06/10/2026
.
هو مش هيرجع يقولك "ليه"… ولو قالها، مش هترتاحي.
إنتي مستنية منه إجابة… وهو أصلًا ماعندوش أي إجابة تخصك.
ليه عمل فيا كده؟
ليه سابني؟
إزاي قدر يخوني؟
إزاي نسيني بالسهولة دي؟
إزاي مشي من غير ما يديني حتى كلمة أفهم بيها؟
بتعيديها كل ليلة، ومستنية إجابة واحدة منه تهدي النار اللي جواكي.
بس الحقيقة اللي محدش قالهالك:
مفيش إجابة في الدنيا يقدر يقولها هتريح قلبك.
لأن المشكلة عمرها ما كانت في الإجابة اللي عنده…
المشكلة في الإجابة اللي إنتي كتباها لنفسك من جواكي.
"خانني… يبقى أنا ماكنتش كفاية."
"سابني… يبقى أنا مش مهمة."
"نسيني… يبقى أنا ما أستاهلش أتحب."
لأ.
اللي عمله بيدل عليه هو، وبيخصّه هو وبس.
بيدل على أفكاره، وقناعاته، وأخلاقه، وجروحه، وحدوده، واختياراته.
وكمان مش شرط تكون صح، لأنه في الآخر بني آدم.
لكن ولا قرار منهم بيقول أي حاجة عنك إنتي.
خيانته مش مقياس لكفايتك.
ومشيه مش حكم على قيمتك.
ونسيانه مش دليل إنك ما تستاهليش الحب والوفا والتمسك.
لأن قيمتك وكفايتك وأمانك وسعادتك عمرها ما كانت في إيده هو، ولا في إيد أي حد.
ربنا حطها جواكي، ومفيش مخلوق يقدر ياخدها منك.
الـ Closure
اللي مستنياه منه عمره ما كان معاه.
هو معاكي انتي بس من الأول.
وأول ما تقرري تصدقي ده، هتلاقي الباب اتقفل لوحده… بهدوء. 🤍
لو حاسة الكلام ده ليكي، اكتبي "صدقت" في الكومنت.
وابعتي الفيديو ده لواحدة لسه بتسأل "ليه".
#الكلوجر #وسن
