مستشفى جولدن هارت - الفرونتير جروب

01/12/2025

💛 Golden Heart… رقم 1 في جراحات القلب والصدر في مصر

لما تكون صحة القلب على المحك… مفيش مكان يستحق الثقة أكتر من Golden Heart.
مستشفى متخصّصة بالكامل في جراحات القلب والرئة، وبقت خلال سنتين الاختيار الأول لآلاف المرضى من مصر والعالم العربي.

لماذا Golden Heart؟

✔️ الأولى في مصر فقط في جراحات القلب والرئة عالية الدقّة
✔️ فريق طبي متعاقد مع أكبر الجراحين المتخصصين
✔️ نتائج تتفوق على المعايير العالمية
✔️ استقبال الحالات الحرجة والمعقدة يوميًا
✔️ نسب شفاء كاملة تتجاوز 92% بفضل الخبرة والتقنيات الحديثة

في Golden Heart… شوفنا حالات فقدت الأمل، ورجعنا لهم الحياة.
عمليات معقدة – تمدد شريان أورطي، أورام رئوية صعبة، تشوهات خلقية ، جراحات إعادة بناء القصبة الهوائية– كلها بقت جزء من يومنا المعتاد.

رسالتنا بسيطة وواضحة:

نوفر أعلى مستوى من رعاية القلب والصدر… ونرجّع المرضى لحياتهم بأمان وثقة.

Golden Heart…
مش بس مستشفى.
ده المكان اللي القلوب فيه بتتعالج… والأنفاس بترجع من جديد.

15/03/2025

مهم جدا للمدخنين

05/03/2025

جراحات الغده التيموسيه

🩺 متى يحتاج المريض إلى استئصال الغدة الزعترية؟

الغدة الزعترية (أو الغدة التوتية) هي جزء من الجهاز المناعي 🛡️ وتقع خلف عظمة القص في الصدر. على الرغم من أنها تنكمش مع التقدم في العمر، إلا أن بعض الحالات تحتاج إلى استئصالها جراحيا.

🛑 متى يكون الاستئصال ضروريًا؟

🔹 الوهن العضلي الوبيل (Myasthenia Gravis)
هذا المرض المناعي يسبب ضعف العضلات، تدلي الجفون، صعوبة في البلع والتنفس. استئصال الغدة الزعترية قد يؤدي إلى تحسن كبير في الأعراض لدى بعض المرضى.

🔹 أورام الغدة الزعترية
🟢 الثايموما (Thymoma): ورم حميد لكنه قد يضغط على الرئتين والقلب، مما يستدعي استئصاله.
🔴 سرطان الغدة التيموسية: ورم خبيث يحتاج إلى جراحة مع علاج تكميلي مثل العلاج الكيميائي أو الإشعاعي.

🔹تضخم الغدة الزعترية 📈🫁
في بعض الحالات، تتضخم الغدة وتسبب ضيق التنفس وضغطًا على الأوعية الدموية، مما يستوجب إزالتها.

🔪 كيف يتم استئصال الغدة؟
✅ الجراحة المفتوحة 🏥 – تتم عن طريق فتح عظمة القص للوصول إلى الغدة مباشرةً.
✅ جراحة المنظار 🔍– يتم إجراؤها من خلال فتحة او فتحات صغيرة في الصدر، وهي أقل ألمًا وتساعد في التعافي السريع.
✅ الجراحة الروبوتية 🤖 – توفر دقة أعلى وألمًا أقل مقارنة بالجراحة التقليدية وهي ليست متاحة بمصر في الوقت الحالي

⏳ ماذا بعد الجراحة؟
🩹 فترة التعافي تتراوح بين أسبوع إلى شهر حسب نوع الجراحة.
⚠️ بعض المرضى قد يشعرون بألم خفيف أو ضيق في التنفس مؤقتًا لكنه يتحسن مع الوقت.
🔍 المتابعة الدورية ضرورية لضمان التعافي الكامل خاصة في حالات الأورام.

أدام الله علينا جميعا الصحة والعافية
مع تحياتي :
أ.د
استاذ جراحة و مناظير الصدر
كلية الطب جامعة عين شمس

03/03/2025

دكتور أحمد مصطفي
ما شاء الله

ونبتدي رمضان الشهر الكريم باخبار جميلة وايجابية ومفرحة بحمد الله

ومرة أخري من اسوان من مركز جراحات القلب (البروف مجدي يعقوب)

طفل والله في منتهي الجمال في العاشرة من عمره يصاب بفشل في عضلة القلب واصبح رهينة الادوية واللي بمرور الوقت اصبحت لا تاتي بالمفعول المطلوب...الطفل علي وشك الوفاه ولكن يتدخل الزملاء العباقرة باسوان وبخبرة مصرية مائة بالمئه علشان ينقذوا الطفل بوضع جهاز LVAD وهو مضخه صناعية تتخيط بطريقة معقدة في البطين الأيسر للقلب وتحل محله ويخرج من الجسم كابل يوصل المضخة بالبطاريات اللازمة لتشغيلها ويوصل ايضا اجهزة التحكم بالمضخة والتي اصبحت القلب الفعلي.

دخل الطفل الرعاية المركزة وبعد فترة عصيبة وبحمد الله خرج بسلامة الله ليفاجئنا بعد شويه بعدم القدرة علي التنفس وتعرضه للاختناق المتكرر وطبعا زي ما توقعتم: والجزء الأسفل من الحنجرة وده يتطلب الدخول لاجراء عملية تانية كبيرة في مجري الهواء...

قابلت اهل المريض في القاهرة وفهمتهم اننا لازم نعمل العملية دي في اسوان لأنهم حيعرفوا هناك يتعاملوا مع الجهاز الداعم للقلب وعلي الفور جاءت الموافقة......

يوم السفر لأسوان نزلت متأخر من البيت - سامحوني بقي ☺️ - ركبت اوبر وكان بيجري (طبعا متضامن معايا ) ...وفجأة انفجر الاطار الأمامي الأيمن والعربية اترجت جامد وحصل اللي حصل..وربنا ستر وخرجنا من العربية سلام بأعجوبة....فاضل علي ميعاد الطيارة حوالي نصف ساعة... وقفلي ناس كتيرة في الطريق وقولت حروح المطار وانا عارف اني مستحيل الحق الطيارة...وسبحان الله في المطار الناس ساعدتني وجابتلي استثناء بدون اي مجهود علشان الحق بالرحلة

وصلت اسوان..دخلنا العمليات... استئصلنا الضيق واعدنا توصيل القصبة الهوائية (او ما تبقي منها لأن الضيق كان طويل) بالحنجره ودي علي علمي اول مرة تجري هذه الجراحة لاستئصال ضيق من القصبة الهوائية لطفل علي هذا الجهاز الداعم للقلب.

خرجنا من العمليات ودار لقاء سريع مع البروف مجدي يعقوب واللي كان متابع الطفل وسألني:
--شيلتم كام حلقة؟
فاجبته ببساطة: 8 غضاريف
--فرد عليا وكان قلقان شوية: اممممم (بشوية اسي) وضعتم شق حنجري؟؟
فقولتله بابتسامه: لا.. الحمد لله خرجنا بدون شق حنجري
--فانبسط وقاللي : طيب ...الولد علي اجهزة التنفس الصناعي؟
فابتسمت اكتر وقولت للبروف: لا احنا بنتنفس طبيعي والولد بياخد نفسه وبيتكلم بطريقة طبيعية

وهنا انطلق البروف بكلمات مديح جميلة ورقيقة زادت من سعادتي بعد الاطمئنان علي طفلنا الجميل وبعد هذا اليوم الحافل

وفي رحلة العودة...

قعدت افكر في زملائي الأطباء في اسوان اللي بيعملوا جراحات بدون مجاملة ولا انحياز تفوق الوصف في النتائج بصمت ورضا...

قعدت افكر ان ثمن الجهاز لوحده 120 الف دولار اي سته ملايين جنيه مصري تحمل تكلفته المركز بالكامل وازاي ان مئات المرضي يكونوا محتاجين جهاز زي ده....حيعملوا ايه وحيدبروا امورهم ازاي!!!!!!!!!....وبعدين ازاي ذللوا كافة الصعوبات لاجراء جراحة القصبة الهوائية بردو بدون ما يتحمل اهل المريض اي نفقات...

قعدت افكر ازاي ربنا سبحانه وتعالي ذلل كل العقبات لهذا الطفل في اليوم ده علشان نعدي بيه في الاخر لبر الأمان

واخيرا قعدت احمد ربنا علي كل نعمه التي لا تعد ولا تحصي..

جزيل الشكر للزملاء الأعزاء بأسوان وانتم فخر لنا جميعا

أدام الله علينا جميعا الصحة والعافية
مع تحياتي :
أ.د
استاذ جراحة الصدر
كلية الطب جامعة عين شمس

28/02/2025

كل عام وحضراتكم بخير

28/02/2025

يسعد مستشفي جولدن هارت استقبال الأستاذ الدكتور أحمد مصطفي استاذ جراحات الصدر وزراعة الرئة بكلية الطب جامعه عين شمس لاجراء كافة عمليات جراحات الصدر بالمستشفي وتشمل:

جراحة القصبة الهوائية (Tracheal resection and anastomosis) ان كانت المشكلة ضيق او التهاب او أورام.
• جراحات الرئة بالمنظار الجراحي نتيجة التهابات الرئه وأورام الرئه الحميده وسرطان الرئه لاستئصال جزء أو فص من الرئه أو كامل الرئه (Wedge resection, lobectomy or pneumonectomy)
• جراحات الغدة الزعترية (Thymus (او الثيموسية في حالات وهن العضلات
• جراحات الغشاء البلوري في حالات أورام الغشاء البلوري والارتشاح البلوري الهوائي والارتشاح المائي
• أستئصال الغدد الليمفاويه والحويصلات المائيه والأورام من منطقه منصف الصدر(Mediastinum)
• مناظير الشعب الهوائيه (Rigid and Fiberoptic bronchoscopy)
• المناظير الجراحيه للصدر (Video Assisted Thoracoscopic surgery) حيث أصبحت تقنية منظار الصدر الجراحي تستخدم بشكل واسع في جراحات الصدر لمختلف الحالات مثل عينات الرئه والغشاء البللوري واستئصال الغده الثيموسيه في حالات وهن العضلات واستئصال فص من الرئه في حالات سرطان الرئه وغيرها
• جراحات القفص الصدري مثل اصلاح العيوب الخلقيه في حالت تقعر الصدر أو أستئصال جزء من جدرا الصدر في حالات الالتهابات والاورام.

08/11/2024

عيادة ا.د. ياسر النحاس استاذ جراحة القلب المفتوح و جراحة القلب بالمنظار يوم الاثنين من كل أسبوع من ١١ الى ٣ ظهرا.

للتواصل و الاستفسار اهلا بكم على الهاتف الخاص بنا 01070776612 او 01070776611 📲

العنوان : 4 شارع النصر . المعادي 🏠