13/08/2026
إيه الحاجات اللي ناخد بالنا منها في تطور الأطفال
🔸 عند حوالي 2–4 شهور:
لو الطفل مش بيتفاعل مع وشك، مش بيبتسم اجتماعيًا، مش بيتابعك بعينيه، أو مش بيستجيب للأصوات.
🔸 عند حوالي 4–6 شهور:
لو مش بيحاول يمسك أو يوصل للألعاب، مش بيتفاعل مع الناس حواليه، مش بيصدر أصوات، أو عنده صعوبة واضحة في التحكم في رأسه أو الحركة.
🔸 عند حوالي 9 شهور:
لو مش بيجلس بدون دعم، مش بينقل اللعبة من إيد لإيد، مش بيستجيب لاسمه أو للأصوات، أو مش بيظهر اهتمام واضح بالأشخاص والأشياء حواليه.
🔸 عند سنة:
لو مش بيحاول يقف أو يتحرك، مش بيستخدم إيده بشكل مناسب لالتقاط الأشياء الصغيرة، أو مش بيصدر أصوات/كلمات ذات معنى أو إشارات للتواصل.
🔸 عند 18 شهر:
لو مش بيمشي لوحده، أو مش بيحاول يتواصل بكلمات أو إشارات، أو فقد مهارة كان بيعملها قبل كده.
🔸 عند سنتين:
لو كلامه قليل جدًا بالنسبة لعمره، مش بيجمع كلمتين مع بعض، أو مش بيستخدم الإشارات والكلام للتواصل مع الآخرين.
🔸 عند سنتين ونصف – 3 سنوات:
لو عنده صعوبة واضحة في التواصل أو اللعب والتفاعل مع الأطفال، أو كلامه غير مفهوم بشكل كبير بالنسبة لمن حوله.
https://linktr.ee/Shaymaamohey
