Presence with Sara

11/09/2026

منشغلة بإيه؟

منشغلة عن متعة الهدوء باعتياد الاستعجال.
منشغلة عن متعة الحديث باعتياد المشتتات.
منشغلة عن امتنان اللحظة باعتياد همّ الإنجاز.
منشغلة عن الحياة بزحام صدماتكِ الداخلية.
منشغلة عن التواصل بحب، باعتياد الخوف من حُكم الناس عليكِ، واحتياجكِ لقبولهم ليكِ.

المنشغلة مش حاضرة.

لأن الحضور مش إن مفيش حاجة تشغلك…
الحضور إنكِ تكوني موجودة فعلًا في اللحظة اللي بتعيشيها.

الحضور مساحة أمان،
بتكوني فيها داخل لحظاتكِ كلها أنتِ الحقيقية،
مش هويتكِ اللي اعتدتي تلبسيها علشان تحصلي على الحب والقبول.

– من رسائل الحضور | Sara Ahmed

#حضور 2:365

11/09/2026

10/09/2026

*أكتر حاجة ممكن تفصلك عن نفسك هى استغاثاتك السريعة بالناس*

هنا بيحصل تشويش علي احتياجاتك وعلي وعيك باللحظة ، وإزاي تكونى جواها أنتِ كما خلقك الرحمن في تكريم ورفعة لا كما يريده الآخرن منكِ أن تكونيه .. فكفاية جري علي الجيران لإن ببساطة انتي بتحلي مشاكلك من خلال رغباتهم مش من خلال واقعك اللي انتى بس اللي عايشاه ..

حاولي ترجعي لنفسك واحدة واحدة بالراحة
لو لسه بتبدئي رحلة سلام داخلي واتصال حقيقي مع الذات انتِ مش محتاجة غير إنك تختبرى الصمت .. وجمال الصمت 🥰 خدي وقت بسيط بعيد عن الأشخاص والموبايلات والشاشات ، والاستغاثات 🙄
اشربي حاجة بتحبيها وتأملي عظمة خلق الله في داخلك ..

الصمت نعمة بيعلمك تسمعى نفسك وتفهمى طلباتها حتي لو من خلال دوشة أفكارك .. اسمعيها بردو مش هتخسرى حاجة 🤗 بس متلزقيش فيها
اسمعيها وسبيها تروح ومتخافيش مش هتنقصى حتة لو روحت 🤭 انتِ مش أفكارك ✋، بس كدا 🥰

صباحكم جميل 🥰🩷

#حضور 1:365

09/09/2026

أياً كان الأزمة اللي بتمرى بيها حالياً سواء " علاقات ، صحة ، مال " .. فهى دعوة للحضور ، اغتنميها وقوى علاقتك بنفسك ،

كل اللي بيحصل في حياتك من آلالام هي مجرد حاجة جاية تفكرك باللي محبوس جواكى لحد مااتجمد واعتبرتيها جزء منك ..

الألم النفسي ، التوهة ، فقدان الرغبة والاقبال علي الحياة ، بيكون تحتهم مشاعر كتيييير زي ( غضب ، حزن ، أسي ، عار ، وحدة ، هجر ، خذلان و ……) بس متعلمناش للأسف نعترف بيها او يعنى نعرف ان في حاجة اسمها مشاعر من الاساس ، احنا اتربينا علي العقلنة والواقعية والخوف من كلام الناس ..

سرعة الحياة والمهام والطلبات خلونا نعيش تحت ضغط وجري وانجاز وبنغطي علي اي شعور " اصل مش وقته " .. وفي الحقيقة ان كل المشاكل اللى بتحصل جوة السرعة دي هي اصلا بتحصل عشان تصحيكى من حالة التخدير الكامل دي وتبدئي تعيشي مع مشاعرك وتفهميها بدل متهربي منها وتغطى عليها ..

بطئي السرعة ..مش شرط تفصلي خالص
اهدي شوية .. مش شرط تفرملي خالص
اسألي نفسك في كل حاجة بتعمليها ..ليه بتعمليها ومحتاجة ايه من وراها !؟
اشربي قهوة وجمبها وردة واسمعي حاجة بتحبيها .. غذي حواسك
حسي بنفسك شوية انتي مش آله
خليكى حنينة عليكِ .. 🤍

18/08/2026

أغلب مشاكلك بتتحل مش بس لما تعرفيها لكن لما تقدري تعترفي بوجودها وتتكلمى عنها ..

اللي بيوقفك عن الحل وانتهاء الأزمة انك مش قادرة تناقشيها مع شخص رحيم ومؤهل للحل …

واللي انتي بتتمنيه في الشخص ،مش بس إنك تكونى مقبولة عنده بعد اعترافاتك زي قبلها …لكن الاعمق إنه يوصلك انه عادي اصلا يكون الجزء دا موجود جواكِ ، ويقولك وقفي مثالية وفضيلة زائفة… فقط كونى .. كونى أنتِ 🩷

لو دا اللي موقفك ابعتيلي رسالة 🩷🫂

18/08/2026

تعالى أقولك كلمة في ودنك 🥰

"*اسمعي النهاردة أكتر ماتتكلمى*"

ردات الفعل الجسدية المتوترة واللي من أمثلتها سرعة الرد بتدل علي معني عميق واحتياج أعمق 😇..

لما نسمح لوعينا يقود عملية الرد الآلي اللي نشأنا عليها هنعرف الحقيقة المختبأة بسهولة وهيتحول لرد واختيار واعي نابع من حضور واكتفاء مش انفصال واحتياج .

يومكم جميل ☺️



ِ

17/08/2026

احساس الأمهات بالذنب تجاه اولادهم دا شئ قاتل والله .

17/08/2026

عايزة أقولك كلمة في ودنك 🥰

"*متبصيش في الساعة كتير*"

جهازك العصبي كأنثي بيحب البطئ مش الجرى ، والوسع مش زحمة المواعيد 😇

يارب تكون الرسالة وصلت

يومك جميل ☺️

12/08/2026

أغلب مشاكل العلاقات بتتحل بالمصارحة..

وأنا أقصد مصارحة مش مواجهة.

إنك تكوني صريحة مع نفسك ومع اللي قدامك، لأن نفسك بالنسبة لك نسخة مفهومة، مش نسخة كاملة.. ودي تفرق كتير.

النسخة المفهومة متصالحة مع نورها وظلامها، عارفة نقاط قوتها وضعفها، ومش محتاجة تمثل إنها أحسن من حقيقتها.

لكن النسخة اللي بتدور على الكمال، ممكن تكون ماشية بصوت الكمالية.. أو صوت جرح قديم.. أو صوت الجلاد اللي مش بيرحمها في كل لحظة راحة واستمتاع.

وعشان كده، قبل ما تطلبي من العلاقة إنها تتصلح..
اسألي نفسك: أنا صريحة مع نفسي الأول؟ ولا بحاول أطلع منها نسخة كاملة؟

12/08/2026

لن يرى الحقيقة من تمسك بنسخة عقله القديمة .. الحقيقة دائماً تُلمس في نفس اللحظة التى ينتصر فيها الوعى علي مخاوف العقل من ما هو مجهول 🩷