28/09/2026
لا اخفيكم سراً في جلسات كدا الاخصائي بيستناها عشان يستمتع بالشغل مع الاطفال زي جلسه يونس عشان بياكلني فراشات زي مانتو شايفين 😂🤍
Welcome to episode 8 of Nadoda's corner 🗣️
Waiting for a turn مش مهارة بنطلبها من الطفل وخلاص، دي مهارة محتاجة تدريب. ❤️
يعني بدل ما نقوله: "استنى دورك!"
ونتوقع إنه يستنى دقيقة أو دقيقتين بسهولة،
نبدأ بحاجة بسيطة جدًا.
🎯 نبدأ بثواني قليلة.
مثلاً بنلعب بالكرة: "دوري 👩🏻… دورك 👦🏻."
أول ما الطفل يستنى دوره، حتى لو ثواني بسيطة: "برافو! استنيت دورك!" 👏🏻
وبعد كده نزود وقت الانتظار تدريجيًا.
وممكن نستخدم Visual Cue بسيط: "الأول ماما… وبعدها أنت."
ومهم جدًا إن الطفل يشوف إن الدور له بداية ونهاية،
مش مجرد كلمة "استنى" من غير ما يعرف هيستنى لحد إمتى.
لأننا لما بنعلّم الطفل ينتظر دوره، إحنا مش بنعلّمه الانتظار بس…
إحنا بنبني عنده: ✨ التحكم في الاندفاع
✨ المشاركة
✨ التفاعل الاجتماعي
✨ المرونة
✨ واحترام دور الآخرين
