Howayda Al Demerdash - Harmony Co.

Call Directions Website Contact the practice

Howayda Al Demerdash - Harmony Co. Marriage & Family Therapist | Since 2006
Private counseling for Relationship, Marriage & Family challenges
1:1 Sessions | Professional Diplomas & Programs

30/09/2026

هو مش بيعرف يقول كلام حلو
طيب هو مش عارف ولا مش عايز؟! 👀

يمكن اللي ناقص في علاقتكم مش كلمة

اسمعي الريل للآخر
لأن الإجابة ممكن تغيّر تفسيرك للي بيعمله تمام

ولو نفسك تتعلم/ي إزاي تطلب وإزاي تعبّر عن احتياجاتك، وإزاي تسمع شريك حياتك من غير ما يتحول الكلام بينكم لخناقة

كورس مهارات التواصل مع شريك الحياة
يعلمك تقول امتى وازاي
ويعلمك تلبي احتياجاتك من شريك حياتك من غير ما تتفهم غلط كل مرة

التواصل مهارة .. مش طبع
ولما تتعلمها شكل العلاقة بيتغير

رابط ال mini course المجاني في أول تعليق
علشان تقدر تتعرف أكتر على تفاصيل الكورس قبل الاشتراك فيه🎁

#علاقات
#زواج

أنا مهما عملت مش هعجبك؟مهما حاولت .. دايما في حد أحسن مني في عينك؟يمكن عمرك ما قلتها بصوت عاليبس جواك إحساس بيتكرر كل مر...
28/09/2026

أنا مهما عملت مش هعجبك؟
مهما حاولت .. دايما في حد أحسن مني في عينك؟

يمكن عمرك ما قلتها بصوت عالي
بس جواك إحساس بيتكرر كل مرة شريك حياتك يقارنك فيها بحد تاني:

شوف فلان بيعمل إيه
مرات فلان بتعمل كذا
إنت ليه مش زي فلان
غيرك كان هيعمل كذا

ومع كل مقارنة، جزء صغير جواك بيبدأ يصدق إنك مش كفاية💔

المشكلة إن المقارنة أحيانا مش بتكون مقصودة
ممكن تكون مجرد شكوى، أو محاولة للتعبير عن احتياج، أو حتى رغبة إن شريك حياتك يتغير للأفضل

لكن بدل ما يسمع منك:
"أنا محتاج منك حاجة"
بيسمع:
"أنت مش عاجبني .. وغيرك أحسن منك"🚨

ومع الوقت، العلاقة اللي المفروض تكون مكان أمان، تتحول لمكان بتحاول فيه طول الوقت تثبت إنك تستحق الحب والتقدير.

والأخطر؟
إنك ممكن تكون أنت كمان بتعمل نفس الشيء من غير ما تاخد بالك.

بتقارني جوزك بجوز صاحبتك
أو بتقارن مراتك بمرات أخوك
بشكل غير مباشر، أو حتى في دماغك فقط!

لكن الحقيقة إنك مش شايف حياة الناس كاملة

أنت بتشوف موقف .. هدية .. كلمة حلوة
وبتقارنها بعلاقة كاملة بكل تفاصيلها وضغوطها

العلاقة الزوجية مش منافسة وشريك حياتك مش محتاج يثبت إنه أفضل من غيره
هو محتاج يحس إنك شايفه هو
فلو محتاج حاجة منه اطلبها بشكل واضح
لو في تصرف مضايقك .. اتكلم عنه
لو نفسك في اهتمام أكتر .. عبّر عنه

لكن متخليش المقارنة هي اللغة اللي بتوصل بيها احتياجاتك
لأنك ممكن تكون فاكر إنك بتحفّزه يكون أفضل
لكن هو كل اللي بيسمعه:
مهما عملت .. إنت لسه مش كفاية

والجملة دي لو اتكررت كتير
ممكن تهدّ علاقة كاملة من غير خناقة واحدة

رأيكم ايه أكتر حاجة بتضايقك لو شريك حياتك قارنك بشخص تاتي؟ بتحس بإيه؟

ولو عايز تعرف ازاي تعبر عن احتياجاتك وتطلبها بشكل صحيح من غير ما تجرح شريك حياتك
ابعتلنا واسأل عن تفاصيل كورس "مهارات التواصل مع شريك الحياة"
علشان تطلب صح بالطريقة الصح

#زواج #مقارنة #علاقات
#استشارة #تواصل

26/09/2026

المشكلة مش دايما في الراجل !!

هو مش بيفهمني!
هو مش بيسمعني!
أنا بقوله اللي محتاجاه ومفيش فايدة!

بس هو انتي فعلا
بتعبّري عن احتياجك بوضوح
ولا بتعبّري عن غضبك وتستني منه يستنتج السبب؟

هل بتسمعيه عشان تفهميه
ولا عشان تجهزي ردك؟

وهل بتعرفي تقولي:
أنا محتاجة منك كذا
من غير لوم، اتهام، أو مقارنة؟

التواصل مهارة
ولما المهارة دي تكون ناقصة، ممكن شخصين بيحبوا بعض جدا
يفضلوا طول الوقت حاسين إنهم مش مفهومين!

في كورس مهارات التواصل مع شريك الحياة هتتعلمي:

• إزاي تطلبي اللي محتاجاه بوضوح
• إزاي تعبّري عن مشاعرك واحتياجاتك من غير ما تحولي الكلام لخناقة
• إزاي تسمعي شريكك وتفهمي احتياجه فعلًا
• وإزاي تتكلمي بطريقة تخليه يسمعك
مش يدافع عن نفسه

قبل ما تقرري إن المشكلة في شريك حياتك
اتأكدي إنك عارفة تتواصلي معاه بالطريقة اللي فعلا بتوصله اللي جواكي.

ابدئي كورس مهارات التواصل مع شريك الحياة
واتعلمي ازاي توصلي احتياجاتك بدون شد وجذب وبدون خناق
بدون ما تتفهمي غلط ولا تحتاجي تشرحي وتبرري

#مهارات #تواصل #زواج
#استشارة

22/09/2026

🚨 ٣ علامات… لو لقيت/ي واحدة منهم في الشخص اللي قدامك، ما تستعجلش قرار الارتباط!

لأن مش كل عيب بيتصلّح بعد الجواز،
ومش كل مشكلة الحب قادر يحلّها.

في حاجات ممكن تتجاهلها النهارده
لكن تمن تجاهلها ممكن تدفعه سنين بعد الجواز.

اسمع/ي الريل للآخر
يمكن علامة واحدة منهم تكون كفاية إنها تخليك تعيد التفكير في قرارك.

ولو عايز/ة تعرف إزاي تختار شريك حياتك بوعي،
وإيه الأسئلة والمعايير اللي لازم تنتبه لها قبل الارتباط

كورس "مهارات اختيار شريك الحياة"
هيساعدك تبني قرارك على الفهم والوعي، مش الانجذاب والمشاعر وحدهم

لأن اختيار شريك الحياة مش مجرد قرار قلب
ده قرار بيبني حياة كاملة

👇 اكتب/ي كلمة "اختيار" في التعليقات،
وهنبعتلك تفاصيل الكورس على الخاص

#خطوبة

المدرسة مش مشروع مراتك وإنت مش الممول💸لو كل اللي بتعمله مع بداية الدراسة إنك تدفع المصاريف وتشتري الطلباتوبعدين تقول:أنا...
20/09/2026

المدرسة مش مشروع مراتك وإنت مش الممول💸

لو كل اللي بتعمله مع بداية الدراسة إنك تدفع المصاريف وتشتري الطلبات
وبعدين تقول:
أنا عملت اللي عليا

فانت شايل جزء صغير جدا من الحكاية

لأن في أم من أول يوم مدرسة
دماغها ما بتسكتش:

صحوا؟
أكلوا؟
وصلوا؟
فهموا الدرس؟
عملوا الواجب؟
نسوا حاجة؟
عندهم امتحان إمتى؟
مين محتاج متابعة أكتر؟
ومين بدأ يتغير ومحدش واخد باله؟

دي مش تفاصيل "بتاعة الأمهات"
دي حياة أولادك

ومراتك مش محتاجة منك "تساعدها" في أولادكم
هي محتاجة تحس إنك شريك حقيقي فيهم

اقعد مع ابنك
اسأله عن يومه
ذاكر معاه مرة
تابع مدرسة أو درس
ساعدها في مسؤولية تعباها من غير ما تستنى انها تطلب منك

لأن أجمل حاجة ممكن تعملها لمراتك مع بداية سنة دراسية جديدة
مش إنك تقول لها:

"لو محتاجة حاجة قولي"

لكن إنك تخليها تحس من غير كلام:
"أنا شايف الحمل اللي عليكي
ومش هسيبك شايلة لوحدك" 💚

عام دراسي جديد سعيد على أولادكم وعلى علاقتكم الزوجية 🥰

#دراسة #مدارس #زواج

17/09/2026

أهلي حاجة ومراتي حاجة تانية

طيب
إيه اللي يخلي الفرق ده منطقي أحيانا
وظالم جدا أحيانا تانية؟

هل مراتك فعلا لازم تتقبل إن فيه أولويات دايما قبلها؟
ولا الموضوع مش في مين ياخد أكتر
لكن في إزاي الزوج بيحط كل واحد في مكانه؟

الإجابة مش بالبساطة اللي انت تتوقعها

اسمع الريل للآخر

ولو لسه مش عارف تفرق بين حقوق الزوجة وحقوق الأهل والموضوع عامل مشاكل

احجز استشارتك الآن

قبل ما المشكلة توصل لحائط سد

اكتبلنا كلمة استشارة وهنبعتلك تفاصيل الحجز على الخاص

#استشارة #مشاكل #زواج

15/09/2026

لما الشات يتحول لاحتياج مستمر، وسرية، وهروب من الواقع
المشكلة مش بس في "بيكلم مين؟"
المشكلة الأعمق:
إيه اللي بيخليه محتاج الشات بالشكل ده؟
وإيه تأثيره على علاقتكم؟

قبل ما الاتهامات تزيد
وقبل ما الثقة تتكسر أكتر،
محتاجين نتعلم إزاي نتكلم عن الحاجات الصعبة من غير هجوم
ومن غير إنكار، ومن غير ما كل نقاش يتحول لخناقة

"كورس مهارات التواصل مع شريك الحياة"
علشان تعرفوا تتكلموا، تسمعوا، وتعبروا بطريقة صحية
حتى في أصعب المواقف

ولو حاسس إن الموضوع تخطّى مجرد عادة
وإن في سلوك قهري أو احتياج نفسي محتاج تدخل متخصص
ما تستناش المشكلة تكبر

احجز استشارتك الآن مع هويدا الدمرداش

#مهارات #مشاكل #زوجية

11/09/2026

مش كل اللي بيتقال في الخطوبة هو الحقيقة

الشخصية بتبان أكتر في المواقف:
وقت الاختلاف، الغضب، الضغط، والرفض

مهارة الاختيار إنك ما تسمعش الكلام بس
تعرف تفهم ما وراء الكلام والموقف.

لأنك مش بتختار شخص تحبه بس
أنت بتختار الشخص اللي هتعيش معاه.

للمخطوبين والمقبلين على الزواج:
اتعلم مهارات اختيار شريك الحياة قبل ما تاخد قرار العمر

سيبلنا في التعليقات كلمة "اختيار" وهنبعتلك تفاصيل الكورس



#خطوبة #جواز

07/09/2026

مين قال
إن ابن أمه= راجل بار بأمه

في فرق كبير بينهم
والفرق ده ممكن يحدد إذا كنتِ هتعيشي مع راجل يعرف قيمة أمه
ولا مع راجل أمه هي اللي بتحدد قيمة مراته

بس يا ترى
إمتى البر يتحول لحاجة تانية؟
وإمتى حب الأم يبقى على حساب الزوجة؟

هويدا هتقولك الفرق
بس خلي بالك الإجابة ممكن تغيّر نظرتك لناس كتير🙈

#زواج #مشاكل #استشارة

هويدا_الدمرداش

ابنك محتاج يشوف أمه ست الستات💅وأبوه أحكم الحكماء👌مش لأن أمه كاملة أو أبوه معصوم لكن لأنه محتاج يشوف إن أقرب اتنين ليه بي...
05/09/2026

ابنك محتاج يشوف أمه ست الستات💅
وأبوه أحكم الحكماء👌
مش لأن أمه كاملة أو أبوه معصوم
لكن لأنه محتاج يشوف إن أقرب اتنين ليه بيقدّروا بعض ويحترموا بعض
ويأمنوا لبعض

محتاج يشوف أبوه بيتكلم مع أمه باحترام حتى وهو مختلف معاها.
ويشوف أمه بتحترم أبوه من غير ما تقلل من نفسها أو من مكانته

يشوف إن الخلاف بينهم مش إهانة
ومش تهديد بالطلاق
ومش فضيحة قدام الناس!

يشوف أبوه سند لأمه
وهي سند له
يشوف كل واحد فيهم بيحفظ مكانة التاني حتى في غيابه

لأنك لما تقول لابنك: "احترم أمك" وهو شايفك بتكسرها هيحترمها ازاي؟!! أو هيحترمك انت نفسك ازاي؟!
ولما تقولي لبنتك: "اختاري راجل يحترمك"
وهي شايفاكِ بتقللي من أبوها كل يوم
هتختار راجل تحترمه ويحترمها ازاي؟!

إنتوا مش بتربّوا أولادكم
إنتوا بتورّثوهم شكل الجواز اللي هيختاروه

السؤال: أولادكم لو قلدوا علاقتكم ببعض
هتكونوا فخورين بيهم في المستقبل؟

#التربية #زواج #حب

Address

174 Drive Ahmed Okasha Street, Al Banafseg, Fifth Settlement, Ground Floor, Private Entrance. New
Cairo

Opening Hours

Monday 12pm - 8pm
Tuesday 12pm - 8pm
Wednesday 12pm - 8pm
Thursday 12pm - 8pm
Saturday 12pm - 8pm
Sunday 12pm - 8pm

Telephone

+201000771776

Website

Alerts

Be the first to know and let us send you an email when Howayda Al Demerdash - Harmony Co. posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Howayda Al Demerdash - Harmony Co.:

Shortcuts

Share

Category