28/07/2026
معلومه سريعه عن تراجع زحل لحد يوم 9 ديسمبر.
زحل هنا تراجعه مش كارثه زي الناس ماهي مهوله فيه.
هو كارثه ع الغير ملتزم كارثه ع اللي وعد وماوفاش بوعوده هايفضل ف كارمتها ع الاقل سنتين كمان
غير كده يبقي إنت ف الامان
زحل راجع ف نفس القديم عندك سواء علاقات صداقات شراكات أموال ديون مظهر خارجي وتغيير داخلي.
كل واحد ع حسب موقع زحل بالنسبه له
انت هاتعرف موقعه عندك من عودة الدرس او نفس المشكله او نفس الحوار القديم.
ندي مثال عشان تفهم اكتر بوضوح.
يعني لو زحل عندك ف موقع مال متعوب عليه زي البيت التاني مثلا ليك فهو هايحطك ف نفس مشكله قديمه تخص المال ده.
يعني ازاي صرفته ازاي اتعاملت معاه هل اتداينت بسببه هل ماصرفتوش صح هايكرر نفس الحوار القديم هيشوفك هاتتصرف نفس التصرفات ولا اتعدلت.
لو اتعدلت يبقي انت ف الامان منه.
مثال تاني ف العلاقات العاطفيه او الزوجيه مثلا لو واقع ف السابع او الخامس او التاسع لو جواز تاني.
فلو انت وعدت بحاجه ومانفذتها زحل بيقولك الحق نفسك ونفذ وعدك والا هاتخش ف نفس المشاكل القديمه والاختيار الغلط تاني بكل بلاويه حبه سنين حلوة تاني قدام
لذلك هاتلاقي ناس قديمه رجعت حياتك او انت رجعت ليهم.
الدرس هنا مشترك هل عملت نفس الخطأ ولا هاتصلحه؟
هل هاتختار نفس الاختيار ولا خلاص عرفت الصح فين فتروحله تاني.
هل انت رجعت عشان تعيد نفس العلاقه من غير التزام بمسؤليه او وعد ولا خلاص عرفت غلطك.
هل انت رجعت لمجرد الرجوع ولا هاترفض العلاقه القديمه وعرفت تقول لا.
لو ماتعلمتش وراجعت نفسك ف نفس العلاقه القديمه دي يبقي هاتكمل اختيارك الغلط وتقع ف مشاكل اكبر من اللي وقعت فيها عشان يعاقبك ع عدم التزام وعدم مسؤليتك واستهتارك.
هل هاتكمل لعب ولا هاتبقي جد. لو هاتكمل لعب يبقي هاتشوف العذاب ضعفين.
لو رجعت تصلح علاقتك وتبقي جد هاتتكافئ بحاجات حلوة تخليك تقول ياريتني عملت ده من زمان.
وهكذا.
ناخد بالنا مثلا من امراض العظام هاترجع وحساسيه الجلد.
اكيد لاحظتو وجع عظم زاد خصوصا الركبه والصداع والفك والراس عموما.
لذلك ماننصحش تبدا عمليات جراحيه تخش العظام زي التقويم والكسر او الروماتيزم العظمي.
ولو زنقت اوي معاك حلها ف الصداقات ع كبار السن ايام السبت واطعام كل مافيه كالسيوم للبناء زي الاطفال مثلا او كبار السن اهم.
اكيد برضو لاحظتو ان فيه حركة غريبه تحت جلدك كأن فيه حاجه ماشيه وتفضل تهرش بس مش لاقي سبب او حاجه للاحساس ده خصوصا من بعد المغرب الاحساس ده بيزيد.
هاترجع عندك حشرات قديمه ممكن تسبب حساسيه لجلدك.
ماتخشش عش الدبابير برجلك اتحاشى ده بقدر الامكان وماتعالجش بنفس طريقة علاجك القديمه للحاله دي لو رجعت. هنا اقطع خالص السبب. اتخلص من بؤرة الحشرات دي افضل وهاتتعوض عنها ماتستخسرش تخلص من الحاجه دي ايا كانت هي ايه.
ارميه اقطعها اتخلص منها كليا بأي طريقة. المهم ماتبقاش حواليك.
هاتلاحظو كسل ف العمل. لو قاومتوه هاتتكافئوا لان ببساطه التزامك هايكون واضح للكل بما ان الكل هايبقي عنده النقص او الكسل او القصور ف الالتزام فهاتبقي ظاهر وبالتالي مكافآت او ترقيات هاتيجي.
اما لو عملت زي الباقيين يبقي نقطه سلبيه عليك وتبقي عبره للي اتعلم الدرس ينط فوقك ع قفاك الفتره دي حتي لو كنت افضل منه بالفعل.
هنا زحل بيقولك دي فرصتك ياتكسبها وتثبت نفسك وتتكافئ.
يااما تتساهل معاها وتغلط ويبقي مجهود كل اللي فات كله راح ف غلطتين تلاته هدر.
زحل بيديك الفرصه التانيه اللي مش هاتتعوض تاني الا بعد كتير اوي هاتكون خسرت فيها اكتر
ولو فهمت الدرس وراجعت نفسك واخطاء الماضي هاتتكافئ بفوق ماتتخيل.
التزم بوعدك ومسؤليتك وحط حدودك اللي كنت سايبها سداح مداح دي.
ماترجعش الا لو كنت عارف انك هاتصلح اللي فات بقرارات غير اللي اخدتها قبل.
يعني لو اتنازلت بطل تتنازل
لو ماوفيتش وعد ارجع نفذه
لو هربت من مسؤليه ارجع شيلها
لو حليت مشكله فلوس بالديون استحمل واشتغل اكتر بس ماتتداينش تاني.
لو عليك اقساط كنت بتتأخر فيها بسبب شغل او التزام تاني شايفه اهم لا غير اولويه الاهتمام او أسلوب الشغل.
لو بتغش ف شغلك وقف ده فورا
ارجع لضميرك ضروري
قيس ع ده بقي باقي النواحي زي الدراسه السفر والاستقرار والبيت والعيال والاهل والاصدقاء والورث والعداوة
وخلي بالك من اي حوادث تتكسر فيها.
وخلي بالك تجنب اي حاجه تسببلك صداع
تجنب اي اهمال ف صحتك
خلي بالك من الحشرات وحساسيتها
والحساسيه عموما
رطب جسمك دايما ماتخليش نقطه ف جسمك ناشفه كده كده زحل بينشف اي حاجه فماتكملش ع نفسك معاه.
اتصدق بشعير او حبوب. رز بقي عدس حنطه بقوليات ناشفه. دره
اي حبوب ناشفه
اتصدق لكبار السن
الصداقات اعملها يوم السبت
بس كده.
ده بشكل عام سريعا
#ابعتهاله #ابعتهالها #التزموا #ماتهربش #ارفض
#الفلك #زحل #تراجع
