Reiki Healing With Joy

Reiki Healing With Joy Reiki is a Japanese form of energy healing.

Reiki practitioners use a technique called palm healing through which a "universal energy" is transferred through the palms of the practitioner to the patient to encourage emotional or physical healing.

08/08/2026

💜 الصحبة الطيبة 💜
كلنا مسافرين في رحلة اسمها الحياة ..
بنقابل ناس في الطريق، ناس بتشاركنا خطوة، أو سنة، أو عمر كامل ..
بنفرح سوا، ونعيط سوا، ونتعلم من بعض، ونساند بعض وقت التعب .. لكن في الآخر، محدش بيملك حد، ومحدش يقدر يمشي الرحلة بدل حد ..
إحنا بس بنمشي جنب بعض شوية ..

لما حد يخفف عنك وجع، أو يسمعك من غير حكم، أو يمد إيده وقت ما تقع، فهو كإنه بيقولك: "تعالى، نمشي الجزء ده من الطريق سوا" ..

ولما حد يبعد، أو حتى يرحل عن الدنيا، ده مش معناه إن الرحلة كانت بلا قيمة ..
بالعكس، يمكن كان دوره إنه يمشي معاك المسافة اللي كنت محتاجها بالضبط، وبعدها كل واحد فيكم يكمل طريقه من غير التاني ..

وجود الناس في حياتنا نعمة حتى لو كان مؤقت ..
علشان كده، أجمل حاجة ممكن نقدمها لبعض هي الونس، و الرحمة، و القلب الحاضر ..
وفي الآخر،
💜 كلنا على الطريق و كلنا إشارات لبعض 💜


#ريكي #التشافي #التعافي

#التأمل

25/07/2026

دلع نفسك بطاقة الزيوت العطرية 💜
مش كل الدلع بيكون خروجات أو حاجات غالية …
أحيانا نقطتين من زيت عطري يغيروا مود يوم كامل 🤍✨
سر الطاقة في الريحة ✨
الريحة بتأثر مباشرة على المشاعر والذاكرة والجهاز العصبي، وعشان كده الزيوت العطرية تقدر تغير إحساسك بسرعة ..
وفي الفلسفات الروحية القديمة، كانوا شايفين إن كل زيت له “ذبذبة” خاصة بتتفاعل مع طاقة الإنسان والمكان.
تستخدم الزيوت العطرية أحيانا أثناء التأمل أو الذكر أو جلسات الاسترخاء للمساعدة على خلق أجواء هادية تساعد الإنسان على الحضور والتركيز ..

الزيوت كمان بتساعدك تعمل طقوس خاصة بيك، وده بيرجعك لنفسك تاني ..
خصص وقت لنفسك آخر اليوم مع مشروبك المفضل، موسيقى هادية و نقطتين زيت عطري على ايدك او تشغل ديفيوزر في أوضتك مع إضاءة الشموع الخافتة .. هتلاقي الطاقة حواليك بتتغير، والمكان نفسه هيبقى أحن وأهدى ..

✨ أشهر الزيوت العطرية واستخداماتها الطاقية:
🌿 اللافندر: للهدوء، الاسترخاء، وتخفيف التوتر.
🌹 الورد: طاقة الحب والمودة والرحمة وشفاء الجروح العاطفية.
🍊 البرتقال الحلو: للبهجة والتفاؤل ورفع المعنويات.
🌱 النعناع: للوضوح الذهني والتركيز وتجديد النشاط.
🌳 خشب الصندل: للتأمل والسكينة والاتصال بالذات.
رسالتك اليوم 💜
أحيانا روحك مش محتاجة حلول معقدة، هي بس محتاجة لحظة هدوء ...
نفس عميق، ريحة طيبة، وقلب يفتكر أن السلام دايما بيدأ من جواك 🌿✨ 💜


#ريكي #التشافي #التعافي

#التأمل

28/06/2026

مين قال إن زمن المعجزات خلص؟ 💜
المعجزات ما لهاش زمن .. هي بتحصل كل يوم، بس إحنا ساعات بنكون مشغولين لدرجة اننا ما بنشوفهاش ..
ابتسامة جات في وقتها، رسالة حنان من حد ما كنتش تتوقعه، باب اتفتح قدامك فجأة .. دي كلها معجزات، حتى لو لبست توب العادي.
الفرق إن المعجزة مش لازم تكون خارقة للطبيعة، بس ممكن تكون خارقة لليأس اللي جواك ..
وزي ما ربنا قال “إنما أمره إذا أراد شيئًا أن يقول له كن فيكون”… فلو أراد، المعجزة هتجيلك، حتى لو الدنيا كلها قالت مستحيل ..
خلي قلبك مصدق إن معجزتك قربت 💜


#ريكي #التشافي #التعافي

#التأمل

20/06/2026

💜 رسالة امتنان 💜
النهاردة ضع يدك على قلبك و ذكر نفسك بكل النعم اللي في حياتك ..
كل يوم قول لنفسك ..

أنا ممتن لكل لحظة عبرت في حياتي، سواء كانت سهلة أو صعبة، لأنها صنعت مني النسخة التي أنا عليها الآن ..
ممتن للنور الذي يزور قلبي في أوقات الفرح .. وممتن للدروس التي جاءت متنكرة في هيئة تحديات ..
أنا ممتن للأشخاص الذين منحوني الحب، و للفقد الذي علمني قيمة ما أملك ..

أنا ممتن لنفسي لأنها ما زالت تحاول، وما زالت تؤمن، وما زالت تفتح قلبها للحياة رغم كل ما مر بها ..
أشكر هذا اليوم على نعمه الظاهرة والخفية، وأشكر كل باب أُغلق لأنه كان يقودني إلى ما لا يناسبني، وكل باب فُتح لأنه يحمل لي الخير في وقته المناسب ..

اليوم أختار أن أرى البركة في التفاصيل الصغيرة، والجمال في البدايات الجديدة، والرحمة في كل ما لم أفهم حكمته بعد ..

الحمد لله على ما كان، والحمد لله على ما هو كائن، والحمد لله على ما هو آتٍ ..
كلما امتلأ القلب بالامتنان ..
اتسعت الروح للنور والسكينة والمحبة 💜


#ريكي #التشافي #التعافي

#التأمل

"فضحكت فبشرناها" 💜في آيات في القرآن الكريم تحسها و كأنها لمسة حنان من ربنا، وآية "فضحكت فبشرناها" من الآيات دي.السيدة سا...
14/06/2026

"فضحكت فبشرناها" 💜
في آيات في القرآن الكريم تحسها و كأنها لمسة حنان من ربنا، وآية "فضحكت فبشرناها" من الآيات دي.

السيدة سارة، زوجة سيدنا إبراهيم عليه السلام، كانت وصلت لسن كبير، والإنجاب بالنسبة لها كان شيء مستبعد تماما.
سنين طويلة من الانتظار والصبر والدعاء، وبعدها استسلام هادئ لحكمة ربنا.

ولما الملائكة جت تبشر سيدنا إبراهيم، السيدة سارة كانت واقفة تسمع. وفي اللحظة دي، الآية كانت بتقول: "فضحكت فبشرناها بإسحاق".

رسالة رقيقة من ربنا لنا جميعا: أحيانا بعد فترة طويلة من الحزن أو القلق أو الترقب، بييجي وقت تضحك فيه من قلبك .. فتتفاجئ إن الخير واقف على الباب.

خلي يقينك بالله إن الفرج ممكن ييجي في لحظة ما تتوقعهاش. سلم أمرك لله. بطل تحسبها بالعقل والمنطق و سيب المساحة لرحمة ربنا تشتغل ..

كم مرة افتكرنا إن الباب اتقفل؟ وكم مرة ربنا فتح باب أكبر مما كنا نتخيل؟
"فضحكت فبشرناها" بتفكرنا إن المستحيل عند البشر مش مستحيل عند رب البشر.

لو في أمنية اتأخرت .. لو في حلم حاسس إنه بعيد .. لو في دعوة بقالها سنين في قلبك ..
افتكر إن السيدة سارة سمعت البشارة في الوقت اللي كان كل شيء بيقول إنها مستحيلة.

يمكن النهاردة رسالتك:
ابتسم .. مش لأن كل حاجة اتحلت، لكن لأن ربنا قادر يغير كل حاجة في لحظة ..
أحيانا بين الضحكة والبشارة ..
مسافة رحمة من الله 💜


#ريكي #التشافي #التعافي

#التأمل

26/05/2026

عيد الاضحى المبارك و معناه الروحي 💜
العيد مش بس هدوم جديدة، ولا خروجات، ولا أكل ولمة حلوة…
العيد مش مجرد مناسبة دينية…
هو رحلة روحية كاملة، عنوانها:
“ايه اللي أنت مستعد تسيبه وراك… علشان ترجع لنفسك الحقيقية؟” 🤍

هو عيد “النية الصافية”
عيد الطاعة اللي فيها حب، والثقة اللي فيها يقين، حتى لو الطريق مش مفهوم.

قصة سيدنا إبراهيم عليه السلام وإسماعيل عليه السلام مش مجرد قصة عن التضحية…
دي رسالة عن التسليم لله بقلب مطمئن، وعن الإيمان إن ربنا دايما شايف تعبك، وخوفك، وصبرك.
إنك تسيب وجع قديم
أو خوف مسيطر عليك
أو فكرة إنك لازم تبقى كامل طول الوقت

التكبيرات كأنها إعادة ضبط للروح…
صوتها بيقول لقلبك:
مهما الدنيا لخبطتك، فيه نور أكبر من خوفك، ورحمة أكبر من تعبك.
وفي أيام العيد، الطاقة الروحية بتكون مليانة:
صلة رحم
عطاء
مشاركة
رحمة
ولمة دافية بتفك قسوة الأيام ..

المعنى الحقيقي لعيد الأضحى إنك:
تضحي بأي شيء بيأذي روحك ..
تسيب الخوف اللي معطلك ..
تقرب لقلبك النضيف ولربنا أكتر ..
تفتكر إن الرحمة أهم من أي مظهر ..
العيد الحقيقي مش في الزحمة…
العيد الحقيقي إن قلبك يكون أخف، وأنضف، وأهدى.
وفي وسط التكبيرات ولمة الناس، فيه إحساس خفي بيقول:
“لسه فيه خير… ولسه الروح تقدر تبدأ من جديد.”
كل سنة وقلوبكم مليانة سلام، و رحمة، وطمأنينة، وحب، و نور، و بركات 💜


#ريكي #التشافي #التعافي

#التأمل

Address

Maadi
Cairo

Website

Alerts

Be the first to know and let us send you an email when Reiki Healing With Joy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category