د .عاطف خلف Dr. Atef khalaf لتعديل السلوك والارشاد النفسى والتخاطب

  • Home
  • Egypt
  • Cairo
  • د .عاطف خلف Dr. Atef khalaf لتعديل السلوك والارشاد النفسى والتخاطب

د .عاطف خلف Dr. Atef khalaf لتعديل السلوك والارشاد النفسى والتخاطب Contact information, map and directions, contact form, opening hours, services, ratings, photos, videos and announcements from د .عاطف خلف Dr. Atef khalaf لتعديل السلوك والارشاد النفسى والتخاطب, ٤ شارع ترعة التوفيقيه ، عزبة النخل, Cairo.

- دكتوراه فى علم النفس السلوكى
- معالج نفسانى
- معالج امراض التخاطب وعيوب النطق والكلام
- خبير فى تطوير ونمو الشخصيه
- رئيس مجلس ادارة مؤسسة التطوير المستمر للتنميه

بتشتكى من سلوكيات اولادك وتصرفاتهم ..مشاكلهم بقت كتيره بس ليها حل .. المرشد والمساعد اللى هيكون معاكى طول الوقت ولما تحت...
20/09/2026

بتشتكى من سلوكيات اولادك وتصرفاتهم ..
مشاكلهم بقت كتيره بس ليها حل ..
المرشد والمساعد اللى هيكون معاكى طول الوقت ولما تحتاجيه هتلاقيه ببساعدك 💚
كتاب 🌿 محاضرات فى علم نفس النمو والتربيه 🌿

هيساعدك تعرفى الحل لكل مشاكل اولادك ، وكمان بيفكروا ازاى و تكوينهم النفسى والعقلى والجنسى ،
وتعديل كل سلوكياتهم المضطربه من الطفوله لحد سن المراهقه بكل سهوله وبطرق علميه ..

🌿 كتاب محاضرات فى علم نفس النمر والتربيه 🌿
👈 خبير و دليل و مرشد متخصص 👌
👈 الكتاب متوفر الان لحد باب بيتك
🌿 عن طريق رسايل الصفحه او واتس وفون على الرقم : ٠١٢٠٢٠٣٧٩٨٨

محتويات الكتاب :-
🌿🌿🌿🌿
🌹 الاحتياجات الاساسيه للطفل
🌹 اهمية اللعب للطفل وانواعه
🌹 المشكلات النفسيه والسلوكيه واسبابها و طرق علاجها ..
* العنف
* العدوان
* ضعف الثقه بالنفس
* الغيره
* الانطواء
* ضعف الثقه بالنفس
* التبول اللا ارادى
* الاضطرابات الجنسيه
* الكذب
* السرقه
* التخريب
* العصيان والغضب والشتائم
* الخجل الزائد
* التلعثم ( التهتهه )
* النمو العقلى والنفسى والجنسى والانفعالى المراهق
* ازمة المراهقه
* التدخين فى المراهقه
* ادمان الانترنت
* القلق فى المراهقه
* السيكوباتيه فى المراهقه
* الشعور بالوحده النفسيه فى المراهقه
* الانحرافات الجنسيه فى المراهقه
** مبادئ مهمه فى التعامل مع الطفل والمراهق

🌿 يمكنك الان الحصول على الكتاب وانت فى مكانك .

🌿 الكتاب للآباء والامهات و المدرسين و الاخصائيين النفسيين و الاجتماعيين وكل العاملين فى مجال الطفل والمراهق

وللاستشارات فى مجالات :
التخاطب - تنمية المهارات - تعديل السلوك - مقاييس الذكاء - صعوبات التعلم - الارشاد النفسي والسلوكى .. .

للاستفسار :
برساله على الصفحة او اكتب تعليق او كلمنا على احد الارقام :
فون و واتس ٠١٢٠٢٠٣٧٩٨٨
٠١٢٨٤٤٩٥٧١٠ _ ٠١٠٩٠٨١١٠٩٣
مع امنياتنا بالاستفاده والتطوير للجميع 🌿🌹🌿

كتاب : محاضرات فى علم نفس النمو والتربيه .
د . عاطف خلف 🌿🌿🌿

اتكلمت معاكم قبل كده عن خطورة وسلبيات نوم الطفل الكبير جنب باباه او مامته وانها كتير وليها اضرار .. ( و لينك الموضوع بال...
16/09/2026

اتكلمت معاكم قبل كده عن خطورة وسلبيات نوم الطفل الكبير جنب باباه او مامته وانها كتير وليها اضرار ..
( و لينك الموضوع بالتفصيل فى اول تعليق )

وانهارده هتكلم عن الاسباب اللى بتخلي الطفل متمسك بيكى كده ورافض ينام لوحده …
خلونا نتفق ان الخوف وقت النوم مش دلَع وبس ..
ومش شرط معناه إنه الطفل ضعيف ،،
لكن معناه إن في حاجة جواه مخوفاه و محتاج يطمن ..
ياترى ابنك خايف من الضلمه ولا من السرير ومن لانه لوحده ؟؟! ..
ولا واحده من دول ..
الحقيقه ان مخاوف اليوم كله اللى بيشوفها متخزنه جواه و بتظهر اثناء النوم ، بجانب حبك المفرط اللى بتقدميه فى شكل اتكاليه كامله عليكى فى كل حاجه طول اليوم بتخليه عايز يكمل اليوم كله معاكى وده بيشوفه طبيعى بالنسباله وحقه ..

والمخاوف هنا زى خلافات زوجيه حصلت قدامه ..
او افلام رعب و اكشن بيشوفها ..
او من عصبيتك وانفعالك عليه طول اليوم ومابيصدق يلاقيكى هاديه علشان يلتصق بيكى ويحس بالامان ..
واسباب تانيه كمان ..

👈 وكده الحل مش انه ينام جنبك 👉

هنا المشكلة معناها وسببها واضحين ..

✅ طيب إيه اللي الطفل بيدوور عليه وقت النوم جنبك
و ازاى نقدر نساعده ؟
اولا : إحساس أمان ثابت :
اتك تكونى هاديه اثناء اليوم علشان يحس بالامان حتى لو مش قاعد جنبه.
و نقلل خلافاتنا الزوجيه قدام اولادنا ونحلها بهدوء او بعيد عنهم ..

ثانيا : محتاج ينسى احداث اليوم بحدوته هاديه قبل النوم وحضن وكلام جميل ويطمن ..

ثالثا : الكلام عن الخوف بيخوف ،،، يعنى كلمة متخافش ومتقلقش والكلمات دى معناها ان فى حاجه بتخوف فعلا والمفروض يكون شجاع وميخافش منها ،
وطبعا هنا مش هيقدر يواجه ده لوحده و هيخاف اكتر ..

رابعا : احتياج الطفل للحضن مهم جدااا ،،
لكن اثناء اليوم وهو صاحى وساعات بسبب او بدون سبب ، بنقدم اشباع يطمن ويهدى وكمان هيزود احساسه بالامان وساعتها هينام كويس لان مافيش سبب للخوف ..

خامسا : فى فترة الانسحاب التدريجى نامى جنبه فى سريره اثناء الحدوته مش فى سريرك انتى ولا غرفتك انتى ، وخليه ينام ويطمن وبعدين انسحبى بهدوء ..

سادسا : اعتماد الطفل على نفسه اثناء اليوم بيشجعه ويحسسه انه كبير وشاطر وبينجح فى المهمات وده هيقلل الاتكاليه عليكى وهيريحك وكمان هيستقل فى اثناء النوم فى غرفة الاطفال اللى هى اصلا مخصصه للاطفال ..

🌿 ولو الطفل اتكلم معاكى عن اسباب حقيقيه جواه بتخليه يخاف ينام لوحدة يبقي الافضل تلجأى لمتخصص نفسي لعلاج المشكله ..
واتمنالكم حياة هاديه و سعيده 🌿
د . عاطف خلف 🌿🌿
للاستشارات :
ت و واتس : ٠١٢٠٢٠٣٧٩٨٨
ت : ٠١٠٩٠٨١١٠٩٣ ـ ٠١٢٨٤٤٩٥٧١٠

بغض النظر عن التفاصيل لكن احنا بقينا بنشوف ده كل يوم واقع فعلى فى العيادات النفسيه والسبب الضغط النفسى ..ام تنهى حياة طـ...
23/08/2026

بغض النظر عن التفاصيل لكن احنا بقينا بنشوف ده كل يوم واقع فعلى فى العيادات النفسيه والسبب الضغط النفسى ..
ام تنهى حياة طـ فلها الصغير و عمره 8 سنين ، شئ مرعب وجرس انذار لكل المجتمع ..
مش الحادثه الاولى من نوعها لكن الجر- يمه بشعه وموجعه ،

و المعلومات بتقول إن والدة الطـفل المته-مة في الواقعة ، صيدلانية واعترفت وقالت انها بتمر بظروف نفسية قاسيه بعد انفصالها عن زوجها من حوالي سنة ، ووصلت لحاله نفسيه صعبه وافكار غريبه ،،
للاسف احنا مازلنا محتاجين نتعامل مع المرض النفسى زى اى مرض عضوى ، و احسن توقيت للعلاج هو من اول الفكره الغريبه ماتيجى فورآ ومع بداية الشعور بالضغط النفسي الشديد ..
و قبل ماتتحول الأفكار لسلوك ومحاولات خنق ومسك المقصات والى اخره ..
فكرى و دورى على الاسهل والافضل واتكلمى واتعالجى نفسيآ
و احكى وقولى افكارك الغريبه ومشاعرك المفاجأه واكيد بيكون فى حلول وعلاج حقيقى زى ناس كتير قبلك واصبحوا اصحاء وفى افضل حال .. 🌿🌿🌿
💔 الله يرحمك ياحبيبى 💔
لطلب الاستشارات :
٠١٢٠٢٠٣٧٩٨٨
٠١٠٩٠٨١١٠٩٣
٠١٢٨٤٤٩٥٧١٠

طفل بيسالنى فى الجلسه : هما ليه اصحابى مش بيحبونى ؟ قولتله ليه بتقول كده ؟ قالى علشان مش بيلعبوا معايا نفس لعبتى اللى بح...
17/08/2026

طفل بيسالنى فى الجلسه :
هما ليه اصحابى مش بيحبونى ؟
قولتله ليه بتقول كده ؟
قالى علشان مش بيلعبوا معايا نفس لعبتى اللى بحبها وكل واحد عاوزنى العب معاه اللعبه اللى هو بيحبها ..
قولتله وايه كمان بيزعلك منهم ؟
قالى انهم بيهزروا معايا هزار بطريقتهم هما وانا مش بحب الهزار ده ،،،
فسألته : طب هما هزارهم وحش ؟
قالى لا هو هزار عادى يعنى بس انا مش بحبه لانى بحب اهزر بطريقتى انا اللى متعود عليها انا ...
قولتله طيب ايه المشكله لو لعبت معاهم بلعبتهم وطريقتهم وكلكم تبقوا مبسوطين سوا ؟
قالى لا مش هكون مبسوط ، انا حابب ان هما اللى يلعبوا اللعبه اللى انا بحبها ويخلونى مبسوط معاهم ..

👈 الاعراض والشكوى اللى بتقولها الام انه :
انطوائي ، و لازم طلباته تكون مجابه ، عنيد ، عنيف ، بيكسر فى حالة عدم الخضوع لطلباته ..
🌿 ودى نتيجه طبيعيه لانه طفل مدلل ، وطلباته مجابه بالكامل ، وبيقدر يضغط و يخضع الوالدين لطلباته هو ،
والانطوائيه هنا بسبب تركيزه حول ذاته ورغباته هو فقط ، ولاحظت كمان اعراض اكتئاب على الطفل واصبح حاليا مش مبسوط مهما حصل حتى لما بينجح فى الحصول على مايريد ..
( ودى اعراض لبداية تكوين مرض ال ............... )
🌿 مين شاطر هيجاوب 🌿

والعلاج بسرعه علشان الموضوع ميكبرش معاه :
خطوات ذكرتها فى كتابى ( محاضرات فى علم نفس النمو والتربيه ) و اهم ٣ خطوات .. 👇
انك تتوقفى عن تلبية بعض الطلبات وخصوصا الغير اساسيه بالنسباله واللى بيكون ليها بدايل وتتحملى رد فعله بهدوء ، والتانيه انه يختلط مع اطفال اكتر و لاوقات اطول و بدون تدخل منكم لحل مشكلاته ، والتالته هو اعتماده على نفسه وتقليل الاتكاليه عليكى فى البيت وفى المواقف عموما قدر الامكان ..
من كتابى ( محاضرات فى علم نفس النمو والتربيه )
تحياتى د . عاطف خلف 🌿
للاستشارات او لطلب الكتاب :
فون وواتس ٠١٢٠٢٠٣٧٩٨٨
فون ٠١٠٩٠٨١١٠٩٣ - ٠١٢٨٤٤٩٥٧١٠

لكل اللى بيشتكى من سلوكيات ابنه او بنته ومشاكلهم الكتيره .. انت محتاج دليل ومرشد علشان تعرف منه التكوين النفسى للطفل ، و...
14/08/2026

لكل اللى بيشتكى من سلوكيات ابنه او بنته ومشاكلهم الكتيره .. انت محتاج دليل ومرشد علشان تعرف منه التكوين النفسى للطفل ، و ازاى بيفكر ، و طريقة تعديل سلوكياته لحد سن المراهقه و اساسيات وافضل طرق التعامل معاه ..

🌿 كتاب محاضرات فى علم نفس النمر والتربيه 🌿
👈 خبير و دليل وصديق مرشد ليك .. 👌
👈 الكتاب متوفر الان وتقدر تحصل عليه و انت فى مكانك ..
اطلبه عن طريق رسايل الصفحه او واتس وفون على الرقم : ٠١٢٠٢٠٣٧٩٨٨

* الآن .. طبعه جديده وحديثه من كتابى :
( محاضرات فى علم نفس النمو والتربيه )

هتقرا فى الكتاب :-
---------------------
🌹 التكوين النفسي للطفل والمراهق لدرجة انك هتشعر بكل مايشعر به ابنك وبنتك
🌹 الاحتياجات الاساسيه للطفل للتأسيس النفسى السليم
🌹 اهمية اللعب للطفل وانواعه و ازاى بيستفيد منه لشغل اوقات فراغه و نموه العقلى والنفسى والجسدى السليم
🌹 المشكلات النفسيه والسلوكيه اللى بتقابلك مع اولادك واسبابها و ازاى تعالجها ..
* العنف
* العدوان
* ضعف الثقه بالنفس
* الغيره
* الانطواء
* ضعف الثقه بالنفس
* التبول اللا ارادى
* الاضطرابات الجنسيه
* الكذب
* السرقه
* التخريب
* العصيان والغضب والشتائم
* الخجل الزائد
* التلعثم ( التهتهه )
* النمو العقلى والنفسى والجنسى والانفعالى المراهق
* ازمة المراهقه
* التدخين فى المراهقه
* ادمان الانترنت
* القلق فى المراهقه
* السيكوباتيه فى المراهقه
* الشعور بالوحده النفسيه فى المراهقه
* الانحرافات الجنسيه فى المراهقه
** مبادئ مهمه فى التعامل مع الطفل والمراهق

🌹🌿 بتكلم كمان فى الكتاب عن سن ما بعد ال ٦٠ والمشاكل النفسيه والاجتماعيه اللى بتقابلهم وتتعبهم و ازاى نتعامل معاها ونعالجها

🌿 يمكنك الان الحصول على الكتاب وانت فى مكانك .

الكتاب موضوعى جدا ويحاكى الواقع و ملخص فى نقاط محدده لكل موضوع بوضوح وتبسيط للجميع ، وهيعلمك ازاى تشخص ابنك وتعرف مشكلته و اسبابها وتعالجه بنفسك ..
اكسب ابنك وخليه سوى واستفيد من كل قدراته ومهاراته وعبقريته العقليه والنفسيه بشكل فوق العادى

🌿 الكتاب للآباء والامهات و المدرسين و الاخصائيين النفسيين و الاجتماعيين وكل من يتعامل مع الطفل والمراهق ..

تحت رعاية : مؤسسة التطوير المستمر للتنميه CDF
تخاطب - تنمية المهارات - تعديل السلوك - مقاييس الذكاء
العنوان : عماره ٤ شارع ترعة التوفيقيه ، امام الكوبرى الجديد ، عزبة النخل ، القاهره

🌿 يمكنك الان الحصول على الكتاب وانت فى مكانك .

للاستفسار ابعت رساله على الصفحة او كلمنا على ارقامنا :
٠١٢٨٤٤٩٥٧١٠ _ ٠١٠٩٠٨١١٠٩٣ _ ٠١٢٠٢٠٣٧٩٨٨
او ابعت رساله #واتساب على ٠١٢٠٢٠٣٧٩٨٨ وهنكلمك

تحياتى واتمنى الاستفاده والتطوير لحضراتكم ..
مع كتابى : ( محاضرات فى علم نفس النمو والتربيه )
🌿🌿 د . عاطف خلف 🌿🌿

07/08/2026

نظراتك وكلامك للمجروح 💔 قادرين يقتلوه وقادرين كمان يشفوا جراحه ويقوموه اقوى من الاول ❤️

28/06/2026

اكتر حاجه بتعوق تطوير شخصية الطفل والمراهق و خطة تعديل سلوكهم هى ضعف شخصية الاباء
و الامهات ، والاكتر من كده هو اعترافهم بالضعف ده قدام اولادهم ..
تحياتى د . عاطف خلف 🌿

لما تقرروا تدخلوا اولادكم مدارس متهتموش باسمها الواو ولا سعرها الكبير ولا زى اولاد فلان و فلانه قرايبكم ..💔 الله يرحمك ي...
20/06/2026

لما تقرروا تدخلوا اولادكم مدارس متهتموش باسمها الواو ولا سعرها الكبير ولا زى اولاد فلان و فلانه قرايبكم ..
💔 الله يرحمك يا تيا .. 💔
👈 تيا طفله عندها ٤ سنين و اهلهاا قرروو يدخلوها مدرسه خاصه واو فى منطقة شبرا الخيمه ، و اتقبلت الطفله بشرط انها تدخل الكورس الصيفى الى عملاه المدرسه لمدة اسبوعين ..
وطبعا دى بقت العادى والموضه فى كل المدارس وكلنا عارفين الهدف منها ايه ..
واول يوم الام وصلتها لقت ان عدد الاطفال قليل يعنى كافى ان الميسات الموجودين ياخدوا بالهم من الاطفال بعنايه ويكون كل واحد تحت عنيهم ..

تيا وصلت المدرسه الساعه ٩ ونص الصبح والمفروض انها كانت تستلمها منهم ٢ الضهر ، لكن اللى حصل مكنش متوقع .. !
بعد ما مامتها قعدتها في الفصل المجهز اللى فيه التدريب اخدوهم الاشراف للدور الارضى يفرجوهم علي المدرسه
و بعد كدا طلعوهم على الفصل تانى لوحدهم وطلع وراهم
٣ مدرسيين ..

لكن للاسف البنت وهي طالعه تاهت ونسيت مكان الفصل بتاعها .. وكملت طلوع لحد ما وصلت لاخر دور ، ودخلت فصل لكن ملقتش حد ف دخلت فصل تانى وبرضو ملقتش حد ..
ففكرت تجيب ديسك وتقف عليه وتبص ع زمايلها والمدرسين من الشباك لكن فجأه وزنها اختل و وقعت من الدور السادس على دماغها في الحوش واتوفت فى الحال ..

والاشراف اتفاجئوا بوقوع الطفله و انهم سابوها من غير مايركزوا بعنايه مع عدد الاطفال اللى معاهم ومع كل طفل
كمان و باهمالهم الجثيم وقعت وماتت تيا 💔
وللاسف المدرسين والاداره اخدوا اسوأ قرار في حياتهم انهم شالوها من على الارض ومشيوا يها برا المدرسه و عقبال ما راحت المستشفى كان مخها وقف والنبض وقف ،
و حاولوا يرجعوها تانى للحياه لكن للاسف كانت ماتت ..
و بعد شويه قرروا يبلغوا أهلها انها وقعت من على سلم المدرسه و ودوهاا المستشفى ،
لكن بعد ما الشرطه والتحقيقات راجعوا الكاميرات اكتشفوا الواقعه والتفاصيل كلها ، وانهاا وقعت من الدور السادس ومكانش معاها اى اشراف ..
💔 اولا : الله يرحم تيا ويصبر اهلها على فراقها .. 💔
💔 وثانبا لازم ادارة المدرسة دى تتحاسب على الإهمال اللى حصل منهم وتركهم للطفله وعدم التركيز مع كل طفل موجود فى الكورس الصيفى و المدرسه عموما ..
💔 ثالثا زى مابيهتموا بالمصروفات وتمن التدريب الصيفى وغيره و غيره يهتمو بالارواح اللى عندهم اللى غاليه عند 💔 رابعا اهاليهم وسابوهم امانه فى المدرسه ..
💔 و اخيرا اختاروا المدرسه بعنايه من فضلكم لان اولادكم امانه غاليه جدااا 💔😔
وربنا يحافظ على كل الاطفال 🌿
🌿🌿🌿

امتي تقول انا ابني محتاج جلسات تخاطب !؟ هقولك مجموعه اعراض وعلامات اساسيه واضحه وبسيطه هتساعدك : 👈 لما فى المواقف يختار...
20/05/2026

امتي تقول انا ابني محتاج جلسات تخاطب !؟
هقولك مجموعه اعراض وعلامات اساسيه واضحه وبسيطه هتساعدك :
👈 لما فى المواقف يختار بذل المجهود الحركى اسهل من الكلام ( يعنى يشاور او يسحبك من ايدك علشان تلبى طلبه )
👈 لما كلامه يكون مش واضح ومش مفهوم
👈 لما تشوفى اقرانه اللى فى عمره بيتكلموا وابنك مش قادر يجاريهم فى الكلام ولا يعبر صح .
👈 لما تلاحظى حروف معينه مش بتتقال وسط الكلام أو بيقول حروف بدل حروف .
👈 لما تحصل مواقف معاه ويكون مش قادر يعبر ولا يوصف بالكلام .
👈 لما يتلخبط فى ترتيب الاحداث وهو بيتكلم وايه حصل قبل ايه وايه حصل بعد كده .
👈 لما يردد ويكرر كلامك او سؤالك دى علامه مهمه جدا وخطيره ( هل بيفهم سؤالك ويجاوب عليه ولا بيعيد السؤال !؟ )
👈 لما تتكلم مع الطفل وتحس انه مش فاهم كلامك
👈 لما تلاقى نفسك انتى وبس اللى فاهمه الطفل وباقي الناس يقولولك احنا مش فاهمين كلام ابنك .
👈 لما تجيلك شكاوى انه بيختار العنف مع زمايله علشان يلعبوا معاه ، وده لانه مش عارف يعبرلهم صح بالكلام

👈 لما ينزل حضانه وبرضو مشكلة الكلام متتحلش بالاختلاط مع الاطفال .

✍️ وقتها لازم تتحرك وتبدأ تكشف على الطفل تخاطب ( مش تبدا جلسات تخاطب على طول )
وفى فرق كبير بين الاتنين : وهو التشخيص الصحيح من البدايه ،،، وده اللى هيريحك ويختصر معاك المشوار والمجهود والمال والوقت ، وانك تعرف ابنك عنده ايه ؟
و ايه الاسباب ؟
و ايه افضل طريقه للعلاج ؟
لما تعرف وتفهم الاول من الدكتور المتخصص مش هتضيع وقتك ووقت ابنك او تعرضه لجلسات غلط تضره ..
و مش شرط كل الاعراض المكتوبه تكون موجوده عند طفلك لكن يكفى عرض او اتنين هيأكدولك انه محتاج كشف تخاطب وجلسات لعلاج مشكلة الكلام .
وتحياتى للجميع 🌹
د . عاطف خلف 🌿
للاستشارات :
ت واتس : ٠١٢٠٢٠٣٧٩٨٨
ت : ٠١٠٩٠٨١١٠٩٣ ـ ٠١٢٨٤٤٩٥٧١٠
مؤسسة التطوير المستمر للتنميه CDF continuous development foundation مؤسسة التطوير المستمر للتنمية

كده كتير .. والضغوط النفسيه مش بتخلص ومش هتخلص ،،، اصبر شويه وهنلاقى حل 🤌متستعجلش و خليك متأكد ان فى حد هيسمعك ويفهمك و ...
16/05/2026

كده كتير .. والضغوط النفسيه مش بتخلص ومش هتخلص ،،، اصبر شويه وهنلاقى حل 🤌
متستعجلش و خليك متأكد ان فى حد هيسمعك
ويفهمك و يصدق كل كلامك ..
متتهورش و خليك واثق ان فى حد هيحس بألمك ووجعك لما تتكلم معاه وتحكى عن الضغوط والخنقه و انك على اخرك ..
انت محتاج تصدق ان ربنا شابف وسامع وعارف وحاسس بكل حاجه بتحصل معاك ، مش كده وبس ده ساندك فى كل لحظه .. . الانتحار عمره ماكان هو الحل أبدآ ..

اقولك حاجه .. لما تخطر على بالك فكره زى دى أو هواجس من النوع ده افتكر دايما الطبطبه و الدعم والسنده اللى كانت بتحصل ..
سواء من حبايبك او من ربنا نفسه كام مره وقف معاك ..
اقولك حاجه كمان .. اسأل نفسك كام سؤال : شايف كل الناس اللى مشيت دى ، هل فى اى حاجه اتغيرت بعد رحيلهم ؟
هل العالم وقف بعدها ؟
هل في حاجة اتغيرت بموتهم ؟
هل اى ظالم بطل ظلم او اعترف بظلمه ليهم ؟
هل عندك تأكيدات ان اللى مشى ده ياترى مبسوط دلوقتى ولا لا ؟ وياترى هو فين ؟
ياصاحبى كل حاجة زي ما هي والدنيا هتفضل ماشيه ومحدش اتغير ولا هيتغير ..
ولا الحياة وقفت ولا هتقف على حد مات وسابها ..
بالعكس .. الخسران الوحيد هو اللى سابها ويأس وهرب ..

ده غير انه بيسيب وراه وجع و ذكريات مؤلمة او أطفال ضايعين او اب وام مالهمش ذنب وهيموتوا بعده من حزنهم عليه ..
ده غير ان مافيش ولا استفاده واحده هتعود عليك .. !!

مش بقلل من وجعك بالعكس ،
انا بس بقولك ان الطريقة دي عمرها ما كانت حل ..
دى حاجه مافيهاش أي خير ولا منفعة ليك و لينا لكن كلها أذى وشر ليك وللى بيحبوك صدقنى ..

ولو على الناس اللى زعلوك اخرهم هيزعلوا عليك يومين ويتأثروا شوية بعد رحيلك .. ده لو زعلوا وحسوا اصلا انهم السبب .. !!

وبعدها هينشغلوا في أمور حياتهم ومع الوقت انت اللى هتتنسي ، وهتدفع لوحدك تمن اللي عملته وتتحمل مسئولية قرارك الغلط والمندفع ..
💚 اهدى كده ،
💚 صدقنى انت مش لوحدك ..
💚 إبدأ اتكلم مع حد بيحبك ، و دور على اللى واثق انهم بيحبوك وخايفين عليك بجد مش حد تاتى ..
💚 احكى معاهم وقول ، و ابكى ، وصرخ براحتك ،

💚 خبط على كل الابواب ومتتكسفش لان كلنا محتاجين لبعض ، وصدقنى انهارده عندك وبكره عندنا كلنا باختلاف انواع الاحتياج ..

💚 ومتقولش جربت كل حاجه وعملت كل حاجه ، لا لسه فى حاجات معملتهاش وناس مكلمتهاش ولا حكيت معاهم ..
💚 اتعلم مهارات جديده تساعدك تفهم نفسك وتفهم الناس ، وتخليك تقدر تحل مشاكلك ..
💚 اكتب وجعك فى ورقه وقطعها بسرعه هترتاح ،

💚 دور على موهبتك الحقيقيه الخاصه بيك وارمى نفسك جواها بشغف وحب واهتمام هتتبسط جدا ،
💚 صلى كتير وكتير اوى و اطلب بقلب جامد من ربنا
واحكى برجاء كل حاجه جواك وهو هيتصرف اكيد بس انت اصبر شويتين كمان ،،،
وصدقنى كله هيبقى تمام و احلى و اجمل مما كنت تتوقع ..
💚 وافتكر دايمآ ان ابن الملك يعيش ملك ويموت ملك 💚
💚 تحياتى 💚
د . عاطف خلف 🌿
@أبرز المعجبين

Address

٤ شارع ترعة التوفيقيه ، عزبة النخل
Cairo

Website

Alerts

Be the first to know and let us send you an email when د .عاطف خلف Dr. Atef khalaf لتعديل السلوك والارشاد النفسى والتخاطب posts news and promotions. Your email address will not be used for any other purpose, and you can unsubscribe at any time.

Shortcuts

Share