08/09/2026
"دكتور أنا هعمل تحليل دهون كاملة Lipid Profile…أصوم كام ساعة؟"
❌ مش لازم تصوم بشكل روتينى !
أخر كلام وماترجعش ورايا >>> ممكن فى معظم الحالات تعمل تحليل دهون كاملة Lipid Profile بدون صيام !
لان مش بيفرق صايم أو لأ فى القياسات المهمة دى >>>
🔹 Total Cholesterol الكوليسترول الكامل
🔹 LDL الكوليسترول الضار
🔹 HDL الكوليسترول النافع
وكمان التحليلين الجداد
🔹 Apo B
🔹 Lipoprotein(a) تحليل الكوليسترول الواثى
والأبحاث أظهرت أن مش لازم صيام لان الاختلافات بعد الأكل لتحاليل الكوليسترول محدودة !
تعالى بقى للمشكلة واللغبطة >>> الدهون الثلاثية TG 😬
الدهون الثلاثية هى اللى بتتأثر بالطعام... فلو عملت التحليل وأنت "فاطر" وطلعت الدهون الثلاثية مرتفعة جدًا يعنى أكتر من 440 mg/dL _ ودة مش بيحصل كتير الحقيقة _ يبقى ساعتها فقط ممكن أطلب منك إعادة التحليل وأنت "صائم" للحصول على تقييم أدق للدهون الثلاثية وعلاجها.
فالصيام ما زال له مكانه فى حالات ارتفاع الدهون الثلاثية فقط، والطبيب قد يطلبه حسب حالة المريض والهدف من التحليل.
بتعمل تحليل علشان الكوليسترول ومتابعته >>مش لازم صيام ،
بتعمل تحليل علشان الدهون الثلاثية ومتابعتها >> يبقى يفضل الصيام من ٨ إلى ١٢ ساعة.
" كدة بقت سهلة ومش مستهلة 😉"
السؤال الأهم من "أنت صايم ولا لأ؟"، هو >>> إيه مستوى LDL عندك ؟؟؟ سواء صايم او فاطر بقى مش فارقة معاى مش فارقة معاى تعتب على أعتب مابتعتب ماااا تعتب مش قصة هاى مش قصة هااااى...
قرار علاج الكوليسترول مش بيتاخد من رقم تحليل LDL وبس، لكنن بناءً على العوامل المصاحبة له اللى بتحدد مدى خطورة إصابتك بأمراض القلب والشرايين زى الضغط والسكر والتدخين والتاريخ المرضى بأمراض القلب والشرايين والسمنة والعامل الوراثي بالأسرة ، من الاخر بشوفك كلك على بعضك مش حتة حتة ! ، تحليل الكوليسترول دة نقطة واحدة من ١٠ نقاط بجمعهم واحنا بندردش مع بعضينا فى العيادة وانت مش واخد بالك 😎
بص انا كنت عامل فيديو عالمى فى أول تعليق عن الموضوع دة وربنا لو فهمته تبقى استاذ 😄 ، لان للاسف كل مدعين الطب مايعرفهوش ولا يقدروا يفهموه ، طيبات سلامات واحدات كريمات ...أجمع !
#معمل #القدس #للتحاليل #الطبيه #وابحاث #الدم
