د.جورج بولس Dr.George Paules Kids Clinic

26/08/2026

كل عام و أنتم بخير بمناسبة المولد النبوي الشريف ، أعاده الله علي الجميع بالخير والبركة 🙏🏻❤️ #المولدالنبوي #المولد

26/08/2026

**كتير من الأمهات في العيادة متخوفين الأيام دي وبيسألوا: إيه موضوع البيض والسالمونيلا؟ وهل نمنع البيض عن ولادنا؟ 🤔**

علشان نوضح الصورة ببساطة وبدون قلق زيادة:

🌍 **إيه اللي بيحصل بره مصر؟**
🚨في يوليو 2026 أعلنت الـFDA والـCDC عن تفشّي Salmonella Enteritidis مرتبط ببيض قشر من مزارع في
تكساس.
🚨و أعلنت السلطات البلجيكية 25 أغسطس 2026 عن 306 حالات على الأقل مرتبطة ببيض من مزرعة دواجن في فلاندرز.
يعني بالفعل فيه حالات تفشي لبكتيريا السالمونيلا بسبب البيض الفترات الأخيرة في أمريكا وبعض دول أوروبا، لكن الحالات دي مرتبطة بمزارع ودفعات محددة هناك وتم سحبها من الأسواق.

🇪🇬 **طب وفي مصر؟**
لا يوجد أي تحذير رسمي أو تفشي للسالمونيلا بسبب البيض في مصر حالياً. المشكلة ليست في البيض كطعام، ولكن في مصادر معينة ملوثة في الخارج، وهذا غير موجود لدينا الآن👌🏼.

🦠 **إيه هي السالمونيلا وإزاي بتيجي من البيض؟**
السالمونيلا بكتيريا ممكن تلوث قشرة البيضة من الخارج أو حتى من الداخل. لو الطفل تناول بيضاً ملوثاً (وغير مطهو جيداً)، قد تظهر عليه أعراض مثل (الإسهال، الحرارة، المغص، والغثيان) خلال 6 إلى 72 ساعة، والأطفال الصغار هم الأكثر عرضة لخطر مضاعفاتها مثل الجفاف.

✅ **الخلاصة.. نعمل إيه عشان نحمي ولادنا؟**
البيض مصدر بروتين مهم جداً لنمو طفلك ومفيش داعي نمنعه، كل اللي محتاجينه هو الالتزام بالخطوات دي:
1️⃣ **التسوية الكاملة:** وهي أهم خطوة! البيض لازم يكون مستوي كويس جداً (ممنوع تماماً البيض النيء، أو نص سوا، أو العيون السائلة للأطفال).
2️⃣ **النظافة:** غسيل الإيدين والأدوات كويس جداً بالماء والصابون بعد التعامل مع البيض النيء لمنع انتقال أي تلوث لأكل تاني.
3️⃣ **الحفظ الآمن:** دايماً نحفظ البيض في الثلاجة.

بالتسوية الصح والنظافة، البيض هيفضل وجبة آمنة ومفيدة جداً لطفلك. 🍳✨

دمتم وأطفالكم بألف صحة! لو عندكم أي استفسار اكتبولنا في التعليقات 👇

#السالمونيلا #البيض

23/08/2026

🎒💧 **لانش بوكس وزجاجة المية… تختاريهم على أي أساس؟**

مش كل شكل حلو = اختيار صحي! 👀
لما تختاري لطفلك، ركزي على **الخامة وسهولة التنظيف والاستخدام**:

🥇 **ستانلس ستيل مخصص للطعام** → اختيار ممتاز للزجاجات واللانش بوكس.
🥈 **بلاستيك مخصص للطعام** → ويفضل يكون **PP رقم 5 + BPA-Free**.

🔎 وخلي بالك من:
❌ العلب المخدوشة أو اللي احتفظت برائحة غريبة
❌ استخدام عبوات المياه البلاستيك المخصصة للاستعمال مرة واحدة بشكل متكرر
🔥 ووضع الأكل الساخن في البلاستيك بدون التأكد من تعليمات الشركة.

✨ **اختيارك الصح مش رفاهية… ده جزء من حماية صحة طفلك كل يوم.**

لو عايزة تعرفي **إزاي تقري الرموز والأرقام الموجودة على اللانش بوكس والزجاجة وتعرفي إيه المناسب لطفلك وإيه لأ؟** 👇
تابعينا… هنقولك كل اللي محتاجة تعرفيه ❤️

جورج بولس Dr.George Paules Kids Clinic@

Dr. George Paules Kids Clinic 👶🤍
د. جورج بولس – أستشارى طب أطفال وحديثي الولادةوالتغذية العلاجية للاطفال
رعاية طبية آمنة من أول يوم
"لو عندك طفل، تابعينا لأننا كل أسبوع بنبسطلك معلومة طبية مهمة من غير تعقيد ❤️"

19/08/2026

15/08/2026

لكل اللي بيسأل حتي الان الموعد المحدد للحملة القادم
هنوافيكم باي تفاصيل جديدة 👍

13/08/2026

خلينا دايما نسبق بخطوة ✅ @
📣وزارة الصحة والسكان في مصر عامله مبادرة محترمه جداااا "مبادرة لدعم الصحة النفسية والتدخل المبكر لاضطرابات طيف التوحد"، 👦👧
واللي بتستهدف الأطفال من عمر 18 شهراً حتى 24 شهراً. 👌🏻
تهدف المبادرة إلى
1️⃣الاكتشاف المبكر للحالات و ده بيتم عن طريق استبيان بتملاه الام او الاب " اللينك في اول كومنت "
2️⃣وتوفير التدخل العلاجي المناسب لتنمية مهارات الأطفال ودمجهم في المجتمع
3️⃣تحويل الأطفال المشتبه بتأثرهم أو إصابتهم بطيف التوحد إلى المراكز المتخصصة التابعة للأمانة العامة للصحة النفسية لتقديم الدعم اللازم.

⁉️ازاي اقدر استفيد من المبادرة و اتطمن علي ابني من بدري

✴️زيارة وحدات الرعاية الصحية الأولية لتسجيل الطفل وإجراء المسح الطبي النمائي.🏥👨‍⚕️
إعادة تقييم المسح عند عمر 24 شهراً للتأكد من حالة الطفل النمائية. 👶
✴️إمكانية التسجيل وملء الاستبيان المخصص عبر منصات وزارة الصحة والمتابعة إلكترونياً.👩‍💻

⚠️أهمية التدخل المبكر: ✅
👈يساعد في تحسين المهارات الاجتماعية واللغوية للطفل بشكل ملحوظ.
👈يقلل من حدة الأعراض السلوكية المصاحبة للاضطراب في مراحل متقدمة
👈.يرفع مستوى الوعي لدى الأسرة بكيفية التعامل الأمثل مع طفل التوحد.

⁉️ لو عندك اي استفسار اكتبلنا في الكومنتات 👇

لو تعرفي حد المعلومة ممكن تفيده او تفيد طفله اعملي شير و فيدي غيرك يمكن معلومة تفرق في حياة اسرة كامله 👌🏻❤️

01/08/2026

#طوارئ

#شير

30/07/2026

🚫 علّموا أطفالكم أن هناك أشياء "خط أحمر"
حماية الطفل لا تبدأ عند حدوث الخطر... بل تبدأ بالتوعية منذ الصغر.
ازرعوا في أطفالكم هذه القواعد البسيطة، فهي تساعدهم على حماية أنفسهم بثقة ووعي:
🚫 لا يخلع ملابسه أمام أي شخص.
🚫 لا يستحم أو ينام مع أي شخص آخر.
🚫 لا يسمح لأحد بلمس أو دغدغة المناطق الخاصة بجسمه، حتى لو كان يعرفه.
🚫 لا يجلس في حضن أحد أو يقبل أحدًا إذا لم يكن مرتاحًا لذلك.
🚫 لا يذهب مع أي شخص أو يركب سيارة مع أحد دون علم والديه.
🚫 لا يفتح الباب للغرباء ولا يأخذ منهم طعامًا أو هدايا.
🚫 لا يركب المصعد بمفرده مع شخص غريب.
🚫 لا يسمح لأحد بالاختلاء به لفترات طويلة مهما كانت صلة القرابة.

🚸👨‍👩‍👧‍👦 دور الأهل لا يقل أهمية عن دور الطفل:
✅ راقبوا ما يشاهده أطفالكم من محتوى وألعاب إلكترونية.
✅ لا تتركوا الطفل لفترات طويلة دون إشراف مناسب.
✅ علموه أن يرفض أي تصرف يزعجه، وأن يخبركم فورًا دون خوف أو خجل.
✅ اتفقوا معه على كلمة سر عائلية لا يعرفها أحد غيركم، ولا يذهب مع
أي شخص لا يعرفها.

💙 التوعية لا تعني زرع الخوف، بل بناء الثقة والوعي.
كلما شعر الطفل بالأمان مع والديه، كان أكثر قدرة على طلب المساعدة والإبلاغ عن أي موقف غير مريح.
حفظ الله أبناءنا جميعًا من كل سوء. 🤍

27/07/2026

⁉️ليه كل توصيات منظمات الصحة العالمية بتاكد علي تطعيم الاطفال ضد _لبشري (HPV) و هل فعلاً بيحمي اولادنا من السرطان؟

🛡️لقاح HPV من أهم #التطعيمات الوقائية اللي بتوصي بيها مراكز السيطرة على الأمراض (CDC) لأنه بيساعد في حماية الأطفال من أنواع متعددة من السرطان والأمراض المرتبطة بالفيروس في المستقبل.
✨ ليه الاحسن ياخده الطفل بدري؟
✅ لأن المناعة اللي بيكونها بتكون أقوى في سن 9–12 سنة و بتستمر معاه لما يكبر .
✅ الأطفال اللي يبدأوا التطعيم قبل سن 15 سنة بيحتاجوا جرعتين فقط بدل 3 جرعات.
✅ بيوفر حماية طويلة المدى قبل التعرض للفيروس🦠.
👦👧 اللقاح موصى به للأولاد والبنات، لأنه لا يحمي من فقط، ولكنه يساهم أيضًا في الوقاية من سرطانات الحلق، والشرج، والأعضاء التناسلية، بالإضافة إلى الوقاية من الثآليل التناسلية.
💙 الوقاية النهاردة... حماية لصحة أولادنا بكرة.
📌 معلومه مهمة لامهاتنا الغاليين 🤍 :
تطعيم فيروس الورم الحليمي البشري (HPV) متوفر للسيدات ضمن مبادرة 100 مليون صحة التابعة لوزارة الصحة والسكان، وذلك للوقاية من سرطان عنق الرحم والأمراض الناتجة عن فيروس الورم الحليمي البشري. اسألي في أقرب وحدة أو مركز صحي عن الفئات المستهدفة ومواعيد الحصول على اللقاح.

26/07/2026

اول ما الحرارة بترتفع.. بلاش المية الساقعة أو الكمادات الثلج!" ❌🧊.

✅ التصرف الصحيح
💧 استخدام مية فاترة من الحنفية عادي جدًا.
🩺 وضع الكمادات على جانبي الرقبة أو تحت الإبطين (وليس على الجبهة).
💊 إعطاء خافض الحرارة المناسب لوزن الطفل بعد استشارة الطبيب.