Dr. Fady Fayez د. فادى فايز

Dr. Fady Fayez د. فادى فايز cardiology & ICU consultant
استشارى القلب والقسطرة بمعهد القلب القومى
استشارى الرعاية المركزة العامة والحالات الحرجة

كل عام وانتم بخير بمناسبة عيد الاضحى يعلن دكتور فادى فايز عن تواجده بإذن الله اليوم الجمعة الموافق ٢٩ مايو الساعه ٦ مساء...
29/05/2026

كل عام وانتم بخير بمناسبة عيد الاضحى
يعلن دكتور فادى فايز عن تواجده بإذن الله اليوم الجمعة الموافق ٢٩ مايو الساعه ٦ مساءً بعيادة سان جورج التخصصية

🌹شرفونا للاطمئنان على صحتكم وصحة احبائكم 🌹

🟢العنوان: الزقازيق ١٣شارع طلعت حرب بجوار البنك الاهلى فرع النقابات
✅✅للحجز والاستعلام يرجى التواصل على الواتساب
☎️01206227766
امنياتنا بدوام الصحة والعافية للجميع





#قسطرة

#الزقازيق

🔴🔴يا دكتووووور عندي نهجان وكرشه نفس ومش عارف ده ممكن يكون سببه ايه ؟؟؟؟🟢🟢طيب خليني اسالك كام سؤال .. 🖍️هل النهجان ده جا...
11/07/2024

🔴🔴يا دكتووووور
عندي نهجان وكرشه نفس ومش عارف ده ممكن يكون سببه ايه ؟؟؟؟
🟢🟢طيب خليني اسالك كام سؤال ..
🖍️هل النهجان ده جالك فجاه كده بدون اي مقدمات ولا بقالك فتره عندك نهجان وبدا يزيد مع الوقت او مع المجهود؟؟
🖍️هل ليه علاقه بوضع معين ف النوم وهل ممكن يصحيك بعد ساعتين تلاته من النوم علي كرشه نفس وخنقه وعرق ؟؟؟
🔴🔴هي تفرق يادكتور ؟؟
🟢🟢طبعا تفرق كتييييييييير
⬇️بص ياسيدي ⬇️
✅كرشه النفس الحاده والعنيفه بشكل مفاجئ بتبقي بعد الشر عنك حاجه خطيره ممكن تهدد الحياه ولذلك المريض ما بيستناش بسرعه بيتصل بالدكتور او بيتوجه للمستشفي وبالفحص الاكلينيكي وفحوصات سريعه بالطوارئ بنقدر نحدد السبب ونتعامل معاه وده ممكن يكون مثلا:
🔻جلطه حاده بالقلب
🔻او فشل حاد بعضله القلب
🔻او اختلال بكهرباء القلب
🔻او ارتفاع اوانخفاض حاد بضغط الدم
🔻او ارتشاح رئوي حاد
🔻او جلطه حاده بالشريان الرئوي
🔻او التهاب رئوي حاد او تفاقم حاد لحساسيه الصدر في مرضي الحساسيه الصدريه واسباب اخري

✅نيجي بقي للنهجان المزمن واللي عادةً بيزيد مع الوقت تدريجيا او بيزيد مع المجهود
وده بنحتاج نكشف علي حضرتك وندور علي السبب بالراحه كده. النوع ده من النهجان ممكن يبقي بسبب ايه بقي:
🔻اولا القلب : قصور الشريان التاجي او امراض صمامات القلب او ضعف عضله القلب الانقباضي او الانبساطي او الذبذبه الاذينيه وبعض امراض اختلال ضربات القلب او امراض غشاء القلب او ارتفاع ضغط الشريان الرئوي
وده بالفحص ورسم القلب والايكو نقدر نشخصه انشاء الله
🔻ثانيا الرئه : حساسيه الصدر او انتفاخ الرئه بسبب التدخين واستنشاق مواد متطايره ( زي بعض المهن) او امراض تليفات الرئه او التهاب الشعب الهوائيه المزمن
وده بالفحص والسماعه بنقدر نشخصه انشاء الله
🔻ثالثا المعده : ارتجاع المرئ المزمن او الفتاء السري وفتاء الحجاب الحاجز
وده برده بالكشف بنقدر نشخصه انشاء الله
🔻رابعا شويه حاجات مهمه جدا بقي :
🔹الانيميا ( لازم نحلل ونشوف )
🔹امراض الغده الدرقيه (لازم نحلل ونشوف لو في اعراض للغده )
🔹السمنه وزياده الوزن (بلاش تملي التنك سيب مكان تتنفس )
🔹عدم ممارسه الرياضه او المشي ( اه ما حضرتك ما تبقاش عايش ف العربيه وتيجي تقولي جيت اعمل مجهود نهجت ما طبيعي هتنحج ماهو النفس تعود حضرتك )
🔹الاكتئاب ( بتحصل صدقني )

🔴🔴امال ايه بقي النهجان اللي مع وضع النوم والتاني ده اللي بيصحي من النوم علي خنقه وعرق ؟؟؟؟
🟢🟢بص ياسيدي في عيان طول ماهو قاعد او واقف زي الفل اسد - صحيح بيبقي في شويه نهجان بسيط بس هو متعود عليه وعارفه - يجي بقي ينام مسطح كده ما يستحملش وده بيبقي غالبا مريض من اتنين:
🔻اولا: مريض ضعف عضله قلب او صمامات قلب وماشي علي علاج واكل ملح قليل وتمام ودنيته ماشيه وبينام علي مخده عاليه شويه ومتاقلم وماشي الحال
حبيبنا ده لو ضعف العضله او مشكله الصمام زادت او علاجه اتلخبط تلاقيه ينام يتخنق لازم يرفع المخدات اكتر
وده بنشوفه ونبدا نظبط علاجه وترجع دنيته كويسه
🔻ثانياً: مريض تضخم الرئه ( بتاع التدخين والمواد المتطايره لو فاكر ) ده برده يجي ينام الحجاب الحاجز يترفع يضيق مساحه النفس فيضطر يرفع المخدات كل فتره
وده يا يبطل سجاير او يغير طبيعه شغله يا هيفضل يرفع ف المخدات لحد ما ينام قاعد

⬅️⬅️المريض بقي اللي بيصحي من النوم بعد ساعتين تلاته علي خنقه وعرق وكحه وزي شرقه كده ولازم يقعد عشان يبدا يتنفس او يجري ع المستشفي ياخد حقنه مدر بول تنزل الميه من ع الرئه عشان يتنفس ده مريض فشل عضله القلب ربنا يعينه ويعافيه
وده بنحاول نشوف حل تدخلي يزود من كفاءه العضله لو امكن

🌹🌹عدم شعورك بعمليه دخول وخروج النفس رغم انها معقده جدا سبحان الله فعلا نعمه 🌹🌹

🌹🌹دمتم سالمين🌹🌹

🌹شرفونا للاطمئنان على صحتكم وصحة احبائكم 🌹
📌📌فروعنا:
مصر الجديدة
حمامات القبة
عزبة النخل
الزقازيق بالشرقيه

✅✅للحجز مباشرة والاستعلام :
☎️01206227766





#قسطرة

#الزقازيق

🔴🔴يا دكتور الحقني هتجنن خلااااص😭😭بقالي فتره كبيره رجلي الاتنين مورمين ومش عايزين يفشواحد حبيبي قالي ارفعهم علي مخده بالل...
11/03/2024

🔴🔴يا دكتور الحقني هتجنن خلااااص😭😭
بقالي فتره كبيره رجلي الاتنين مورمين ومش عايزين يفشوا
حد حبيبي قالي ارفعهم علي مخده بالليل وهتبقي زي الفل
عملت كده وفشوا شويه ورجعوا ورموا تاني
بحكي لواحد قريبي قالي بص تاخد ♦️ مدر بول♦️ ع الريق كام يوم هتفش وتبقي زي الفل
🔻بصراحه انا خفت اعمل كده فسألت الدكتور الصيدلي قالي ليكون حضرتك عندك مشاكل ف القلب او الكلي او الكبد.. الافضل تكشف الاول..
⁉️طب اكشف عند مين ؟؟اجيب منين دكتور بيفهم ف كل ده علي بعضه؟؟ ⁉️
🟢🟢اهدي بس الموضوع بسيط انشاء الله
اذا ظهر السبب بطل العجب
التشخيص السليم لسبب الورم هيخلينا نعالج صح ان شاء الله..
وعشان كده لازم ندور علي اسباب ورم القدمين او الساقين المزمن ودي اسباب كتير ..زي ايه بقي ؟؟؟؟؟
بص ياسيدي:
١. ضعف عضله القلب بانواعه ودرجاته المختلفه ( ودي بنعرفها بفحص الموجات الصوتيه ع القلب او الايكو )
٢. ارتفاع ضغط الشريان الرئوي وده بيسبب ارتجاع بالصمام ثلاثي الشرفات للقلب وفشل بالبطين الايمن للقلب وعشان كدهبيحصل تورم للساقين ( وده برده بنعرفه بالايكو )
٣. امراض الكلي وامراض الكبد المزمنه ( ودي محتاجه سونار للبطن وشويه تحاليل )
٤. الغده الدرقيه الخامله
🔴🔴ايه يادكتور الغده الدرقيه؟؟
🟢🟢ايوا ياسيدي زي مابقولك كده
(ودي بنعرفها بتحليل الغدة الدرقيه)
٥. القصور الوريدي المزمن لاوردة الساقين (وده بتلاقي فيه ورم ومعاه تغير في لون الجلد بيبقي غامق شويه وساعات معاه كرامبات "شد عضلى" وممكن تلاقي معاها قُرح في الرجلين )
🔴🔴كل ده يادكتور ؟؟؟
🟢🟢 لا لسة.. خد عندك كمان حاجه مش هتيجي علي بالك !!!! ده ممكن يكون السبب ف الورم ..
٦. علاج حضرتك بتاخده.. زي ادويه معينه لعلاج الضغط وبعض الأدوية الهرمونية والكورتيزون وبلبعه المسكنات زي الكتافلام والفولتارين واخواتهم
٧. ممكن كمان يكون بسبب نقص ف الالبيومين نتيجه سوء تغذيه ( وده بنعرفه بتحليل نسبه الالبيومين )
٨. ممكن كمان يكون بسبب زياده ف املاح الجسم زي ملح الصوديوم اللي بيحبس معاه ميه ف الجسم ( وده برده بنعرفه بتحليل )
٩. طب تعرف كمان الناس اللي عندهم انقطاع تنفسي انسدادي مع النوم (obstructive sleep apnea) بتلاقى رجليهم مورمه
🔴🔴ايه يادكتور ؟؟؟ يعنى ايه؟؟
🟢🟢الناس اللي بيبقوا عندهم وزن زياده ورقبتهم قصيره ودايما يتخنقوا كده مع النوم وممكن يقوموا فجاه علي كرشه نفس
الناس دول من كتر تجمع ثاني اكسيد الكربون ف جسمهم بيحصل اتساع للشرايين وتبدا ترشح ميه فتلاقى عندهم ورم ف رجلهم
١٠. طب تعرف كمان ان الستات ممكن يحصلهم ورم ف الرجلين قبل الدوره الشهريه.. و ده طبعا غير ورم الرجلين اللي ممكن يحصل مع الحمل..
✅✅وطبعا في اسباب كمان لورم رجل واحده والتانيه لأ بس مش عايز ادوشك
🔴🔴بس بس يادكتور ايه ده كله؟؟ده الموضوع فعلا طلع محتاج دكتور..
الله يباركله الصيدلي اللي قالي اسأل دكتور الاول
🌹🌹التشخيص السليم اول خطوه للعلاج السليم🌹🌹
🌹🌹دمتم سالمين🌹🌹




#قسطرة


☎️☎️احجز موعدك الآن للإطمئنان على صحتك وصحة احبائك
📌فروعنا:-
مصر الجديده
حمامات القبة
عزبة النخل

متتأخرش على نفسك لو عندك اى اعراض من دى 🌹🌹دمتم سالمين🌹🌹 #قسطرة ☎️☎️احجز موعدك الآن للإطمئنان على صحتك وصحة احبائك...
05/03/2024

متتأخرش على نفسك لو عندك اى اعراض من دى
🌹🌹دمتم سالمين🌹🌹


#قسطرة


☎️☎️احجز موعدك الآن للإطمئنان على صحتك وصحة احبائك
📌فروعنا:-
مصر الجديده
حمامات القبة
عزبة النخل

🔴🔴يا دكتور بيجيلي الم ف صدري ورحت عملت رسم قلب وايكو ع القلب وقالولي كويس زي الفل بس انا ...
04/03/2024

🔴🔴يا دكتور بيجيلي الم ف صدري
ورحت عملت رسم قلب وايكو ع القلب وقالولي كويس زي الفل بس انا برده مش مرتاح 🙁 اعمل ايه؟؟
🟩اولاً:
لازم نعرف هل الالم ده بسبب الشرايين التاجيه للقلب ولا ده بسبب حاجه تانيه ممكن تعمل الم ف الصدر بس مش من القلب..
🛑🛑هو في حاجه تانيه تعمل الم ف الصدر غير القلب؟؟
🟩🟩طبعا فيه كذا حاجه أبسطها إلتهاب العضلات مابين الضلوع .
🟩 ثانياً:
عايز اقولك كمان ألم القلب او قصور الشريان التاجي بيظهر مع المجهود عشان كده ممكن يبقي رسم القلب وحتى الموجات الصوتيه(الإيكو) كويسين لان ببساطه حضرتك عملتهم وانت مرتاح وريلاااااكس ..
📢📢عشان كده في كذا فحص لإظهار قصور الشريان التاجي زي رسم القلب بالمجهود مثلا..
🌹🌹ألم الصدر مش حاجه تستهين بيها، لازم تكشف وتطمئن وتعرف الألم سببه ايه 🌹🌹
🌹🌹ودمتم سالمين🌹🌹






#قسطرة
🌹🌹إحجز موعدك الآن لتطمئن على صحتك وصحة أحبائك🌹🌹

🟩للحجز والاستعلام
01206227766
🟩فروعنا:
مصر الجديدة
حمامات القبة
عزبة النخل

🔴🔴يا دكتوووور بقالي حوالي شهر كده بيجيلي الم ف صدري 🟢🟢ما تشرحلي كده شكله ايه الالم ده وبيجيلك امتي وبيقعد قد ايه وبيرو...
16/02/2024

🔴🔴يا دكتوووور
بقالي حوالي شهر كده بيجيلي الم ف صدري

🟢🟢ما تشرحلي كده شكله ايه الالم ده وبيجيلك امتي وبيقعد قد ايه وبيروح ازاي ؟؟

🔴🔴الالم ده بيجيلي لما امشي شويه او اطلع سلم وبيبقي تقل كده ف نص صدري ويسمع ساعات ف ضهري او كتفي الشمال
وبضطر اقف اريح شويه عشان الالم ده يروح
ومره جالي كنت مع حد زميلي اداني قرص كده تحت لساني ف الالم راح

🟢🟢اللي بتوصفه حضرتك ده هو الم "الذبحه الصدريه" وده معناه ان حضرتك عندك ضيق ف احد الشراين التاجيه للقلب (بالبلدي كده الماسوره اللي بتودي الدم لعضله القلب بقت ضيقه فلما تحتاج شويه دم زياده مع المجهود ما تلاقيش فيبدا القلب يصرخ)

⬅️⬅️ده مريضنا النهارده اللي بعد ما كشفنا عليه وعملنا رسم قلب وموجات صوتيه علي القلب واللي اظهروا قصور حاد بالشراين التاجيه للقلب عملناله قسطره وبالفعل لقينا ضيق حاد جدا ف الشريان التاجي الايسر الامامي ( كما هو موضح بالصورة قبل )
والحمد لله تم توسيع الشريان باستخدام بالونه وتم بعدها تركيب دعامه دوائيه ليعود قطر الشريان للوضع الطبيعي قبل ان يتم انسداده بشكل كامل ( كما هو موضح بالصورة بعد)

🔉🔉الذبحه الصدريه هي الم القلب اللي بيجي مع المجهود وبيبقي الم ف نص الصدر ممكن يسمع ف الضهر او الكتف وبيقعد دقيقتين او تلاته ويروح مع الراحه او الادويه الموسعه لشرايين القلب زي القرص اللي تحت اللسان كده ( الداينيترا )

🔉🔉✅✅الالم اللي من النوع ده جرس انذار لوجود ضيق بشرايين القلب قد يؤدي الي جلطه بالقلب
اوعي تسمع الجرس ده وتطنش ..
🌹🌹دمتم سالمين🌹🌹


#قسطرة


☎️☎️احجز موعدك الآن للإطمئنان على صحتك وحصة احبائك
📌فروعنا:-
مصر الجديده
حمامات القبة
عزبة النخل

Address

٢شارع بشير نعمة خلف قسم النزهة مصر الجديدة
Cairo

Telephone

+201206227766

Website

Alerts

Be the first to know and let us send you an email when Dr. Fady Fayez د. فادى فايز posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Fady Fayez د. فادى فايز:

Shortcuts

Share

Category