14/09/2026
أيوا إعتزل مايؤذيك عند اللزوم بس ودا حل سهل جداً ممكن نستخدمه في ظروف معينة.
لكن الأساس لو قادر تجاهد نفسك صمم على الإحسان وحاول مره واتنين وتلاته وقابل السيئة بالحسنة هتكسب ٣ حاجات أحلى من بعض :
١- محبة أكتر حد كان عايز يئذيك ( ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
٢- هتكسب نفسك وقلبك وهتنام مرتاح عشان جاهدت وحافظت عليهم. ( إلا من أتى الله بقلبٍ سليم )
٣- معية الله سبحانه وتعالى ( وَإِنَّ اللَّهَ لَمَعَ الْمُحْسِنِينَ) تخيل ربنا معاك هو اللي بيجبرك.
ضحكوا علينا وقالولنا اعتزل مايؤذيك بس الحقيقة إن تعميم الإعتزال وعدم استخدامه في مكانه الصح ووقته الصح نتيجته قهر وقطيعه وكره وضغينه بين النفوس ومشاحنات ومشاكل وعزله واكتئاب.
أما الإحسان مهما كان صعب وفيه جهاد بس نتيجته حتى لو اتأخرت بتكون قلوب صافيه ومودة ورحمة وتعاملات طيبه ومريحه ومجتمع مترابط وناس بتحب بعض 🤍🤍
