عيادة القلب والاوعيه الدمويه- د/ احمد كامل حسن

29/08/2026

جمعة مباركة من عمليات القسطرة مستشفي السلام الدولي المعادى و حالة طارئة لكن الحمد لله ربنا و فقنا لعلاجها و العيان خرج بالسلامة

26/08/2026

بمناسبة حلول المولد النبوى الشريف اتقدم اليكم باصدق التهانى و اطيب التمنيات سائلا الله ان يعيد عليكم هذه الذكري العطرة بالخير و اليمن و البركات
دكتور احمد كامل

05/08/2026

من مستشفي كليفلاند كلينيك ابو ظبي
Cleveland Clinic Abu Dhabi
وورشة عمل لحالات زرع الصمام الاورطى بالقسطرة

25/07/2026

النهاردة في قسطرة مستشفي الشرطة مدينة نصر و لستة حالات تقيلة جدا ...المكان ما شاء الله مجهز باحدث الاجهزة اللي بتساعدنا علي اتخاذ القرار الافضل للمريض نوع و مقاس الدعامات مظبوط بالمللى لان الغلط هنا يساوى كتير و الحمد لله ربنا وفقنا و خلصنا الحالات بنجاح و ربنا يتم شفاء مرضانا جميعا

24/07/2026

جمعة مباركة من معهد القلب القومى و حالة قسطرة معقدة باستخدام جهاز الشينيور الطبي العمل عبادة في الحر و الاجازة

14/07/2026

النهاردة فى عمليات القسطرة مستشفي شفا التجمع بعد عملية قسطرة علاجية صعبة باستخدام الشينيور الطبي ومعايا صديقي اد محمد سعيد استشاري اختلال كهربة القلب بمعهد القلب ....الشرايين التاجية و الكهربا ايد واحدة

07/07/2026

الشرايين التاجية المتكلسة يعنى الشرايين مش ضيقة و بس لا...... دة الضيق كمان بيترسب عليه الكالسيوم اللي بيخلي عملية توسيع الشريان صعبة و معقدة و تحتاج كمان لاجهزة خاصة لتصوير الشريان من الداخل و تقييم حجم الكالسيوم علشان نختار افضل تقنية لتكسير الكالسيوم دة و بعدها توسيع الشريان بالبالون قبل الخطوة الاخيرة اللي هى تركيب الدعامة في الشريان علشان تحافظ عليه مفتوح ...... الحالات دى لازم نستخدم فيها جهاز التصوير بالموجات الصوتية داخل الشرايين اللي اسمه IVUS و دة بيحدد كمية الكالسيوم و نسبة الضيق و حجم الشريان علشان نشوف الكالسيوم دة ممكن نكسره بالشينيور الطبىRotablator او البالونات التصادمية Intravascular Lithotripsy الحالة دى لمريض عمره 77 سنة عمل جراحة قلب مفتوح من سنة 2013 لكن مع تقدم العمر الوصلات الجراحية كلها اتقفلت و كان لازم نفتح الشرايين الاساسية علشان الدم يرجع تانى يغذى القلب بصورة احسن و المريض يقدر يرجع للمجهود الطبيعى بدون تعب او نهجان .... المريض زارنى في العيادة علشان نفتح الشريان التاجى الايمن المتكلس باستخدام الشينيور لكن انا قلت له ان البالونة التصادمية Intravascular Lithotripsy ممكن تكون ابسط و ايسر و فعلا عملنا تصوير بالموجات الصوتية داخل الشريان و استعملنا البالونة التصادمية اللي بتطلع موجات صوتية تكسر الكالسيوم و تم بعد كدة توسيع الشريان بالبالون و تركيب دعامة و المريض روح تانى يوم و اختفي شهر ....انا فعلا قلقت عليه لكن بعدها زارنى تانى و قال انه بقي زى الفل و الحمد لله

12/06/2026

حالة قسطرة معقدة لمريضة عمرها ٧٥ سنة كبديل ايسر و اكثر امانا عن جراحة القلب المفتوح نظرا لكبر سن المريضة و استعملنا جهاز التصوير بالموجات الصوتية داخل الشرايين IVUS و جهاز الشينيور الطبي Rotablator لازالة الكالسيوم المترسب داخل الشريان التاجى و تكسير النتوء المتكلس داخل الشريان Calcium nodule
و بعدها وسعنا الضيق بالبالون و ركبنا ثلاث دعامات دوائية و الحمد لله نجحنا و المريضة رجعت بيتها تانى يوم بصحة جيدة جدا

07/06/2026

.alex

26/05/2026