Dietetics علم التغذية

Dietetics علم التغذية خبيرة التغذية و هيلث كوتش رشا رشدى نهتم باستخدام البدائل لتناسب الأنطمة الغذائية

17/07/2026

على المرء أن يسعى وليس عليه إدراك النجاح ..
اعمل اللى عليك والباقى على الله

27/06/2026

الصراحة عمرى ماحبيت خبز البقول .. البقول عامة مضرة للسيلياكيين لإحتوائها على اللكتين المشابه للجلوتين .. وللناس الغير سيلياكيين يجب نقع البقول لمدة لا تقل عن ١٢ ساعه مع تغيير مياه النقع .. ستات زمان كانوا بيقولوا لازم ننقع الفول قبل ماندمسه عشان القشرة فيها سم بينزل ف النقع

14/05/2026

أنا جاية أثير الجدل 😅 وأتكلم عن نظام الطيبات
اتعلم دايماً انك تفكر بحيث تاخد اللى ينفعك وتترك اللى يضرك .. يعنى القمح الكامل مفيد اكتر من الابيض لكن بيكون مضر لمرضى القولون والكلى
والقمح عامة مش مناسب للحساسيات
والخضروات عالية الألياف زى الكابوتشا والخضروات الورقية مش على طول مفيدة .. يعنى البقدونس والكسبرة مثلاً فيهم بكتريا ايكولاى مهما غسلتهم
الدجاج الله أعلم بقصة الحلال والحرام بأكلنا له لأن الله حرّم كل ذى ظفر والحقيقه الفرخة ليها ضوافر .. لكن مثلاً البط والوز مالوش
قدماء المصريين كانوا بياكلوا الوز وبردة البيض بتاعه
البروتين موجود فى النبات برده .. الفول والعدس واللوبيا والفاصوليا بروتين لكنها أدنى من بروتين الطيور المهاجرة زى ما ربنا أطعم قوم موسي من المن والسلوى
يمكن السر فى الطيور المهاجرة انها بتطير مسافات طويلة وبتتخلص من الدهون اللى بتحمل السموم .. الله اعلم
لكن ماهى برده لها أظافر
المهم ان مهما كان الكلام يحتمل الصح أم الخطأ فترك الدواء لمرض مزمن هو شىء خطير جداً .. دة احنا بناخد الدوا وبنتعب برده فمابالكم لما نسيبه

24/04/2026

40 عام من الأغذية الملوثة بالإشعاعات ..
بمناسبة الذكرى ال 40 لإنفجار المفاعل النووى تشيرنوبل بأوكرانيا .. أوكرانيا سلة غذاء العالم اللى بنستورد منها القمح والزيت

عام 1986 انفجر أحد مفاعلات محطة الطاقة النووية بأوكرانيا مُطلقًا سحابة إشعاعية عبر أوروبا اللى بنستورد منها اللبن و العلف اللى بتاكل منه الأبقار والسماد اللى بنغذى بيه المحاصيل
. ومن بعدها حدثت زيادة ملحوظة في سرطانات الغدة الدرقية بسبب اليود المشع.. وظهرت سرطانات الدم والتغييرات الچينية وحتى الأمراض النفسية
وطبعاً كان لجهاز المناعة نصيب كبير من هذه الأضرار، أظهرت الدراسات أن الإشعاع أحدث تغييرات في أجهزة المناعة تشبه تلك الناتجة عن العلاج الإشعاعي لمرضى السرطان.

دة غير الهرمونات اللى بتاخدها الأبقار للمزيد من اللبن من أجل التصدير للدول اللى عندها أفواه وأرانب .. توجد دول مصدر دخلها الأول هو تصدير الألبان والزبدة والجبنة الكريمى .. والطلب فى ازدياد لسد الأفواه وتحقيق الأرباح

واللحمة البرازيلى والاسترالى

اللبن واللحمة والفراخ والأعلاف يامتهرمنة يامتشعشعة😅

08/04/2026

نحتاج إلى تغيير ثقافة المجتمع تجاه الطب النفسي..
لما نسمع عن شاب انتحر بسبب الاكتئاب بلاش نقول هيدخل الجنة وألا النار .. لأنه ضحية مرض كان لازم يتعالج

الخلل في الهرمونات ممكن يسبب اكتئاب شديد لأن الهرمونات تؤثر مباشرة على كيمياء المخ. أهم الأمثلة:

👈🏻 هرمونات الغدة الدرقية

خلل الغدة الدرقية من أكثر الأسباب الهرمونية للاكتئاب.
نقص نشاط الغدة يسمى Hypothyroidism
قد يسبب:
• اكتئاب شديد 😔
• بطء التفكير
• إرهاق شديد
• زيادة الوزن
• إحساس بالبرودة

👈🏻 هرمون الكورتيزول (هرمون التوتر)

ارتفاعه لفترة طويلة قد يسبب اضطراب المزاج والاكتئاب.
ويرتبط أحيانًا بمرض مثل Cushing’s Syndrome.

👈🏻 الهرمونات الجنسية

انخفاض هرمونات مثل:
• التستوستيرون عند الرجال
• الإستروجين عند النساء

قد يؤدي إلى حزن شديد وفقدان الدافع والطاقة.

👈🏻 خلل كيمياء المخ

الهرمونات تؤثر على مواد في المخ مثل:
• السيروتونين (Serotonin)
• الدوبامين (Dopamine)

انخفاضها يرتبط بمرض Major Depressive Disorder.
لذلك أحيانًا علاج الاكتئاب يحتاج فحوصات للغدة الدرقية وهرمون التيستوستيرون والكورتيزول

👈🏻فيه فرق أحيانًا بين الاكتئاب الناتج عن خلل هرموني والاكتئاب النفسي العادي.

👈🏻علامات للاكتئاب الهرموني:

• تعب شديد في الجسم وليس مجرد حزن
• نوم كثير جدًا أو أرق شديد
• زيادة أو نقصان واضح في الوزن
• إحساس دائم بالبرد أو الحرارة
• ضعف الرغبة الجنسية
• بطء التفكير أو ضعف التركيز
• تساقط الشعر أو جفاف الجلد

هذه الأعراض تظهر كثيرًا مع مشاكل مثل Hypothyroidism.

👈🏻تحاليل بسيطة تكشف السبب

الأطباء غالبًا يطلبون:
• TSH و T4 → الغدة الدرقية
• Cortisol → هرمون التوتر
• Testosterone عند الرجال
• أحيانًا فيتامين د وB12 لأن نقصهما قد يسبب أعراض شبيهة بالاكتئاب

لو ظهر خلل في الهرمونات، علاج السبب قد يحسن الاكتئاب كثيرًا بدون الاعتماد فقط على أدوية علاج Major Depressive Disorder.

💡 معلومة مهمة: أحيانًا شخص يُشخَّص بالاكتئاب بينما السبب الحقيقي يكون الغدة الدرقية أو نقص هرمونات.

09/03/2026

الأعضاء التى تصاب بالأمراض المناعية ليست الجانى وإنما هى ضحية خلل فى المناعة أو التهاب مزمن فى الأمعاء أو اجهاد عصبى ونفسي أو سوء امتصاص
عندما نهدىء العَرَض ونتجاهل السبب يستمر الجسم فى القتال بصمت .. فيحارب الغدة ويظهر هاشيموتو .. ويحارب المفاصل فتظهر الفيبرو .. ويحارب القولون فتظهر الالتهابات المزمنه ..ويحارب الجلد فيظهر البهاق .. تقل استجابة الخلايا .. وتواصل المناعة الهجوم .. والجسم يستهلك مخزونه ..والمجتمع لا يرحم .. ولا أحد يشعر بالحرب التى تدور فى جسمك لينجو ..
رفقاً بأحباؤكم .. ولو كنتم تراعون المحبة ما مَرِضنا

09/03/2026

اكتشف الطبيب الألمانى " هامر " أن كل مرض خبيث يبدأ بصدمة نفسية مفاجئة غير متوقعه عاشها الشخص فى عزلة وصمت ولم يجد لها حلاً فورياً
أنا شايفة انه ماقالش جديد .. بنلاقى دايماً الناس الحساسة الضعيفة هى اللى بتتصاب وكل واحد وحظه ..
رفقاً بأحبائكم .. ولو كنتم تراعون المحبة ما كنا مَرِضنا

04/02/2026

👈🏻جرثومة المعدة هى مرض انتشر بسبب العدوى واهمال الكشف الطبى على كل شخص بيشتغل فى اعداد الطعام للغير ..

👈🏻أعراضها بتتشابه مع بعض أمراض الجهاز الهضمى والسبيل الوحيد للتأكد من وجودها هو تحليل البراز

👈🏻علاجها هو الالتزام بالجرعه المحددة من الدواء الموصوف

👈🏻نظامها الغذائى عباره عن :

✔️ أطعمة مسموحة:
• الزبادي الطبيعي / اللبن الرائب
• الشوفان، الأرز، البطاطس المسلوقة
• الخضار المسلوقة (كوسة، جزر، بطاطا ، قرع )
• الفواكه غير الحمضية (موز، تفاح)
• العسل الطبيعي
• البروتين الخفيف: دجاج أو سمك مسلوق/مشوي
• خبز توست أسمر بكميات معتدلة

❌ أطعمة ممنوعة
• المقليات والدهون
• الأكل الحار والتوابل
• القهوة، الشاي الثقيل، المشروبات الغازية
• الطماطم والحمضيات
• الشوكولاتة
• التدخين

🕒 نموذج يوم بسيط
• فطار: شوفان + زبادي + موز
• غداء: رز أبيض + دجاج مسلوق + خضار مطهى جيداً على البخار
• عشاء: زبادي بالفواكه أو بطاطس مسلوقة
• سناك: تفاح أو حفنة مكسرات نيّة

👈🏻 نصائح
• وجبات صغيرة ومتعددة
• لا تنام بعد الأكل مباشرة
• الالتزام بالعلاج الدوائي بالكامل

26/01/2026

البوست دة مهم عن الكانديدا اللى بعتبرها مشكلة المشاكل
سجّل البوست ده عندك عشان مش هتلاقى زيه فى أى مكان ..

❓ازاى أعالج الكانديدا ؟ وازاى أعمل نظام غذائى لها ؟
الكانديدا لها ٣ مراحل للعلاج ..

👈🏻المرحلة الأولى من ٢ ل ٤ أسابيع : مرحلة التطهير detoxing الهدف منها هو تجويع الفطريات وتقليلها

🪄المسموحات :
✔️خضار ورقية ( خس ، جرجير ، كسبرة ، بقدونس ، شبت ، سبانخ ، كرفس ) والكوسة والجزر فقط فقط فقط
✔️ بروتين ( دجاج ، سمك ، بيض ، رومى )
✔️ دهون صحية ( زيت زيتون ، زيت جوز الهند )
✔️ خبز جوز الهند او اللوز فى حالة عدم وجود حساسية منهم
✔️البهارات المسموحة ( زعتر ، روز مارى ، جنزبيل ، قرنفل ، كركم ، قرفة )
✔️ طريقة طهى الخضار هى الطهى على البخار ( لأنه لا يرفع
السكر فى الدم ) أو تناوله نىء فى حالة عدم الاصابة بكرونز

⚔️ الممنوعات :
📌السكر والأرز والمشروم والمكرونة وكل المعجنات وأى دقيق أبيض وكل الفواكه والألبان والخميرة والخل والمعلبات والمصنّعات والفستق والسودانى والكافيين والعصائر الطبيعية والصناعية
📌ابتعد عن استنشاق أو لمس المبيدات الحشرية

🪄اذا كانت الكانديدا مصاحبة لكرونز تكون الوجبات عبارة عن دجاج مسلوق ومفروم مع خضار مطهى جيداً .. وفى الحالة دى لن يناسبك خبز جوز الهند
🪄القرنبيط والبروكلى والكرنب غير مناسبين فى حالة وجود خمول للغدة
🪄الطماطم والباذنجان والفلفل غير مناسبين لو الكانديدا معاها تصلب أو فيبرو أو ذئبة أو روماتويد أو التهاب مفاصل عامة
🪄 القهوة والكافيين ممنوعه ( استبدلهم بالأعشاب مثل البابونج والنعناع و الشمر والهندباء )الهندباء بها إنسولين وبروبيوتك
🪄زيت جوز الهند وزيت الأوريجانو فعالين فى القضاء على الفطريات

👈🏻 المرحلة التانية من ٤ ل ٨ أسابيع : الهدف منها إستعادة توازن البكتريا النافعه فى الأمعاء
✔️ مسموح بالتفاح الأخضر والتوت والفراولة والكينوا باعتدال
✔️ مخللات البروبيوتك والكفير ( نمنعها فى حالة وجود بهاق )
✔️ تضاف البقول بكميات قليلة لو لم تسبب انتفاخ
📌الاستمرار فى منع السكر والنشويات والخضار النشوى

👈🏻 المرحلة التالتة طويلة المدى : مرحلة التثبيت الهدف منها عدم رجوع الكانديدا :
مسموح باعتدال البطاطا والبطاطس والأرز

📌 وكل المراحل ممنوع فيها المشروم

ان شاء الله بالشفاء العاجل

Address

Cairo

Website

Alerts

Be the first to know and let us send you an email when Dietetics علم التغذية posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dietetics علم التغذية:

Shortcuts

Share

Category