Dr/Maha Pedia. Clinic

06/09/2021

🔴لقاح الانفلونزا الموسمية الجديد شتاء ٢٠٢٢/٢٠٢١

🛑 لقاح الانفلونزا المسجل في مصر هو لقاح فيروسي ميت يعطي عن طريق الحقن .

تم تسجيل نوعين من لقاح الانفلونزا في مصر وكلاهما رباعي Tetravalent Vaccine
📌حيث يتضمن اللقاح الرباعي 4 سلالات تعد الأكثر انتشارا والاكثر تأثيرا طبقا لتوصيات منظمة الصحة العالمية لهذا الموسم وهي
H1N1, H3N2 من النوع A✅
✅وسلالتين من النوع B

🔺ومن اللقاح الرباعي في مصر اسمين تجاريين هما
⏪ انفلوفاك تترا Influvac tetra ( المتوفر حاليا ) انتاج شركة ابوت وهو يعطي بداية من عمر 👈 ٦ شهور ( وليس ٣ سنوات مثل العام الماضي ) فما فوقها
والجرعه لجميع الاعمار هي نصف مل و تعطي حقنا بالعضل في العضله الاماميه للفخذ أو في عضلة الكتف و في بعض الظروف يمكن أن يحقن بعمق تحت الجلد

⏪ فاكسيجريب تترا Vaxigrip tetra ( يتوفر قريبا ) انتاج شركة سانوفي وهو يعطي أيضا بداية من عمر 👈 6 شهور فما فوقها
والجرعه لجميع الاعمار هي نصف مل تحقن في عضلة الفخذ الاماميه أو في عضلة الكتف حسب العمر
🛑 وبالنسبه للقاحين 👇👇
فإذا كان عمر الطفل بين ٦ شهور و9 سنوات واول مره يتلقي اللقاح فهو يحتاج جرعتين بينهما شهر اما إذا كان قد سبق له تلقي اللقاح فهو يحتاج لجرعه واحده فقط هذا الموسم

🛑 الفئات المستهدفة باللقاح
✔️- الاطفال خلاص السنين الخمسه الاولي من العمر
✔️- كبار السن ممن تزيد أعمارهم عن ٦٥ سنه
✔️- أصاحب الأمراض المزمنه كالسكر والقلب وأمراض الصدر والكبد والكلي
✔️- أصحاب المناعه الضعيفه نتيجة بعض الأمراض أو الادويه المثبطه لجهاز المناعه ومن خضعو لعمليات استئصال الطحال أو زرع الأعضاء كالقوقعه
✔️- السيدات الحوامل خلال اي فتره من فترات الحمل
✔️- العاملين بالمجال الصحي

❎ ملحوظه مهمه جدا
👈 لقاح الانفلونزا الموسميه يحقن إما في عضلة الفخذ الاماميه أو في عضلة الكتف
👈 يحظر تماما إعطاء اي لقاح بعضلة الايليا الخلفيه.

🛑 الفئات التي يمتنع التطعيم عنها
• الاطفال اقل من ٦ شهور
• الأشخاص الذين يعانون من حساسية مفرطة من اكل البيض او حساسيه مفرطه من اللقاح أو أحد مكوناته
• يؤجل التطعيم بلقاح الانفلونزا في حالة الإعياء الحاد أو العدوي المصحوبه بارتفاع بدرجة حرارة الجسم

✅ يعطي لقاح الانفلونزا الموسميه مع ايا من اللقاحات الاخري في نفس الوقت أو في أي وقت قبل أو بعد اي لقاح آخر إذ لا يوجد اشتراط لمدد زمنيه فاصله محدده بين لقاح الانفلونزا الموسميه واي لقاح اخر
📢 📢 فيما عدا لقاح الكورونا 👈 فطبقا لتوجيهات وزارة الصحه فيما يخص لقاح الكورونا ينصح بالفصل بين لقاح الانفلونزا الموسمية ولقاح الكورونا لمدة ١٤ يوم📢
👇👇👌👌
🛑 لاجدوي من تكرار الجرعه خلال الموسم الواحد رغبة في تحسين مناعة الشخص ضد الانفلونزا إذا كان قد تلقي جرعاته بشكل سليم
🛑 للحصول علي أقصي استفاده من مفعول اللقاح يرجي تلقيه مبكرا قبل بداية الموسم ( سبتمبر حتي اخر اكتوبر )
ولكن لايعني ذلك أن اللقاح قد يضر أو لن يفيد إذا أخذ بعد هذه الفتره .💉

• دمتم وذويكم سالمين
د/ مصطفي محمدي
مدير عام التطعيمات بالمصل واللقاح.

16/05/2021

أشكر كل من يثق بى و يرسل استشارات على الخاص أو بالتليفون لكن واضح أننا و بعد مرور سنة كاملة لازلنا نقف فى نفس النقطة على خلاف مع بعض زملاءنا فى التخصصات الأخرى . و أنا للأسف لا استطيع الرد على كل هذه الرسائل خاصة أن 95% منها نفس الحالة بالضبط :
أعراض خفيفة و تحاليل و أشعات كتيرة و روشتة 12-14 علاج
لو حضرتك لا تعانى من صعوبة أو سرعة فى التنفس (أكتر من 25 فى الدقيقة) و لا نقص فى الأوكسحين (تحت 92%) , العالم كله (ماعدا زملاءنا فى مصر) بيقول لك : لا تعمل تحاليل و لا أشعات و لا تأخذ إلا علاج للأعراض مثل الحرارة و السعال)
تانى : لا تحاليل - لا أشعات - لا أدوية
طبعا ده بفرض ان المسحة إيجابية و التشخيص مؤكد
أما لو التشخيص غير مؤكد و ليس معك تكاليف المسحة تعمل أيه ؟
برده متعملش حاجة .. نفس الكلام علاج الأعراض و زود عليه مضاد بكتيرى عادى خالص بما ان التشخيص غير مؤكد . مضاد واحد مش تلاتة .. و مضاد عادى مش مضاد عنيف من مضادات الرعاية .. و يقف بعد 5 أيام بالكتير
طب اللى بيكتب الروشتة الطويلة هل هو بيكرهك ؟ لا طبعا لكنه غالبا لا يعرف كيف يشخص الفشل التنفسى لأنه لم يتدرب على ذلك (التدريب عليه محتاج سنوات داخل الرعايات المركزة و العمليات و ليس فى عيادات و أقسام الباطنة الداخلية) لذلك بيريح دماغه و يعتبر أنك حالة فشل تنفسى
أحمد حسنين أستاذ مساعد التخدير و الرعاية المركزة جامعة القاهرة

16/05/2021

معلومات مهمة عن التطعيم فى مصر :

١- التطعيم فى مصر نوعين : سينوفارم الصينى و أسترا زينيكا الانجليزى .
٢- الفرق ما بين جرعتى سينوفارم هو ٣ اسابيع .
٣- الفرق ما بين جرعتى استرا زينيكا هو ٣ شهور .. علميا هو ما بين ٤-١٢ اسبوع .. وزارة الصحة بتعتمد على اطول مدة ممكنة لاعطاء الفرصة لأكبر عدد من الناس انهم ياخدوا عالاقل الجرعة الاولى فى اسرع وقت .
٤- الاعراض الجانبية للقاح سينوفارم الصينى هى مجرد وجع مكان الحقنة .
٥- الاعراض الجانبية للقاح استرا زينيكا هى عبارة ارتفاع طفيف فى درجة الحرارة و تكسير فى الجسم لمدة ٢٤-٣٦ ساعة.
٦- فاعلية اللقاح بنسبة ١٠٠٪؜ بتبدأ تقريبا بعد الجرعة التانية ب ١٤-٢١ يوم ، لذلك يجب الالتزام بجميع الاجراءات الاحترازية حتى لا تتم الاصابة بالعدوى من اى مصاب كورونا.
٧- الشخص الذى يتم تطعيمه بالجرعة الاولى هو شخص غير مُعدى على الاطلاق و لا يحمل المرض ، ولكن قد يصاب بالڤيروس من مخالطته لاحد المصابين و بالتالى يصبح مُعدى و يمكنه نقل الڤيروس لشخص سليم.
٨- الشخص الذى يتم تطعيمه بالجرعة الثانية و الاخيرة هو شخص غير مُعدى ولا يحمل المرض ولكنه يمكن ان يصاب و يكون ناقل للعدوى حتى ١٤-٢١ يوم بعد الجرعة التانية .
٩- التطعيم بأى نوع من اللقاحات فى العالم لا يمنع لا يمنع لا يمنع لا يمنع الاصابة بڤيروس كورونا ، و لكنه يمنع الوصل الى اعراض مرضية عنيفة او قاسية او الحاجة لدخول العناية المركزة او الاحتياج الى اكسچين .
١٠- كل دولة هتوصل لتطعيم من ٦٠-٧٠ ٪؜ من شعبها ، هتبدأ ترجع للحياة الطبيعية .. تطعيم اكبر قدر ممكن من البشر هيقلل فرصة انك تقابل شخص مصاب بالكوڤيد ١٩ و انك تتعدى من اى حد بعد كده لقلة عدد المصابين ان شاء الله .
١١- التطعيم مجانا بدون اى مصاريف على الاطلاق .
١٢- التطعيم مفتوح لكل فئات الشعب فوق ١٨ سنة .
١٣- لينك التسجيل فى موقع التطعيم الرسمى الخاص بوزارة الصحة:
https://egcovac.mohp.gov.eg

ابعتوها للناس اللى خايفة او مش فاهمة وما تخافوش و سجلوا فورا 🤗

16/05/2021

28/03/2021

السلام عليكم. بمناسبة بوست الطفل اللى عضه الكلب وأهله معطهوش المصل وظهر عنده سعار بعد شهرين والدكتور قال لأهله انه حيموت..
يا دكاترة بالله عليكم انصحوا الناس ووعوهم:
١. أى عضة او خربوش من أى حيوان -مش بالضرورى كلب- مهما كانت بسيطة وحتى لو ما نزلتش دم لاااااااازم مصل .
لإن الفيروس بيتنقل عن طريق الأعصاب الموجودة ف الجلد مش عن طريق الدم.
٢.الجرح مش بيتخيط ولا يتغطى عشان الفيروس بينشط.
٣.المصل لازم يتاخد ف خلال أول ٣ ايام وكل ما كان بدرى كان افضل.
٤. الجرح لو قريب م المخ (فى الراس او الرقبة والصدر والاكتاف).. خطيييييير ولازم المصاب ياخد ايميونوجلوبيولين مع المصل وكمان تتحقن ف الجرح.
٣.فترة حضانة المرض ممكن توصل ل٥سنين.
٣. السعار قاتل فى ١٠٠% من الحالات لو اتأخر تشخيصه.



Copied

22/11/2020

إنتبهوا كي لا تختلط عليكم الأمور

(1) السعال الجاف + العطس = يعني تلوث الهواء .
(2) السعال + المخاط + العطس + سيلان الأنف = يعني نزلات البرد .
(3) السعال + المخاط + العطس + سيلان الأنف + وجع الجسم + الضعف + الحمى الخفيفة = يعني الأنفلونزا .
(4) سعال جاف + عطس + ألم في الجسم + ضعف + حمى عالية + صعوبة في التنفس+ فقدان حاستي الشم والتذوق= يعني فيروس "كورونا " .
اجعلوا هذه الرسالة متاحة لأكبر عدد ممكن من الناس ، وازرعوا التفاؤل بينهم .

* لا تخف *
في حال إصابتك بفيروس كورونا - لا قدر الله -
■ الأعراض الأولية : تبدأ من اليوم الثاني إلى اليوم الخامس من الإصابة .
■ الأعراض : تكون سخونة ونحول بالجسم وتعب وضيق بالنفس .
■ تأخذ أدوية فتتحسن صحتك ، لكن سترجع الأعراض ،
فلا تخف .
■ تزداد الأعراض وتشتد من اليوم الخامس لليوم العاشر .
● إسهال وضيق بالنفس أكثر ، نحول و وجع بالجسم و فقدان الشهية ...

● خلال هذه الأيام التي تشتد فيها الأعراض
قم بشرب عصير البرتقال والتعرض للشمس
وأكل الثوم واللبن ...
■ الغرغرة بماء وملح ، وغسل يديك وقدميك ، وغسل وجهك كل ربع ساعة .
■ خذ نفساً عميقاً شهيقاً و زفيراً .
● بعد اليوم العاشر إن شاء الله تبدأ الأعراض بالاختفاء .
● أما بعد يوم 14 تقريباً تنتهي الأعراض كلها وتعود لك عافيتك إن شاء الله .

☆● ابعثوا الطمأنينة في نفوس الناس ،
لا تقلقوهم ، لا تخوفوهم .
رب يستر الجميع
شيرو ياجماعه علشان الناس تطمن

18/11/2020

لو الكلب أو القط عضك نفذ الخطوات دي :
وحط في الاعتبار أنه ممكن يكون مسعور فلازم ...
1- غسل مكان العضه بماء وصابون لان الفيروس ضعيف وبيموت بالمطهرات فده يقلل الحمل الفيروسي
2- احبس الكلب و حطله اكله و شرب في مكان لوحده و راقبه لمدة شهر لو عندة سعار فعلا حيموت لوحده لو مامتش يبقي مش مريض.
3-روح اتطعم في خلال 24 ساعة ودا افضل لأن لو اللعاب وصل العصب بينقل المرض
الفيروس يبقي خاملا اول ٣ ساعات عشان كدا باغسل كويس
يفضل التطعيم قبل مرور ٣ ايام ....عشان بعدها بيكون خلاص الخطر حل
4-لو حد جاله سعار و متطعمش خلال الفترة دي يعني قبل مرور 72 ساعة ملهوش علاج و بيموت ممكن قبل حتي ما يبان عليه الاعراض اللي مفيش دكتور حيعرف يشخصها
---اعراض السعار :-
1-وجع في الظهر قوي
2-خوف شديد من الماية و عدم القدرة علي الشرب
3-هلوسة شديدة و حالة هياج اعتقد انها ناتجة علي الوجع القوي
4- شلل و عدم القدره علي حركة اليد لان المرض بيدخل في النخاع الشوكي يدمرة وكذلك طبعا المخ
5- عدم القدرة علي النوم و التنفس
6- في حالات بتسخن بس مش شرط
، عرفوا كل الناس حتي للتوعية و دة ينطبق علي اي حيوان مش كلب بس
حصان حمار فار قطة جمل نسناس شامبنزى
اي حيوان ثديي ....وخاصة الخفاش
يفضل عادة التوجه لاقرب مستشفي لو حصل ...
للمخ
👀طيب طنشت ماأخدتش المصل ؟؟
بتعرّض نفسك للإصابة بمرض السعار وده مرض مالوش علاج بيسبب فاة المصاب خلي بالك ان فترة حضانه الفيروس ممكن توصل ٩٠ يوم يعني ممكن ما يظهرش عليك اعراض وقتها ..تظهر بعدين خلي بالك
مش كده وبس لو المصاب عضّ أو خربش أي شخص تاني هينقله المرض تخيل لان الشخص وقتها بيبقي كانه شخص تاني ومش عارف هو بيعمل ايه
فيه أشخاص كتير ماتوا بسبب السعار
بس مش بنعرف بيهم لأنه مش بيكون موت جماعي..
المرض خطير وخطورته في أنه بيصيب العصب علطول. ومهما كانت مكان العضة فالفيروس هدفه المخ
👊✋اه القرود بتنقل
بص كل الثدييات بتنقل السعار لو مصابة
ولانك مش هتبقي عارف الحيوان مسعور او لا ..فمجرد هجومه عليك وعضه كفيل يخليك تاخد بردو المصل عشان صحتك
منقوول

11/11/2020

الحقييينى😱😱 يا دكتورة ابنى فتح علبة السجاير 🚬واكل منها وانا مش عارفة اعمل ايه
النيكوتين خطر جدا للاطفال وبيأثر على الولاد بجرعة 1mg السيجارة بقى فيها 13mg-30mg
عقب السيجارة (الفلتر)فيها من 5mg-7mg متخيلين النسبة🙄🙄
اهم سؤال بقاله اد ايه ؟؟
🙈وكانت محشية ولالا؟😂😂
لو خلال ساعتين الروتين طبعا غسيل معدة وفحم نشط ( واحد جرام لكل كيلو) ومتابعة العلامات الحيوية ٦ ساعات وعلاج حسب الاعراض
لو اكتر من ساعتين فيه خطر؟؟طبعا فيه خطر هندى فحم ونشوف بقى الاعراض
الطفل ممكن يبقى مدروخ 😵وعنده ترجيع مستمر🤢🤮 وضغط عالى وافرازات كتير ومش عارف يتنفس كويس و ممكن تشنجات طبعا
طيب الطفل دة عايز عناية طبعا ونعالجه حسب الاعراض نأمن مجرى الهوا الاول ونشفط لو فيه افرازات كتير ومفيش مانع بما اننا كدة كدة هنركب رايل نعمل غسيل معدة شطفة كدة نتطمن ان مفيش بواقى وبعدين ندى دانست dansetاو زوفران بالجرعة المناسبة لسنه(العيال بييجوا من سن شهور👶 فمنستغربش)
نركب لاين ونقسطر وندى اى حاجة للتشنجات بجرعته المناسبه ونتابع ضربات قلبه ممكن ندى حاجة توطى الضغط lasix
الحالة هتتحسن ان شاء الله🙏 مع symptomatic ttt
👀بس ياريت تبقوا👨‍👩‍👧‍👦 اب وام واعيين وواخدين بالكم الحاجات دى ماتبقاش موجودة قدام الولاد خالص فيه اطفال ممكن تموت فعلا ولو لاقدر الله حصل حاجة كدة الام المفروض ابسط حاجة تخليه يرجع على طول وتنضفى بقه ماتستنيش ساعتين تلاتة وبعدين تتصرفى
يارب ماكونش نسيت حاجة

30/09/2020

كلام فى منتهى الاهمية
تنبيه بخصوص تطعيم الإنفلونزا هذا العام
يمثل تطعيم الإنفلونزا هذا العام ( 2021/2020) أهمية قصوى
حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا المُستجد
وقد تعاقدت وزارة الصحة المصرية على إستيراد لقاح الأنفلونزا الموسمية


فلو سمحت كمل قراءة باقى البوست علشان تعرف كل المعلومات عن المصل بتاع السنة ديه لانه مختلف
و لو سمحتوا انا عايز اكبر عدد من الشيرات

------------------------------------------------------------

إيه هو مصل الأنفلونزا ؟

فى اى حرب و علشان تتغلب على عدوك ، لازم تكون فاهمه و عارفه كويس
و ده ببساطة شديدة معنى كلمة مصل
المصل معناه
ان احنا جبنا الفيروس المسبب للانفلونزا و موتناه
( علشان ميضركش و لا يخليك تتعب)
و بعدين بنحقنه ف جسمك ، فبكده يقدر جسمك او جهازك المناعى يتعرف عليه
و يكوّن ليه اجسام مضادة
من غير ما يسببلك ليك اى مشاكل

يعنى من الاخر حركة دفاعية استباقية لتحفيز جهازك المناعي
و بالتالي عند اصابتك بالفيروس الحقيقى الحى مرة ثانية
جسمك يقدر يتغلب عليه بمنتهى السهولة

------------------------------------------------------------
طيب هو ليه بينزل كل سنة مصل انفلونزا جديد ؟؟

ده لان الفيروس عدو صعب ، دايما بيغير خلقته الخارجية كل فترة علشان جهازك المناعى ميتعرفش عليه
فعلشان كده المصل كل سنة لازم يتجدد

------------------------------------------------------------
يعنى انا لو اخدت المصل ده مش هتجيلى انفلونزا؟

اولا انا عايز اتفق معاك على حاجة قبل ما اجاوبك :
** لازم تبقى عارف ان فيه فرق ما بين الانفلونزا و دور البرد العادى
الانفلونزا أعراضها زى البرد بس على أشد ومعاها كحة وسخونة وتكسير فى الجسم

المصل اللى انا بتكلم عنه هيحميك من الانفلونزا الفيروسية................................................
لو اتفقت معايا فى كام نقطة اللى فاتوا
فانا حابب اقولك ان المصل ضد الانفلونزا الفيروسية هيفورلك 4 حاجات :
1. حماية ٨٠٪ من الانفلونزا الفيروسية الموسمية
2. بيقلل حدة الأعراض
3. يقصر مدة الأعراض
4. والأهم إنه بيمنع المضاعفات

------------------------------------------------------------
طيب هو مين اللى لازم يأخذه ؟؟

كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى ( كورونا )

بس لو حبيت اوجه كلامى لناس بعينها :
1. الاطفال ثم الاطفال ثم الاطفال *******
و خصوصا ان المدارس رجعت و احنا فى وقت صعب
2. مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله
3. مرضى الجيوب الانفية
4. ذو المناعة الضعيفة ، اللى مع اى دور برد بيحصلهم مشاكل كتير
5. كبار السن
6. الحوامل بس يُفضل بعد الثلاثة اشهر الاولى
7. المرضعات

------------------------------------------------------------
المفروض يتاخد إمتى ؟

يُفضل إعطاءه قبل دخول فصل الشتاء
عشان مفعوله يبدأ يظهر عند بداية موسم البرد
(بيستغرق من إسبوعين إلي ثلاثة أسابيع لظهور تأثيره)
يعني افضل توقيت
سبتمبر و أكتوبر و نوفمبر
ولا يُنصح بإعطاءه أثناء أدوار البرد لكن مش ممنوع

------------------------------------------------------------
طيب يا دكتور انت ليه بتكلمني عنه دلوقتي يعني ما هو انت اكيد مش هتقول كلام جديد عن السنة اللي فاتت ؟

السنة ديه بقي فيه جديد و هو ان التطعيم اللي نازل هو
( تطعيم انفلونزا رباعي) Influvac Tetra
و دة غير التطعيم الثلاثي بتاع السنين اللي فاتت

------------------------------------------------------------
ثلاثي و رباعي ايه اللي انت بتقول عليهم دول انا مش فاهم حاجة !!

فيروسات الانفلونزا دي فيه منها انواع منها :A و B
كل نوع بيندرج تحتها سلالات معينة من الفيروسات و بناء علي عدد السلالات اللي موجودة ف التطعيم بنقول عليه ثلاثي و لا رباعي

التطعيم الثلاثي :
دة كان فيه (سلالتين من نوع A + سلالة واحدة من نوع B)

التطعيم الرباعي
ده بقي فيه ( سلالتين من نوع A + سلالتين من نوع B)

------------------------------------------------------------
طيب هى الجرعة إيه يادكتور ؟ وهل ينفع لكل الأعمار ؟؟

اولا قبل سن 3 سنين
مينفعش نأخذه الا لو ضروري بندي نص المصل بس

ثانيا فوق 3 سنين حتى 9 سنوات
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر

ثالثا 10 سنين فيما فوق
بياخذ المصل مرة واحدة فقط

رابعا المصل يُعطى فى عضلة الكتف بعمق
و ممكن تحت الجلد (في الذراع مثلا)
------------------------------------------------------------
طيب فى موانع يادكتور للتطعيم او اعراض ؟؟

بالنسبة لموانع الاستخدام :
1. اى حد عنده حساسية من البيض ولو ان ده.تم.استبعاده او لمضاد حيوى من نوع جينتاميسين
2. اي حد عنده حساسية من تطعيم الانفلونزا او احد مكوناته عموما
3. اى حد عنده حساسية من بعض المركبات زى
( Formaldehyde, methyltriphenylphosphonium bromide, polysorbate 80)

** بالنسبة للاعراض الجانبية :
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى

و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى الثلاجة علشان ميبوظش
يعنى تتأكدى انه ساقع قبل ما تأخذيه من اى مصدر

و علشان انهى كلامى فيه شوية ملاحظات لازم نأكد عليها :
** اللقاح يؤجل و لكنه غير ممنوع لو كان الشخص عنده عدوى او درجة حرارته عالية
** اللقاح بيتاخد حقن عميق ف عضلة الكتف ، و يجوز انه يتحقن تحت الجلد
**اللقاح دة مفيش اي اخبار او معلومات بتقول انه له علاقة بكرونا.
** اللقاح بيضمن لك الحماية من الاصابة بالسلالات اللي موجودة فيه فقط ، لكن بقيت السلالات بيبقي الدور الاكبر ع جهاز المناعة.
: ** فيه نوع تاني من تطعيم الانفلونزا اسمه Vaxigrip tetra
و الفرق بينه و بين ال Influvac Terta انه ممكن يتأخذ من اول سن 6 شهور

------------------------------------------------------------

12/07/2020

السلام عليكم 🤗🤗
ازيكم اخباركم ايه واخبار الكتاكيت الصغننين ايه🧒👧😄
هنتكلم عن السيتال (باراسيتامول) فيه نقط (١٥مل//١٠٠مجم فى ١ مل)وفيه شرب (٦٠مل//٢٥٠مجم فى ٥مل) وطبعا فيه لبوس و اقراص
غالبا المشكلة تبقى فى الشرب مع الاطفال يااما الام غلطت فى الجرعة 😔او حبيب ماما شرب الازازة كلها نصها ربعها كدة يعنى 😂😂
🧮المهم نحسب الجرعة السامة 150mg/kg
ولو طفل سليم معافى اكتر من ٦ سنين بنحسبها 200mg/kg هنقول ١٥٠ لكل كيلو اسهل تمام🙂
طيب نعمل ايه لما الكارثة تحصل 😂😂
😌نهدى الاول ونحسب الجرعة اخد كميه اد ايه و الجرعة دى سامة ولالا
🙅‍♂️طيب لو مش سامه يفضل نعمل غسيل معدة و ناخد فحم نشط و خلاص كدة لا مهم نكون عارفين فيه مشاكل فى الكبد ولالا و من باب الاحتياط نعمل وظايف كبد و نعيدها بعد ٣ ايام
☣لو سامة طبعا وخلال ساعتين نعمل غسيل معدة وندى فحم نشط طبعا وندى الاستيل سيستيين acetyl cystein بعد ساعة من الفحم ودة فيه منه فوار و فيه فيال(بس دة لازم مستشفى طبعا)
الفوار بجرعة ١٤٠مجم لكل كيلو و بعدها ٧٠ مجم لكل كيلو كل 4 ساعات(١٧مرة) (فيه مقولة لو الحالة واخده borderline او اقل شويه من التوكسيك دوز اديلها الجرعة ٥ مرات بدل ١٧) طبعا لازم وظايف الكبد وتتعاد لما نخلص الكورس بتاع العلاج
يارب مكونش نسيت حاجة🤗🤗
منقول من د.

01/07/2020

السولك
🌻ان شاء الله هنبدأ تطعيم السولك ١ يوليو ٢٠٢٠
🤭طيب مين بالظبط المستهدفين بالتطعيم ؟؟؟؟
المستهدفين بالتطعيم كل مواليد الفتره مابين٢٠١٦/١/١ وحتي مواليد٢٠١٨/٣/٢٢ .
🤭 التطعيم عباره عن ايه وكام جرعه يا دكتور ؟؟؟؟؟؟
التطعيم عباره عن حقنه في الذراع وهيكونوا عباره عن جرعتين الفرق بينهم شهر 💕
🔴كده هتبقي الدنيا زحمه واحنا في وباااااء ايه اللي انتوا بتعملوه ده 😡
- اول حاجه جلسة السولك هتكون منفصله عن جلسة الروتيني العاديه ✔️✔️✔️✔️
-ثانيا في وقت الجوائح لازم لازم نحافظ علي تطعيماتنا الروتينيه علشان لاقدر الله منبقاش بنحارب الجائحه وتظهر لنا امراض جديده احنا في غني عنها بالتطعيم 🔝🔝🔝🔝🔝🔝🔝🔝🔝🔝🔝🔝🔝🔝
-ثالثا الفريق اللي هيقوم بالتطعيم هيكون ملتزم بكل اجراءات مكافحة العدوي
-رابع حاجه انتم كمان بلاش تكدس وتزاحم ونلتزم بالكمامه والكحول والتباعد 🔛🔛🔛🔛
🔵انتو بردو بتهزروا جايين تعملوا حمله دلوقتي 😳😳😳؟؟؟؟؟
لا يا افندم دي مش حمله وكمان لسه متحددش لها موعد انتهاء هي عباره عن حصر للفئه العمريه المذكوره وهيتوجهوا لمكاتب الصحه والمراكز الطبيه لتلقي الجرعات يعني مفيش داعي للتزاحم
🟣طيب هو احنا لازم نطعم مكتب معين ؟؟؟؟؟
لا طبعا حقك تطعم في المكتب المناسب ليك 🌹
🟠وانا بقي لو روحت مكان ولقيته زحمه او غير ملتزمين بمكافحة العدوي ؟؟؟؟!
طبعا بلغنا فورا ارقامنا علي البيدچ
‼️التطعيم بيسخن ؟؟؟؟‼️
لا مش شرط استجابةكل طفل مختلفه عن التاني ولو ارتفعت درجة الحراره هندي خافض حراره زي ما بنعمل في كل تطعيم
🙏لاااااااااايوجد موانع للتطعيم 🙏
لو الطفل عنده حراره او برد ......ننتظر لحد ما يبقي كويس ونطعم علي طول

دمتم سالمين 🌹