22/07/2026
الجو الحر الأيام دي بيخلي الأطفال يعرقوا أكتر، وده ممكن يسبب ظهور حمو النيل، خصوصا مع الرضع والأطفال الصغيرين.
هتلاقيه عبارة عن حبوب حمرا صغيرة، ممكن تظهر في الرقبة، وتحت الإبط، وبين الفخذين، وتحت الحفاض، وأحيانا في أماكن تانية من الجسم. وغالبا بيكون معاها هرش أو تهي/ج بسيط.
طيب نعمل إيه؟
حمّي طفلك بمياه فاترة، مش سخنة.
نشفي جسمه كويس بعد الاستحمام.
لبسيه هدوم قطن خفيفة وواسعة.
وحاولي تبعدي عن الزيوت والكريمات التقيلة لأنها ممكن تقفل مسام الجلد وتزود المشك/لة.
وفي أغلب الحالات حمو النيل بيتحسن مع الخطوات البسيطة دي.
لكن لو الط/فح بدأ يزيد، أو الطفل بقى عنده حرارة، أو التهي/ج بقى شديد، يبقى لازم تراجعي دكتور الأطفال عشان يطمن عليه ويحدد لو محتاج علاج.
