Dr.Wael Wagdy - د. وائل وجدي

Dr.Wael Wagdy - د. وائل وجدي استشاري القلب والأوعية الدموية
استشاري القسطرة التداخلية للشرايين التاجية
عضو الجمعية الأوروبية والجمعية المصرية لأمراض القلب

29/01/2022



د وائل وجدي
استشاري القلب والأوعية الدموية
استشاري القسطرة التداخلية للشرايين التاجية
عضو الجمعية الأوروبية والجمعية المصرية لأمراض القلب

نَفَسِك مكتوم 😣 أو مش عارفه تكمليه للآخر😤يبقى لازم تسألي نفسك يا ترى إيه السبب؟🤔كثير مننا بيجي عليه وقت بيحس إنه مش قادر...
18/01/2022

نَفَسِك مكتوم 😣 أو مش عارفه تكمليه للآخر😤
يبقى لازم تسألي نفسك يا ترى إيه السبب؟🤔

كثير مننا بيجي عليه وقت بيحس إنه مش قادر يأخذ
نَفَسُه😣، أو مش عارف يكمله للآخر، أو مخنوق، أو حتى بياخده بصعوبة🥵..... كل المصطلحات دي تُعَبِّر عن حاجه واحدة وهي ضيق التنفس🫁
وده له أسباب 🤔كثير جدا هحاول أبسطها وأتكلم عن بعضها🧑🏼‍⚕️
وعلشان نعرف سبب ضيق النَّفَس لازم نعرف نقسم ضيق النّفس إلى قسمين
1: أسباب تُؤدي إلى ضيق نَفس حاد وده غالبا بتكون خطيرة وبيحصل ضيق النفس في دقائق معدوده الى ساعات أو أيام قليلة. 2:أسباب تُؤدي إلى ضيق نَفس مُزْمن وده ممكن تأخذ أسابيع وأحياناً شهور 😱.....

نبدأ بالأسباب التي تؤدي إلى ضيق حاد بالتنفس( Acute dyspnea)
وده هنقسمها للتبسيط
أولا: أسباب في الرئة 🫁
١- جلطة حادة بالرئة😧 : وده بيكون في تاريخ مرضي بجلطات الساق غالبا وفجأة بيجي ضيق حاد بالنفس مع ضربات قلب سريعة وأحيانا كحة مصحوبة بالدم🩸.
٢- إسترواح هوائي : وده عبارة عن دخول هواء في الغشاء البللوري المبطن للرئة وده غالبا نتيجة انفجار أحد الحويصلات الرئوية🫁 من كحة متكررة خاصة في حالات تمدد الرئة المعروف بال (emphysema) أو في حالات الحوادث
( لا قدر الله) .
٣- الإلتهاب الرئوي الحاد😞 : وده انتشر للأسف جدا بسبب فيروس الكوفيد ١٩ اللعين ( حفظكم الله) وده في الغالب بيكون فيه إرتفاع بدرجه الحرارة🌡️، كحة، ألم بالحلق، صداع🤯، تكسير بالجسم، وأحياناً إسهال وأعراض أخرى كثيرة📈.
٤- أزمة ربوية حادة : وهنا بيكون في تاريخ مرضي لحساسية الصدر منذ الصغر وإستعمال البخاخات وغالبا ما تزيد مع زيادة للأتربة😵‍💫 والعواصف الترابية والأدخنة والعوادم وملوثات الهواء.

ثانياً أسباب في القلب 🫀
١- جلطة حادة بالشريان التاجي : وده غالبا ما تكون مصحوبة بألم حاد في الصدر🙇‍♀️.
٢- إحتقان رئوي حاد : ناتج عن ضعف حاد بعضلة😫 القلب وده غالبا بيكون مصحوب بورم في الساقين وتاريخ مرضي لضعف عضلة القلب.
٣- ذبذبة أذينية أو تسارع أذيني📉 : أو أي سرعة أو لخبطة بضربات القلب وده سهل معرفتها عند عمل رسم القلب الكهربائي.

ثالثاً أسباب أخرى 🧠
١- التوتر أو القلق النفسي (anexiety)
وده أكثر شيوعاً في السيدات وهنا بتكون المريضة تعاني من سرعة وضيق بالنفس وغالبا بيكون بعد شد عصبي أو موقف عصيب وغالبا الأزمات التنفسية ده بتكون متكررة وممكن يصاحبها تنميل بالفم أو تشنجات باليد وعند تشخيصها بنطلب من المريضة تحاول تتنفس في كيس مغلق لمدة قصيرة⚗️.
٢- حساسية تفاعلية حادة : (anaphylaxis) وهنا بتكون نتيجة دواء💊 أو طعام أو التعرض إلى لدغة من النحل🐝 أو حشرات أخرى🐛.

٣- تسمم بغاز أول أكسيد الكربون😶‍🌫 :
وهنا بيكون الاختناق ناتج عن احتراق الغاز والحقيقة إن الحالات ده إنتشرت نتيجة غلق باب الحمام وكل أساليب التهوية والإستحمام لفترات طويلة بالماء الساخن والبخار الكثيف🛀 الناتج من سخان الغاز مما يؤدي إلى حالة إختناق وإغماء مفاجئ مصحوبا بالتشنجات أحيانا وهنا لازم علطول نفتح الباب والشباك وناخد المريض لأقرب مستشفى🏨 علشان يأخذ أوكسجين في الحال.
إعذروني علشان طولت عليكم🙂 ولكن في الحقيقة الموضوع كبير ومنتشر وإسمحولي بسرعة أقول كلمتين على👇
___ضيق مزمن بالنفس أو ما يسمى( chronic dyspnea)
وهنا هقولكم بعض الأسباب المنتشرة:
١- الأنيميا أو فقر الدم🩸 : وهنا ضيق النفس مع أقل مجهود ومصحوب بدوخة ولون الجلد بيكون شاحب وأحيانا بيكون في سقوط بالشعر وتكسير وضعف بالأظافر💅.
٢- السدة الرئوية المزمنة: وطبعا ده بتحصل للمدخنين🚭 اللي بيدخنوا بقالهم سنين طويلة.
٣- ضيق النفس الناتج عن عدم التكيف أو ما يسمى : ( Dyspnea of deconditioning)
وهنا المريض بيكون بقاله فترة طويلة جدا مبيعملش أي مجهود🛋️ خالص وعلطول في شغل أو عمل مكتبي ( من البيت للعربية ومن العربية للمكتب في الشغل) وفجأة🤦‍♂️ إفتكر إنه لازم يتحرك ويعمل رياضة.
٤- نهجان نتيجة السمنة المفرطة:
وطبعا ده للأسف انتشرت جدا بسبب الوجبات السريعه🍕 الغير صحية وإنعدام الرياضة🥺.
طبعا في أسباب أخرى كثيرة.....
علشان نوصل لسبب ضيق النفس لازم نفكر بطريقة علمية صحيحة ومرتبة لأن الأسباب كثيرة جدا جدا

لو عندك ضيق في النفس _
لو حاسس إنك مش مستريح_
#راجع طبيبك ، إحمي نفسك
تابعونا مع.
🫀

معلومة بسيطة✒️ قد تنقذ حياتك أو حياة أقرب الناس إليك 😍النهاردة هتكلم معاكم عن حالة ، بشوفها كثير وللأسف بتتكرر كتيرررررر...
16/01/2022

معلومة بسيطة✒️ قد تنقذ حياتك أو حياة أقرب الناس إليك 😍

النهاردة هتكلم معاكم عن حالة ، بشوفها كثير وللأسف بتتكرر كتيرررررررر⤴️ ،، وأعتقد إن معظم زمايلي من أطباء القلب والأوعية بيشوفوها مرارا وتكرارا🤔...

👇
من حوالي ٣ أيام جالي مريض وقالي يا دكتور انا الساعة ٤ الفجر جالي حموضة وحرقان في صدري صحّاني من النوم وطبعا توقعت إنه من الأكلة الثقيلة🥘 اللي كنت أكلتها قبل ما أنام....😴
بس المريض صراحة كان ذكي وقالي بس المرة ده الحرقان كان مختلف...
رديت وقلته إزاي ؟🤔
قالي مكانش عايز يروح أبدا وكان ساعات بيوصل لزوري (زي ما وصفه) وحسيت إني جسمي بارد🥶 وشوية وبدأت أحس بوجع في كتافي وإيدي الإثنين بدأوا يتقلوا...😟
🧑🏼‍⚕️رديت بسرعة وقلتله وعملت
إيه؟😱
قالي استنيت للصبح 🥺 ونزلت روحت للمستشفى وطبعا هناك تم تشخيص المريض أنه جلطة حادة بالشريان التاجي وطلبوا عمل قسطرة عاجلة بس للاسف رفض المريض وترك المستشفى🥲 ...😱
أرجو من كل حد يقرأ الكلام ده يفتكر ١٠ نصائح:
١- جلطة الشريان التاجي ممكن تيجي بحرقان في الصدر أو ثقل شديد في منتصف الصدر وساعات الألم يوصل للفك أو الظهر أو الكتف الأيسر وساعات مصحوبة بعرق أو ترجيع أو دوخة.😨
٢- أكثر ميعاد الجلطة هي فترة منتصف الليل🌃 حتى وقت الفجر ولكنها ممكن تحصل أي وقت.🌤️
٣- من أكثر محفزات قصور الشرايين الجو البارد ☔ أو وجبة دهنية ثقيلة🥘 ، أو شد عصبي 😡.
٤- لو شكيت أرجوك متحاولش تقول ده ارتجاع في المرئ أو التهاب في المرارة أو إجهاد وهاخد مسكن💊 ودواء الحموضة وأنام والصبح إن شاء الله أشوف.❌❌
٥- علشان خاطري وخاطر أهلك اللي بيحبوك لو مش خايف على نفسك خاف على عيلتك وسيب التشخيص للطبيب🧑🏼‍⚕️ المتخصص وإنزل بسرعة توجه للمستشفى يعملوا رسم قلب وإنزيمات قلب ويشخصوا
بسرعة.
٦- 🚫مش هقدر أقولك خد أسبرين أو أي دواء تاني للسيولة لأني مؤمن جدا إن الطبيب اللي بيوصف دواء من غير كشف أو مناظرة المريض ده خطأ فادح😞.
٧- رسم القلب لازم يتعمل في خلال ١٠ دقائق من وصول المستشفى وأهم ساعة هي أول ساعة من بداية الجلطة.⏰
٨- لو ظروفك المادية لا تسمح بعمل القسطرة متخافش في مستشفيات كثير هتعملها (دعامة الحياة) زي معهد القلب وغيره كثير🥰.
٩- إفتكر كل ساعة بتعدي لو كانت جلطة في جزء من عضلة القلب😱 بيحصله تليف وبعد كده للأسف ضعف في عضلة القلب🫀
١٠- أخيراً عاوزك تفتكر لو ربنا كرمك ولحقنا الجلطة بدعامة ده مش النهاية ده بس البداية😃 علشان تغير نمط حياتك إلى نمط صحي جديد تحافظ بيه على نفسك وعيلتك😇

🥺سامحوني لو كنت طولت عليكم

يا رب نفكر كثير قبل أي قرار

#خد قرارك_ إحمي نفسك
تابعونا مع
# قلبي ومفتاحه🫀

صباحكم قهوه ☕يا ترى قهوتي ممكن تضرني؟ 🧐كثير منا بيعشقوا ريحة القهوة بذات أول ما نصحى من النوم أو نقعد على مكتبنا.كثير بي...
01/01/2022

صباحكم قهوه ☕
يا ترى قهوتي ممكن تضرني؟ 🧐
كثير منا بيعشقوا ريحة القهوة بذات أول ما نصحى من النوم أو نقعد على مكتبنا.
كثير بيسألوا هي القهوة مفيدة ولا مضرة، حلوه لمرضى القلب والضغط ولا لأ.🫀
خلينا نبدأ ببعض الأسئلة اللي بتخطر على بالنا كلنا :🤔
١- إيه هي فوائد القهوة؟
٢- إيه هي الكمية المسموحة يوميا؟
٣- إمته تكون القهوة مضرة لينا؟
٤- إزاي نشربها بطريقة صحيحة؟
أولا فوائد القهوة ☕
كتير من الدراسات الحديثة بتقول إن من يشربون القهوة هم أقل عرضة لقصور الشرايين التاجية 🫀
وجلطات المخ 🧠 ، وداء السكري وأمراض الكلى فهي تعمل على إدرار البول.
ثانيا إيه هي الكمية المسموحة
يفضل عدم تجاوز ال ٤٠٠ مجم من الكافيين يوميا أي ما يعادل من ٣-٥ أكواب من القهوة، والكلام ده لا ينطبق على الحوامل 🤰 أو أثناء الرضاعة. 👩‍🍼
طب معنى كده إن القهوة ملهاش أضرار؟😱
لا طبعا لأن كل شيء بيزيد عن حده بينقلب ضده، الإعتدال في شرب القهوة هو الطريقة الأنسب علشان نقدر نبعد عن أضرار الكافيين اللي هي ممثلة في:
١- إرتفاع مؤقت في ضغط الدم
٢- زيادة في معدل ضربات القلب
٣- التوتر والقلق🤦‍♀️
٤- صعوبة في النوم أو نوم متقطع
ومن هنا أقول لحضراتكم بعض النصائح اللي هتساعدنا على شرب القهوة بالطريقة الصحيحة:
١- يمكن إضافة بعض الحليب للقهوة
٢- الإبتعاد عن مشروبات الطاقة التي تحتوي على نسبة عالية من الكافيين
٣- بعض المشروبات مثل الإسبريسو تحتوي على نسبة عالية من الكافيين يفضل التقليل منها
٤- القهوة قليلة الكافيين(Decaf) أو الشاي الأخضر يحتوي على نسبة أقل من الكافيين
٥- عدم شرب القهوة قبل النوم مباشرة ويفضل شربها بمدة لا تقل عن ٤ ساعات قبل ميعاد النوم
٦- عدم شرب القهوة على الريق صباحا حيث تزيد من إفراز الحمض المعوي وتؤدي إلى إرتجاع المرئ
٦- عدم شرب أكثر من ٣ أكواب يوميا
وطبعا أحب أقولكم أخيرا إن مش معنى الكلام ده إن إحنا نشرب ٣ قهوة و ٣ شاي و ٣ كابتشينو...😅

إشرب قهوتك بطريقة صحيحة
حافظ على قلبك ، إحمي نفسك
تابعونا مع قلبي ومفتاحه 🫀

إزاي الجو البارد ممكن يأثر علينا؟🥶🥶كتير من السيدات ممكن يحسوا إن لون أطرافهم بيتغير🤲 (القدمين والكفين) من شدة البرودة وي...
30/12/2021

إزاي الجو البارد ممكن يأثر علينا؟🥶🥶
كتير من السيدات ممكن يحسوا إن لون أطرافهم بيتغير🤲 (القدمين والكفين) من شدة البرودة ويصاحبها ألم أو تنميل أو تورم.
بدأت أشوف القصة ده كتير وده طبعا علشان الجو البارد 😶‍🌫 ...
طبعا الظاهرة ده إسمها ظاهرة رينود أو متلازمة رينود
Raynauds Phenomena or Syndrome
وده عبارة عن إن بعض الأماكن في الجسم مثل الصوابع أو كف اليد أو القدمين أو الأنف 👃 أو الأذن 👂بنشعر فيهم بالبرد أو التنميل وأحيانا ألم مع تغير بلون الجلد😩.
السؤال ليه ممكن نتعرض لظاهرة رينود وإزاي ممكن نتجنبها؟
عند الشعور بالبرد أو الشد العصبي تبدأ الشعيرات الدموية الطرفية بالإنقباض ، مما يؤدي إلى نقص تروية الدم إلى هذه الأطراف فيبدأ تغير لون الجلد إلى اللون الأبيض✋🏻 وبعد ذلك إلى اللون الأزرق ، وعند تدفئة الطرف (اليد مثلا) يبدأ في الإحمرار وأحيانا التورم ، وغالبا ما تستغرق ١٥ دقيقة حتى تعود إلى لونها الطبيعي.
طبعا الظاهرة ده هي أكثر شيوعا في السيدات👱‍♀️ عن الرجال خاصة من سن ١٥ إلى ٣٠ سنة ، خاصة مع وجود تاريخ مرضي عائلي.
نصائح هامة للسيدات أو الأطفال الأكثر عرضى لظاهرة رينود 🥳
١- ياريت نلبس الدفايات مثل الجوانتيات والشرابات والشال وبعض الدفايات المخصصة للأذن خاصة أيام البرد الشديدة. ☃️
٢- إرتداء الكمامة يقلل من تعرض الأنف للهواء البارد.
٣- إرتداء الأحذية ذات الرقبة العالية مثل البوت 👢.
٤- عند إخراج الطعام من الثلاجة ، يجب إستخدام القفازات المخصصة.
إذا استمر اللون في التغير برجاء التوجه إلى الطبيب في أقرب وقت.
لو إيدك بتبرد ولونها بيتغير،
إستشر طبيبك ، إحمي نفسك
تابعونا مع قلبي ومفتاحه 🫀

كل سنه حضراتكم طيبين بمناسبه السنه الجديده🎇✒️نصائح هامه لمرضي القلب🫀 والضغط :مش عاوز فرحتنا بالسنه الجديدة واحتفالتنا🎇 ت...
28/12/2021

كل سنه حضراتكم طيبين بمناسبه السنه الجديده🎇
✒️نصائح هامه لمرضي القلب🫀 والضغط :
مش عاوز فرحتنا بالسنه الجديدة واحتفالتنا🎇 تخلينا ننسى ان احنا نأخذ الأدوية💊 في مواعيدها المحدده،⏰ وياريت نخلي بالنا أن الإنفعالات الشديدة سواء بالفرح 😄او الحزن🥲 غالبا ما تؤثر سلبا على حاله القلب، ولا مانع أن إحنا نستمتع ونأكل ولكن بكميات قليلة
خلونا نستمتع ونفرح بس من غير ما نتعب قلبنا🫀
تابعونا مع
#قلبي ومفتاحه🫀

مجهودك بيقل بسرعه⬇️ وإحساسك بالتعب سريع🥵النهاردة حابب اكلمكم على أعراض منتشره جدا وخاصة في السيدات وأحيانا في الشباب وال...
26/12/2021

مجهودك بيقل بسرعه⬇️ وإحساسك بالتعب سريع🥵

النهاردة حابب اكلمكم على أعراض منتشره جدا وخاصة في السيدات وأحيانا في الشباب والأطفال ومن أهم هذه الأعراض 👇
الإجهاد من أقل مجهود🥵، الشعور بالضعف او الوَهَنْ😥، الدوخه😵‍💫، الصداع🤯، تسارع بضربات القلب⬆️، ضيق بالتنفس مع اقل مجهود ، تكسير بالاظافر💅، تساقط الشعر 🤦‍♀️
كل هذه الأعراض وأكثر من أعراض فقر الدم🩸 (الأنيميا)

السؤال المهم يعني إيه انيميا وإزاي ممكن نَتَجَنّبها وإيه هي أسبابها ؟
الأنيميا :هي عباره عن نقص في كرات الدم الحمراء🩸 التي تحمل الأكسجين الي جميع خلايا الجسم وذالك عن طريق (الهيموجلوبين).
عشان نعرف نتَجَنبها لازم الأول نعرف إيه هي أسبابها.

أسباب الأنيميا👇 :
في الحقيقه أسباب الأنيميا كتير جدا صعب نتكلم عنها كلها وعشان كدا هَخْتَص بعض الأسباب اللي بشوفها كتير جدا مثل:
١ الأنيميا الناتجه عن سوء التغذيه ونقص الفيتامينات( خاصة بعد انتشار الوجبات السريعة🍔 وجراحات السمنة)
٢ الأنيميا الناتجه عن فقدان الدم🩸 بكميات كبيرة خاصة في السيدات اللاتي تعاني من فقدان الدم بغزاره أثناء أيام الدورة الشهرية وغالبا ما يكون ناتجًا عن سُمْك بجدار الرحم أو وجود أورام ليفية حميدة.
وعشان نعرف نتجنبها لازم نبدأ نتعود نتناول وجبات🥘 صحية مليئة بالفيتامينات والمعادن خاصة فيتامين ب والحديد . هذه بعض الاطعمه التي تحتوي على نسبه عاليه من الحديد
اللحوم الحمراء، الكبده، الكلاوي، البنجر، التفاح، العسل الأسود، التمر، البازنجان، السلطه الخضراء،🥗 السبانخ، الجرجير..... الخ.

كما أن التشخيص المبكر للاورام الليفيه بالرحم يساعد على علاج الأنيميا🩸 قبل تفاقم الحاله بشده⬆️
اذا كنت تعاني من أعراض الأنيميا 🩸
#استشر طبيبك 🧑🏼‍⚕️_احمي نفسك _احمي عيلتك
تابعونا مع
#قلبي ومفتاحه🫀

28/11/2021

تصلب الشرايين اسبابه وطرق الوقاية منه 😍

*****************************************

د وائل وجدي
استشاري القلب والأوعية الدموية
استشاري القسطرة التداخلية للشرايين التاجية
عضو الجمعية الأوروبية والجمعية المصرية لأمراض القلب

08/11/2021

أنواع الصداع ومسبباته وطرق الوقاية والعلاج
د وائل وجدي
استشاري القلب والأوعية الدموية
استشاري القسطرة التداخلية للشرايين التاجية
عضو الجمعية الأوروبية والجمعية المصرية لأمراض القلب

قلبي بيرفرف⏰ يادكتور. 🧑‍⚕️بتحس بلخبطة في ضربات قلبك🫀.......بتحسها قوية ولا ضعيفة.... سريعة ولا بطيئة. 👱‍♂️ بحسهم كلهم ...
06/11/2021

قلبي بيرفرف⏰ يادكتور.

🧑‍⚕️بتحس بلخبطة في ضربات قلبك🫀.......بتحسها قوية ولا
ضعيفة.... سريعة ولا بطيئة.

👱‍♂️ بحسهم كلهم يادكتور وخايف يكون عندي حاجه في القلب 😭
🧑‍⚕️: مبدائيا اِطّمن بس لو عندك أي عَرضْ من الأعراض اللي هقولها دي لازم تروح تزور طبيبك سريعا 🏃‍♂️ والأعراض دي هي :- إغماء متكرر، ألم وضيق في الصدر، ضيق بالتنفس، تشويش في الرؤيه، تعب وإرهاق مستمر مع دوخة😭😭،
👱‍♂️ :طيب هو أنا كده عندي إيه يا دكتور.........
🧑‍⚕️:أولا عشان أقدر أجاوبك على السؤال دا لازم تعرف إن أسباب الرفرفه كثير هنقول بعضهم 👇
الشد العصبي، والتوتر ونوبات الفزع، المجهود العضلي الزائد، المنبهات مثل: (القهوه، والنيكوتين، وأدوية البرد، وبعض المواد المخدرة )، زياده نشاط الغدة الدرقية ، فقر الدم (الأنيميا)، إرتفاع درجه الحراره، تغيرات في أملاح الجسم، لخبطة بكهرباء القلب، وأسباب أخرى كثيره.
👱‍♂️:طب انا اعرف ازاي انا عندي ايه من الأسباب دي؟
🧑‍⚕️عشان نوصل للسبب لازم أول حاجه نعرف التاريخ المرضي، وبعدين نعمل كشف طبي🩺 مُتَضَمن فحص الغدة الدرقية، والقلب والبطن ، ومن ثم طلب بعض الفحوصات مثل رسم القلب الكهربائي، رسم قلب (٢٤- ٤٨) ساعه (الهولتر)، موجات صوتيه على القلب (إيكو) مع عمل بعض الفحوصات المعملية مثل:-تحليل الغدة الدرقية ، صوره دم كاملة، أملاح المصل (صوديوم، بوتاسيوم، كالسيوم، ماغنيسوم)
🧑‍⚕️نيجي بقى للعلاج👇
اهم حاجه في العلاج هو علاج السبب وعلاج العوامل المؤثر التي تؤدي إلى رفرفه بالقلب.
وإليكم بعض النصائح الهامة جدا :
١-الإبتعاد عن التوتر واستخدام الطرق التي تقلل من حدة التوتر مثل طرق الإسترخاء كـ(اليوجا والتأمل والنفس العميق)🧘‍♀️🧘‍♂️ .
٢- النوم بشكل كافي يوميا🛌 (٦-٨)ساعات ليلا وعدم السهر لفترات طويله حتى لا يؤثر على إيقاع الساعه البيولوجية(Circadian rhythm)
٣-🚫إلابتعاد عن المواد المخدره (الهيروين ، الكوكاييين).
٤-🚫 عدم تناول أيةعقاقير أو أدويه طبيبه بدون روشته او وصفة طبيه.
٥-تقليل من شرب المنبهات (القهوه، الشاي) او على الاقل عدم تناولهم بمده لا تقل عن أربع ساعات قبل النوم🛌،
و 🚫 الإمتناع عن تناول
( السجاير، الكحوليات).
٦-ممارسة الرياضة بشكل منتظم يوميا🏊🏻‍♂️.
#قلبك-بيرفرف_اعرف حالتك _زر طبيبك _احمي قلبك
تابعونا مع
قلبي-ومفتاحه🫀

02/11/2021



فديو توضيحى عن أضرار الضغط على صحة الأنسان مع

د وائل وجدي
استشاري القلب والأوعية الدموية
استشاري القسطرة التداخلية للشرايين التاجية
عضو الجمعية الأوروبية والجمعية المصرية لأمراض القلب

*المُسَكِّنَات 💊هل هي صديق ام عدو؟* قد تبدو مُسَكِّنات الآلام لك أفضل صديق🫂 في البداية ولكن هل تعلم ما هي أضرار المُسَك...
31/10/2021

*المُسَكِّنَات 💊هل هي صديق ام عدو؟*

قد تبدو مُسَكِّنات الآلام لك أفضل صديق🫂 في البداية ولكن هل تعلم ما هي أضرار المُسَكِّنات😨؟

حابب أتكلم معاكم النهاردة عن ما هي المُسَكِّنات؟ وإيه أضرارها؟ وإزاي ممكن نستعملها من غير ما تسبب أضرار جانبيه لينا ولجميع أعضاء الجسم؟
👇
نبدأ بما هي المُسَكِّنات؟
تشمل مُسَكِّنات الآلام( Analgesics )
مجموعه من العقاقير الطبية مثل
*١* -مُسَكِّنات تحتوي على مواد مخدِّرة.
*٢* - عقارالأسيتامينوفين (باراسيتامول).
*٣* -عقاقير مضادات الإلتهاب غير الإستيرودية (NSAID) مثل الأسبرين، الإبيوبروفين، كيتوبروفين، نابروكسين صوديوم.

وغالباً ما يُستخدموا بدون وصفه طبيه من طبيب معالج🩺(over the counter)
وذلك في حالات الصداع😰، آلام الأسنان🦷، آلام العظام والمفاصل🦾، والآلام الناتجه عن الدوره الشهريه للسيدات 🤦‍♀️وآلام أخرى كثيره😱.

طب ياترى إيه هي أضرارها ؟👇
في الحقيقه أضرارها كتير جدا خاصة إذا كان أخذها بصفه مستمره وبعض هذه الأضرار هي :-
*١-* الإمساك، الدوخة، طنين بالأذن👂🏻، جفاف بالفم، وحساسيه بالجلد احيانا.
*٢* -إلتهاب بجدار المعدة مما قد يؤدي إلى قرحة او نزيف من المعدة.
*٣* -كثرة المُسَكِّنات على المدى البعيد تؤدي إلى فشل بوظائف الكلي، قد يحتاج المريض مستقبلًا إلى غسيل كلوي🛌.
*٤-* كما قد تؤدي كثرة المُسَكِّنات الي إحتباس الملح والماء💦 في الجسم (Salt and water retension) وارتفاع بضغط الدم🩸 مما قد يؤثر على مرضى الضغط العالي وضعف عضله القلب🫀.
*٥* - كما يمكن للمُسَكِّنات أن تُحدث تداخل دوائي مُضر مع بعض الادويه الأخرى
(Drug interaction)
مثل أدوية السيولة على سبيل المثال، مما قد يَتَسَبب في حدوث نزيف (لا قدر الله) .

*كيف يمكن إستعمال المُسَكِّنات مع تفادي خطورتها🥳* ؟
*١* - يُفضل عدم استخدام المُسَكِّنات إلا عن طريق وصفه طبيه من الطبيب المعالج🧑🏼‍⚕️.
*٢* - من أقل المُسَكِّنات ضررا على جسم الإنسان هو عقار الباراسيتامول لذالك يُفضل استخدامه عن المُسَكِّنات الأخرى.
*٣* - عند تناول المُسَكِّنات يُفضل تناولها مع كوب كبير من الماء🥛 او كما يتم وصفه عن طريق الطبيب.
*٤* - يفضل عدم الإستلقاء او النوم في خلال ١٠ دقايق بعد تناول اي مُسكن.
*٥-* اذا شعرت بعدم الراحه في المعدة بعد تناول المُسكن يُفضل تناوله بعد الأكل🍲 او مع كوب من الحليب.
*٦-* إذا ظهرت أية أعراض جانيه من المُسكن يتم إيقافه مباشره وسؤال الطبيب المعالج.
*٧* - يفضل عدم مضغ او تكسير الأقراص المغلفه معويا (Enteric Coated tablets).
*٨* - عدم تناول جُرعات أكتر من الجرعة المحددة يوميا.
*٩-* عدم تناول مجموعة مختلفة من المُسَكِّنات في وقت واحد بهدف التخلص من الألم.
*١٠-* المرضى الذين يعانون من ارتفاع ضغط الدم🩸 او ضعف في عضله القلب أو قصور بالشريان التاجي🫀 او قرحة بجدار المعدة او قصور بوظائف الكلي يفضل سؤال الطبيب المعالج قبل تناول المُسَكِّنات.
*١١-* اذا كان المريض يستخدم عقار لسيوله الدم يجب عدم اخذ مُسَكِّنات إلا بعد سؤال الطبيب المعالج.

كدا نقدر نقول ان المسكنات بِنِفْتِكرها صديق مُقرب في البدايه ولكن في الحقيقه هي أكبر عدو لجسم الإنسان😰.

اذا كنت
#تشعربالألم - اسأل طبيك- احمي نفسك
تابعونا مع
#قلبي-ومفتاحه🫀

Address

القاهرة : 2 شارع على أمين (امتداد مصطفى النحاس) بجوار حي مدينة نصر
Cairo

Opening Hours

Monday 3pm - 6pm
Tuesday 3pm - 6pm
Wednesday 4pm - 7pm
Thursday 3pm - 6pm
Friday 1:30pm - 3:30pm
Saturday 5pm - 8pm
Sunday 5pm - 8pm

Telephone

+201155666416

Website

Alerts

Be the first to know and let us send you an email when Dr.Wael Wagdy - د. وائل وجدي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Wael Wagdy - د. وائل وجدي:

Shortcuts

Share

Category