Interventional Radiology Center مركز الأشعه التدخليه ا.د أحمد سامي

  • Home
  • Egypt
  • Cairo
  • Interventional Radiology Center مركز الأشعه التدخليه ا.د أحمد سامي

Interventional Radiology Center مركز الأشعه التدخليه ا.د أحمد سامي الاسم : أحمد سامي محمد سعيد

تاريخ الميلاد : 30/6/1951

مكان ا

الاسم : أحمد سامي محمد سعيد

تاريخ الميلاد : 30/6/1951

مكان الميلاد : لندن – بريطانيا

الجنسيه : مصري بريطاني

الوظيفه : أستاذ ورئيس قسم الاشعه والتصوير الطبي – كليه الطب – جامعه القاهره – 2007 - 2011
رئيس وحده الاشعه الداخليه كليه الطب – جامعه القاهره -2003 - 2011

المؤهلات : - بكالريوس الطب والحرجه 1975

- ماجستير الاشعه 1979

- دكتوراه الاشعه 1983

رساله دكتوراه :

توسيع الشرايين بالبالون كعلا

ج بالاشعه التدخليه لانسداد الشرايين 1983 أشراف مشترك ( الماني – مصري )

الدراسات :

اعداد دراسه الدكتوراه – المانيا – معهد اجرتال للاوعيه الدمويه – جامعه كولون – المانيا 1980- 1982 أول دراسه في مصر والشرق الاوسط ( بروفسور روث)

تدريب علي مجالات الاشعه التدخليه – المستشفي المكي – جامعه كوبهناجن 1982 ( بروفسور يانسن)

تدريب علي التدخل في الجهاز العصبي والمخ – تلبورج – ايندهوفن 1986 ( بروفسور شان)

ابتكار جهاز تفتيت وشفط الانزلاق الغضروفي والحصول علي براءه اختراعه 1988-1989

التدريب علي حشو اينوزيرم المخ بالحلزونات التدخليه – جامعه كان – فرنسا (بروفسور كورتو)1998

التدريب علي التدخل في العمود الفقري والمخ لاري بواريز – باريس -2000 .

أكثر من ثمانون بحثا في الاشعه التدخليه بفروعها ملقاه في المؤتمرات او منشوره.


المناصب : رائد علم الاشعه التدخليه في مصر والوطن العربي

رئيس قسم الاشعه كليه طب القاهره 2007 - 2011

رئيس وحده الاشعه التدخليه – كليه طب القاهره 2003 - 2011

رئيس الجمعيه المصريه للاشعه التدخليه (ESIR)

الرئيس المنتخب للجمعيه العربيه للاشعه التدخليه PAIRS 2011

رئيس وحده قسطره المخ العلاجيه والتدخل في الجهاز العصبي – مستشفي معهد ناصر للعلاج والبحوث – القاهره

رئيس قسم الاشعه – المركز الطبي للمقاولون العرب .

استشاري الاشعه التدخليه بمستشفي السلام الدولي والمركز الطبي العالمي – القاهره

عضو الجمعيه الاوروبيه للاشعه التدخليه (CIRSE)

عضو الاتحاد العالمي للتدخل العلاجي في الجهاز العصبي (WFITN)

GPT الشاتقفشني وانا محتار بأفكر ازاي ابعت لاصدقائي ومرضاي احلي تهنئه في العيد فأخد لي الصوره دي وعملها كارت معايده يارب ...
27/05/2026

GPT الشات
قفشني وانا محتار بأفكر ازاي ابعت لاصدقائي ومرضاي احلي تهنئه في العيد

فأخد لي الصوره دي
وعملها كارت معايده

يارب تعجبكو !!!٠

كل سنه وانتو طيبين
عيد سعيد علي الجميع

لكل رواد الصفحه لكل اصدقاء الأشعه التدخليه اقول؛ كل رمضان وانتم في صحه وعافيهاعاده الله عليكم وعلينا بالخير
18/02/2026

لكل رواد الصفحه
لكل اصدقاء الأشعه التدخليه
اقول؛
كل رمضان وانتم في صحه وعافيه
اعاده الله عليكم وعلينا بالخير

حكاوى الاشعه التدخليهحكاية بنت اسمها هنادي---------------------------------حكايه النهارده حكايه لطيفه ولها معنى دخلت علي...
23/10/2025

حكاوى الاشعه التدخليه
حكاية بنت اسمها هنادي
---------------------------------حكايه النهارده حكايه لطيفه ولها معنى

دخلت عليا في العياده شابه علي قدر من صفاء الوجه ترتدي ملابس بسيطه ولكن تامه النظافه. لا يبدو عليها مظاهر المرضي..ومعها ابوها وامها ..

الاب والام من البسطاء من أهلنا في الصعيد . الام ذات وجه مستدير ناصع البياض يبدو عليها آثار جمال فات في الشباب . والأب فلاح يرتدي جلباب مهندم وبسيط مؤدب وقليل الكلام

بادرتهم انتو جايين منين قالوا احنا من اواخر الصعيد الدواني ..
خير و ضاربين المشوار دا كله عشان خاطري ، فردت الام بذوق دا احنا نجيلك من آخر الدنيا
اهلا وسهلا مين صاحب المشكله ؟ قالت الام قولي يا هنادي

وقبل ان تتكلم هنادي قلتلها معاكي اي اشعات أو تحاليل قالت انا معملتش حاجه !! امال جايا ليه لأننا احنا بتوع الاشعه التدخليه بيجولنا العيانين بعد ما يكونوا لفوا علي طوب الارض ومعاهم كوم اشعه وتحاليل..
وبعين الخبير لاحظت ان البنت بتتكلم وتشاور بايدها الشمال ومخبيا ايدها اليمين ورا المكتب .. وعندها تكلمت البنت وقالت أصل انا مش بعرف استخدم ايدي اليمين خالص والحكايه زادت اليومين دول..
طب وريني ايدك كده ... وفعلا وجدت ان اصبعها الإبهام كبير اوي واحمر ومزنهر ..حطيت ايدي عليه لقيته بينبض نبض شديد ...
ظهرت علي وجهي علامات التعجب مع ابتسامه خفيفه توحي للمراقب أنني فهمت الفوله... وهنا صاحت الام آهو دا يا بيه مشكله حياتها وحياتنا ...ألم ليل نهار ومش عارفه تمسك بايدها وخايفه اي خبطه فيه ليحصل لها مشاكل زي ما حذرها دكتور عندنا. لدرجه يا بيه انها رافضه الجواز لاحساسها انها مش ها تعرف تؤدي وظيفتها كزوجة وتخدم في بيتها. .وهنا تكلم الاب والحكايه مبقتش مشكله ايد بس ، لأ دي بقت مشكله نفساويه. واحنا جايين قاصدين ربنا وحضرتك .. الدكتور حدانا قال ملكيش غير الدكتور دلاهوا تنزلولو مصر وشوفوا ها يقول لكو ايه ... الجراحه هنا ممكن تطير الصباع خالص . وحتي لو نفعت ها ترجع تاني

... هنا أيقنت أن في الصعيد أطباء بيفهموا وعارفين حدودهم ، وان الطبيب المصري النابه موجود في كل مكان

وعايز اقول حاجه: ان اصبع الإبهام هو اهم اصبع في كف اليد بدونه تفقد اليد قدرتها علي القبض علي الأشياء وتصبح الاصابع الاربعه الاخري عديمه الجدوي اللهم الافي شرب السيجاره !!!

بعد هذا الحوار تفهمت أبعاد المشكله بكل جوانبها وأنه لو اعاننا الله علي حل مشكله الصباع سنعيد لهذه الشابه ضياء الوجه وراحه النفس

التفت الي الاب والام وقلتلهم البنت عندها لعبكه في شرايين واورده الصباع . ودي خلقه ربنا.. شاءت مشيئته ان يخلقها بهذه اللعبكه ودي اللي بيتقال عليها بالبلدي( الوحمه الدمويه). وهيةانواع كتيره اصعبهم النوع ده . ومكنش لها علاج حقيقي وناجع قبل كده لحد ما اخترعنا حكايه القسطره التدخليه اللي بيها بنقدر نوصل لاي عرق في الجسم حتي لو كان صغير أو بعيد ونحاول نحل المشكله

..فكان اول تفاعل ان الام نطت وقالت يعني لها حل يا داكتتور؟ ..قلت لها بإذن الله... لكن الناس قالوا لنا أنها خطيره وممكن يحصل مشاكل!! قلتلها ممكن لكن بنسبه ضئيله ولكن النفع أكثر كتير من الضرر ... فرد الاب : وحضرتك، لا مؤاخذه ، لامؤاخذه ، يعني لامؤاخذه عملتها قبل كيدي.. قلت والحمد لله مرات كثيره وأصعب منها كمان...يبقي توكلنا علي الله

وقد كان
شاء الله ان يكلل العمل بالنجاح المتميز وتم غلق الوصلات الشريانيه الوريديه خلالةساعتين من العمل الدقيق وعادت الاسره الي بلدتها آخر النهار

بعدها بيومين تليفون في العياده البنت صباحها بيوجعها ، نار آيدا فيه.. ايه اللي حصل يا داكتتور العمليه باظت .. ما انا قايل لكم اول اسبوع هيبقي في وجع ولو مفيش وجع يبقي احنا معملناش حاجه

ودارت الايام .. ولا اتصالات ولا مكالمات ..اللهم اجعله خير !

وفي الاسبوع التالت : دخل التلاته عليا في العياده بوجوه مشرقه وهنادي يعلو وجهها ابتسامه عريضه.. والام تقول : عماله يا بيه تحكي لكل اللي يعرفوها علي حضرتك وبتدعيلك صبح وليل...
ايه يا هنوده اخبارك ايه : الحمد لله النبح راح والشكل اتحسن وبقيت اعرف امسك بايدي كويس!! بس خايفه امسك سكينه.؟ متخافيش يا هنادي بس حرّصي .. وبابتسامه خجوله قالت الام : يعني يعني مفيش خوف من الجواز ، اصل هيا جايلها عريس وهيا بتقول لازم الدكتور أحمد يقول رأيه ويطمني، اذا قال لأ يبقي لأ، وإذا قال آه يبقي آه ... فرديت : وانتي ريداه يا هنوده .. قالت : ريداه والنبي ريداه... فبحماشه انتفض الاب : اختشي يا بت !!! اما انا فقلت : الحمد لله وعلي بركة الله

يا جماعه عايز اقول مهمه:
إن هيا دي الاشعه التدخليه:
مش للحاجات السهله بس ..لأ. دي عظمتها انها بتحل مشاكل ما كنتش بتتحل و مستعصيه علي فروع الطب الاخري

وعايز اقول كمان :
ان طبيب الصعيد اللي في قاعد.في آخر الدنيا بفهمه وعلمه ما مدش إيده ولغوص . وعنده علم ان الطب تطور وهناك من يستطيع ان يساعد. ولولاه ما كانت البنت تلقت العلاج المناسب. وهذا ما يطلق عليه التكامل في الطب .. كلنا وبنزاهه في خدمة المريض

وعايز اقول وازيد:
ان حل المشكله العضويه حل المشكله النفسيه ، وهذه هي مهمه الطبيب الإنسان اللي فاهم مش بس وظيفته الطبيه ولكن أيضا كيف يحنو انسانيا علي لاجئ قبل ان يكون مريض .. وخاصه في الأمراض المستعصيه

وحبيت اشرككم وتتفاعلوا معايا .وحطيت لكم
صوره هنادي ( الاسم المستعار) والطبيب يربت علي كتفها بمشاعر الاب ،وهي تحمل صور العمليه وقدطلبتها لتحتفظ بها .
وكمان حطيت صور اشعه الإصبع وهو مكتظ ومحتقن بفوران الاوعيه الدمويه ، مقابل شكل الإصبع بعد العلاج

انها جواهر الاشعه التدخليه
والي لقاء في حكايه جديده .
من (حكاوي الاشعه التدخليه)٠

الوزير يكرّم رائد علم الأشعه التدخليه في مصر والعالم العربيمؤتمر الأشعه التدخليه ٢٤ فبراير ٢٠٢٥
26/02/2025

الوزير يكرّم رائد علم الأشعه التدخليه في مصر والعالم العربي
مؤتمر الأشعه التدخليه
٢٤ فبراير ٢٠٢٥

Address

Cairo

Opening Hours

Monday 10am - 10pm
Tuesday 10am - 10am
Wednesday 10am - 10am
Thursday 10am - 10pm
Saturday 10am - 10pm
Sunday 10am - 10pm

Website

Alerts

Be the first to know and let us send you an email when Interventional Radiology Center مركز الأشعه التدخليه ا.د أحمد سامي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category