Psy Shimaa AlGohary

20/05/2026

كل البنات كده… كل الرجالة كده!
واحدة اتخذلت من شخص
فتقول:
“كل الرجالة كدابة”
وواحد اتوجع من علاقة
فيقول:
“كل البنات خاينين”
مع إن الحقيقة؟
أنت ما قابلتش كل البنات
ولا هي قابلت كل الرجالة أصلًا
بس العقل وقت الوجع
بيحب التعميم
علشان يحاول يحمي نفسه
🧠 وده واحد من أشهر
"التشوهات المعرفية"
إن العقل ياخد تجربة واحدة
أو كام موقف
ويحوّلهم لحقيقة مطلقة عن البشر كلهم
وده بيخلينا:
نظلم ناس ملهاش ذنب
ونخاف من علاقات ممكن تكون كويسة
ونعيش مقتنعين إن العالم نسخة واحدة مكررة
والمضحك المبكي بقى؟
إن التعميم الوحيد المقبول فعلًا هو:
"كله كله كوم…
وزعلك أنت كوم"
أنت قولتلي إن كلهم
مصطفى أبو حجر 😭
🌿 المشكلة إن التشوهات المعرفية
بتخلينا نشوف الدنيا بعدسة مشوهة
فنفسر أي تصرف على إنه تأكيد لوجعنا القديم
لو حد اتأخر في الرد؟
أكيد بيخون
لو حد طلب مساحة؟
أكيد هيختفي
لو حد مختلف؟
يبقى خطر
مع إن أوقات كتير
الناس بس… طبيعية
وإحنا اللي بنبص بخوف قديم
🌱 العلاج مش إننا ننكر الوجع
لكن نفهم إن تجربة واحدة
مش قانون كوني
مش كل الناس شبه اللي أذانا
ومش كل القلوب نسخة من بعض
#دشيماءالجوهري

#العلاقات

19/05/2026

🔴 "إزاي تردي على اللي بيتنمر على شكلك أو جسمك؟"
أول حاجة لازم تعرفيها
إن التنمر مش دليل إن فيكِ مشكلة
أوقات كتير بيكون دليل إن اللي قدامك عنده قلة ذوق… وفراغ
بس لأن الموقف بيبقى مفاجئ
بنقف ساكتين
وبعدين بعد ساعتين نرد الرد الجامد وإحنا في الشاور 🚿😂
فـ تعالي نتفق على شوية ردود: هادية… تقيلة… ومحرجة ليهم أكتر منك
🧠 لو حد علّق على جسمك: “أنتِ خسّيتي أوي”
“أنتِ تخنتي”
ممكن بكل هدوء: “وأنتَ ليه مركز مع جسمي أوي كده؟ 🙂”
أو: “مرتاحه في جسمي الحمدلله”
🧠 لو حد اتريق على شكلك: “إيه شعرك ده؟” “إيه اللبس ده؟”
الرد مش لازم يبقى خناقة
ممكن: “ذوقك مش لازم يبقى زي ذوقي عادي”
أو: “الحمدلله إني عاجبة نفسي 😌”
🌿 والأهم؟ ما تحاوليش تكسبي إعجاب شخص
أساسًا بيقلل منك علشان يحس إنه أعلى
في ناس بتتنمر
علشان تلفت النظر
وفي ناس علشان تستخبى من نقص جواها
وده مش مبرر ليهم
بس تفسير يخليكِ تفهمي
إن المشكلة مش في شكلك
🌱 الحقيقة إن الشخص الواثق من نفسه
نادراً ما بيقعد يكسّر في الناس
فـ متخليش كلمة سخيفة
تبقى صوت دائم جواكي
لأن جسمك مش مشروع تقييم عام
وشكلك مش دعوة مفتوحة للآراء ❤️
#دشيماءالجوهري
#التنمر

16/05/2026

🔴 "متفكرش في الحاجة دي"
أول حاجة المخ بيعملها؟
يفكر فيها 😅
تعالى أجرب معاك حاجة…
🚫 متفكرش دلوقتي في فيل لابس نضارة شمس
وماسك كوباية عصير 🍹🐘
…
شوفت؟
المخ جابه فورًا 😭
وده لأن المخ البشري علشان يفهم "النفي"
لازم الأول يستدعي الفكرة نفسها
يعني لما أقولك: “ما تخافش”
المخ يسمع إيه الأول؟
"خوف"
لما أقول: “ما تتوترش”
المخ يستدعي التوتر أصلًا
علشان كده أوقات كتير
الكلام اللي بنقوله بنية التهدية
بيجيب نتيجة عكسية
🧠 وده بنشوفه كتير مع القلق
واحد خايف قبل امتحان
نقوله: “ما تقلقش”
واحدة عندها نوبة هلع
نقولها: “اهدي… ما تخافيش”
فيبدأ عقلها يركز أكتر على الخوف نفسه
🌿 فإيه الأفضل؟
بدل: ❌ "ما تخافش"
قول: ✅ "أنت آمن دلوقتي"
بدل: ❌ "ما تعيطش"
قول: ✅ "خد وقتك وأنا معاك"
بدل: ❌ "ما تفكرش"
قول: ✅ "خلينا نفكر بهدوء"
🧠 العقل بيتعامل مع الصور والمعاني
أكتر من كلمة "لا"
وعلشان كده
الطريقة اللي بنكلم بيها نفسنا
بتفرق جدًا
🌱 الخلاصة…
مش كل تهدئة تعتبر تهدئة
أوقات كلمة بسيطة
تفرق بين عقل يهدى
وعقل يدخل في دوامة زيادة ❤️
#دشيماءالجوهري
#القلق


#وعي
#التفكير

12/05/2026

🔴 "سمعتوا عن نظرية توم كروز؟… ولا أنا بس؟ 😂"
طبعًا مفيش حاجة في علم النفس اسمها كده
وتوم كروز غالبًا مالوش أي علاقة بالموضوع أصلًا 😅
بس الفكرة نفسها موجودة جدًا حوالينا
في ناس للأسف
عايشة بعقلها جوه حياة غيرها
مين اتجوز؟
مين انفصل؟
مين سافر؟
مين اتغير؟
ومين قال إيه ولمّح لإيه!
لدرجة إن حياتهم الشخصية نفسها
واقفة على الرف
بينما طاقتهم كلها رايحة في مراقبة الناس وتحليلهم
ودي مشكلة حقيقية
لأن التركيز الزائد في حياة غيرك
بيخليك تهرب من مواجهة نفسك
أسهل بكتير إني أقعد أحلل تصرفات الناس
من إني أسأل نفسي: "أنا مالي؟
أنا ناقصني إيه؟
أنا مبسوط فعلًا؟"
🧠 العقل لما يفضل منشغل بالناس طول الوقت
بيستهلك نفسه في مقارنات
وتوقعات
واستنتاجات
غالبًا كلها غلط أصلًا
وعلشان كده
أكتر ناس مرتاحة نفسيًا
مش اللي عارفة كل حاجة عن الناس
لكن اللي مركزة في حياتها هي
🌿 الخلاصة…
مش كل حاجة محتاجة تحليل
ومش كل بوست رسالة
ومش كل تغيير معناه مصيبة
أحيانًا الناس بس…
عايشة حياتها عادي 😅
#دشيماءالجوهري
#وعي
#العلاقات

#فضول

11/05/2026

🔴 "أنا مش زعلان منك… الغلط من عندي أنا"
أنا اللي عليت سقف توقعاتي معاك
أنا اللي صدّقت إن الحنية دايمة
وإن الاهتمام اللي في البداية
هيفضل بنفس اللهفة للأبد
صدقني…
الموضوع ما يخصكش لوحدك
أنا كمان ليا جزء كبير من الحكاية
بس ما تنساش حاجة مهمة…
إنك في الأول
وريتني أحلى نسخة منك
وريتني اهتمام
واحتواء
وكلام يطمن
وحضور يخلي الواحد يتعلق
فطبيعي بعد كل ده
إني أستغرب التغيير
أوقات المشكلة مش في الرحيل
المشكلة في الفرق
الفرق الكبير
بين البداية والنهاية
🧠 الإنسان لما بيتعود على الأمان
أقل تغيير بعده
بيبقى مؤذي
مش لأن الشخص ضعيف
بس لأن قلبه كان مطمن
وفي علاقات كتير
الناس فيها ما بتتعبش من القسوة
قد ما بتتعب من التناقض
مرة حنين جدًا
ومرة غريب جدًا
مرة يقربك منه
ومرة يحسسك إنك حمل
🌿 الخلاصة…
مش كل خيبة معناها إننا اخترنا غلط
أوقات إحنا بس
صدقنا البداية أكتر من اللازم
#دشيماءالجوهري
#المشاعر
#العلاقات
#الخذلان
#وعي
#التعلق

10/05/2026

"إرهاق التعاطف"
في ناس بتفتكر إن أكتر حاجة تتعب الإنسان
هي المشاكل
بس الحقيقة؟
أوقات اللي بيتعبك بجد
إنك شايل مشاكلك… ومشاكل غيرك فوقهم
إنك طول الوقت:
تسمع
تحتوي
تهدي
تطبطب
تبقى موجود للكل
وفي الآخر…
تكتشف إنك إنت اللي خلصت
🧠 وده اللي بنسميه: "إرهاق التعاطف"
لما تفضل حاسس بالناس زيادة
لدرجة تنسى نفسك
تلاقي نفسك:
مرهق من غير سبب واضح
مش قادر تسمع حد تاني
سريع العصبية
أو حتى حاسس ببرود غريب
مش لأن قلبك قاسي
بس لأن طاقتك خلصت
وفي ناس فاكرة إن كونك شخص حنون
معناه إنك لازم تستحمل الكل طول الوقت
وده غلط
🌿 التعاطف الصحي
مش إنك تغرق مع كل شخص موجوع
التعاطف الصحي إنك تساعد
من غير ما تخسر نفسك
وعلى فكرة…
أوقات الراحة مش رفاهية
الراحة إنقاذ
🌿 الخلاصة…
مش لازم تنقذ العالم كله
ولا لازم تبقى متاح طول الوقت
إنت كمان
تستحق حد يحتويك شوية ❤️
#دشيماءالجوهري


#وعي
#مشاعر

08/05/2026

اللهم في يوم الجمعة
أرح قلوبنا من كل قلق
واكتب لنا فرحة تليق بصبرنا
واجبر خواطرنا جبراً يليق بكرمك
وارزقنا راحة البال وطمأنينة النفس
ولا تجعل في صدورنا شيئًا أثقل من قدرتنا 🤍
جمعة مباركة 🌿
#دشيماءالجوهري

#دعاء

#سكينة #طمأنينة

07/05/2026

🔴 "قلقانة؟ طب جرّبي تقلقي أكتر!" أهلاً بيكم في واحدة من أغرب الحاجات اللي ممكن تسمعوها في العلاج النفسي… واللي paradoxically أوقات بتجيب نتيجة رهيبة.
تخيلي طفل بيزعق طول الحصة… فالمدرس بدل ما يقوله: "اسكت!" يقوله: "تمام… عايزك دلوقتي تصوت 10 مرات كمان."
أو واحدة جاية تقول: "أنا طول اليوم قلقة ومش قادرة أبطل تفكير."
فتتفاجئ إن المعالج يقولها: "حلو… من 8 لـ 8:30 بالليل اقعدي اقلقي براحتك. ده معاد القلق بتاعك."
غريب؟ جدًا. بس الفكرة هنا عميقة جدًا.
🧠 لأن العقل البشري أوقات لما تمنعيه من حاجة… يتمسك بيها أكتر.
لكن لما تقولي له: "يلا ورّيني بقى… اعملها بوعي" الحاجة نفسها تبدأ تفقد سيطرتها عليك.
📌 اللي بيحصل هنا إننا بنحوّل السلوك من: حاجة أوتوماتيك بتحكمنا… لحاجة إحنا شايفينها وواخدين بالنا منها.
وده فرق ضخم.
القلق مثلًا… لما يفضل شغال طول اليوم في الخلفية بيبقى وحش ضبابي مرعب.
لكن لما تديله وقت محدد وتقولي: "اتفضل… ده وقتك" العقل يبدأ يفهم إن القلق مش مسيطر 24 ساعة.
ونفس الفكرة في حاجات كتير: ✔️ الخوف ✔️ الوسواس ✔️ بعض السلوكيات المتكررة ✔️ حتى نوبات الغضب أحيانًا
🧠 في العلاج النفسي ده اسمه أحيانًا: "التدخل العكسي" أو إنك تواجه الفكرة بدل ما تفضل تهرب منها طول الوقت.
🌿 الخلاصة… مش كل حل بيكون مقاومة. أوقات الوعي بالحاجة… هو أول خطوة إنك تبطل تبقى عبد ليها.
#دشيماءالجوهرى

#القلق



#قلق

06/05/2026

04/05/2026

🔴 رحيل البوردرلاين مش بيكون عادي
الشخص البوردرلاين لما يمشي
مش دايمًا بيمشي بجسمه بس
أوقات بيسيب وراه دوشة كاملة
أسئلة
لوم
مشاعر متلخبطة
وفراغ كبير
البوردرلاين بيحب بطريقة مرعبة أوقات
حب فيه تعلق
خوف
احتياج
وتمسك زيادة عن الحد
علشان كده
لما يقرر يمشي
أو يحس إنه لازم يبعد
الموضوع بيكون كأنه بيقتلع جزء منه
ممكن تلاقيه:
اختفى فجأة
قلب بارد مرة واحدة
أو رجع غريب كأنه شخص تاني
مش دايمًا لأنه ما بيحبش
أوقات لأنه موجوع زيادة
أو خايف يتساب قبل ما يسيب
🧠 الشخص اللي عنده اضطراب الشخصية الحدية
بيعيش خوف ضخم من الهجر
وده يخليه ساعات:
يتمسك جدًا
أو
يهرب فجأة
الاتنين طالعين من نفس الوجع
🌿 الحقيقة؟
رحيل البوردرلاين مش نهاية هادية غالبًا
لأنه من جواه
بيكون داخل حرب كاملة بين: "ابقى"
و
"امشي قبل ما أتأذي أكتر"
وده مش تبرير للأذى
بس محاولة نفهم
قد إيه بعض الناس
بتحب وهي خايفة طول الوقت
🌿 الخلاصة…
مش كل اللي بيمشي بيكون بارد
وفي ناس بتمشي
لأنها تعبت من الخوف أكتر من العلاقة نفسها
#دشيماءالجوهري
#البوردرلاين

#العلاقات

#التعلق
#مشاعر

30/04/2026

🔴 مش كل الناس هتحب ولادك
ودي حقيقة مؤلمة شوية… بس حقيقية
مش كل حد هيستحملهم
ولا كل حد هيعاملهم برحمة
ولا كل مكان هيكون آمن عليهم
ممكن حد يجرحهم بكلمة
أو يكسر خاطرهم بتصرف
أو يخليهم يحسوا إنهم تقال أو مش مرغوب فيهم
ودي أكتر فكرة بتخليني أرجع أبص لابني وأقول:
لازم بيته يبقى الأمان
لازم يرجع يلاقيني حضن
مش حرب تانية
أنا مش هقدر أمنع عنه كل وجع الدنيا
ولا هعرف أمشي وراه طول الوقت
بس أقدر أخليه يعرف إن في مكان بيرجعله
مليان حب
وحنان
ورحمة
أقدر أخليه يحس إنه محبوب بجد
مش علشان شاطر
ولا علشان جاب درجات
ولا علشان هادي
محبوب… لأنه هو
🌿 العالم برا قاسي بما فيه الكفاية
فبلاش البيت يبقى نسخة تانية من القسوة
خلي ولادك يلاقوا فيك الطبطبة
والأمان
والقلب اللي يحتويهم لما الدنيا تضيق بيهم ♥️
#دشيماءالجوهري
#الأطفال
#الأمومة
#الاحتواء