MEDX center

24/07/2026

29/05/2026

اسرة مركز ميدكس لرسم العضلات و الروماتيزم و التأهيل تهنئكم بعيد الأضحى المبارك .
و سنقوم باستئناف العمل الاحد ١٠ صباحا ان شاءالله.
للإستفسار و الحجز
01068002711
01068161743

02/01/2026

#فايبرومايالجيا

15/07/2025

يعنى ايه فحص ( #قياس #ضغط #القدم)؟

هو اختبار يحدد كيفية توزيع الوزن على القدم أثناء الوقوف أو المشي.

بنعمله ليه و مين محتاجة؟
يُستخدم لتحليل المشي وتصحيح مشاكل التوازن أو توزيع الوزن.
يُستخدم أيضا للكشف عن مناطق الضغط الزائد، خاصة في مرضى القدم السكري للوقاية من التقرحات الناتجة عن زيادة الضغط في أماكن معينة من القدم.

ازاى بيتعمل ؟
يتم باستخدام أجهزة بها حساسات دقيقة تسجل الضغط في أجزاء القدم المختلفة.

هنعالج المشكلة ازاى ؟
يفيدنا في تصميم نعال وأحذية طبية مخصصة لكل حالة. زى حالات الفلات فوت و تشوهات القدم و العيوب الخلفية.
وممكن يُستخدمه للرياضيين لتحسين الأداء وتقليل الإصابات.

12/06/2025

أسئلة بتتكرر كتير: ايه هو فحص رسم الأعصاب و العضلات؟ و امتى نحتاج نعمله ؟

23/05/2025

موضوع بيشغل ناس كتير : هل فيه علاج طبيعى للامساك المزمن و مشاكل الاخراج؟

20/02/2025

الفيبروميالجيا .. اللص الخفي

كلام عاوز تركيز شويه

السيدات اللي كتير بتشتكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة.
حاولي تركزي في كل كلمه في البوست لعله يرشد الكثير منكن عن سبب آلامهن
الفيبروميالجيا مرض نفسي عضوي..؟؟؟..
هو مرض يُصيب النساء أكتر من الرجالة ده مبدئياً.

تاني شئ بيتسلل للشخصية الحساسة أو الكتومة في زعلها أو اللي تعرضت لصدمه نفسية كبيرة في حياتها ..
وبيزيد الألم مع سوء الحاله النفسية..
وهو عبارة عن اضطراب في الناقلات العصبية المسئولة عن إحساسك بالألم...
هو مرض مزمن (يعني مش بيخف ولازم تتعاملي معاه طول حياتك متل مرض السكر .
طيب ايه هو الوجع اللى بتحسي بيه فيبروميالجيا..Absolutly
لازم تتوافر الشروط التالية:
• ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points الموضحة في الصورة تحت.
• ألم متساوي في جانبي الجسم.
• ألم مزمن لمدة لا تقل عن 6 شهور.
• إنك بتعملي كل تحاليل المناعة بتلاقيها سليمة وكويسه
أسبابة:
العلم لم يتوصل للسبب الحقيقي لوقتنا هذا والأرجح إنه مرض وراثي.
أعراضه:
• ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.
• الألم بيزيد مع الراحة وأثناء النوم.
• بتصحي من النوم الصبح تعبانة رغم إنك المفروض نمتي عشان ترتاحي، وأول ما تبدئي تقومي من السرير وتتحركي الألم بيقل.
• احياناً تقومي من النوم تحسي إن مفاصلك متيبسة وتفك أول ما تتحركي.
• اضطرابات في النوم، مش عارفه تنامي عدد ساعات طويلة متواصلة، عادة بتصحي كل شوية من الألم.
• صداااااااااع.
• ذاكرة ضايعة.
• تركيز سيئ .
• انتباه...مافيش.
• وكل هذا بيرافقه شوية اكتئاب وتوتر وقلق، نتيجة إنك مش عارفه تمارسي حياتك بشكل طبيعي.
• غالباً مريضة الفيبرو بتعااااااني من القولون العصبي وضغط بالمثانة
مضاعفات المرض:
ما يميزه إنه لا يؤثر بالسلب على أعضاء الجسم.. يعني مش ذي الأمراض المناعية.
مضاعفته تتمثل في
• ألم بيزيد مع مرور الوقت.
• زيادة اضطرابات النوم.
• ممكن تدخلي في مرحلة اكتئاب.
علشان كده لازم تساعدي نفسك.. وتغيري نمط حياتك عشان تقهري المرض
علاجه في الطب الحديث
بيعتمد على أدوية علاج الأكتئاب والصرع
وهذا النوع من الأدويه بيعمل أعراض جانبيه بتكون أكتر من الألم اللي كنتي رايحه تتعالجي منه
طيب ايه هو الحل علشان أقلل من شعوري بالألم؟؟
*طبعا قليل اللي بيقدر يلتزم بس في ناس قادرة تلتزم
• العبي رياضة وخاصة المشي.
• السباحة لو عندك مشاكل في المفاصل.
• تمارين المقاومة، هتقوي كتلتك العضلية وتقلل الشعور بالالم.
• تمارين التنفس يومياً.
• ابعدي عن العلاقات المؤذية...
• ابعدي عن الضغوط العصبية.

التغذية السليمة...........
حقاً لا يوجد نظام غذائي لمريض الفيبرو، ولكن اتباع نظام غذائي صحي، بيقلل التهابات الجسم و بيساعد على تخفيف الألم.
• أبعدي عن السكر الأبيض والدقيق الأبيض.
• قللي اللحوم الحمرا.
• امنعي الدهون المضرة (زيوت نباتية وسمن وزبد صناعي) من الأخر ما تاكليش أكل الشاااااارع.
• قللي منتجات الألبان.
• قللي الكافيين.
• استخدمي الكركم مع شوية فلفل أسود في الأكل.
• زودي من مصادر فيتامين
‏ C (موجود في معظم الخضار والفاكهة بس كليهم فريش)
‏ A (موجود في الخضار والفاكهة اللي لونهم برتقالي)
‏ E (الأسماك وخاصة السالمون والمكسرات
ADEL

15/09/2024

مركز ميدكس يهنئكم بالمولد النبوي الشريف . اعاده الله عليكم بالخير و البركات.