Dr.Moustafa Abdo-Psychiatry And Addiction Clinic

Dr.Moustafa Abdo-Psychiatry And Addiction Clinic Psychiatry and Addiction consultant
استشارى الطب النفسي وعلاج الإدمان

30/08/2026

إزاي التجنب ممكن يكون هو الحل أوقات والتعرض هو المشكلة؟
د.مصطفى عبده

من ندوة فلسفة القلق | لماذا نقلق من أشياء لا تستدعي القلق؟
بساقية الصاوي

30/08/2026

لما أوديسيوس إكتشف إن سيرسي الساحرة حولت أختها ل غراب سألها إنتي ليه لسه سايباها كدا !!!!
ردت عليه بجملة دايما بنسمعها وبنشوفها في جلسات العلاج النفسي وقالتله
We communicate better this way …

نيجي بقي للي بنشوفه في الحياه والعلاقات هتلاقي نوعين

في العلاقات الصحية، لما التواصل يبقى صعب، بنسأل:

How can we understand each other better?

لكن في العلاقات غير الآمنة، السؤال ممكن يتحول إلى:

How can I make you easier for me to deal with!

وده ممكن يظهر في صور كتير جدا زي إني أتجاهلك بدل ما أواجهك.
أو أطلب منك ما تعترضش علي حاجة وأحبك وأقرب منك أكتر لما تكون موافقني بس بدون نقاش ، لكن أتضايق جدا لما تستقل عني.
وأفضل أحاول أحوّلك نفسيًا إلى نسخة “مطيعة” ترضيني

وبالتالي
Sometimes people don’t want better communication.
They want a more convenient person to communicate with.

ومحتاجين نجاوب علي السؤال دا ونفكر فيه كويس
( هل فعلا إحنا بنتعلم نحب الشخص زي ماهو ولا بنحاول نعيد تشكيله عشان يكون مناسب وأكثر راحة لينا في التعامل ؟؟)

أ. ياسمين حمزة
أخصائي نفسي اكلينيكي

29/08/2026

إيه هي التغيرات النفسية والجسدية للأم بعد الولادة.. وليه بتحصل؟
د. نهال زين

29/08/2026

لما احتياجاتنا مش بتتلبي، بنحس بالإحباط.
والإحباط المتكرر ممكن يتحول مع الوقت لغضب أو عدوان.

عشان كدة لما تلاقي نفسك غضبان، دور ياترى إيه الاحتياج اللي ممكن يبقى في الخلفية ورا الغضب ده؟

دينا هيثم - معالج نفسي دينامي

28/08/2026

أوحش حاجة بيعملها القلق (Anxiety)
إنه يخلي الجسم من كتر التوتر المستمر، يتعامل مع لحظات الأمان كأنها تهديد،
لمجرد إنها غريبة عليه.

ولأن الأمان هيخلينا نوقف المراقبة والدفاع، العقل ساعتها يحس إن الخطر ممكن يجي في أي لحظة ومش هنبقي مُستعدين نواجهه.

لحد ما يبقي عز الأمان هو عز الخطر.

دينا هيثم - معالج نفسي دينامي

27/08/2026

لما بنتعرض لمواقف مؤلمة ومنعبرش عن مشاعرنا تجاهها، المشاعر دي مبتختفيش!

أحيانًا هتحاول تعبر عن نفسها وتتكلم من خلال الجسم نفسه، وبطريقة ممكن تبقي مؤلمة أكتر..

ممكن تظهر في شكل صداع، وجع في المعدة ، آلام في الجسم بشكل متكرر..

كأن الجسم بيحاول يقول في شيء مؤلم لسه مش محلول.

وهنا مش كل هدفنا نسكت الألم وبس،
محتاجين نسمع الألم ده بيحاول يقول إيه؟

دينا هيثم - معالج نفسي دينامي

26/08/2026

استياء الآخر من فشله في حياته ممكن جدًا يخرج عليك، خصوصًا لما يكون مش قادر يتعامل مع إحباطه أو يتحمل مسؤوليته.

وعلشان كده مهم نفهم مفهوم المسؤولية الشخصية.

مفيش علاج نفسي أو جسدي حقيقي، ولا تحقيق أهداف، ولا حتى عبور لأزمات كبيرة، من غير ما نبص بوضوح على مساحة مسؤوليتنا الشخصية:
إيه اللي أنا أقدر أعمله، حتى لو الظروف حواليا صعبة ومش في إيدي أغيرها؟

العيش في دور الضحية أو الشاكي أو العاجز ممكن في البداية يكون مجرد تجربة فرضتها علينا الظروف، سواء بوعي أو من غير وعي.
لكن المشكلة بتبدأ لما التجربة تتحول لاختيار، والاختيار يتحول لطريقة ثابتة في رؤية النفس والحياة.

ومن أفضل المراحل في العلاج النفسي، اللحظة اللي يبدأ فيها العميل يدرك إن لسه عنده قدرة يعمل حاجة تحسن وضعه الحالي، حتى لو حاجة صغيرة جدًا.

هنا بيبدأ العقل والنفس يخرجوا من طوق الاستسلام إلى براح القبول والمحاولة.

وأفضل وصف للاندماج القوي في دور الضحية أو الشاكي أو العاجز، هو إن الشخص يدخل في حالة يكون مندمج فيها بشكل كامل مع مجموعة من الأفكار والمشاعر والمعتقدات.

يعني مش بس «أنا حاسس إني عاجز»؛
لكن العجز يبدأ يبقى هو العدسة اللي شايف بيها نفسه، وظروفه، والمستقبل.

وهنا بييجي دور الانفصال النفسي عن الفكرة.
مش المقصود إننا ننكر مشاعرنا أو نقنع نفسنا إن كل حاجة كويسة، بالعكس.

لكن نبدأ نعمل أبسط مساحة ممكنة بيننا وبين اللي بنفكر فيه وبنحسه.

بدل ما أقول:
«أنا عاجز ومفيش في إيدي حاجة.»

أبدأ أشوفها كالتالي:
«أنا دلوقتي بمر بحالة من الإحساس بالعجز، وعقلي بيقولي إن مفيش حاجة أقدر أعملها.»

الفرق بسيط في الكلام، لكنه كبير جدًا في المساحة اللي بيديها للعقل.

لأن الحالة اللي أنا فيها حقيقية ومؤثرة، لكن مش بالضرورة تكون حقيقة مطلقة عني أو عن حياتي.
وده بيفتح مساحة أقدر منها أشوف:
إيه اللي أقدر أقبله؟
إيه اللي أقدر أغيره؟
وإيه الخطوة الصغيرة اللي أقدر أعملها دلوقتي؟

وده جزء أساسي من الطريقة اللي بنتعامل بيها مع الأفكار والمشاعر في مدارس علاجية زي العلاج بالقبول والالتزام ACT.

الفكرة مش إنك تنكر إنك موجوع أو عاجز أو مستاء.

الفكرة إنك ما تخلّيش الحالة اللي بتمر بيها تتحول إلى هوية، ولا تخلي أفكارك وقت الأزمة تتحول إلى حقيقة نهائية.

لأن المسؤولية الشخصية مش معناها إنك مسؤول عن كل اللي حصل لك.

لكن معناها إنك تبدأ تسأل:
وسط كل اللي مش في إيدي… إيه اللي لسه في إيدي؟

أ. منة عادل شلبي
أخصائي نفسي اكلينيكي

25/08/2026

إيه اللي في انتظارنا بعد الانتحار؟ | د. مصطفى عبده

📌مواعيد الأطباء والمعالجين خلال الأسبوعجمّعنا لكم جدول المواعيد لكل دكتور في مكان واحد لتسهيل الحجز والمتابعة.🤍📞010 6603...
25/08/2026

📌مواعيد الأطباء والمعالجين خلال الأسبوع

جمّعنا لكم جدول المواعيد لكل دكتور في مكان واحد لتسهيل الحجز والمتابعة.🤍

📞010 66034034
للحجز والاستفسار مع د مصطفى عبده فقط

📞010 14962370
للحجز والاستفسار مع باقي فريق العيادة

📍٦٠ شارع ابو بكر الصديق - ميدان سفير اعلي ماكدونلدز - الدور التالت

للشكاوي والاقتراحات
📮 [email protected]



حين تمس بعض الجراح موضع المحبة و الاحترام فى داخلنا... د. مصطفى عبده
24/08/2026

حين تمس بعض الجراح موضع المحبة و الاحترام فى داخلنا...
د. مصطفى عبده

Address

٦٠ شارع أبو بكر الصديق أعلى ماكدونالدز -ميدان سفير مصر الجديدة - الدور الثالث شقة ١٣ القاهرة،مصر.
Cairo
11757

Opening Hours

Monday 1pm - 11pm
Tuesday 1pm - 11pm
Wednesday 1pm - 11pm
Thursday 1pm - 11pm
Saturday 1pm - 11pm
Sunday 1pm - 11pm

Telephone

+201014962370

Website

Alerts

Be the first to know and let us send you an email when Dr.Moustafa Abdo-Psychiatry And Addiction Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Moustafa Abdo-Psychiatry And Addiction Clinic:

Shortcuts

Share

Category