عيادة د.أنطونيو صفوت للأمراض الباطنية والسكر

  • Home
  • Egypt
  • Cairo
  • عيادة د.أنطونيو صفوت للأمراض الباطنية والسكر
Directions

عيادة د.أنطونيو صفوت للأمراض الباطنية والسكر Internal Medicine and Diabetology Clinic Internal medicine and Diabetology clinic

13/08/2025

يسرنا في GOLFMED Clinics أن نرحب بـ
د/ أنطونيو صفوت
إستشاري أمراض الباطنة

📌 الخبرات والمؤهلات:

عضو الكلية الملكية لأطباء الباطنة – إنجلترا

عضو كلية الأطباء الأمريكية

ماجستير الباطنة العامة – جامعة عين شمس

🗓 مواعيد العيادة:
الاثنين والخميس من 11 صباحًا حتى 1 ظهرًا

📍 احجز موعدك الآن في GOLFMED Clinics للاستفادة من خبرة طبية متميزة ورعاية متكاملة

كلام كتير بيتقال على مجموعة محددة من ادوية السكر اللي بتستخدم احيانا لغرض التخسيس فقط و هما مجموعة ال GLP1 agonists...ال...
17/11/2024

كلام كتير بيتقال على مجموعة محددة من ادوية السكر اللي بتستخدم احيانا لغرض التخسيس فقط و هما مجموعة ال GLP1 agonists...

المجموعة دي في منها members كتير منهم الحقن الأسبوعية زي التروليسيتي و المونجارو و الاوزيمبيك و منهم الحقن اليومية زي الفيكتوزا و الساكسيندا و منهم الاقراص اليومية زي الريبيلسوس او الويجوفي ...

المجموعة دي بتشتغل عن طريق كذا mechanism و هما انها بتقلل حركية المعدة شوية و بتأخر خروج الاكل منها و بالتالي بتقلل الشهية ده غير انها بتقلل خروج هرمون الجلوكاجون من البنكرياس و ده هرمون بيرفع سكر الدم و كمان بتزود خروج الأنسولين من البنكرياس و ده هرمون بيقلل سكر الدم ...

و بالتالي الادوية دي ليها دور كبير في علاج السكر من النوع التاني و علاج مقاومة الأنسولين و نزول الوزن ...

من الاعراض الجانبيه الخطيرة لكن النادرة للمجموعة دي انها ممكن تعمل التهاب حاد في البنكرياس او تسهم في زيادة نسبة اورام الغدة الدرقية او توقف حركة الامعاء ... لكن الاعراض الجانبيه المعتادة و الشائعة هي الميل للقئ او القئ ...

المجموعة دي ممنوع تتاخد مع مجموعة ال dpp4 inhibitors زي الجالفس و الجليبتس و الشوجارلو و الجانوفيا و غيرهم لان ده بيعرض المريض لهبوط حاد في سكر الدم ....

اعراض ارتفاع ضغط الدم كتيرة جدا و ساعات كتير مريض ارتفاع الضغط يعتقد اسباب الاعراض دي حاجات تانية خالص زي الانيميا و نق...
27/10/2024

اعراض ارتفاع ضغط الدم كتيرة جدا و ساعات كتير مريض ارتفاع الضغط يعتقد اسباب الاعراض دي حاجات تانية خالص زي الانيميا و نقص فيتامين د مثلا لكن ارتفاع الضغط بيكون هو السبب في الاخر....

تشخيص ارتفاع ضغط ببساطة و بحسب الخطوط الاسترشادية الاخيرة هو ارتفاع الضغط اكتر من ١٢٠/٨٠ مش اي رقم تاني ولا اعلى من ١٤٠/٩٠ و لا اعلى من ١٣٠/٨٠ و الرقم ده اللي هو ١٢٠/٨٠ ساري لاي سن من ١٦ سنة لحد ٩٠ سنة ..و ان الارتفاع ده يكون بشكل متكرر في اكتر من مناسبة سواء في البيت او في العيادة و طبعا يكون في ظروف مواتية يعني لا انفعال و لا اجهاد بدني زائد....

و طبعا الافضل في تشخيص الضغط بيبقى عن طريق جهاز قياس الضغط على مدار ٢٤ ساعة او حتى ٧٢ ساعة مستمرة لان ده بيكون تشخيص موثوق منه جدا اكتر من قياسات العيادة بسبب ارتفاع ضغط بعض المرضى في العيادة و برده اكتر من قياسات البيت لانها عادة بتكون بأجهزة رقمية و ممكن يكون تقنية القياس نفسها مش مظبوطة....

اما اعراض الضغط فهي كتير منها الصداع و الم الرقبه و الدوار او الدوخة او الهبوط احيانا و احساس الرغبة في النوم طول الوقت و ضعف جودة النوم احيانا و سرعة ضربات القلب و الم الصدر و ضيق التنفس و الم عضلات الجسم بشكل غير مبرر و بدون حتى بذل مجهود ....

مرحلة ما قبل السكر من النوع التاني او الاستعداد للسكر مرحلة مهمة جدا و دي بنعرفها لما السكر التراكمي بيكون ما بين ٥,٧ و...
26/10/2024

مرحلة ما قبل السكر من النوع التاني او الاستعداد للسكر مرحلة مهمة جدا و دي بنعرفها لما السكر التراكمي بيكون ما بين ٥,٧ و ٦,٤ % ..

المرحلة دي في كتير من المرضى بيشعرو باعراض السكر فيها زي نشفان الريق و كثرة التبول و الشراهة للسكر و الغريبة انه ساعات كتير في المرحلة دي بيكون العرض الاساسي هو الشعور بهبوط السكر خصوصا بعد الاكل عالي النشويات و ده مرتبط جدا بمقاومة الأنسولين و محاولة البنكرياس لمعادلة المقاومة دي بافراز انسولين كتير و بالتالي هبوط السكر احيانا بعد الاكل ...

الحقيقة برده في مرضى كتير في المرحلة دي بيشتكو من مضاعفات للسكر !!! و اشهرها التهاب الاعصاب الطرفية او حتى بعض مشاكل الشبكية ...

علشان كده في الوقت الحالي بينصح جدا ببداية العلاج الدوائي بشكل مبكر حتي في مرحلة ما قبل السكر او الاستعداد للسكر من النوع التاني و البداية المبكرة للعلاج الدوائي و نظام الاكل مش بس بتقلل السكر التراكمي لكن الاهم انها بتقلل نسب المضاعفات على المدى الطويل بشكل واضح جدا و كمان بتقلل احتمالية احتياج المريض للانسولين كجزء من علاج السكر على المدى الطويل ....

من الاعراض الجانبيه لادوية الكوليسترول زي الكريستور و الاتور ...و الغير معروفة او مش بتتقال كتير من المرضى او الأطباء .....
23/10/2024

من الاعراض الجانبيه لادوية الكوليسترول زي الكريستور و الاتور ...و الغير معروفة او مش بتتقال كتير من المرضى او الأطباء ... هي ان الادوية دي احيانا بترفع السكر في الدم في مرضى السكر و اللي طبيعي بيستخدمو الادوية دي بشكل منتظم كوقاية للشرايين التاجية للقلب...

او ان ادوية الكوليسترول بتزود احتماليات ظهور مرض السكر من النوع التاني في المرضى اللي بيستخدموها علشان الكوليسترول خصوصا لو مش بيمارسو رياضة منتظمة او نظام غذائي صحي مناسب او لو كمان عندهم تاريخ عائلي محترم لمقاومة الأنسولين و السكر من النوع الثاني ...

الطريقة اللي الاثر الجانبي ده بيحصل بيها مش معروفة تماما لكن الكلام على مادة معينة بتزودها أدوية الكوليسترول في الدم اسمها LDL C ..و دي بتبقى ليها تأثير ضار على خلايا بيتا في البنكرياس المنتجة للانسولين و بالتالي بتزود احتماليات ارتفاع مستوى السكر في الدم ...

النقطة المهمة في الموضوع هي ان ده مش سبب اطلاقا ان حد يوقف ادوية الكوليسترول لو عنده سكر او ارتفاع في نسبة الكوليسترول في الدم او مشاكل صحية تخص الشرايين التاجية للقلب لما لها من فوائد مثبتة علميا على تقليل نسبة المضاعفات و اسباب الوفاة من المشاكل الصحية دي...

لكن ده ممكن يكون داعي طبي اكبر لممارسة الرياضة المنتظمة و نظام غذائي سليم قدر الامكان اثناء علاج المشاكل دي عن طريق أدوية الكوليسترول ....

القولون العصبي مشكلة صحية منتشرة جدا و هي مشكلة وظيفية تعتبر مزمنة تختص باستجابة القولون للمؤثرات المختلفة زي بعض انواع ...
21/10/2024

القولون العصبي مشكلة صحية منتشرة جدا و هي مشكلة وظيفية تعتبر مزمنة تختص باستجابة القولون للمؤثرات المختلفة زي بعض انواع الاكل و بعض انواع الشرب و الانفعال العاطفي او المجهود البدني يعني مفيش مشكلة عضوية او التهاب عضوى صريح في القولون بيسبب القولون العصبي...

العلاج الاساسي لمتلازمة القولون العصبي هو تغيير نمط الحياة مش الادوية و استخدام الادوية بيقتصر فقط على النوبات الحادة ...

تغيير نمط الحياة في الاساس بيعتمد على تغيير نوع المأكولات او الشرب يعني مثلا الالتزام بشرب كميات كبيرة من المية و البعد عن الفاكهة و الخضروات الحمضية زي الليمون و البرتقال خصوصا على الريق صباحا و البعد عن الشطة و الفلفل الاسود و الزيت الحار و التركيز على الاكل المسلوق او المشوي و البعد عن المسبك و المقلي برده البعد عن السكريات و المخبوزات الكتير و الجبن عالية الدهون زي الرومي و الشيدر بالذات ده طبعا بالإضافة للبعد عن مسكنات العظام و الالبان كاملة الدسم و الاكثار من الكافيين ...

من الأساسيات برده في علاج القولون ممارسة الرياضة زي المشي و تقليل الانفعالات العاطفية قدر الامكان و البعد برده عن ممارسة الرياضات العنيفة زي رفع الاثقال خصوصا اثناء النوبات الحادة ...

مرض تكسير العضلات، المعروف بـ انحلال الربيدات أو rhabdomyolysis، هو حالة تحدث عندما تتلف أنسجة العضلات وتطلق مكونات خلاي...
20/10/2024

مرض تكسير العضلات، المعروف بـ انحلال الربيدات أو rhabdomyolysis، هو حالة تحدث عندما تتلف أنسجة العضلات وتطلق مكونات خلايا العضلات، مثل البروتينات والمعادن و الاملاح المختلفة إلى مجرى الدم، مما قد يؤدي إلى مضاعفات خطيرة مثل الفشل الكلوي. أسباب هذا المرض تشمل:

1. الإصابات أو الصدمات:الإصابات الجسدية الشديدة مثل الحوادث أو إصابات السحق.

2. النشاط البدني الشديد:التمارين الرياضية المكثفة، خاصةً في الأشخاص غير المدربين أو في الظروف الحارة.

3. الأدوية والمخدرات:بعض أدوية الكوليسترول (مثل الستاتين) عند تناولها بجرعات عالية أو مع أدوية أخرى ايضا بعض المضادات الحيوية أو أدوية التخدير.

4. العدوى:العدوى الفيروسية مثل الإنفلونزا، فيروس نقص المناعة المكتسبة (HIV) و بعض أنواع العدوى البكتيرية الشديدة التي قد تؤدي إلى تسمم الدم .

5. الظروف المتعلقة بالحرارة:ضربة الشمس أو ارتفاع حرارة الجسم بسبب التعرض المفرط للحرارة أو ممارسة الرياضة في أجواء حارة.

6. السموم:السموم من لدغات الثعابين أو الحشرات ايضا التعرض للسموم الصناعية مثل أول أكسيد الكربون أو المعادن الثقيلة.

7. الجفاف الشديد:نقص السوائل، خاصةً أثناء التمارين الرياضية الشديدة أو التعرض للحرارة، يزيد من خطر تحلل العضلات.

8. اضطرابات الغدد الصماء:مثل قصور الغدة الدرقية أو قصورة الغدة الكظرية .

التعرف المبكر على اعراض هذه المشكلة الصحية مثل الالام المبرحة في العضلات و عدم القدرة على الحركة و تغير لون البول الي اللون البني و العطش الشديد يعد ضروريًا لعلاج المرض ومنع المضاعفات المحتملة.

تفاصيل كتير اوي ممكن تتقال في تغذية مريض السكر و مدارس كتير و اختلاف كبير بينها لكن الخلاصه اللي كل المدارس دي متفقة علي...
19/10/2024

تفاصيل كتير اوي ممكن تتقال في تغذية مريض السكر و مدارس كتير و اختلاف كبير بينها لكن الخلاصه اللي كل المدارس دي متفقة عليها هي ان السكر بيتحسن بشكل كبير جدا و مش السكر بس لكن عموما كل ما يخص متلازمة التمثيل الغذائي بيتحسن سواء مقاومة الأنسولين او ضغط الدم او السمنة المفرطة او دهون الكبد او ارتفاع الكوليسترول و الدهون الثلاثية او امراض القلب او الالتهاب عامة في الجسم ... لما بنلتزم بالحاجات دي بالذات و هي :

الابتعاد عن ٣ حاجات لدرجة المنع لو امكن و هم السكر الابيض و مشتقاته و تاني حاجة الدقيق الابيض او النشويات المخففة و مشتقاتها و تالت حاجة الزيوت النباتية زي زيت الذرة وعباد الشمس و النخيل و زيت بذرة الكتان ...

و التمسك ب ٤ حاجات و هم البروتينات زي البقوليات و الاسماك و اللحوم و الكبدة و الفراخ و البيض و منتجات الالبان و تاني حاجة الخضروات سواء مطبوخة او مشوية او سوتيه او مسلوقة او سلطات و تالت حاجة قدر معتدل الحبوب الكاملة زي الارز و الشوفان و الفريك و القمح و الخبز الاسمر و رابع حاجة قدر معتدل الدهون الصحية زي الزبدة البلدي و السمن البلدي و زيت الزيتون و زيت جوز الهند....

مش دايما كل مريض عنده النقرس او حمض اليوريك عالي في الدم بيكون محتاج ادوية لخفض اليوريك زي الزيلوريك او الفيبيوريك او ال...
18/10/2024

مش دايما كل مريض عنده النقرس او حمض اليوريك عالي في الدم بيكون محتاج ادوية لخفض اليوريك زي الزيلوريك او الفيبيوريك او اليوريكودروب او الجاوتيفيد لكن في حالات معينة فقط هي اللي بتحتاج العلاج و عادةً بيكون لفترة محددة زى مثلا:

١. ارتفاع نسبة اليوريك اسيد في الدم لمستويات عالية جدا اكتر من ١١ مجم مثلا .

٢. ارتفاع وظايف الكلى زي الكرياتينين او اليوريا مع ارتفاع اليوريك اسيد في الدم هنا العلاج لارتفاع اليوريك اسيد بيساهم بشكل كبير في تحسين وظائف الكلى بشكل واضح.

٣ . ارتفاع مستويات اليوريك اسيد بشكل مزمن و بارقام عالية فوق ال ٩ مجم و عدم تحسنها بالرغم من تحسن نوعيات الاكل و مقاومة الأنسولين اللي بالمناسبة بتلعب دور كبير في ارتفاع اليوريك اسيد في الدم .

٤ . تكرار تكون حصوات في الكلى مثبت انها بعد تحليلها ناتجة عن ترسيب املاح اليوريك .

٥. تكرار التهابات المفاصل الحادة الناتجة عن ترسيب املاح اليوريك و عادة بتكون في الانكل او الكعب او ابهام القدم بعدد نوبات يزيد عن ٣ مرات سنويا و المناسبة الادوية الخافضة لليوريك في الدم ممنوع يتم تناولها اثناء النوبة الحادة ذاتها هنا بنكتفي بس بمضادات الالتهاب زي البروفين او الكولشيسين او الكورتيزون و بعد مالنوبة الحادة تتحسن بنبتدي ساعتها الادوية الخافضة لليوريك اسيد في الدم .

٦. مع اعطاء بعض العلاجات الكيماوية لبعض الاورام و ده بسبب ان الادوية دي بتكسر خلايا كتير و ده بيرفع نسبة اليوريك اسيد في الدم .

لكن مش اي مريض اليوريك اسيد عنده على عن الطبيعي في الدم نص او ١ او حتى ٢ مجم بيحتاج علاج للنقرس .

مقاومة الأنسولين هي حالة فسيولوجية تتميز بانخفاض استجابة خلايا الجسم لهرمون الأنسولين، مما يعوق عملية استخدام الجلوكوز ك...
16/10/2024

مقاومة الأنسولين هي حالة فسيولوجية تتميز بانخفاض استجابة خلايا الجسم لهرمون الأنسولين، مما يعوق عملية استخدام الجلوكوز كمصدر للطاقة ويؤدي إلى ارتفاع مستويات السكر في الدم. تعتبر هذه الحالة مشكلة صحية عالمية ترتبط بزيادة مخاطر الإصابة بالعديد من الأمراض المزمنة، مثل مرض السكر من النوع الثاني، وأمراض القلب، والأوعية الدموية، ومتلازمة التمثيل الغذائي.

الأنسولين هو هرمون تنتجه خلايا بيتا في البنكرياس ويقوم بدور محوري في تنظيم مستويات الجلوكوز في الدم من خلال تسهيل دخول الجلوكوز إلى الخلايا في الظروف الطبيعية، يستجيب الجسم للإفراز الطبيعي للأنسولين، حيث ترتبط جزيئات الأنسولين بمستقبلاتها على سطح الخلايا، مما يُحفز امتصاص الجلوكوز واستخدامه في العمليات الأيضية.

في حالة مقاومة الأنسولين، تصبح الخلايا غير قادرة على الاستجابة بكفاءة لهرمون الأنسولين، وبالتالي تقل قدرة الجسم على امتصاص الجلوكوز، مما يؤدي إلى بقاء مستويات السكر مرتفعة في الدم. كتعويض لهذه الحالة، يفرز البنكرياس المزيد من الأنسولين في محاولة للحفاظ على مستويات السكر الطبيعية. هذا الإفراط في إفراز الأنسولين قد يؤدي إلى تدهور خلايا بيتا مع مرور الوقت، مما يزيد من احتمال الإصابة بالسكر من النوع الثاني.

تتعدد العوامل التي تؤدي إلى مقاومة الأنسولين و منها :

1. الخمول البدني: قلة النشاط البدني تقلل من حساسية العضلات للأنسولين.

2. النظام الغذائي غير المتوازن: تناول كميات كبيرة من الكربوهيدرات البسيطة و السكريات يعتبر العامل الاساسي في زيادة مقاومة الأنسولين.

3. العوامل الوراثية: وجود تاريخ عائلي للإصابة بالسكر أو مقاومة الأنسولين قد يزيد من خطر الإصابة.

بالاضافة الى اعراضها من تصبغات الجلد و تراكم الدهون في منطقة البطن و الشعور بالجوع و الخمول خصوصا بعد الوجبات و الشراهة للسكريات فإن مقاومة الأنسولين تعتبر مرحلة مبكرة في تطور العديد من الأمراض المزمنة، مثل:

1. مرض السكر من النوع الثاني: على المدى الطويل، قد تؤدي مقاومة الأنسولين إلى استنفاد قدرة خلايا البنكرياس على إنتاج الأنسولين، مما يؤدي إلى ارتفاع دائم في مستويات الجلوكوز وتطور مرض السكر.

2. أمراض القلب والشرايين: ترتبط مقاومة الأنسولين بارتفاع ضغط الدم، وارتفاع مستويات الكوليسترول الضار (LDL)، وانخفاض الكوليسترول الجيد (HDL)، مما يزيد من خطر الإصابة بتصلب الشرايين وأمراض القلب.

3. متلازمة التمثيل الغذائي: هي مجموعة من العوامل المرتبطة بمقاومة الأنسولين، وتشمل السمنة، وارتفاع ضغط الدم، واضطرابات الدهون في الدم و دهون الكبد .

تشير الأبحاث إلى أن تغيير نمط الحياة يعد العلاج الأكثر فعالية للوقاية من مقاومة الأنسولين أو تحسينها. تشمل الاستراتيجيات الرئيسية:

1. ممارسة الرياضة: النشاط البدني المنتظم يزيد من حساسية العضلات للأنسولين كالمشي و تمارين المقاومة .

2. النظام الغذائي الصحي: تقليل تناول الكربوهيدرات البسيطة او حتى منعها احيانا وزيادة استهلاك الألياف الغذائية والدهون الصحية.

3. فقدان الوزن: حتى فقدان وزن طفيف يمكن أن يحسن حساسية الجسم للأنسولين ويقلل من مخاطر الإصابة بالأمراض المرتبطة به.

4. الأدوية: في بعض الحالات، قد يوصي الأطباء باستخدام أدوية مثل الميتفورمين و بعض الأدوية الاخرى لتحسين استجابة الجسم للأنسولين.

Address

107 شارع الحجاز — مصر الجديدة
Cairo

Opening Hours

Monday 3pm - 5pm
Tuesday 6pm - 11pm
Wednesday 6pm - 11pm
Thursday 3pm - 5pm
Saturday 6pm - 11pm
Sunday 6pm - 11pm

Website

Alerts

Be the first to know and let us send you an email when عيادة د.أنطونيو صفوت للأمراض الباطنية والسكر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category