Dr.samar kamal diabetes and nutrition, د.سمركمال للسكر و التغذية العلاجية

29/08/2026

27/08/2026

ده اسوء ميكس لنوعين #انسولين مع بعض .

انسولين مخلوط و يضيفلكً معاه انسولين قاعدي 🤦‍♀️
و يجي العيان يشتكي :
📌وزن بيزيد ....
📌سكر طالع نازل ...
📌و هبوط متكرر خصوصا وقت الفجر...
📌و مضاعفات سواء ف الاعصاب او الكلي ...
و يستغرب ليه و هو ماشي علي العلاج ؟!!!

اي مريض سكر بياخد انسولين لازم يفهم طريقه عمل النوع الي بياخده ؛ناقش دكتورك ..
و كل انواع الانسولين لازم تتعلم معاها حسابات #الكارب علشان تحمي نفسك من مشاكل السكر و مضاعفاته..
#دسمركمال

03/08/2026

#الوزن الزائد اللي اتكوّن في سنين…
مش طبيعي يختفي في أسابيع.

خصوصًا لو السمنة أثرت بالفعل على صحتك، وسببت مقاومة إنسولين، أو رفعت سكر الدم، أو سببت خللًا في الكوليسترول، أو كبد دهني .

📌 أول خطوة للنجاح في رحلة نزول الوزن…
إن أهدافك تكون #واقعية.

الأدوية الحديثة نتائجها قريبة جدًا من نتائج عمليات التكميم في فقدان الوزن، لكن تظل عاملً مساعدً مش سحر.

بتساعدك تكسر دائرة الجوع، وتتحكم في الشهية،
لكن جسمك محتاج وقت يصلّح آثار سنين من السمنة .

📌للأسف، في معلومات غلط كتير بتوهم الناس إن العلاج بينزل 20 كيلو في شهر، ولما ده ما بيحصلش يفتكروا إن العلاج فشل أو إن المشكلة فيهم فيحبطوا اكتر ...
وفي ناس بتخاف من العلاج أصلًا بسبب الشائعات، فتأخر قرار ممكن يحسن صحتها.💁🏻‍♀️

خلي معلوماتك من مصدر طبي موثوق… طبيبك المعالج و كفي ..

والنجاح الحقيقي مش بالسرعة في نزول الوزن، لكن بالنزول الآمن بدون مضاعفات و لا اعراض جانبيه ، ويستمر معاك.🙏
#دسمركمال✨

30/07/2026

تحية لكل أب وأم فاهمين إن السمنة #مرض محتاج #علاج… وبيدعموا ولادهم في رحلة العلاج ماديا و نفسيا 🤍

📌لما ابنك أو بنتك يوصلوا لمرحلة إن #الوزن بدأ يسبب مقاومة إنسولين، أو سكر، أو خلل في الدهون، أو أثر على النفسية والحركة…
يبقى إحنا بنتعامل مع #مرض حقيقي، مش مع حد إرادته ضعيفة.

📌 في المرحلة دي، الحل مش “بيضة وربع رغيف” ولا “امنعوا النشويات”. 🫸
هنا ده مرض محتاج تقييم طبي، وخطة علاج مناسبة.

الأهل الواعين بيستشيروا طبيب متخصص، وبيفهموا أهمية العلاج ...
📌 ومبيمشوش ورا بوستات السوشيال ميديا اللي بتخوّف الناس أو بتأخر العلاج الصح… للأسف. 🙏

وبدل اللوم، والزعيق، وتحسيس ولادنا بالذنب أو الفشل… ندعمهم، ونشجعهم، ونمشي معاهم خطوة بخطوة في رحلة العلاج.🧑‍🧑‍🧒‍🧒

الوعي ده يستحق كل الاحترام. 🤍

#دسمركمال

25/07/2026

✨سكر نوع اول و عندك سمنة او زيادة وزن مش عارف تضبطهم ؛
ف بتفكر في اشتراك جيم، دايت،أدوية التخسيس او خلاص بتفكر في التكميم فاكره حل سهل او استنفذت كل الحلول الاولي ..

كل دول فرص نجاحهم قليله جدااا لو السكر مش متظبط.

📌اضبط السكر الأول لمدة شهر على الأقل، واستهدف Time in Range ≥70% (قراءات بين 80–180 mg/dL).
بعد كده فكر في نزول الوزن ،غير كده هتاخد مضاعفات من الطريقه الي لجأتلها و مش هتكون مبسوط بالنتيجة
#دسمركمال

05/06/2026

دراسة شملت تقريبا ١٠٠ ألف امرأة بين 45 و80 عامًا أظهرت أن استخدام أدوية GLP-1 مثل أوزمبيك وويجوفي كانوا أقل عرضة للإصابة بسرطان الثدي بنحو 30%
الباحثون يعتقدو ا أن السبب الرئيسي قد يكون بسبب فقدان الوزن وتقليل الالتهابات وتحسين التمثيل الغذائي، وهي عوامل معروفة بتأثيرها على خطر الإصابة ببعض أنواع السرطان

03/06/2026

ادوية تخسيس glp1 الاقراص الي بالفم ،الي بالفعل بقت متاحة في بعض البلاد العربية

💥Foundayo
بيتاخد قرص مرة يوميًا،
ووصل متوسط نزول الوزن مع أعلى جرعة (17.2 مجم) لحوالي 12.4% من الوزن خلال 72 أسبوع.

📌 متوفر بتركيزات تبدأ من 0.8 مجم وتصل إلى 17.2 مجم.

💥 Wegovy ( بالفم أقراص)
حقق نزول وزن حوالي 16.6% خلال 64 أسبوع بجرعة 25 مجم يوميًا.

📌 متوفر بتركيزات تبدأ من 1.5 مجم وتصل إلى 25 مجم.

⭐ الميزة الكبيرة إن الاتنين أقراص بدل الحقن،
لكن يفضلوا جزء من خطة تشمل أكل صحي وحركة ، مش بديل عنهم
الاتنين لازم بيتصرفوا بوصفة طبية و طبعا باشراف طبي..
#دسمركمال