د.سالى عاطف ميخائيل/استشارى دولى الرضاعة الطبيعية.ibclc

  • Home
  • Egypt
  • Cairo
  • د.سالى عاطف ميخائيل/استشارى دولى الرضاعة الطبيعية.ibclc

د.سالى عاطف ميخائيل/استشارى دولى الرضاعة الطبيعية.ibclc دعم
إدخال الأطعمة المختلفة بعد الشهر السادس consultant

🛑 "كلي ليكي ولابنك".. هل فعلاً المرضعة بتاكل لـ 4؟! 🤦‍♀️🤰سمعنا زمان أمثال وحكايات غريبة جداً عن أكل الأم بعد الولادة، زي...
07/06/2026

🛑 "كلي ليكي ولابنك".. هل فعلاً المرضعة بتاكل لـ 4؟! 🤦‍♀️🤰

سمعنا زمان أمثال وحكايات غريبة جداً عن أكل الأم بعد الولادة، زي:
"المرضعة لازم تاكل قد أربعة!"
"أول ما العيل ينزل.. لازم نحط مكانه فرخة كاملة فوراً!" 🍗

الهدف طبعاً بيكون حب ودعم للأم، بس النتيجة للأسف بتكون زيادة وزن رهيبة، وإحباط للأم اللي بتلاقي نفسها بتدخل في دوامة سمنة مش عارفا تخرج منها.

تعالي نتكلم عِلمياً وبصراحة.. إيه تأثير الرضاعة على وزنك؟ ومحتاجة تاكلي قد إيه فعلاً؟ 👇

1. الرضاعة وحرق السعرات 🏃‍♀️✨
الرضاعة الطبيعية المطلقة بتستهلك طاقة كبيرة جداً من جسمك. في المعدل، جسمك بيحرق حوالي 500 سعرة حرارية إضافية يومياً عشان ينتج اللبن.
يعني إيه؟ يعني الرضاعة بمثابة "جيم رباني" بيساعدك تخسي تدريجياً وبشكل آمن، بشرط إنك ماتعوضيش السعرات دي بأكل عشوائي
!

2. "تآكل قد إيه؟" .. الحسبة العلمية مش بالفرخة! 🍽️
جسمك مش محتاج "أكل لشخصين أو أربعة"، هو محتاج بس زيادة طفيفة وذكية:
الكمية: كل اللي محتاجاه هو زيادة حوالي 330 إلى 400 سعرة حرارية بس فوق احتياجك الطبيعي قبل الحمل (وده بيعادل وجبة خفيفة ومغذية مش وليمة!).
النوعية هي الأساس: جسمك محتاج مغذيات مش "سعرات فارغة". التركيز لازم يكون على:
البروتينات: (بيض، فراخ مشوية، لحوم، بقليات) عشان بناء الأنسجة وصحة جسمك.
الكالسيوم والحديد: لأن اللبن بياخد مخزون جسمك، فلازم تعوضيه.
الدهون الصحية: (مكسرات، زيت زيتون، آفوكادو) المفيدة لتطور مخ الرضيع.

3. خرافة "حط مكان العيل فرخة" و"حلاوة للمدرات" ❌
الفكرة القديمة: ربط إدرار اللبن بالأكل الدسم، السمنة البلدي، والمفتقة والحلاوة الطحينية.
الحقيقة العلمية: إدرار اللبن بيعتمد أساساً على الهرمونات (البرولاكتين والأوكسيتوسين) وعلى الرضاعة المستمرة وتنظيم السوائل. الأكل الدسم مش هيزود اللبن، هو هيزود وزنك أنتِ بس!

4. السر الحقيقي لإدرار اللبن الحفاظ على الوزن 💧
المياه هي الساحر الأكبر: اللبن يتكون بنسبة تزيد عن 85% من الماء. اشربي كوباية مياه مع كل رضعة.
الخضروات والفاكهة: بتديكي فيتامينات وألياف تمنع الإمساك وبتحسسك بالشبع بدون زيادة وزن.
💡 الخلاصة لكل أم:
الرضاعة فرصة ذهبية لجسمك عشان يستعيد رشاقته وصحته، مش رخصة للأكل العشوائي. كلي بذكاء.. مش بـ "كمية". صحتك وصحة ابنك في "جودة" أكلِك. ❤️

#دايت

🍦 العيد فرحة.. بس الشمس حامية! ☀️كل سنة وأنتم طيبين يا مامي، وعيد سعيد عليكم وعلى كتاكيتكم. بما إن إجازة العيد السنادي ج...
25/05/2026

🍦 العيد فرحة.. بس الشمس حامية! ☀️

كل سنة وأنتم طيبين يا مامي، وعيد سعيد عليكم وعلى كتاكيتكم. بما إن إجازة العيد السنادي جاية مع موجة حر شديدة، تعالي نعرف إزاي نحمي نفسنا والبيبي ونقضي وقت لطيف:

🧴 صن بلوك (Sunscreen) والرضاعة:

⛑️اطمني: تقدري تستخدمي الصن بلوك بتاعك عادي جداً وإنتي بترضعي، مفيش أي قلق منه.
🔑@نصيحة: أغلبنا بيحط كمية قليلة، الصح إنك تستخدمي حوالي 6 لـ 8 معالق صغيرة لجسمك كله عشان تضمني حماية حقيقية.

👶 حماية البيبي من الشمس:
لو البيبي أصغر من 6 شهور: بلاش صن بلوك خالص. الأفضل إنه يفضل في الظل بعيد عن ضوء الشمس المباشر، ولبسيه قطنيات خفيفة.

🥳لو البيبي أكبر من 6 شهور: استخدمي صن بلوك مخصص للأطفال (SPF 30 على الأقل)، وحاولي تتجنبي الخروج في وقت الذروة (من 11 الصبح لـ 3 العصر).

💧 البيبي والماية في الحر:
أصغر من 6 شهور: الرضاعة الطبيعية "حصن وأمان". البيبي مش محتاج ماية إضافية، لبن الأم فيه كل السوائل اللي محتاجها، بس زودي عدد الرضعات.
لو بيرضع صناعي: ممكن تديله رشفات بسيطة من ماية مغلية ومبردة لو حسيتي إنه عطشان.

🤩أكبر من 6 شهور: قدميله ماية مع الوجبات، وفي الحر ده زودي كمية الماية والرضاعة طول اليوم.

🥤 أهم نصيحة ليكي إنتي:
ماتنسيش نفسك في زحمة العيد! اشربي سوائل كتير (ماية، عصائر طبيعية) عشان تحافظي على رطوبة جسمك وعلى إدرار اللبن.
عيد سعيد عليكم، استمتعوا بالخروجات واللمة وخليكم دايماً في الظل! ⛱️🌸

#عيدالاضحي #صيف

"ابني بيتغير فجأة وبيمر بمرحلة غريبة!".. كل ما تحتاجين معرفته عن "طفرات النمو" عند الرضع 👶✨هل طفلك الهادئ تحول فجأة لبيب...
23/05/2026

"ابني بيتغير فجأة وبيمر بمرحلة غريبة!".. كل ما تحتاجين معرفته عن "طفرات النمو" عند الرضع 👶✨

هل طفلك الهادئ تحول فجأة لبيبي بيبكي بدون سبب واضح؟

هل حاسة إنه عاوز يرضع طول الوقت (حرفياً مش بيبطل)؟

أو نومه المنتظم اتقلب وبقى بيصحى كتير؟

اطمني.. أنتِ مش مقصرة، وطفلك مش عيان..
طفلك ببساطة بيكبر ويمر بما يُسمى "طفرة نمو" (Growth Spurt)! 🌱

💡 يعني إيه طفرة نمو؟

هي فترات قصيرة ومكثفة بيكبر فيها جسم الطفل وعقله بسرعة الصاروخ. طاقة جسمه كلها بتكون موجهة للنمو، وده بيخليه محتاج أكل أكتر، وبيحس بقلق وتعب يعبر عنه بالبكاء والزنان.

📅 امتى بتطلب طفرات النمو دي؟ (أشهر أوقاتها)

غالباً بتظهر في الأوقات دي من عمر الرضيع:
الأسبوع الثاني والثالث.
الأسبوع السادس.
الشهر الثالث.
الشهر السادس.
(كل طفرة بتستمر من يومين لـ 5 أيام، وأحياناً أسبوع).

🛠️ إزاي تعدي الفترة دي بسلام؟ (دليل النجاة للأمهات) 🥰

🔑استجيبي لطلب الرضاعة فوراً (Cluster Feeding):
هتحسي إنك قاعدة بترضعي طول اليوم، وده طبيعي جداً! كثرة الرضاعة في الأيام دي هي الطريقة الربانية اللي ربنا خلقها عشان جسمك يفهم إن الطفل بيكبر، فيبدأ يزود إفراز اللبن ليلبي احتياجاته الجديدة.

🔑النوم ثم النوم:
"نامي لما البيبي ينام" مش رفاهية في الأيام دي. طفرة النمو مرهقة ليكي وليه، فاستغلي أي فرصة عشان ترتاحي وتجددي طاقتك.

🔑حضن دافي وأمان (Skin-to-Skin):
التلامس المباشر بين جلدك وجلد الرضيع بيفرز هرمونات بتهديه وبتقلل بكائه، وكمان بتزود إدرار اللبن عندك. شيليه وضَميه.. هو محتاج يحس بالأمان لأن جسمه بيتغير.

🔑اطلبي المساعدة وماتتكسفيش:
الأيام دي بتحتاج تفرغ تام للبيبي. اطلبي من زوجك أو والدتك المساعدة في شغل البيت أو تحضير الأكل، وركزي أنتِ مع طفلك ونفسيتك.

🔑اشربي ميه وغذي نفسك:
الرضاعة المستمرة هتخليكي عطشانة وجعانة طول الوقت. خلي جنبك دايماً زجاجة ميه وسناكس صحية وسريعة (مكسرات، تمر، فاكهة).

⚠️ كلمة السر: "هتعدي!"
افتكرى دايماً إن دي مرحلة مؤقتة جداً، وخلال أيام هيرجع طفلك لطبيعته، بل وهتلاحظي إنه اكتسب مهارة جديدة (بدأ يبتسم، يتقلب، أو هدومه صغرت عليه فجأة!). أنتِ أم عظيمة وبتعملي شغل جبار.. طولي بالك وافتكري إنك مش لوحدك. ❤️

🛜شاركينا في التعليقات: طفلك عنده كام شهر حالياً؟ وتحبي نتكلم عن إيه في البوست الجاي؟ 👇👇
#أمومة

"يا دكتورة.. أنا حاسة إن لبني خفيف ومش بيشبع طفلي!" 🧐 حقيقة اللبن الخفيف والتقيل!من أكتر الجمل اللي بسمعها في العيادة وب...
20/05/2026

"يا دكتورة.. أنا حاسة إن لبني خفيف ومش بيشبع طفلي!" 🧐

حقيقة اللبن الخفيف والتقيل!

من أكتر الجمل اللي بسمعها في العيادة وبتسبب قلق وضغط نفسي كبير للأمهات هي: "حماتي أو جارتي قالتلي لبنك خفيف شبه المية والطفل بيفضل يعيط عشان مش بيشبع!"
اليوم حابة أقولك بكل ثقة علمية: مفيش حاجة اسمها "لبن أم خفيف ولبن أم تقيل"، لبنك دايماً كافي ومثالي لطفلك! تعالي نفهم السر وراء شكل اللبن، والفرق الحقيقي بين اللبن في أول الرضعة وفي آخرها:
القصة كلها بتتلخص في "اللبن الأمامي" و"اللبن الخلفي":

ث*يك مش بيفرز نوعين حليب منفصلين، هو حليب واحد متكامل، لكن تركيبته بتتغير تدريجياً أثناء الرضعة الواحدة كالتالي:

1. اللبن الأمامي (Foremilk):
ده اللبن اللي بينزل في أول الرضعة: بيبقى خفيف، شفاف، ومائل للزرقة أو الشبه بالمية فعلاً.
وظیفته: سبحان الله، اللبن ده غني جداً بالمية واللاكتوز (سكر الحليب). وظيفتة الأساسية إنه يروي عطش طفلك في البداية ويمده بالطاقة السريعة، وجسمه بيحتاجه جداً خصوصاً في الأيام الحارة.

2. اللبن الخلفي (Hindmilk):
ده اللبن اللي بينزل مع استمرار الرضعة: كل ما الطفل يكمل رضاعة على نفس الث*ي، بيبدأ اللبن يتحول تدريجياً للون الأبيض الداكن أو الأصفر ويبقى قوامه أثقل.
وظیفته: اللبن ده غني جداً بـ الدهون والسعرات الحرارية. وظيفتة الأساسية إنه يشبّع طفلك، يخليه ينام فترات أطول، وهو المسؤول الأساسي عن زيادة وزنه ونموه بشكل صحي.

💡 إزاي تضمني إن طفلك بياخد الوجبة كاملة (المية والدهون)؟
الخطأ اللي بيخلي الأمهات تفتكر إن لبنها مش بيشبع هو "التنقل السريع". لو نقلتي طفلك من الث*ي الأول للث*ي الثاني بسرعة، هو كده أخد "اللبن الأمامي" (المية) من الناحيتين، وفاتته وجبة الدسم (اللبن الخلفي)!

🌟القاعدة الذهبية:
سيبّي طفلك يرضع من ث*ي واحد لغاية ما يخلصه تماماً ويفضى تماماً ويسيبه بنفسه، عشان تضمني إنه وصل للبن الخلفي الدسم اللي هيشبعه ويزود وزنه. في الرضعة اللي بعدها، ابدأي من الث*ي التاني.

⛑️علامات الأمان:
طالما طفلك بيبلل من 6 لـ 8 حفاضات في اليوم، ونشاطه كويس، ووزنه بيزيد مع المتابعة.. يبقى لبنك "دهب صافي" ومفيش أي داعي للقلق أو لإدخال حليب صناعي بدون استشارة طبية.

د/ سالي عاطف ميخائيل
استشاري دولي رضاعة طبيعية وأخصائي تغذية علاجية للأطفال

المصادر العلمية للمنشور (References):
Foremilk and Hindmilk Dynamics: * Woolridge, M. W., & Fisher, C. (1988). Evaluation of post-natal breastfeeding support. Early Human Development, 17(2-3), 159-168. (توضح كيف تتغير نسبة الدهون تدريجياً أثناء الرضعة الواحدة).
Fat Composition in Human Milk: * Saarela, T., Kokkonen, J., & Koivisto, M. (2005). Macronutrient and energy contents of human milk fractions during the first six months of lactation. Acta Paediatrica, 94(4), 420-425. (تثبت أن اللبن الخلفي يحتوي على أضعاف نسبة الدهون الموجودة في اللبن الأمامي لضمان الشبع).
Clinical Management of Breastfeeding: * American Academy of Pediatrics (AAP). (2022). Policy Statement: Breastfeeding and the Use of Human Milk. Pediatrics, 150(1). (تؤكد على أهمية إفراغ الث*ي الأول تماماً لضمان حصول الطفل على السعرات الحرارية الكاملة).

معجزة ربانية.. كيف يتفصّل حليب الأم على مقاس طفلها؟ 🤱✨من أكثر المخاوف التي تواجه الأمهات، خصوصاً لو رُزقن بطفل مبتسر (مو...
17/05/2026

معجزة ربانية.. كيف يتفصّل حليب الأم على مقاس طفلها؟ 🤱✨

من أكثر المخاوف التي تواجه الأمهات، خصوصاً لو رُزقن بطفل مبتسر (مولود مبكراً)، هي: "هل ث*يي جاهز؟ وهل نزل الحليب فعلاً؟ وهل نقط السائل الأصفر الصغير ده كفاية؟"

اليوم حابة أطمئن كل أم وأشاركك حقائق مذهلة عن معجزة تكوين الحليب داخل ث*يك:

1. متى يبدأ تكوين الحليب؟

الحقيقة المفاجئة لكثير من الأمهات هي أن إنتاج الحليب يبدأ أثناء الحمل نفسه! في الفترة ما بين الأسبوع الـ 16 والـ 22 من الحمل، يبدأ الث*ي في تصنيع ما يسمى "السرسوب" أو "اللبأ" (Colostrum). يعني بمجرد ولادة طفلك، "المصنع" جاهز تماماً ولا ينتظر الولادة ليبدأ العمل.

2. معجزة الطفل المولود مبكراً (الطفل المبتسر):

سبحان الله، إذا وُلِد الطفل مبكراً (Preterm baby)، فإن جسم الأم يستشعر ذلك فوراً!
حليب الأم التي تلد مبكراً يختلف تركيبته تماماً عن حليب الأم التي تلد في موعدها؛ حيث يكون أعلى في نسبة البروتينات، الأجسام المضادة (المناعة)، والمعادن (مثل الصوديوم والكلوريد)، ليناسب احتياجات الطفل المبتسر بدقة شديدة ويحميه من العدوى في الحضّانة.

3. السرسوب: حليب حقيقي متفصّل على المقاس 🪙

بعض الأمهات يعتقدن أن السرسوب ليس حليباً حقيقياً لأنه ينزل بنقاط قليلة ولونه يميل للأصفر. لكن الحقيقة الطبية تقول:

حجم معدة طفلك في اليوم الأول يكون في حجم "حبة الكرز" (تتسع لحوالي 5-7 مل فقط).

لذلك، صمّم الخالق السرسوب لينزل بنقاط مركزة جداً لتناسب هذه المعدة الصغيرة تماماً، دون أن تضغط عليها أو تسبب له ارتداداً.

السرسوب يعتبر "المصل أو التطعيم الأول" للطفل لأنه غني جداً بالخلايا المناعية الحية (Immunoglobulins) التي تبطن أمعاء الطفل وتحميه من الأمراض.

رسالتي لكل أم: حتى لو كانت قطرات السرسوب قليلة، فهي كنز حقيقي لطفلك وشفاء له. لا تستهيني بنقطة واحدة، فجسمك ذكي جداً ويعرف كيف يصنع ما يحتاجه طفلك في كل دقيقة. ❤️

د/ سالي عاطف ميخائيل
استشاري دولي رضاعة طبيعية وأخصائي تغذية علاجية للأطفال

#السرسوب

المصادر العلمية للمنشور (References):

Lactogenesis Timeline: * Neville, M. C., & Morton, J. (2001). Physiology and endocrine changes of lactation. Pediatric Clinics of North America, 48(1), 35-52. (تثبت بدء تكوين السرسوب في منتصف الحمل).

Preterm Breast Milk Composition:

Underwood, M. A. (2013). Human milk for the premature infant. Pediatric Clinics of North America, 60(1), 189-207. (توضح كيف يتفصل حليب الأم التي تلد مبكراً ليناسب طفلها مناعياً وغذائياً).

Colostrum & Newborn Stomach Capacity:

World Health Organization (WHO). (2009). Infant and young child feeding: Model chapter for textbooks for medical students and allied health professionals. (تؤكد على أهمية السرسوب كمطعم أول ومناسبته لحجم معدة حديث الولادة).

سيبيهم يخلّطوا الصلصال 🎨🤲صدقيني… الدنيا مش هتبوظ.سيبيهم يبنوا كباري للعربيات بالمكعبات،ويجيبوا الملاعق والحلل للرملة كأن...
17/05/2026

سيبيهم يخلّطوا الصلصال 🎨🤲

صدقيني… الدنيا مش هتبوظ.

سيبيهم يبنوا كباري للعربيات بالمكعبات،
ويجيبوا الملاعق والحلل للرملة كأنهم بيطبخوا أعظم أكلة في العالم 🍲🚗

سيبيهم يشدّوا البطاطين والمخدات ويعملوا حصون،
ويقيموا حفلات شاي للدباديب والألعاب المحشوة 🧸☕️

عارفة إن الموضوع مرهق أحيانًا…
وإن منظر الألوان وهي بتختلط ممكن يخلّي أعصابك تتوتر شوية 😅
لكن خيالهم واسع بشكل مدهش…

هم قادرين يخلقوا عوالم سحرية،
وقصص ما تتنسيش،
ولوحات مليانة حياة…
بس لما نديهم الفرصة ✨

سيبيهم يلوّنوا برا الخطوط أحيانًا،
ويكتشفوا الدنيا بطريقتهم الخاصة ✨

• سيبيهم يوسّخوا هدومهم شوية وهم بيلعبوا،
ويضحكوا من قلبهم بدون خوف 💛

• سيبيهم يجرّبوا، ويلخبطوا، ويعيدوا من جديد…
كده بيتعلّموا الحياة 🌱

• سيبيهم يخلّوا البيت فوضوي شوية،
مقابل ذكريات تعيش العمر كله 🧸

ومن وقت للتاني…
سيبيهم يخلّطوا الصلصال. 💛

يمكن هم اللي يورّونا قد إيه الدنيا جميلة فعلًا. 🌍

ملامسة الجلد للجلد 🤱🤱❓ إمتى أقدر أعمل Skin-to-Skin مع البيبي؟ و قد إيه يتكرر؟ 🦘💜إنك تضمّي طفلك على صدرك مباشرة بعد الولا...
13/05/2026

ملامسة الجلد للجلد 🤱🤱
❓ إمتى أقدر أعمل Skin-to-Skin مع البيبي؟ و قد إيه يتكرر؟ 🦘💜

إنك تضمّي طفلك على صدرك مباشرة بعد الولادة من أكتر الحاجات القوية والمهمة ليه، خصوصًا لو البيبي مولود بدري أو محتاج رعاية خاصة. 🤱✨

كتير من الأهالي بيسألوا:
💭 إمتى يكون آمن نبدأ؟
💭 و قد إيه نعمل Kangaroo Care كل يوم؟

💡 حسب أحدث توصيات منظمة الصحة العالمية، الـ Skin-to-Skin أو Kangaroo Care يفضّل يبدأ في أسرع وقت ممكن بعد الولادة، حتى للأطفال المبتسرين أو المرضى طالما حالتهم مستقرة وتحت متابعة الفريق الطبي.

📅 إمتى نبدأ؟
في حالات كتير ممكن يبدأ مباشرة بعد الولادة أو خلال أول ساعات من عمر البيبي.
وحتى الأطفال اللي محتاجين دعم طبي، أحيانًا يقدروا يقعدوا على صدر الأم أو الأب أثناء المتابعة الطبية. 💜

🕒 قد إيه و لمدة كام؟
كل ما زاد الوقت كان أفضل. 🤍
🔹 يُفضّل يكون Skin-to-Skin لساعات طويلة يوميًا، من ٨ لـ ٢٤ ساعة لو أمكن.
🔹 بعض الأهالي يفضّلوا جلسات طويلة، والبعض يقسمها على مدار اليوم.

✨ المهم يكون البيبي والأهل مرتاحين… وكل دقيقة بتفرق. 💓

🔁 ولمدة قد إيه نستمر؟
خصوصًا مع الأطفال المبتسرين، الـ Kangaroo Care مش بس أول كام يوم.
ممكن يستمر طول فترة الحضانة وكمان بعد الرجوع للبيت لحد ما البيبي يكبر ويبقى أقوى. 🥹🫶

🌿 فوائد الـ Skin-to-Skin:
💙 يساعد البيبي يحافظ على حرارته.
💙 ينظم النفس وضربات القلب.
💙 يدعم الرضاعة وزيادة الوزن.
💙 يقلل التوتر عند البيبي والأهل.
💙 يقوي الترابط والأمان بينكم.

🦘 يوم Kangaroo Care العالمي – 15 مايو
يفكرنا إن الهدوء والقرب أحيانًا بيكونوا جزء أساسي من العلاج. ✨

💡 كل طفل مختلف، والفريق الطبي هو أفضل حد يحدد إيه المناسب والآمن لحالة طفلك.
وحتى اللحظات القصيرة من القرب… ليها تأثير كبير جدًا. 💞






نلبسه جوانتى ولا لا 🧤🥊الجوانتي بتاع المولود مش دايمًا أحسن فكرة زي ما متعودين 🤍البيبي بيتولد وإيده جزء مهم جدًا من تكوين...
12/05/2026

نلبسه جوانتى ولا لا 🧤🥊

الجوانتي بتاع المولود مش دايمًا أحسن فكرة زي ما متعودين 🤍

البيبي بيتولد وإيده جزء مهم جدًا من تكوينه الطبيعي…مش مجرد “أظافر بتخربش” 😅

إيده بتساعده:
🤲 يلاقي الرضاعة
🤲 يهدي نفسه
🤲 يستكشف الدنيا حواليه
🤲 يربط بين إيده وبقه وده مهم للرضاعة والتطور العصبي

حتى ريحة إيده بعد الولادة بتكون شبه ريحة الث*ي… وده بيساعده يعرف يرضع بالفطرة 🥹

آه، ممكن يخربش نفسه شوية…بس ده طبيعي لأن حركته لسه غير متزنة، مش معناه إننا نغطي إيده طول الوقت.

بدل الجوانتي 24/7:
✨ نقص الأظافر بلطف
✨ سيبيه يستخدم إيده تحت ملاحظة
✨ شجعي الـ skin-to-skin والرضاعة الطبيعية

أوقات كتير بنحاول “نظبط” البيبي… وننسى إنه متصمم بذكاء أكتر ما نتخيل


#بييى

لأننا نؤمن أن الرضاعة الطبيعية هي أجمل هدية لطفلك، يسعدنا تقديم الدعم الكامل لكِ في عيادة د. بيشوي ماهر ود. مارتيناالفري...
22/04/2026

لأننا نؤمن أن الرضاعة الطبيعية هي أجمل هدية لطفلك، يسعدنا تقديم الدعم الكامل لكِ في عيادة د. بيشوي ماهر ود. مارتيناالفريد ! ❤️

يسعدنا تواجد الطبيبة/ سالي عاطف ميخائيل، الاستشاري الدولي للرضاعة الطبيعية
طبيبة أطفال وأخصائي تغذية علاجية

، لمساعدتك في كل ما يخص رحلة الرضاعة والإجابة على استفساراتك.

⏰ مواعيد التواجد:
الاثنين و الأربعاء (من ٥ : ٧ مساءً).

📍 العنوان:
١٢٧ شارع خلوصي - شبرا مصر.

📞 للحجز والاستعلام (يرجى الحجز مسبقاً):

✅ 0 151 5657704

WhatsApp only 💬01223656424

نحن هنا لندعمك خطوة بخطوة من أجل صحة طفلك وسلامتك. 🌟

I’ll keep resharing this postFor it was my first post on my page And for wat I believe 😍HaPpY Valentine 💘 everyone
14/02/2026

I’ll keep resharing this post
For it was my first post on my page
And for wat I believe 😍
HaPpY Valentine 💘 everyone

Address

107 El Hegaz Street
Cairo

Website

Alerts

Be the first to know and let us send you an email when د.سالى عاطف ميخائيل/استشارى دولى الرضاعة الطبيعية.ibclc posts news and promotions. Your email address will not be used for any other purpose, and you can unsubscribe at any time.

Shortcuts

Share

Category