أحبابكم 🎉

السعادة في أبسط اللحظات، في ضحكة صادقة، ولمّة حلوة مع الأحباب 💙
أتمنى لكم عيد مليان فرحة وراحة بال 🌙✨

مع أطيب التمنيات من د. رضوى صلاح 🌷

24/02/2026

مش كل مرة بنفتح ذراعنا علشان نستقبل حد…
أحيانًا بنحتاج نستقبل مشاعرنا نفسها.
في لحظات معينة، الواحد ما بيبقاش محتاج كلام، ولا تبرير، ولا حتى سبب للفرح…
يكفي إننا نستقبل مشاعرنا زي ماهي🥰
المشاعر مش دايمًا بتبقى واضحة، بس ساعات بتبقى واسعة…
واسعة زي الأفق، هادية زي الموج، وخالية من أي حمل تقيل.
الحرية مش إننا نمشي بعيد…
الحرية إننا نوصل لمرحلة نقول فيها:
أحنا راضين، وممتنين، ومستعدين نستقبل مشاعرنا الجاية حلوه أو صعبه هاديه أو متعبه المهم انه نكون متقبلينها زي ماهي🌷
" العلاج بالفنون التعبيريه " بيمنحنا مساحة واسعة وآمنه لاستقبال مشاعرنا زي ما هي، مش بس نستقبلها وكمان نتواصل معاها ونفهما.
هنا… ودلوقتي، مستعدين تستقبلوا مشاعركم؟ ☺️

23/02/2026

*انتظروني الليله في منتدي الخير منتدى دكتوره منيره السروجي 🌸
ميعادنا الاثنين
23/2/2026
الساعه 9مساء
هكون معاكم " د. رضوي صلاح"🌸
و محاضره جديده ومفيده جدا
*بعنوان*
"العمليات العقلية والوجدانيه في العلاج باللعب "
لكل المهتمين
بالتخاطب
و الدعم النفسي
و الارشاد الاسري و الزوجي
و تعديل السلوك
و الكوتشينج
الدعم النفسي بالفنون
منتظرينكم جميعا بكل حب وعطاء
رمضان يجمعنا🌟🌙🌟🌙
رمضان كريم 🌟🌙🌟🌙
وسهره رمضانيه جميله 🌟🌙🌟🌙






في انتظاركم جميعا بكل حب*
https://www.facebook.com/share/g/1CcKGDthqk/

19/02/2026

مش مجرد ورقة، ولا مجرد شهاده هتتبروز
أخيرا شهادة الدكتوراه 🤩🤩
ملايين من التفاصيل لا يعلمها إلا الله...
تعب ومجهود ٦ سنين بدأت الحكايه في ٢٠٢٠ و حصدت النتيجه في ٢٠٢٦ سنوات كانت بالعمر كله 😍
أوقات كنت بفقد البوصله وأقول هو إيه الفايده أنا ليه عامله في نفسي كده و أرجع استجمع قوتي تاني من كلمة تشجيع من صديق أو نظره من طفل قدرت أساعده يكون افضل أو دعوه أم قدرت أساعدها بفضل الله و بفضل العلم الي بتعلمه، من التغيير إلي حصل ليا ولولادي للافضل وإني أقدر أكون قدوه حسنه ليهم، من دعاء المتدربين لما بدأت في طريق تدريب العلاج بالفنون التعبيريه وفي كل مره بنوي انه يكون علم نافع انفع بيه غيري كل مره كنت بتأكد انه الطريق يستاهل إنه أكمل 🌸
والحمد لله كملت الطريق بس لسه مخلصش 🚶‍♀️🚶‍♀️
يا رب أعني اني افضل مكمله في طريق العلم النافع ليا ولغيري وإجعلني سبب للتغير للافضل وقدرني إني أترك أثر طيب على الأرض وفي قلوب ونفوس الناس 🥰🥰

17/02/2026

كل رمضان وأنتم بخير، نسأل الله أن يكون الشهر الكريم شفاءً للروح ولنمنح أنفسنا لحظات من التأمل والوعي والامتنان...
رمضان كريم 🌙

مدرب واستشاري العلاج بالفنون التعبيريه
دكتوراه في السيكودراما والفنون التعبيريه