Dr Hazem Elhaddad دكتور حازم الحداد

Dr Hazem Elhaddad دكتور حازم الحداد Dr hazem elhaddad official page

الفرق في رحلة تعافي المحترف والشخص العادي بعد نفس العملية:1. يوم التأهيل:المحترف: بيقضي من 4 لـ 6 ساعات يوميًا تأهيل وتق...
24/08/2026

الفرق في رحلة تعافي المحترف والشخص العادي بعد نفس العملية:

1. يوم التأهيل:
المحترف: بيقضي من 4 لـ 6 ساعات يوميًا تأهيل وتقوية واستشفاء.
العادي:جلسة علاج طبيعي ساعة كل يومين، وباقي اليوم قاعد في السرير أو على المكتب!

2. النوم والسهر:

المحترف: بيقفل يومه بدري، لأن هرمونات نمو وتجديد الأنسجة بتفرز أثناء النوم المنتظم بالليل.
العادي: سهر للصبح، توتر، ونوم مشقلب.. وده بيزود الالتهابات ويقلل الشفاء.

3. الأكل والتغذية:

المحترف: بيحسب أكله بالجرام عشان يبني عضلاته
العادي:"هيبوظ في الأكل" ويقعد من غير حركة فيحصله زيادة وزن يضغط على الرباط الجديد!

4. الذهنية والخوف:

المحترف:ملتزم ببروتوكول التأهيل العصبي العضلي، بيتجاوز الخوف ويجبر عضلته تتذكر الحركة.
العادي: الخوف يخليه يخاف يحرك رجله، فالعضلة تضمر (Quad Atrophy) وكل يوم تأخير في الحركة بيكلفه أسابيع رجوع!

الرباط الجديد بيحتاج أسلوب حياة كامل لمدة 6 شهور على الأقل.. أنت اللي بتحدد هترجع امتى!

شايف إيه أكتر حاجة ببتعطل فيها: الالتزام بالتأهيل، النوم بدري، ولا الدايت؟ 👇

ممكن لاعب يكون نجم، والنادي يكون مستعد يدفع فيه ملايين… وفي الآخر الكشف الطبي يقول: استنى! إيه أكتر صفقة اتفاجئتوا إنها ...
23/08/2026

ممكن لاعب يكون نجم، والنادي يكون مستعد يدفع فيه ملايين… وفي الآخر الكشف الطبي يقول: استنى!
إيه أكتر صفقة اتفاجئتوا إنها وقفت بسبب الكشف الطبي؟

في عيادة الطبيب التشخيص والأشعة نص المشوار بس.. النص التاني هو "دماغ اللعيب"! لأن ذهنك وطريقة تقبلك للإصابة هي اللي بتحد...
22/08/2026

في عيادة الطبيب التشخيص والأشعة نص المشوار بس.. النص التاني هو "دماغ اللعيب"! لأن ذهنك وطريقة تقبلك للإصابة هي اللي بتحدد هترجع الملعب امتى وازاي..
أشهر 5 شخصيات بنشوفهم في العيادة أول ما بنقول "عندك إصابة":

1. اللعيب المغامر (في حالة إنكار)
ده اللي بيعتبر الألم مجرد "دلع". وإنها كدمة بسيطة وهنزل الشوط التاني عادي!
هو مش عارف إن الجري على تمزق جزئي أو كسر إجهادي ممكن يحوله لإصابة كاملة تنهي مسيرته!

2. اللعيب الدراما كوين (كل حاجة راحت!)
أول ما يسمع اسم الإصابة، بيحس إن كارييره انتهى، وبيخاف يحرك رجله حتى في التأهيل.
على فكرة التوتر بيزيد من شد العضلات وبيبطأ التعافي. الحل معاه هو التبسيط، وأننا نقسم رحلة العلاج لخطوات صغيرة ومطمنة.

3. اللعيب الكسول (مستني معجزة)
بيعتمد 100% على الدكتور والمعالج. مستني دوا سحري يخليه يخف وهو قاعد مابيعملش تمارين التأهيل في البيت!
لو مالتزمتش ببروتوكول الحركة اليومي، جراحة الدكتور وشطارة المعالج مش هيعملوا حاجة.

4. اللعيب البروفيسير (المثالي)
حافظ البروتوكول، بيلتزم بالراحة والثلج والتغذية بالحرف، وبيسأل في كل تفصيلة عشان يحمي جسمه.
ده نسبة شفائه بتكون الأعلى، وغالبًا بيرجع الملعب أقوى وأجهز من الأول.

5. اللعيب اللفاف (بيدور على الإجابة اللي تعجبه)
لو التشخيص فيه راحة شهرين، بيمشي يسأل 10 دكاترة غيرك أملاً في إن حد يقوله "انزل العب بكرة عادي".
تشتيت العلاج بيدمر الأنسجة. زمن التئام العضلات والأربطة حقيقة بيولوجية مش هتتغير بتعدد الآراء.

قولنا في الكومنتات.. لما بتتصاب في التمرين أو الماتش، بتكون أنهي نوع فيهم؟

مش كل نصيحة سمعتها تنفع ليك، ومش كل تحسّن معناه إنك بقيت تمام! جمعنالك 7 جُمل دكتور العظام بيسمعها كتير… وليه كل واحدة ف...
21/08/2026

مش كل نصيحة سمعتها تنفع ليك، ومش كل تحسّن معناه إنك بقيت تمام!

جمعنالك 7 جُمل دكتور العظام بيسمعها كتير… وليه كل واحدة فيهم محتاجة وقفة.
قولنا: أنهي واحدة قلتها قبل كده؟

وللحجز والاستشارات الطبية مع دكتور حازم الحداد:
📍 140 شارع التحرير - الدقي - فوق فرع فودافون
📍 الشيخ زايد - 27 محور كريزي ووتر - مجمع رفيدة الطبي

📞 01112944882
📞01091937435

عضمك ليه قصة حياة، يا ترى أنت في أي فصل فيها دلوقتي؟ للحجز والاستشارات الطبية مع دكتور حازم الحداد: 📍 140 شارع التحرير -...
17/08/2026

عضمك ليه قصة حياة، يا ترى أنت في أي فصل فيها دلوقتي؟

للحجز والاستشارات الطبية مع دكتور حازم الحداد:
📍 140 شارع التحرير - الدقي - فوق فرع فودافون
📍 الشيخ زايد - 27 محور كريزي ووتر - مجمع رفيدة الطبي

📞 01112944882
📞01091937435

#عظام

إيه اللي بيحصل لما تقعد طول الأسبوع على المكتب وفجأة تفجر طاقتك في الإجازة؟ (متلازمة Weekend Warrior):صدمة للأوتار والعض...
14/08/2026

إيه اللي بيحصل لما تقعد طول الأسبوع على المكتب وفجأة تفجر طاقتك في الإجازة؟ (متلازمة Weekend Warrior):

صدمة للأوتار والعضلات: الجلوس 5 أيام بيخلي العضلات مشدودة والأوتار قاسية. المجهود المفاجئ بيحمل عليها فوق طاقتها، فالضغط بيروح على المفاصل فورًا.

بطء رد الفعل: العضلات بتكون "كسولة"، ولما تتكعبل أو تلف فجأة مابتلحقش تثبت المفصل، فيحصل الالتواء أو التمزق.

أشهر الإصابات:

1. قطع أو التهاب وتر أكيليس (ورا القدم).
2. تمزق أربطة وغضاريف الركبة.
3. إجهاد أسفل الظهر وشوكة القدم.

العواقب:
التهاب أوتار مزمن: بسبب التمزقات الصغيرة المتكررة.
خشونة مفاصل مبكرة: لأن الغضاريف بتشيل الصدمات بدل العضلات الضعيفة.

الحل باختصار:
15 دقيقة إطالات يوميًا طول الأسبوع + 10 دقائق يوم الإجازة = تحمي عظمك من الصدمة!

#عظام

أشهر حيل ومبررات بنقولها لنفسنا عشان نأجل زيارة دكتور العظام، وتقييمنا ليها:هسأل جارتي.. حصلها نفس الحاجة وأخدت علاج وار...
13/08/2026

أشهر حيل ومبررات بنقولها لنفسنا عشان نأجل زيارة دكتور العظام، وتقييمنا ليها:

هسأل جارتي.. حصلها نفس الحاجة وأخدت علاج وارتاحت عليه ⬅️ (0/10)
جارتك مش دكتور، وحالتها مش حالتك. أعراض العظام متشابهة جدًا لكن أسبابها والعلاج الصح مختلف تماما

أنا أخدت مسكن والوجع راح.. خلاص مش لازم أكشف⬅️ (1/10)

المسكن بيخفي العَرَض وبيخليك تحمل على المفصل أو العصب وهو مصاب، وده بيزود الضرر وأنت مش حاسس.

أنا شفت تمارين على النت وهعملها لوحدي في البيت ⬅️ (1/10)
ممارسة تمارين غلط لإصابة مش متشخصة صح ممكن تسبب تمزق أو تتلف المفصل زيادة.

هستنى لما الوجع يخف لوحده ⬅️ (2/10)
الوجع عرض ومش هو المشكلة نفسها. المراهنة على الوقت ممكن تحول إصابة بسيطة علاجها سهل، لمشكلة مزمنة محتاجة تدخل أعقد!

ده مجرد كَبَر سن وعادي كل الناس ركبها بتوجعها ⬅️
(2/10)

ألم العظام مش قدر حتمي مع السن؛ في حلول كتير وتمارين علاجية بتحسن جودة حياتك وبتبعدك عن المضاعفات.

أول ما أفضى من المشاغل هروح للدكتور⬅️ (2/10)

المشاغل مش بتخلص، بس صحتك وحركتك لو تأثروا، حياتك كلها هتتعطل.

عملت كمادات دافية ومشيت حالي⬅️ (3/10)

الكمادات علاج مؤقت للمظهر الخارجي أو الشد العضلي البسيط، لكنها مش هتعالج خشونة، انزلاق غضروفي، أو التهاب أوتار.

الاعتماد على المسكنات والنصائح العشوائية هو السبب الأول في تحول الإصابات البسيطة لمشاكل مزمنة. لا تستنى الوجع يزيد ولا تاخد استشارة مش متخصصة.

لو عندك حاجة بتشتكي منها، احجز استشارتك مع د. حازم الحداد:
📍 140 شارع التحرير - الدقي - فوق فرع فودافون
📍 الشيخ زايد - 27 محور كريزي ووتر - مجمع رفيدة الطبي

أرقام التواصل:
01112944882
01091937435

#عظام

تعالوا نشوف أغرب نصائح عائلية بنسمعها في عيادة العظام، والحقيقة العلمية وراها:1. اربط المفصل برباط ضاغط جامد جدًا عشان ي...
12/08/2026

تعالوا نشوف أغرب نصائح عائلية بنسمعها في عيادة العظام، والحقيقة العلمية وراها:

1. اربط المفصل برباط ضاغط جامد جدًا عشان يمسك العظم
الحقيقة إن خنق المفصل بالرباط بيقطع الدورة الدموية وبيزود التورم والألم.

2. حط بياض بيض على دقيق أو حنة واربط الكسر
الحقيقة إن العظم بيلتئم من جوة لبرة عن طريق الدم والكالسيوم، الخلطات الخارجية بتعمل حساسية في الجلد وتأخر علاجك.

3. ضهرك وجعك؟ خلي حد يدوس عليه أو يطرقع لك رقبتك
الحقيقة إن الحركة دي لو مع انزلاق غضروفي أو مشكلة في الفقرات ممكن تسبب مشكلة في العصب وتعمل مشكلة كبيرة

4. ارتاح في السرير شهر وماتتحركش خالص
الحقيقة إن الراحة المطلقة بتضعف العضلات وتعمل تيبس في المفاصل ويمكن تجلطات. الحركة المتدرجة مع العلاج الطبيعي هي اللي بتبني العظم صح.

5. إضرب بيض ولبن طول اليوم عشان الكسر يلم بسرعة
الحقيقة إن الجسم بياخد احتياجه بس من الكالسيوم، الزيادة المفرطة مش هتسرع الالتئام.. دي ممكن تعمل لك حصوات في الكلى ومشاكل هضمية.

شاركنا أغرب نصيحة سمعتها! 👇

ولو عندك حاجة بتشتكي منها، احجز استشارتك مع د. حازم الحداد:
📍 140 شارع التحرير - الدقي - فوق فرع فودافون
📍 الشيخ زايد - 27 محور كريزي ووتر - مجمع رفيدة الطبي

أرقام التواصل:
01112944882
01091937435

#عظام

صحة مفاصلك بتبدأ من العادات اللي بتعملها كل يوم.الحفاظ على وزن صحي، تقوية العضلات، الحركة المنتظمة، التغذية المتوازنة، و...
08/08/2026

صحة مفاصلك بتبدأ من العادات اللي بتعملها كل يوم.
الحفاظ على وزن صحي، تقوية العضلات، الحركة المنتظمة، التغذية المتوازنة، وعدم تجاهل الألم المستمر كل دي خطوات بسيطة ممكن تساعدك تحافظ على صحة مفاصلك على المدى الطويل.

لكن لو عندك ألم مستمر، تورم، أو صعوبة في الحركة، ما تعتمدش على المسكنات وتستنى لما المشكلة تكبر.
احجز استشارتك مع د. حازم الحداد:

وللاستشارات الطبية:
📍 140 شارع التحرير - الدقي - فوق فرع فودافون
📍 الشيخ زايد - 27 محور كريزي ووتر - مجمع رفيدة الطبي

أرقام التواصل:
01112944882
01091937435
#عظام

لو قولتلك إن ساعات أصعب حاجة في الإصابة مش الوجع، ولا أسابيع الجبس، ولا الراحة الإجبارية… لكن اللحظة اللي الدكتور يقولك ...
07/08/2026

لو قولتلك إن ساعات أصعب حاجة في الإصابة مش الوجع، ولا أسابيع الجبس، ولا الراحة الإجبارية… لكن اللحظة اللي الدكتور يقولك فيها: إنت خفيت وتقدر ترجع للتمرين؟

لأن جسمك ممكن يكون جاهز، بس عقلك لسه خايف!

الحالة دي اسمها Kinesiophobia (كاينيسيوفوبيا)، أو الخوف من الحركة وإعادة الإصابة. وهي خوف بيخلي الشخص يتردد في أداء حركات معينة بسبب القلق من الألم أو إن الإصابة تتكرر.فتلاقي نفسك بتفكر قبل كل قفزة، أو تغيير اتجاه، أو التحام، والخوف ده ممكن يخليك تتجنب حركات معينة أو تغيّر طريقة أدائها، وده ممكن يأثر على تأهيلك وثقتك في جسمك.

إزاي تتغلب على الـ Kinesiophobia وترجع تلعب بثقة؟
١. التأهيل مش علاج جسدي بس
التأهيل بيساعدك تستعيد القوة والحركة والقدرة على أداء متطلبات رياضتك، لكن كمان الرجوع التدريجي للحركة بيساعدك تبني ثقتك في جسمك من جديد.

٢. التدرج مهم
أكبر غلطة إنك تحاول ترجع لنفس مستواك قبل الإصابة من أول يوم. الرجوع بيكون تدريجيًا حسب نوع الإصابة والرياضة ومستوى جاهزيتك: من تمارين بسيطة، لحركات أكثر تعقيدًا، لحد ما ترجع لمتطلبات اللعب الطبيعية.

٣. واجه الحركة اللي بتخاف منها بالتدريج
لو إصابتك حصلت أثناء تغيير اتجاه مفاجئ أو قفزة معينة، مش الحل إنك تتجنب الحركة دي للأبد. بالتأهيل المناسب وتحت إشراف متخصص، ممكن ترجع تتدرب عليها تدريجيًا وبطريقة آمنة، لحد ما تزيد ثقتك في قدرتك على أدائها.

٤. ماتتجاهلش الألم ومتخافش من كل إحساس
أثناء التأهيل، ممكن تحس بإجهاد أو بعض الانزعاج، لكن مش كل ألم معناه إصابة جديدة. وفي نفس الوقت، الألم الجديد أو المتزايد أو المصاحب لأعراض مقلقة محتاج تقييم من المختص، خصوصًا لو مستمر.

شاركونا في التعليقات: إيه أطول فترة بعدت فيها عن اللعب بسبب إصابة؟ وخدت وقت قد إيه عشان ترجع تلعب تاني بدون خوف؟
#عظام

Address

Cairo
10011

Website

Alerts

Be the first to know and let us send you an email when Dr Hazem Elhaddad دكتور حازم الحداد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category