05/10/2026
🚨 ده اأهم بوست عن الحمله اللي تهم امهات مصر كلها .
لو عندك أطفال بين ٩ شهور و١٠ سنين 👶🏻👧🏻
📢 وزارة الصحة والسكان أعلنت عن الاستعداد لحملة قومية للتطعيم ضد الحصبة والحصبة الألمانية، خلال شهر أكتوبر، وهتستمر حوالي ٣ أسابيع.
📣 فركزي معايا وشيري البوست على كل الجروبات.
الحملة دي لتطعيم الأطفال المصريين 🇪🇬 وغير المصريين 👧🏻 المتواجدين في مصر خلال الفترة دي، بداية من سن ٩ أشهر وحتى ١٠ سنوات في جميع المحافظات.
💡 هنجاوب هنا على كل الأسئلة 🤷🏻♀️ اللي ممكن تيجي في بالكم علشان تكونوا متطمنين وأنتم بتطعموا عيالكم 😍
🚨 1️⃣ هو لازم يعني التطعيم ده؟
أيوة... التطعيم مهم جدًاااا 👍 ولازم تديه لطفلك حتى لو اتطعم قبل كده كل تطعيماته.
🚨 2️⃣ إيه أهميته بقى تطعيم الحملة ده؟
التطعيم ده مهم جدًا علشان مناعة طفلك 🛡️، بالإضافة أن تطعيم جميع الأطفال في فترة زمنية محددة يعتبر نوع من أنواع مكافحة انتشار الفيروس بين الأطفال 👥.
🚨 3️⃣ طب ابني متطعم في الصحة قريب، ينفع أطعمه في الحملة دي ولا لأ؟
لازم تستني مرور مدة لا تقل عن ٤ أسابيع بينه وبين أي تطعيم في الصحة.
🚨 4️⃣ ... طيب لو ابني خد تطعيم الحصبة في الصحة قريب، ينفع أطعمه في الحملة دي كمان؟
لو هيبقى الفرق بين التطعيمين ٤ أسابيع أو أكتر يتطعم عادي.
وزي ما قولنا مدة الحملة ٣ أسابيع... يعني المعظم هيلحق إن شاء الله.
🚨 5️⃣ طب لو طفلي واخد تطعيم خارجي؟
🔸 لو تطعيم الجديري المائي لازم برضه فرق ٤ أسابيع على الأقل بين التطعيمين.
🔸 ولو المكورات أو السحائي او الانفلونزا الموسميه يتطعم في أي وقت عادي، مش لازم فرق بين التطعيمين.
🚨 6️⃣ طب فيه موانع للتطعيم ده؟ 🙅🏻♀️
موانع التطعيم كالتالي:
❌ طفل أصيب بالحصبة من أقل من شهر.
❌ طفل خد تطعيم الحصبة وعمل له حساسية.
❌ طفل بيتعالج بالكورتيزون بقاله أكتر من أسبوع.
❌ طفل بياخد أدوية مثبطة للمناعة.
❌ طفل عنده أمراض نقص المناعة زي مرض نقص المناعة المكتسبة أو سرطان الدم.
🚨 7️⃣ سمعنا 📢 عن التطعيم ده على والسوشيال ميديا، وكلها مليانة كلام بيشكك في الحملة دي... إيه رأيك في الكلام ده؟، التطعيم زي الفل وفرته وزارة الصحة والسكان في مصر 🇪🇬 بالتعاون مع منظمة الصحة العالمية 🌐، يعني اتوفر من مصادر معتمدة.
بالإضافة أن وزارة الصحة فحصت عينات منه من خلال عدة جهات للتأكد من سلامته.
بالإضافة إلى أن الحقنة اللي هيتطعم بيها طفلك غير قابلة للاستخدام مرة تانية، يعني هتترمي ومحدش تاني هيتشك بيها.
🚨 8️⃣ طب إيه هي أماكن التطعيم؟
📍 الوحدات الصحية.
📍 القوافل الطبية.
📍 مكاتب الصحة.
📍 الحضانات والمدارس.
⚠️ وخلي بالك: الحملة دي مش هتلف على البيوت ❌🏘️ زي حملة شلل الأطفال.
🚨 9️⃣ هل في أعراض جانبية للتطعيم ده بتاع الحملة يعني؟
أعراض بسيطة جدًا زي اللي بتحصل في أي تطعيم، زي:
🔸 احمرار مكان الحقنة.
🔸 ارتفاع بسيط في درجة الحرارة.
⚠️ بس متنساش إن الأعراض الجانبية البسيطة دي متجيش حاجة جنب مخاطر عدم تطعيم طفلك ضد الأمراض اللي بيحمي منها التطعيم!!
🚨 🔟 ابني عيان يا دكتور، هو ينفع أطعمه وهو عيان؟
حسب شدة الأعراض.
⚠️ لو التعب شديد يتم تأجيل التطعيم.
