Dr Omar Ali Adli

Dr Omar Ali Adli Contact information, map and directions, contact form, opening hours, services, ratings, photos, videos and announcements from Dr Omar Ali Adli, Cairo.
(1)

A page that cares about your child health, growth, and development
بنهتم بصحة طفلك ونموه وتطوره 👶❤️❤️
Dr. Omar Ali
Pediatrician 🧑‍⚕️
دكتور. عمر علي
أخصائي الأطفال وحديثي الولادة 🧑‍⚕️

عايزه طفلك وزنه يزيد او حتي شخص كبير وزنه يزيدنكون اذكيه في اختار الاكل .. يكون صحي وسعراته عاليه زي الوجبات اللي هوضحها...
20/06/2026

عايزه طفلك وزنه يزيد او حتي شخص كبير وزنه يزيد
نكون اذكيه في اختار الاكل .. يكون صحي وسعراته عاليه
زي الوجبات اللي هوضحهالك 👇

البيض يبقي مقلي بسمنه بلدي او زيت زيتون افضل من مسلوق

البليله تكون بحليب وزبيب وقشطه طبيعي ومكسرات مطحونه

الشوفان يبقي بالحليب والموز والعسل والزبيب

رز بلبن ضيفي عليه تمر او زبيب ومكسرات مطحونه او فول سوداني مطحون

الموزه نهرسها مع معلقة زبدة فول سوداني

اللحمة ناكل الموزه والفراخ ناكل الاوراك

الزبادي ضيفي عليه سمسم مطحون او لوز مطحون وعسل

البطاطس حمريها في زيت زيتون - مش بكر - او في الاير فراير وابشري عليها شيدر طبيعي

❌️ وامنعي السكر والحلويات والعصاير المعلبه قبل الوجبات لانه بيسد الشهيه ... وعالجي الانيميا لأنها برضو بتسد الشهيه ... والديدان لانها بتأثر علي الشهية والامتصاص

👌 واعرفي ان في رينج للوزن وان المهم معدل الزياده وان ميكونش في توقف مفاجيء في النمو

دمتم وأطفالكم سالمين 🌹 🌹

صورة بتوضح حجم معدة الطفل من عمر يوم ولحاد البلوغ علشان الامهات اللي بتشتكي ان طفلها مش بيرضع او لو كبير مش بياكل او مش ...
19/06/2026

صورة بتوضح حجم معدة الطفل من عمر يوم ولحاد البلوغ

علشان الامهات اللي بتشتكي ان طفلها مش بيرضع او لو كبير مش بياكل او مش بيخلص الطبق

تبقي عارفه ان كوب حليب او عصير في عمر السنه مثلا او سنتين هو كده ملأ معدته خلاص 👌

دمتم وأطفالكم سالمين 🌹 🌹

الصيف للأطفال يعني ايس كريم 🍨من السوبر ماركت يعني ميه وسكر ولون صناعي 🙄ولو نوع محترم هيبقي زيوت نباتيه ومواد وحافظه وسكر...
18/06/2026

الصيف للأطفال يعني ايس كريم 🍨

من السوبر ماركت يعني ميه وسكر ولون صناعي 🙄
ولو نوع محترم هيبقي زيوت نباتيه ومواد وحافظه وسكر كتير جدا جدا جدا 👌

اعملي لطفلك آيس كريم طبيعي 100% من الفاكهة فقط! 🍓🥭🍌

كل اللي محتاجاه:
✔️ فاكهة مجمدة ( فراوله ، مانجو )
✔️ موزة مستويه
✔️ ملعقتين زبادي ساده او يوناني ساده
✔️ معلقة عسل نحل ورشة فانيليا اختياري

اضربيهم في الخلاط بدون اي شيء وفي كاسات صغيره ويبرد تاني في التلاجه عشر دقايق

✅ غني بالفيتامينات والألياف
✅ سعراته أقل
✅ يشبع أكثر
✅ مناسب أكتر للأطفال

أحلى حاجة إنك عارفة طفلك بيأكل إيه. ❤️

دمتم وأطفالكم سالمين 🌹🌹

17/06/2026

اوعي تشوفي الفيديو ده 😅

الناس اللي بيتمسكوا منتحلين صفة دكاترة كتروا اوي اليومين دول 😮متقلقوش انا مش واحد منهم 😂لسه متمسكتش يعني اقصد 😅
17/06/2026

الناس اللي بيتمسكوا منتحلين صفة دكاترة كتروا اوي اليومين دول 😮
متقلقوش انا مش واحد منهم 😂

لسه متمسكتش يعني اقصد 😅

المنتج الشهير الغالي اللي كل الدكاتره بتعلن عنه انه مهم لطول طفلك ..- مع عدم اعتراضي عليه -لكن احب اقولك انك ممكن تاخدي ...
13/06/2026

المنتج الشهير الغالي اللي كل الدكاتره بتعلن عنه انه مهم لطول طفلك ..
- مع عدم اعتراضي عليه -

لكن احب اقولك انك ممكن تاخدي القيم الغذائيه الموجوده فيه من :

نصف بيضه .. ايوه نصف بيضه مش بيضه كامله حتي 😅
كوب حليب
معلقتين فول مدمس
ربع سمكة ماكريل
حبة لب ابيض مطحون لا تتعدي ١٥ جرام

والمفيد بقي
ابنك مش هيطول لو عنده انيميا او مش بينام بدري او مش بيمارس رياضه👌
او انتي والسيد الوالد قصيرين 😅

كامل الحب والحترام والتقدير للفنان القدير هاني رمزي 🖤

دمتم وأطفالكم سالمين 🌹 🌹

في اسهال ..يبقي موزه نيئه قليلا .. ارز .. خبز .. شوفان نقلل الحليب ومنتجاتهندي بروبيوتك لاكتيول فورت او لينكس او هيرو بر...
12/06/2026

في اسهال ..
يبقي موزه نيئه قليلا .. ارز .. خبز .. شوفان
نقلل الحليب ومنتجاته
ندي بروبيوتك لاكتيول فورت او لينكس او هيرو برو او انتيروجيرمينا
محلول جفاف عند الحاجه
مش محتاجين اكتر من كده🤚

في امساك ..
يبقي موزه مستويه .. معلقة زيت زيتون .. معلقة زيت لوز حلو .. قراصيا او برقوق .. مشمش او مشمشيه
دوفلاك شراب عند الحاجه
مش محتاجين اكتر من كده 🤚

في اسهال مستمر او امساك مستمر اكتر من تلت اسابيع ده كده بقي اسهال او امساك مزمن ويحتاج البحث عن الاسباب 👌

مفيش امساك ولا اسهال اعمليلي بلوك هي صفحه مقرفه اصلا 😅😅

دمتم وأطفالكم سالمين 🌹 🌹

تعملي ايه بالترتيب كده لو طفلك متأخر في الكلام 🤦‍♀️..رقم واحد ١ ..نكشف انف واذن 🦻 وسمعياتمش بيسمع كويس = مش بيتكلم كويسر...
11/06/2026

تعملي ايه بالترتيب كده لو طفلك متأخر في الكلام 🤦‍♀️..

رقم واحد ١ ..نكشف انف واذن 🦻 وسمعيات
مش بيسمع كويس = مش بيتكلم كويس

رقم اتنين ٢ ..تروحي علي التليفزيون والموبايل ❌️ وتشيليهم ولا ساعه ولا نص طالما متأخر

رقم تلاته ٣ ..تتكلمي معاه كتير كلام واضح ومفهوم
من غير مم وامبوه

رقم اربعه ٤ ..يتفاعل مع اطفال بتتكلم هيبتدي يقلدهم

رقم خمسه ٥ .. اوميجا ٣ وده مهم جدا
هتلاقيه في السلمون والماكريل 🦈وعين الجمل اللي ممكن تطحنيه علي زبادي
ومن عمر ٣ سنوات نقدر ناخده في شكل دوائي

ولا ننسي دور أخصائي لتخاطب من عمر سنتين👌

لو حابة ممكن في الكمنتات تكتبي عمر طفلك واقولك المفروض يكون بيقول كام كلمة
بس متتخضيش من اللي هتسمعيه 😅

دمتم وأطفالكم سالمين 🌹 🌹

معلومه قد تبدو تافهه لكنها في غاية الاهمية وتأثيرها علي طفلك يفوق اي تخيل ..الطفل اللي بياكل بأيده بنفسه مخه بتطور اسرع ...
11/06/2026

معلومه قد تبدو تافهه لكنها في غاية الاهمية وتأثيرها علي طفلك يفوق اي تخيل ..

الطفل اللي بياكل بأيده بنفسه مخه بتطور اسرع وشهيته بتكون افضل
والتناسق بين اللمس والحركه والنظر بيكون اقوي
وبعدها يبتدي يتفاعل مع العابه بشكل افضل
ويكون اعتماده علي نفسه بشكل اكبر 👍

غير الطفل اللي هتفضلي تأكليه بالمعلقه هيبقي العكس تماما 👌

سيبيه ياكل ويبهدل الدنيا هما كده كده اول سنتين كلهم بهدله 🤕

دمتم وأطفالكم سالمين 🌹 🌹

معلومه النهارده حلوه ومهمه ❤️معجون الاسنان بالفلورايد 》 بيسبب تخلف للاطفال وتسمم فلورايد وتأكل للاسنان ..معجون الاسنان ب...
08/06/2026

معلومه النهارده حلوه ومهمه ❤️

معجون الاسنان بالفلورايد 》 بيسبب تخلف للاطفال وتسمم فلورايد وتأكل للاسنان ..

معجون الاسنان بدون فلورايد 》مش هيحمي الاسنان من التسوس ويعتبر زي قلته ..

طيب الحل ايه 🤷‍♀️

بنستخدم معجون اسنان بالفلورايد بس مخصص للاطفال بيكون تركيز الفلورايد فيه ضعيف

مش دي اهم نقطه
⭐️ المهم اننا تحت عمر سنتين بنحط كميه قد حباية الرز .. وفوق سنتين كمية قد حباية البسله

وياريت نعود اطفالنا علي السواك من عمر سنتين مثلا

لو عايزين ترشيحات لانواع مناسبه اكتبولي في التعليقات 👇👇

زيارة طبيب الاسنان للاطفال شيء متعب جدا جدا جدا واوقات بيلجأ الطبيب لتخدير كلي 👌

دمتم وأطفالكم سالمين 🌹 🌹

Address

Cairo

Website

Alerts

Be the first to know and let us send you an email when Dr Omar Ali Adli posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Omar Ali Adli:

Shortcuts

Share