دكتور محمد سعد إبراهيم لجراحات العيون والليزك - Dr Mohamed Saad Ibrahim

15/05/2026

يعتذر الدكتور محمد سعد ابراهيم
استشاري جراحات العيون والشبكية

لمرضاه عن تواجده بالعيادة في الفترة من
١٥/٥/٢٠٢٦
حتي
٨/٦/٢٠٢٦

وعلي المرضى الراغبين في حجز موعد عمليات أو كشف بعد عودة الطبيب سالما لمصر التواصل مع الارقام الآتية

01064020051
01154768090

داعين الله عز وجل أن يرزقنا جميعا حج مبرور وذنب مغفور

28/04/2026

((لو كان مرض السكر رجلا لقتلته))

دي المقولة اللي دايما دكتور محمد سعد بيقولها لمرضاه اللي بيترردوا علي العيادة للعلاج والعمليات بسبب مضاعفات مرض السكر 🛑

كل يوم بتجيلنا حالات صعبة السكر تسبب في فقدانها البصر بسبب المياه البيضاء والنزيف الشبكي وضمور العصب البصري 😥

حالات كتير دكتور محمد بيلحقها وبيكون سبب بكرم ربنا ان المرضي يستعيدوا البصر وحالات للاسف بتكون جاية متأخرة جدا دكتور محمد بيكون حزن جدا انه مش قادر يساعدهم بعد ما السكر دمر عينهم😥😥

علاج مرض السكر بيبدا من تشخيصه ووصف العلاج المناسب وظبط التغذية والمتابعة المستمرة والحالة النفسية للمريض


مضاعفات السكر علي العين كتير جدا واول خطوة علي طريق العلاج الوقاية والزيارة الدورية لطبيب العيون لعلاج اي مضاعفات تحصل من مرض السكر علي العين قبل ما النظر يفقد

#عينك ـأمانةـحافظ-عليها
#دكتورـمحمدـسعد
#جراحات-الشبكية

07/04/2026

من رسائل هاتف العيادة

医生，千言万语也无法表达我的感激之情。您救了我的眼，救了我的命，也救了我的家人。您是埃及的第四座金字塔。由衷地感谢您。

وعندما قمنا بترجمتها والتواصل مع مرسلها وجدناها رسالة من مريض (( صيني الجنسية)) جاء للسياحة في مصر منذ عام مضى وتعرض اثناء تواجده فى مصر لمشكلة طبية شديدة بالعين اليسري وفقدان تام للنظر وقام دكتور محمد سعد بإجراء عملية طارئة له استعاد بها المريض النظر ...
اراد المريض ان يرسل برقية شكر لدكتور محمد في ذكري مرور سنة على زيارته

فكانت هذه الكلمات والصورة الرقيقة

(( يا دكتور، لا توجد كلمات يمكنها أن تعبّر عن مدى امتناني لك. لقد أنقذت عيني، وأنقذت حياتي، وأنقذت عائلتي أيضًا. أنت بمثابة الهرم
الرابع في مصر. أشكرك من أعماق قلبي))

#دكتورـمحمدـسعدـابراهيم
#مدرس-واستشاري-جراحات العيون والشبكية

20/03/2026

نصيحة( شبكية ) من دكتور محمد سعد

في ظل فرحتك بالعيد
اوعي تكتر من الكحك وخلي بالك من سكرك

كل عيد وصحة عيونكم بخير

19/03/2026

23/09/2025

جانب من مشاركة الدكتور محمد سعد ابراهيم
في مؤتمر اسكندريه للشبكية AVRS
وعرض احدث الطرق العلاجية والجراحية في جراحات العيون والشبكية المعقدة

ومناظرة اخر ما توصل إليه العلم في جراحات إصابات العيون والشبكية الخطيرة وطرق علاجها

19/07/2025

ولا تزال محبتنا لمرضانا من السودان الشقيق محفورة في القلب❤️

ولا تزال كلمته (( احنا في رقبتنا لمصر واطباء مصر جميل طول العمر ونفديكم بالروح والدم ))

مع العم صلاح
بفضل الله بعد عملية معقدة جداً تمت بنجاح كانت سببا في استعادة البصر بعد معاناة طويلة بدات من 2018
وصورة للتاريخ وقصة طويلة نهايتها مروية بدموع الفرح بعودة البصر

-اللهم لك الحمد والشكر

#دكتورـمحمدـسعدـابراهيم

05/07/2025

#جفاف العين
مشكلة كل صيف مع كتير من مرضانا
بسبب ارتفاع حرارة الجو والشمس الشديدة

حرقان في العين
/حكة شديدة في الجفون
/شوك بيغزز في العين من جوة

واعراض تانية كتير بتخلي المريض مضايق

علاج الجفاف بيبدا من تشخيص سببه
وعلاجه مش مجرد قطرة ملطفة او بديل دموع

اسألنا عن احدث الطرق العالمية عن تشخيص وعلاج جفاف العين

#دكتورـمحمدـسعدـللعيون

17/06/2025

قصة نجاح جديدة وجميلة حابين نشارك متابعينا الحلوين بيها❤️❤️

((م/محمد صلاح ))

فخر محافظة السويس الحقيقي 😘

م.محمد طالب في كلية الهندسة السنة الاخيره
قبل تخرجه بشهر واحد ربنا اختبره اختبار صعب جدا جدا لكنه رضي وصبر وشكر فعوضه الله ورد الله له البصر❤️❤️

م.محمد جاله انفصال شبكي كامل طارئ في العين اليمين وبوادر قطع شبكي جزئي في العين الشمال

في ساعات محدودة تم تحويل م.محمد للاستاذ الدكتور محمد سعد ابراهيم مدرس واستشاري الشبكية وتم عمل عمليه انفصال شبكي والحمد لله نجحت ورد الله له بصره

وتم عمل جلسة ليزر لحام للشبكية للعين اليسري لإنقاذها من الانفصال

والصورة الجميلة دي لمهندس محمد صلاح مع والده الشهم اللي كان بيدعم محمد كل الدعم وكل مرة يقوله انا مطمن عليك مع د محمد سعد😘
بعد امضاء د.محمد علي تيشيرت التخرج لتدوم الذكريات الجميلة لتمحو آثار ايام عصيبة وذكريات مؤلمة 😥😥

وخلف الكاميرا فيه ام طيبة قلبها كان مكسور علي ابنها لدرجة انها متكلمتش ولا كلمة واحدة لانها استعوضته ربنا الذي لا تضيع ودائعه

وكمان خالة جدعة جدا جدا دعمت محمد وكل مرة كان بيشرفنا للمتابعة كانت بتبقي اول واحدة تقابل د.محمد وتطمن منه علي بشمهندسنا الجميل 💪🤲

فريق عمل الدكتور محمد سعد ابراهيم للعيون
بيهني م.محمد بتخرجه وبيتمني ليه بداية جديدة لحياة سعيدة❤️❤️❤️❤️

#دكتورـمحمدـسعدـللعيون