امير يوحنا - Dr Amir Yohana

امير يوحنا - Dr Amir Yohana مركز الدكتور امير يوحنا للعلاج النفسي والادمان وتعديل السلوك

22/08/2026

عارفين ان فيه دهون بتتخزن من الاكل وفيه دهون بتتخزن من البشر 🫣😊

مبارك سيدنا المسيح من أعاد للمرأة كرامتها باسترداد حقيقي لصورتها الجميلة كما خلقها الله على صورته ومثاله. مبارك من أتى م...
22/08/2026

مبارك سيدنا المسيح من أعاد للمرأة كرامتها باسترداد حقيقي لصورتها الجميلة كما خلقها الله على صورته ومثاله.

مبارك من أتى مولودًا من امرأة تطوبها جميع الأجيال إلى دهر الدهور القديسة العذراء مريم.

مبارك من احترم مشاعرها وعقلها ووجعها ومعاناتها واحتياجاتها وحزنها وضعفها الأنثوي

مبارك سيدنا المسيح الذي اعاد صورة المرأة الجميلة انه اتي من اعظم النساء القديسة الطاهرة العذراء مريم والذي اهتم بالمرأة في صورة السامرية والمجدلية ونازفة الدم وساكبة الطيب ومتهمة تائبة وأرامل مريمات.

مبارك من قبل رعايتها ورعاها وأطاعها وأرشدها وأحبها وقبل حبها.
مبارك من بارك العالم بالأم والزوجة والأخت والبنت.
ومباركة أمّنا العذراء مريم ❤️
كل عام وانتم بخير عيد امنا القديسة العذراء مريم

إذا كنتي تريدين ان تبقي سعيدة طوال حياتك دعيه يشعر انه قائد السفينة ☺️😉
21/08/2026

إذا كنتي تريدين ان تبقي سعيدة طوال حياتك
دعيه يشعر انه قائد السفينة ☺️😉

اسوأ عقاب ممكن تتعرضله لما جسمك يقرر يعاقبك بسبب حالتك النفسية ..ف تلاقي نفسك مرة واحدة تخنت جدا لانك بتطلع عصبيتك في ال...
21/08/2026

اسوأ عقاب ممكن تتعرضله لما جسمك يقرر يعاقبك بسبب حالتك النفسية ..

ف تلاقي نفسك مرة واحدة تخنت جدا لانك بتطلع عصبيتك في الأكل أو خسيت كتير لانك بطلت تاكل من الاكتئاب ..

تتفاجئ ان جسمك ظهرت فيه علامات غريبة و لما تروح تكشف الدكتور يقولك مش هتخف منه غير لما حالتك النفسية تتحسن ..

ممكن كمان تصاب بأمراض تانية كتير زي الضغط و السكر و غيرهم ..

كأن جسمك عايز يفوقك بس بطريقة مؤلمة شوية .. عايز يقولك إن مفيش حاجة مهما كانت غالية تستاهل إنك تقصر في حق صحتك علشانها ..
و إن الناس اللي انت مكتئب بسببهم لو كانوا بيحبوك مكانوش سابوك تتعب ..

عايز يقولك ببساطة إن صحتك هي الحاجة الوحيدة اللي باقيالك و إنها لو ضاعت منك هتتحول لشخص عاجز و غالبا هتكون حِمل علي اللي حواليك .

🌞 صباح الخير…إدراك النعمة أعظم نعمة. 🧡إنك تصحى وتقول: الحمد لله…على الصحة، على الستر، على البيت، على الناس اللي بتحبك،وع...
21/08/2026

🌞 صباح الخير…

إدراك النعمة أعظم نعمة. 🧡

إنك تصحى وتقول: الحمد لله…
على الصحة، على الستر، على البيت، على الناس اللي بتحبك،
وعلى حاجات كتير موجودة في حياتك وبتاخدها كأنها شيء عادي.

أوقات بنكون مشغولين باللي ناقصنا،
فبنفقد الإحساس بكل النعم اللي حوالينا.

خد دقيقة النهارده…
وبص حواليك، وافتكر كام حاجة تستاهل تقول عليها:
الحمد لله.

يمكن اللي إنت شايفه عادي…
غيرك نفسه فيه من سنين.

صباح الرضا والشكر
وربنا يديم علينا نعمه دايماً . 🤍🌿

سيب رقمك للعدرا والعذراء هتبعتهوملك انستا باي !!! 😀مش فاهم بصراحة 🙃🤷
20/08/2026

سيب رقمك للعدرا والعذراء هتبعتهوملك انستا باي !!! 😀
مش فاهم بصراحة 🙃🤷

20/08/2026

فيه ظاهرة بتحصل للأزواج اسمها "ذهول العودة"
ودي بتحصل للراجل لما يرجع البيت بعد يوم شغل طحن
بيحس انه تم انقاذه وخلاص وصل للمأوى وبيخش في حالة ذهول وانسحاب وبيشغل الطيار الآلي
من اعراض الذهول ده
# قعاده قدام التليفزيون أو مسك الموبايل أو التحديق في الفراغ
وهنا هتتلخص حياة هذا الرجل في مرحلتين،
الأولى شغل واستنزاف
والتانيه ذهول وانسحاب
وزي ما لاحظنا مش هنلاقي مكان للأسرة
مفيش أنشطه. مفيش تواصل.
علاقة
ولا سمح الله الست قررت تصارح جوزها انه بعيد عنهم
الطيار الآلي بيرد بزعيق انهم جاحدين ومش مقدرين هو ازاي بيتعب وبيطلع عينع علشان يوفر لقمة العيش وانهم مش مقدرينه،
فتنسحب الزوجه بهدوء وتسكت وتتطور العلاقة لمرحله "الخرس الزوجي"

هنا نسكت قليلاً ونقول
احنا مقدرين تعبك في الشغل وسعيك لتوفير الشق المادي في البيت لكن احنا محتاجينك في شق تاني عاطفي
عارفين الضغوطات اللي عليك في الشغل لكن قعادك معانا بعيد عن التليفزيون والموبايل هيساعدك تتكيف مع الضغوط دي، هيخلي فيه أسباب مريحه ومثيره ترجع علشانها مش مجرد مكان ترتاح فيه وتستعد للنزول
تفاعل الزوج مع أهل بيته مهم وأكتر من اللي بيعمله بره البيت.
يعني أسيب الشغل وأقعد اتفاعل في البيت؟
بنقول لأ،
العقل بيقول بالعدل وربنا أمر بالتوازن
ادي لكل حاجه حقها

🌟 مارتيروس مينا طفل صغير… لكن موهبة كبيرة جدًا ❤️مارتيروس مينا عنده 10 سنين بس…لكن اللي عمله أكبر بكتير من سنه! 👏🤖من وهو...
20/08/2026

🌟 مارتيروس مينا طفل صغير… لكن موهبة كبيرة جدًا ❤️

مارتيروس مينا عنده 10 سنين بس…
لكن اللي عمله أكبر بكتير من سنه! 👏🤖

من وهو عنده 5 سنين بدأ يصمم روبوتات، وفي سن 6 سنين بدأ يتعلم البرمجة، ولما وصل لـ8 سنين بدأ يشارك في مسابقات عالمية …
والنهارده وزير الاتصالات كرمه واداه لاب توب وبعض أدوات صناعة الروبوت ..

مارتيروس قدر يحقق الميدالية الذهبية في مسابقة عالمية للبرمجة في الصين، 🌍🥇

والأجمل إنه مش بس بيتعلم… ده بيبتكر ❤️
صمّم روبوت على شكل الملك توت عنخ آمون، علشان يعرف الناس بآثار مصر وحضارتها. 🇪🇬
كنت دايماً بنصح الناس من سن صغير تعمل IQ Test مقياس ذكاء لاولادها عشان يقدر يكتشف المواهب قبل ما تضيع

اللي خلي مارتيروس يوصل لكدا مش بس الجوائز…
لكن إن طفل في السن ده لقى حاجة بيحبها، ولقى ناس شجعته، فبدأ يحول شغفه لإنجاز حقيقي.

يمكن مارتيروس النهارده طفل صغير…
لكن لو فضل عنده الشغف، والتشجيع، والفرصة…
ممكن بكرة يكون واحد من أهم المبتكرين اللي نفتخر بيهم. ❤️

علشان كده… ما تستهونش أبدًا بموهبة طفل.
ممكن تكون بتشوف طفل… وربنا مخبي جواه موهبة تغيّر العالم. 🌍❤️


🌞 صباح الخير…على كل قلب مستني فرحة،وعلى كل روح بتقول: “يا رب قوّيني.”لو اليوم بدأ وقلبك شايل هم حاجة،افتكر إنك مش مطالب ...
20/08/2026

🌞 صباح الخير…

على كل قلب مستني فرحة،
وعلى كل روح بتقول: “يا رب قوّيني.”

لو اليوم بدأ وقلبك شايل هم حاجة،
افتكر إنك مش مطالب تعرف كل حاجة ،
ولا تشيل هم كل حاجة لوحدك.

خلي عندك ثقة إن ربنا شايفك،
وسامعك،
وقادر يغير حالك في الوقت اللي هو عارف إنه الأنسب ليك.

ربنا يجعل النهاردة يوم بركة وخير وسلام للكل ❤️

19/08/2026

فاكر إن في أيام تعبت فيها…
وبت طول الليل بتعيط؟

فاكر لما وقفت تصلي…
والكلام مطلعش؟
مش علشان مفيش كلام…
لكن علشان مفيش كلام يقدر يعبّر عن اللي جواك.

فاكر لما حسيت بقلبك بيتقبض ويتعصر من الحزن والألم؟

فاكر لما فقدت شغفك…
واتلخبطت…
وخفت…
ومبقتش عارف تروح فين؟

فاكر لما دعيت ربنا من جوه قلبك علشان حاجة معينة؟

فاكر لما وإنت بتصلي صوتك اترعش وعيطت…
علشان حاجة نفسك فيها أوي؟

عارفين؟!

لا…
الحقيقة ان الناس مش عارفين.

ومش هيقدروا يعرفوا.

لأن محدش هيحس باللي حسيت بيه غيرك.
ومحدش عاش وجعك، ولا ألمك، ولا يأسك، ولا خوفك… غيرك.

علشان كده…

مش محتاج تبرر لحد.
ومش محتاج تشرح لحد أنت عديت بإيه.

أنت أكتر شخص عارف نفسك…
وأكتر شخص عارف أنت حاربت قد إيه علشان توصل للي أنت فيه النهارده.

يمكن الناس شايفة النتيجة…
لكن أنت الوحيد اللي عارف ثمنها.

شايفين نجاحك…
لكن مش شايفين الليالي اللي بكيت فيها.

شايفين ابتسامتك…
لكن مش عارفين كام مرة انهرت وقومت تاني.

شايفين إنك وصلت…
لكن مش عارفين كام مرة كنت فاكر إنك مش هتوصل.

أنت البطل الحقيقي في قصتك.
أنت… وبس. ❤️

فكمل .
كمّل إنجازاتك.
كمّل طريقك.
وافرح بنفسك… حتى لو محدش عرف الحكاية كلها.

مش لازم الناس تعرف أنت عديت بإيه…
كفاية إن ربنا كان عارف. 🤍

Address

٤ شارع محمود ناشد متفرع من هارون الرشيد _ بجوار مترو هارون _ مصر الجديدة
Cairo
11757

Telephone

+201205281178

Website

Alerts

Be the first to know and let us send you an email when امير يوحنا - Dr Amir Yohana posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to امير يوحنا - Dr Amir Yohana:

Shortcuts

Share

Category