16/07/2026
🤍 أسئلة بخصوص الجنين نفسك تسأليها؟
اعرفي إجاباتها من دكتورة هند عادل باشا - استشاري النساء والتوليد وطب الأم والجنين 🌸
❓هل نزول الإفرازات في الحمل طبيعي؟
✅ في أغلب الأحيان نعم، طالما لونها أبيض أو شفاف ومفيهاش ريحة كريهة أو حكة. لكن لو لونها أخضر، أصفر، أو فيها دم، لازم تستشيري الطبيب.
❓قلة حركة البيبي يوم كامل معناها فيه مشكلة؟
✅ مش دايمًا، لكن لو لاحظتي إن حركة الجنين قلت بشكل واضح عن الطبيعي، لازم تتابعيها وتتواصلي مع طبيبك فورًا.
❓ينفع أنام على ضهري؟
✅ في الشهور الأولى غالبًا مفيش مشكلة، لكن بعد منتصف الحمل يفضل النوم على الجانب الأيسر لأنه بيساعد على تحسين تدفق الدم للأم والجنين.
❓وجع البطن أو الشد طبيعي؟
✅ ممكن يحصل بسبب تمدد الأربطة أو نمو الرحم، لكن لو الوجع شديد، مستمر، أو مصحوب بنزيف أو انقباضات، لازم تكشفي.
❓ينفع آخد أي دواء لو تعبت؟
❌ لا، حتى الأدوية اللي بتتباع من غير روشتة لازم تكون بعد استشارة الطبيب، لأن في أدوية ممكن تضر الجنين
🤍 مفيش سؤال محرج لما يتعلق بصحتك أو بصحة البيبي
📍لو عندك أي سؤال بخصوص صحة جنينك ابعتيلنا عشان تطمني دايما♥️
