MaRwa Magdy

29/06/2026

26/06/2026

🌟 الاجازه
( الفرصه الذهبيه لحل مشكلات الطفل الدراسيه) 💫

📌 لو طفلك بيتعب من مسكه القلم ✍🏻 وبيشتكى ان ايده وجعته من الكتابه.
📌 لو خطه مش حلو او مش بيلتزم بالسطر وحدود الحرف 📝
📌 لو مش بيقدر يمسك الاشياء ويحتفظ بيها مده فى ايديه✊🏻
📌 لو طفلك لسه فى مرحله ما قبل الكتابه واول مره هيمسك القلم ✍🏻

فاانا جمعتلك شويه انشطه يستغل الاجازه فيها لتنميه🌸 عضلات ايديه الدقيقه 🤏🏻

🌱 انشطه النقل والفرز
ودى بتبقي عباره عن نقل حبوب او خرز من طبق للتانى بواسطة معلقه 🥄 او ملقاط 🥢 او مشابك 🖇️ او الكبش للسن الاصغر ✊🏻 او نقل الماء بالاسفنجه عن طريق العصر فى قبضه اليد ✊🏻

🌱 انشطه الفك والتركيب
ودى هنستخدم فيها 🔩 اانشطه فك وتركيب الصمواميل البلاستيكية او 🔑🔒🔓 المفتاح والقفل لفتح وقفل بااحكام الأصابع على المفتاح واستدارته او تركيب الدبابيس ع اللوح 📌📍📈📉📉📊

🌱 انشطه القص
بااستخدام ✂️ اطفال وتفريغ حدود رسمه💠 او المشي ع خطوط مرسومه 📈📉

🌱 انشطه العجن
بااستخدام الصلصال باانواعه والعجين من الأنشطة الممتعه للاطفال بتقوي عضلات اليد الدقيقه ✊🏻

🌱 الزجاجات والبرطمانات
فتح وقفل اغطيه الزجاجات البلاستيكية والبرطمانات🍶🧂
وعلب الطعام تساعد على احكام قبضة اليد ✊🏻 وتقويتها.

🌱 الكره المطاطيه ( stress ball 🏐)
اداه ممتازه للضغط عليها وتقويه قبضه اليد والاصابع ✊🏻

12/06/2026

⭐ كتير بشوف استغراب فى عيون الامهات بعد الجلسات.. ازاى لعبه زى كونكت فور ولا صيادين السمك خلت ابنها الانتباه والتركيز عنده يعلى او الاندفاعيه تقل ويبطل يقاطع ف الكلام 🤔
👈🏻 رغم ان اللعبه دى عنده ف الدولاب بقالها سنين مثلا ومش بيحب يلعبها او بيزهق منها بسرعه 🤷🏻‍♀️

📌 السر ببساطه فى المشاركه وطريقه اداره وقت اللعب اللى بنقدر من خلاله
🌱 نغير سلوك
🌱 نقلل اندفاعيه
🌱 نزود مده الانتباه والتركيز
🌱 نتعلم نستنى دورنا
🌱 نتقبل الخساره ونفكر بهدوء فى نقاط النصعف عندنا عشان نكسب المره الجايه

🌸 واهداف كتير ممكن إضافتها وقت اللعب على حسب احتياج الطفل ✨

✅ وعشان كدا من اهم ادوات الدعم للطفل هى مشاركه الكبار معه اوقات اللعب.🤗

04/06/2026

🩸 التلوين بالتنقيط 🎨
النشاط المحبب لدى الاطفال 👣
يعمل على 👇🏻
زيادة الانتباه والتركيز 📌 🧐
التأزر البصرى الحركى 📌 ✍🏻
تقليل الاندفاعيه 🧑‍🦯
👈🏻 التطبيق 👉🏻
🌱 طباعه الشيتات
🌱 تجهيز قطن الاذن للدقه
🌱 الوان الطفل المفضله بشكل سائل
🌱 مفرش تربيزه ومريله بلاستيك لحمايه الطفل والاثاث
⭐ من الممكن ترك حريه اختيار الالوان او زياده مستوى التركيز والزام الطفل بنموذج محدد للتقليد او قائمه تعليمات سمعيه فقط دون نموذج لدعم الذاكره والتركيز السمعي⭐



#تلوين

01/06/2026

⭐قمه الانبهار من الطفل فى الجلسه بتكون لما اقوله هنشتغل بالمقص 🤗 ✂️
يعتبر اداه سوبر فعلا لان الاهداف اللى ممكن الاخصائي يحطها اثناء نشاط المقص كتير ومتنوعه.. 👇🏻
📌 النشاط بالمقص بيزود ثقه الطفل فى نفسه انا بقيت زى الكبار وبستخدم حاجه حاده.
📌 احساس تحقيق الهدف ولذه الانتصار لانه نشاط ملموس نتايجه ف ورق بيطير قدام عينه وشكل ورقه بتتغير بسبب مهاره هو بيكتسبها 👏🏻👏🏻
📌 تقويه عضلات اليد الدقيقه ✊🏻 وبالتالى قبضه اقوى وانامل اقوى 👈🏻 ( هتحسن من خطنا 📝 هتخلى مسكه القلم افضل ✍🏻 قدره ع مسك الاشياء والاحتفاظ بيها فتره اطول) 💪🏻
📌 التأزر البصري الحركى بين نظره عينه وحركه ايده 👀✍🏻 هيزود الانتباه والتركيز 🧐
📌 الحذر اثناء المشي بالمقص على الخطوط والحدود المرسومه 👈🏻 هيشتغل على تقليل الاندفاعيه وتعلم الصبر والتفكير قبل كل حركه للحفاظ على الشكل النهائي المطلوب✅
👈🏻 التطبيق 👉🏻
🌱 النشاط لسن من ٣ سنوات فااكثر
🌱 استخدام مقص مخصص للاطفال بلاستيكى للحفاظ على سلامتهم.
🌱 التحذير انه ممنوع استخدام اى مقص اخر غير المخصص للنشاط.
🌱 النشاط لاقل من ٦ سنوات يكون تحت اشراف الاخصائى او الام.
🌱 نبدء بخطوط عريضه ومسافاتها صغيره ومائله للاستقامه ونتدرج بالصعوبه الى خطوط متعرجه ورفيعه ومسافاتها اطول كلما اتقن مرحله ننتقل للاصعب حتى لا يشعر الطفل بالاحباط. 🫶🏻

31/05/2026

لو انتى الام 👇🏻
📌 اللى بعد الجلسه مش بتلاقى مدخل لطفلها عشان تطبق معاه توصيات الاخصائى.
📌 او الام اللى علاقتها اتوترت بطفلها بسبب ضغوط طول اليوم ف يجى بالليل بعد ما ينام تحس بالذنب وتأنب نفسها.
📌 او الام اللى تعبت انها طول الوقت بتقول الصح والغلط وتعلم وتربى وفى الاخر الطفل مش بينفذ اى حاجه من قايمه الاوامر والنواهى.
📌 او الام اللى ابنها طول الوقت متعصب ومتوتر وع طول بيسالها هو انتى بتحبينى ياماما طب انتى زعلانه منى.
🌸 جبتلك الأداة السحرية ✨ اللى من خلالها تقدرى تعدلى كل ده وتتخطى الحواجز اللى اتبنت بينكم وتوصلي لنقطه تفاهم واتفق 🤗
🌙 حدوته قبل النوم 😴
⭐ الدقايق اللى هتدخليها فى روتينكم اليومى وهتغير فى علاقتكم وتزود التفاهم والهدوء 🫂
👈🏻 التطبيق 👉🏻
🌱 نبره صوت مختلفه وهاديه تخلى الطفل جهازه العصبي يهدى ويطمن ويبقي فى استعداد يسمع بدل لغه التهديد والوعيد والاوامر والنواهى اللى بيسمعها طول اليوم.
🌱 لو القصه فيها شخصيات كتير طلعى روح الفنان واختارى لكل شخصيه تون صوت مختلف قريب من الاصوات الكرتونيه المضحكه فى بعض الاحيان.. (( الضحك قبل النوم جلسه علاج كامله ليكم هيستقبل بعدها اى كلمه بمنتهى الترحيب منك))
🌱 خلى القصه تفاعليه هو مش تاسك عاوزه تخلصيه عشان ينام ونخلص لا دي البوابه اللي هنسمح من خلالها للطفل يعبر عن مشاعره وانفعالاته وافكاره ونفهم هو ايه اللى بيضايقه وشايفنا باانه صوره ونصلح المفاهيم الغلط ونعزز الثقه بالنفس والثقه فينا اننا مصدر الامان كل ده هيحصل بالتدريج لما ندى مساحه آمنه اننا نسمعهم ونسألهم 🤍
🌱 نحاول قدر المستطاع الحفاظ ع حدوته قبل النوم بشكل يومى عشان يبقي ف جسر دايما موصول عشان لو يومنا مليان مشاحنات ننام واحنا الاتنين اهدى ومفرغين انفعالاتنا ومتطمنين اننا لسه بنحب بعض رغم اللى حصل طول اليوم ف يبقي سهل الرجوع لعلاقه آمنه مع الطفل بدل ما نسيبه لمخاوفه بالليل هل ماما بتحبنى طب هى زعلانه منى طب هي ساكته ليه هتعاقبنى هل انا وحش كل المساحات الشاسعه دى من الصمت بتعمل فجوه وشرخ فى العلاقه بينكم 🤷🏻‍♀️