Feelings and Thoughts - By Walaa Mahmoud

22/10/2024

وحشتونى جدااا

بقالى كتير أوى مش بكتب على الصفحة .....
ما بين الدراسة و الشغل و شوية معافرة على شوية تحديات كثير كدا🌸

و خلاص فاضل على الحلو تكة

دعواتكم ...هانت خلاص و قريب حرجع اكتب تانى ..

و حنفضل نكمل نكتشف الاحلام اللى طالعة من القلب للقلب

فعلا افتقدت وجودى بينكم و أفتقدت تعليقاتكم اللى حقيقى بتفرق معايا

🥰🥰

25/01/2024

ألمك هو كسر القشرة التى تغلف فهمك.
خليل جبران

15/05/2023

كثير بنقرا كلمات ...بتلامس قلوبنا من جوه ...
اى جملة ممكن توصفكم ..تتكلم عنكم ...لمست قلوبكم..؟؟؟

*أحياناً يهاجمنى حزن لا يجب أن يكون حزنى.

*فى كل مرة كنت أتخلى عن شىء أحبه كنت أفقد جزء من قلبى، الآن يبدو قلبى صغيراً جداً لا يكفى للتمسك بشىء.

*الافراط فى التسامح، يعلم الناس التهاون فى حقك.

*لم أجد أقسى من أن تعاقب إنساناً على خوفه، بدلاً من أن تطمئنه.

*بالنسبة لى ستبقى حبيساً دائماً هناك، فى الموقف الذى خذلتنى فيه.

*أليس مملاً أن تحزن لنفس السبب يومياً؟

*ثم تكتشف متأخراً أنك وحيد، وحيد فى غمرة حزنك و يأسك و فوضاك،وحيد فى كل الأمور المشتركة التى كنت تظن أنك تقتسمها مع أحدهم.

*نحن نشيخ لأننا ندخل نفس الأيام من أبواب أخرى..

*انعدام الرغبة أمام الشىء الذى أدمنته ...أنتصار!

*كلما كتم المرء أحزانه وراكمها، كلما تحولت تدريجياً إلى ألم جسدى، فيصبح هشاً، كان يظن أن الكتمان انتصار ،لكن هو بالحقيقة أكبر هزيمة قد يرتكبها بحق نفسه.

*أنت مشغول بالتشكيك فى نفسك، فى حين أن الآخرين مرعوبون من أمكانياتك.

*أعرف جيداً معنى أن يحتضن الإنسان نفسه بنفسه و يردد أنا بخير فى عز لحظات ضعفه و إنكساره.

منتظرة مشاركتكم .....

23/01/2023

هل مر عليكم وقت.. و حسيتوا الإحساس دا.. ؟!

أنا خايف...خايف أوى ..
الخوف بيشل تفكيرى...
ما بقتش قادر.. خلاص..
مش عارف أشوف أى حاجة من شدة خوفى..
أنا مش مطمن...
نفسى أطمن حتى لو شوية صغيرة...
قلبى وجعنى أوى ...
الخوف مقيدنى...

ممكن تشاركونى...

أمتى بتحسوا شعور الخوف دا...؟؟

عمل فيكم ايه..؟ ؟

يا ترى معطلكم.... ولا قادرين تتعاملوا معاه.. ؟؟

لو مش حابين تكتبوا هنا.. ممكن تبعتولى على
http://feelingsandthoughtsbywalaamahmoud.sarhne.com

طلعوا خوفكم من جواكم...

دى أول خطوة فى التعافى...

16/10/2022

مين شافت نفسها فى الكلام دا؟؟
مين بتقول دلوقتى ....أيوا أنا ..

لسه فيكى حيل تعافرى ... لسه واخده العند غِيّه
رغم إن الكل سابك ... لسه صالبة الطول قوية
الحديد م الدّق لان ... وأنتي ابداً لم تلينى
شايلة فوق حملك جبال ... وماشية بالله تستعينى
وان وقعتى تقومى أقوى ... وتنفضى تراب الوجع
أنتي ست صحيح لكنك ... تغلبى مليون جدع ⁦

مين فينا مش بيعافر فى حياته ؟
مين فينا مش بيقاوم لغاية ما بيجى يوم و يتعب أو يقع ؟
مين ما بقتش قادرة تواصل حياتها بالشكل اللى هى فيه ؟
مين تعبت من كثر ما بتتظاهر انها كويسة ؟

منقول.

محتاجة تعرفى أنتى مين؟!!
محتاجة تبدئى تشوفى نفسك
محتاجة تقبلى نفسك و تحبيها

10/10/2022

23/08/2022

ان شاء الله حكون مع احكى يا نون
و محاضرة عن التعامل مع القلق....
الخميس 25/8/2022
الساعة 6 بجمعية الصعيد للتنمية
حبقى مبسوطة لو عرفتوا تيجوا
الحضور للسيدات فقط🌸

10/07/2022

كل سنة و انتوا طيبين و بخير يا رب
يا رب عيد سعيد

قولولى أمنية نفسكم تتحقق
💙💙

10/07/2022

عيد سعيد 💙💙
كل سنة و انتوا طيبين و بخير يا رب
عملتوا ايه فى العيد؟؟ 😉😉

17/06/2022

صباح الياسمين 🌸🌸

كتير مننا بيحتاج يسمع كلام حلو من الناس القريبة منه...
حتى لو مش قريبة...بنحب نسمعه برضه 😇

بيعجبنا الكلام الحلو... بيفرحنا...
بيخلى قلبنا ينط كدا من كتر الدق😉

والله بقى لو كان الكلام الحلو دا بيتقال بصدق..
بحب حقيقى...
من غير أى غرض أو طلب....أو أي مصلحة...

الله لما يتقال كمان و أنا محتاج أسمعه ...
أو إللى بيقوله حس إنى محتاج منه كلمة حلوة تجبر الخاطر أو تحسسنى إنى مهم عنده...

التعبير بالكلام.. من أهم لغات الحب... و أقواها...

ما تيجوا نقول لبعض حبة كلام حلوين كدا...

💟💟💟💟أختاروا الجمل الأقرب لقلبكم....

أنا بحبك.

أنت غالى أوى عندى.

أنت نعمة من ربنا فى حياتى.

معاك بحس بأمان و طمأنينة.

علاقتى بيك غالية و مهمة و فارقة فى حياتى.

وحشتنى أوى أوى... أنا مفتقداك.

أنت أقرب إنسان لقلبى.

أنا فخور بيك.

أنا بحب ....... فيك.

أنا واثق فيك.

أنا متأكد من نجاحك.

أنا ممتن لوجودك.

أنا بقدرك جدا و بقدر كل إللى بتعمله معايا.

أنت حاجة كبيرة أوى عندى.

أنا موجود لو حبيت نتكلم... أنا موجود جنبك.

بحب أقضى معاك وقت كثير.

مش بحس بالوقت و أنا معاك.

شكرا لوجودك جنبى فى أصعب الأوقات.

شكرا أنك بتسمعنى من غير ما تحكم على.

شكرا علشان بتفهمنى من غير ما اضطر أشرح كثير.

عمرى ما حنسى وقفتك معايا.... سندتك لى...

عمرى ما حنسى الموقف الحلو إللى عملته معايا.

شاركونى كدا ببعض الجمل إللى بتقولوها لبعضكم...

💟و كمان يا ترى بتحبوا يتقال لكم أى جملة من دول.... أو غيرهم حتى... ممكن تختاروا كذا جملة...

💟ممكن تعملوا منشن كمان للى حابين تقولوا لهم الكلام دا
و فرحوهم...

💟لكن فى مشكلة...

ماعنديش حد يقولى الكلام الحلو دا...
أعمل إيه.... ؟؟

حنقول الكلام الحلو دا لنفسنا... 💙
ممكن كمان نكتبه و نختار جملة كل يوم نقولها...
حتفرق كثير...

منتظرة مشاركتكم...أختاروا الجمل إللى لمست قلبكم💗💗

10/06/2022

صباح الخير
وحشتونى جدااا
بقالى كتير مش بكتب على الصفحة .....
كان فى حاجات كثير أوى و الحمد الله انجازات اكثر و اكثر 😍🌸
ححكيلكم على كل حاجة بالتفصيل و الصور كمان و يمكن يبقى فى فيدوهات كمان..
اللى حابة اقوله انى فعلا افتقدت وجودى بينكم و أفتقدت تعليقاتكم اللى حقيقى بتفرق معايا

منتظرة منكم أقتراحات و كمان الموضوعات اللى حابين نتكلم فيها الفترة الجاية
حيبقى كمان فى مفاجأت كثير أوى .... حتتبسطوا بيها..

17/02/2022

يا ترى...
لو جتلكم الفرصة انكم تعملوا الفكرة المجنونة اللى بتدور جواكم...
حتعملوها.. ؟؟
ايه هى الفكرة دى بقى... 😉😇
منتظرة افكاركم المجنونة....
شاركونى بيها....
ما تترددوش...