08/03/2026
حالة اليوم 👨🏻⚕️
بنوته عندها 15 سنة جات تشتكي من إمساك شديد مع نزيف شرجي بقاله حوالي 5 أيام.
طبعًا كان سهل جدًا نقول إن السبب بواسير ونحولها لجراحة…
لكن قبل ما نحكم لازم نتأكد الأول.
عملنا منظار قولون للاطمئنان إن مفيش سبب تاني للنزيف.
النتيجة كانت مفاجأة شوية:
- درجة بواسير بسيطة جدًا لا تفسر النزيف
- وجود قرحتين والتهابات في المستقيم
تم أخذ عينات من القرح، وطلعت النتيجة:
قرحة المستقيم الانفرادية
(Solitary Re**al Ulcer Syndrome)
وده بيحصل غالبًا بسبب:
- الإمساك المزمن
- الشد والحزق أثناء التبرز
- وجود درجة من السقوط الشرجي
بفضل الله:
بدأنا العلاج المكثف للإمساك وعلاج الالتهاب
وخلال أيام قليلة النزيف توقف والإمساك اتحسن بشكل واضح.
الرسالة المهمة هنا 👇
ليس كل نزيف شرجي سببه بواسير، والتشخيص الصحيح يوفر على المريض تعب كبير.
ربنا يشفي البنوته ويشفي جميع مرضى المسلمين
#الإمساك
