Psy. Riham Sakr

24/04/2026

خايفه من العلاقات و بتأمني نفسك بإنك تخبي خوفك و تظهري الثقه ؟
تابعي الڤيديو عشان تعرفي ده صح ولا غلط

#علاقات #الثقه #

23/04/2026

متتخدعش بكل حاجه بتشوفها على السوشيال ميديا و تغرق في الحسره على نفسك أو تلومها لإنها مش بتعمل أكتر وتعافر أكتر عشان تبقى زيهم 😔
بالراحه على نفسك وافتكر ان في جوانب كتير إنت مش شايفاها من كل شي موجود في الدنيا
We don’t know what we don’t know !

22/04/2026

“قبلDBT،كنت أؤذي و أجرح نفسي أسبوعياً. بعد 8 أشهر من العلاج، تعلمت أن المشاعر القوية لا تعني أن أتصرف بناءً عليها. أهم ما تعلمته من مارشا لينهان هو أن تقبُّل ألمك لا يعني الاستسلام له، بل هو الخطوة الأولى لتغييره."

👆🏻ده وصف مريضة أُطلق عليها اسم "إميلي" (اسم مستعار) لتجربتها مع العلاج الجدلي السلوكي ، في دراسه إكلينيكية اتنشرت في Journal of Clinical Psychology (2015)

🖋️ كلام ايميلي عبرت عنه مارشا في جمله واحده لخصت فلسفة العلاج الجدلي السلوكي اللّي أنقذ حياة الآلاف حول العالم
الجمله بتقول 👇🏻
( Changing reality requires first accepting reality).
📌" تغيير الواقع يتطلب قبوله أولاً "

▪️ تقصد لينهان بهذه المقولة أن التركيز فقط على تغيير المشاعر والسلوكيات - و ده اللي كان متبع في العلاجات النفسيه قبل ظهور DBT - بيكون عنيف وقاسي على النفس، خاصة للناس اللي اتعرضوا للصدمات ، و في نفس الوقت قبول المشاعر المؤلمه لوحده بيؤدي إلى الركود واليأس
💡الحل وفقاً لمارشا ، يكمن في "العلاقه الجدلية" بين الاثنين :
بدل صراع المرضى مع مشاعرهم و العجز عن تغييرها بشكل مباشر ، DBT بيعلمهم الموازنه بين القبول والتغيير بخطوات عملية محدده متمثله في مهارات اليقظة الذهنية، وتحمل الضغوط ، و تنظيم المشاعر والعلاقات .

🔶 الطريق إلى التعافي هو توازن دقيق بين "أنت كما أنت الآن" و "من تريد أن تصبح ".

🖌️ لو عندك تجربه مشابهه او صعوبات واجهتك في التغيير والتعامل مع مشاعرك شاركنا في التعليقات 👇🏻

21/04/2026

في جناح الأمراض النفسية في عام 1961 أودعت الشابه الصغيره اللي كان عمرها وقتها 17 سنه و قضت 26 شهر في غرف العزل ، عانت كتير واتعرضت لطرق غير مناسبه من العلاج - زي الصدمات الكهربائية - في محاولات يائسه لعلاج لمرضها اللي كان مش معروف ليه علاج وقتها .

ده اول فصل في قصة مارشا لينهان Marsha Linehan اللي نجحت في إعادة صياغة حياة مليئه بالمعاناه والألم و خرجت منها بأشهر مدرسه علاجيه نجحت نجاح غير مسبوق في علاج اضطرابات المشاعر المصحوبه بميول انتحاريه عاليه وهو العلاج الجدلي السلوكي المعروف ب DBT

مارشا قدرت تحقق حلمها اللي وعدت بيه نفسها وقت ما كانت في المصحه النفسيه و هو انها لو نجيت من العذاب اللي شافته هتساعد غيرها عشان يتحرروا من معاناتهم و مرضهم .

مارشا حطمت خرافة ان مرضها ملوش علاج وان العلاج النفسي مش بيجيب نتيجه خاصة مع الحالات الصعبه .
مارشا خلقت العلاج من قلب الوجع عشان تثبت إنه ممكن و إن كل حياه مهما كانت مزريه ومؤلمه ممكن تتحول لحياه ليها معنى وقيمه .
واصبح الهدف النهائي للعلاج الجدلي السلوكي هو بناء حياة تستحق ان تعاش to build a life worth living

تابعونا في رحلتنا مع مارشا لينهان و ملامح من رحلتها الفريده في إنقاذ الآلاف من المرض والمعاناه غير المحتمله.

16/04/2026

اوعى تعالج أي صدمه نفسيه الا مع معالج متخصص و معتمد و تتأكد من كفاءته و انه مؤهل لعلاج الصدمات

13/04/2026

⚠️ تعبيرك عن غضبك حق أصيل ليك محدش يقدر يسحبه منك
▪️بدون التعبير عن غضبك
هتبقى انت وكل ما تملك مستباح للجميع

12/04/2026

🚫الموت مش ترند و اعادة النشر بيكرر المأساه عدد لانهائي من المرات 😔

🔷 ( تاثير فيرتر ) Werther Effect هي ظاهره نفسيه اجتماعيه مثبته علمياً معناها زيادة معدلات الانتحار بعد مشاهدة صور او فيديوهات تعرض انتحار شخص اخر

🔷 لوغاريتمات منصات التواصل بتقترح المزيد من نفس المحتوى المشابه فيتحول الامر لعدوى نفسية

🔷مشاهدة فيديوهات و محتوى الانتحار يمثل trigger يستفز عند الاشخاص اللي بتعاني اعادة انتاج الموت تحت شعار الانتحار هو نهاية مريحه من الألم

❌ متعرضش نفسك أو أي شخص آخر لخطر التأثر بالنوع ده من المحتوى باعادة نشره

❌ ارحم اسرة المُتوفى من التألم مرتين … مره للفقد ومره لتحول الفقد لترند سخيف يحاصرهم أينما ذهبوا

اي حد تعرفه بيهدد بالانتحار أو بيتكلم عن التفكير فيه بيكون تحت مظلة الخطر سواء شعرت انه صادق او مجرد بيهدد ولازم يتاخد الامر بجديه وتنصحه بمراجعة طبيب أو جهه مختصه

للمساعدة استخدم الأرقام دي :

الخط الساخن للأمانة العامة للصحة النفسية التابع لوزارة الصحة: 16328. الخط شغال ٢٤ ساعة.

خط مركز الأزهر العالمي للفتوي الإلكترونية والدعم النفسي 19906

09/04/2026

ترمومترالعلاقات 🌡️ مهاره هتساعدك تعرف امتى تقرب وامتى تبعد وامتى ممكن تكونوا مش متناسبين خالص مع بعض 🤷🏻‍♀️

#علاقات #القرب

05/04/2026

التسامح و التخلي عن ألم الظلم والأذى مهارة ليها خطوات بنتعلمها ونتدرب على ممارستها لحد ما ننجح ونوصل للغفران والقبول الجذري .
#التسامح

Psy. Riham Sakr

03/04/2026

اضطرابات التحكم الزايد Overcontrol coping منتشره بين الناجحين والمتفوقين و أصحاب المناصب القياديه لكن ليها جوانب سلبيه كتير بتعطلهم عن الاستمتاع بحياتهم و بتخليهم عايشين في وحدة وعزله عن الناس .

الجزء الأول عن الشخصية الوسواسية في أول تعليق .

05/02/2026

الصدمات النفسية … اللي اتعرض لصدمه قويه بيكون مش عايش معانا ☹️ بيفضل سجين في الماضي بيعيش الصدمه مرات ومرات لا تنتهي .. ألم مش بيخلص وبيتجدد كل لحظه من اول وجديد ..
ممتنه لعلاج الصدمات و للفرصه اللي بيقدمها للتخلص من المعاناه واستعادة الحياة من جديد 🤍✨followers@

التعافي من الصدمات محتاج برنامج صح

في براح بنعتمد على العلم والأبحاث علشان نوصل لأفضل طريق للتعافي من الصدمات النفسية.

طورنا برنامج علاجي متكامل يشمل تقييم وعلاج متخصص للصدمات النفسية

✔ كشف أول مرة مع طبيب نفسي

✔ ٨ جلسات فردية (ساعة لكل جلسة) مع أخصائي نفسي إكلينيكي

✔ تقييم إكلينيكي بعد الجلسة الرابعة

✔ ٢ اختبار نفسي لتحديد الشخصية وأبعاد المشكلة

🗓 مدة البرنامج: ٣ شهور (جلسة أسبوعيًا)

للتسجيل واتساب 01119996423
011 46128833