31/07/2026
حد دخل عليك الصيدلية عنده قرحة في شفايفه فجأة ومعاها حرقان؟
ممكن بردو يجي يقولك عندى حرارة فى بُقى 🤒
اوعى تتوتر... 90% من الناس عندهم الفيروس ده
# # # ❶ يعني ايه هربس؟
عدوى فيروسية سببها فيروس الهربس البسيط HSV
في نوعين:
➤ HSV-1 بيجي في الفم والشفايف
➤ HSV-2 بيجي في المنطقة التناسلية
الفيروس بيدخل الجسم ويفضل كامن... ويصحى وقت التعب والتوتر
# # # ➋ بيتنقل ازاي؟
📍 بوسة من شخص عنده قرحة نشطة 🤭
📍 لمس القرحة وبعدين لمس مكان تاني 🤝
📍 استخدام نفس الكوباية او الفوطة او فرشة الاسنان 🪥
📍 علاقة جنسية بدون وقاية
📍 من الام للبيبي وقت الولادة
# # # ➌ الاعراض بتبدأ ازاي؟
قبل القرحة بيوم هيحس ب
➤ حكة او حرقان او تنميل في المكان
بعدها تظهر:
📍 بثور صغيرة فيها مية على الشفايف او الفم
📍 وجع وتورم مكان الاصابة
📍 سخونية خفيفة وارهاق وتكسير
📍 تورم الغدد الليمفاوية
# # # ➍ العلاج بيكون ازاي؟
مفيش علاج نهائي بس بنهدى الأعراض
✔️ كريم مضاد فيروسات زي Zovirax ٥ مرات في اليوم اول ما تحس بالحكة
✔️ اقراص Acyclovir بجرعة الدكتور
✔️ مسكن زي Panadol او Brufen لو في وجع
✔️ كمادات باردة + سوايل كتير
مهم: ابدأ العلاج بدري اول ما يحس بالتنميل النتيجة بتكون اسرع 🕐
# # # ➎ ازاي نقلل انه يرجع تاني؟
➊ نام كويس وابعد عن التوتر ☺️
➋ استخدم صن بلوك ✋ للشفايف لو بتطلع في الشمس
➌ قوي مناعتك باكل صحي
➍ متلمسش القرحة واغسل ايدك 🫵
➎ متشاركش ادواتك وقت النشاط مع حد 🚫
# # # 🚨 امتى نعمل refer ؟
لو القرح كتير اوي او في العين او مع سخونية عالية ،
او لو المريض مناعته ضعيفة او كانت مريضة حامل ..
