Dr. Adnan Abdallah

Dr. Adnan Abdallah Waxaad ka heleysaa bartaan Muuqaalo isugu jira aqoon caafimad iyo baraarug hormarineed.
(1)

Waxaan ahay Dhaqtar ku taqasusay Daaweynta iyo Qaliinka Kilyaha, Kaadi mareenada iyo Taranka ragga.

Jimco wanaagsan akhyaarta
04/09/2026

Jimco wanaagsan akhyaarta

🚨 Xiniin si kedis ah kuu xanuunta? Waa halis!Xanuun kedis ah oo daran oo ku dhaca xiniinta wuxuu noqon karaa xiniinta oo...
02/09/2026

🚨 Xiniin si kedis ah kuu xanuunta? Waa halis!

Xanuun kedis ah oo daran oo ku dhaca xiniinta wuxuu noqon karaa xiniinta oo qaloocanta (Testicular torsion). Xiniintu waxay isku maroojisaa marinka xididdada dhiigga maraan, taas oo joojin karta dhiigga gaarilahaa xiniinta.

Waxay ku badan tahay wiilasha qaangaar bilowga ah iyo Ragga da’da yar ilaa 25sano jir, balse da’ kasta way ku dhici kartaa. Dadka qaarkood qaabka xiniintu ugu xiran tahay gudaha kiishkeeda ayaa u fududeeya inay wareegto.
Xaaladaan Waxay ku imaankartaa qofka oo iska hurda ama jimicsi kujira sidookale dhaawac ama jug ayaa sababikara balse xiliwalba dhaawac/jug khasab ma aha.

Calaamadaha aad isku arkikartid waxaa ka mid ah:

* Xanuun daran oo si kedis ah uga bilaabma hal xiniin
* Barar ama guduudasho kiishka xiniinyaha
* Lalabbo ama matag
* Xanuun caloosha qeebteeda hoose ah
* Xiniin u muuqata inay ka koreyso mida kale ama xiniinyaha oo kala dheeraada.

⚠️ Xanuunkaas kediska ah keligiis waa xaalad halis ah oo ay qasab tahay inaad qaybta gargaarka degdegga Isbitaalka tagto hadaba ha sugin calaamadaha kore oo dhan itaad isku arkeysid ee kagaar xili h**e.
Xanuunka nuucaan ah ee kediska ah ha u qaadan inuu yahay caabuq oo keliya, hana ku ekaan inaa qaadatid xanuun baabi’iye ‼️

Haddii Xiniintu wareegsato oo aan xaqiijino, qalliinka degdegga ah ayaa laguu diyaarinayaa.
Dib udhaca ogaanshaha xaaladaan wuxuu sababikaraa in xiniintu dhimato laguna qasbanaado in xiniintaas lagaa saaro.

⚠️ Saacad kastaa waa muhiim‼️

Wacyigaan Waalidiinta iyo dhalinyarada la wadaag: xishoodku yuusan dib u dhigin daryeelka caafimaadkeena.

Mowduucan marar badan ayaan kaga hadalnay barteena qoraal ahaan iyo muuqaalo kala duwanba, intaas waxaan usameynayaa halista xaaladaan iyo kawarqab la’aanta bulshadeena awgeed.

Weligaa horay mau maqashay Testicular torsion?
Fadlan nagula wadaag.

Dr Adnan Abdallah
Urologist & Andrologist

Microsurgical varicocelectomy waa qalliin aan ku xalino xididada bararay ee xiniinyaha, iyadoo microscope (weyneyso) lai...
01/09/2026

Microsurgical varicocelectomy waa qalliin aan ku xalino xididada bararay ee xiniinyaha, iyadoo microscope (weyneyso) laisticmaalayo si loogu kala garto xididdada aroorayaasha, halbowlaha iyo marinnada dheecaanada ee Lymph.

Microscopic Varicocelectomy waa qalliin jeexis (Open) ah; farqiga udhaxeeyo nuucan iyo qaliinka kale ee jeexista caadiga ah waa adeegsiga weyneysada (microscope) iyo qibrada saxda ah ee isticmaalida ookiyaalaha ama aalada weyneysada.

Faa’iidooyinka bukaanka uu kahelaayo waa:

* Wuxuu kordhin karaa tirada iyo tayada shahwada iyo fursadda uurqaadista xaaska haduu ninku xaasle yahay.
* Wuxuu kaa yareyn karaa xanuunka galaha sababay.
* Testosteroneku wuu kordhi karaa ragga qaarkood ee markii h**e uu hooseeyay hormoonkooda.

Waxaa muhiim ah inaa fahantid Faa’iidooyinkan kuma koobna microsurgeryga oo keliya balse qaliinka jeexdinta caadiga ah sidookale natiijadaan waa lagu gaarikaraa.

⁉️Habkan isticmaalka Microscopeka Muxuu kaga wanaagsan yahay hababka kale?

Microscopeku wuxuu inoo fududeeyaa, in aan si sahlan u ilaalino halbowlaha xiniinyaha iyo marinnada lymphaticka, sidookale wuxuu naga caawiya helitaanka xididdada yaryar ee galaha saameeyey. Taasina waxay yaraysaa in xanuunka galaha uu kusoo laabto bukaanka iyo in biyo galaan xuubka xiniinyaha; Sheelo (hydrocele) qaliinka kadib.

F.G; Qof kasta oo varicocele qaba qalliin uma baahna.
Balse qof walba oo Ilma dhalida kadaahay xanuunka Galaha awgiis iyo Qofwalboo xanuunka Galaha ka harsan la’ xalkiisa waa qaliin.

Hadii aad kacabaneysid xanuunka Galaha oo ah Varicocele nagalasoo xiriir 💬
WhatsApp: 61 5830555

Dr Adnan Abdallah
Dhaqtarka daaweynta & Qaliinada Kelyaha, kaadimareenada iyo Taranka Ragga

Waxbadan ka ogow xanuunkaan oo daawo muuqaalka yaala commentka 1aad 👇

🩸 Kaadi Dhiig, xitaa hal mar Waa calaamad halis ah!Dhiigga kaadida ku jira waxaa caafimaad ahaan loo yaqaan Hematuria. K...
01/09/2026

🩸 Kaadi Dhiig, xitaa hal mar Waa calaamad halis ah!

Dhiigga kaadida ku jira waxaa caafimaad ahaan loo yaqaan Hematuria. Kaadidu waxay noqon kartaa casaan/ gaduud, gaduud khafiif ah, bunni/ madow. Mararka qaar dhiigu indhaha laguma arkikaro, waxaana lagu ogaadaa baaritaanka kaadida.

Sababaha keeno waxaa ka mid ah:

* Caabuqyada kaadi mareenka
* Dhagaxaanta kelyaha iyo kaadi mareenka
* Qanjirka Ragga ee prostateka oo weynaada
* Dhaawac ama cudur ku dhaca kelyaha
* Burooyinka kelyaha iyo kaadi haysta sida; kansarka Kelyaha, Kansarka kaadiheysta, kansarka prostateka iwm.

⚠️ Dhiigga kaadidu mar walba kansar ma aha, balse waa muhiim in dhakhtar uu xaqiijiyo sababtiisa xitaa haddii:

* Uusan xanuun lasocon
* Dhiiga yar yahay
* Hal mar keliya uu kaayimid kadibna uu joogsaday

Markuu noo yimaado bukaan kaadi dhiig leh waxaa usameynaa baaritaanada kaadida, dhiiga, iyo iskaanada ultrasound ama CT-scan, mararka qaarna Kaamira ayaa gelinaa si aan uxaqiijino waxa kajira kaadi haysta (Cystoscopy) iyadoo ku xiran hadba da’da iyo calaamadaha uu noola yimaado bukaankeena.

🚨 Waxaa muhiim ah in aad Isbitaalka si degdeg ah u tagtid haddii dhiiggu badan yahay, xinjiro lasocdaan, kaadidu kaa imaan weyso, ama aad isku aragtid kaadi dhiig + qandho iyo xanuun daran oo dhabarka ama dhinacyada caloosha ah.

Ma taqaannaa qof dhiig kaadidiisa ku arkay kadibna iska dhaafay ee aan wax dadaal ah sameyn?

La wadaag qormadan

Dr Adnan Abdallah
Urologist & Andrologist

31/08/2026

Maanta ayaa udambeysa EDUCATIONAL GUIDANCE sessionskii aan ardayda usameynaayey, caawa 12:00am kadib arday kale maqaabileyno.
WhatsApp: 61 5830555

🔥 Kaadida hadey ku gubeyso wax caadi ah maaha!Caabuqa kaadi mareenka (UTI) badanaa waxaa sababa bakteeriyo gasha kaadi m...
31/08/2026

🔥 Kaadida hadey ku gubeyso wax caadi ah maaha!

Caabuqa kaadi mareenka (UTI) badanaa waxaa sababa bakteeriyo gasha kaadi mareenada. Waxey ku badantahay dumarka, balse ragga iyo carruurtuba way qaadikaraan.

Calaamadaha aad isku arkikartid:

* Kaadida oo ku gubta ama ku xanuunjisa
* Si degdeg ah oo Musqusha/Suuliga loogu laalaabto
* Kaadi yar oo marar badan kaa timaada
* Xanuun laga dareemo caloosha qeebteeda hoose
* Kaadida oo wax cadcad lagu arko ama xumbo yeelato, ur xooggan leh mararka qaarna dhiig lasocdo.

Xaaladaha halista ah ee UTI (Infekshan kaadimareenka) kordhin kara waxaa ka mid ah biyaha oo kuyar jirkaaga, Hooyada uurka leh, dhagaxaanta kaadi mareenka, qanjirka prostateka oo weynaada, kaadi haysta oo aan kaadida si fiican isaga faarujinkarin iyo hadii qofka uu kujiro catheter (tubada bukaanada kaadida looga saaro).

✅ Hadaba, hadii calaamadahaas midkood aad isku aragtid La xiriir dhakhtar si loo qiimeeyo xaaladaada;

🔬Baaritaanka kaadida ayaa loo baahan karaa si aan u ogaano sababta keentay calaamadahaas.

⚠️Ha isticmaalin antibiyootik (Qalajiye) aad iska soo iibsatay ama qof kale loosoo qoray oo uu kuu amaanay‼️

🚨 Taxadar: Si degdeg ah isbitaalka u tag haddii ay calaamadaha kore ay lasocdaan qandho ama qarqaryo, xanuun dhabarka/dhinacyada ah, matag, wareer ama aad dareemeysid in xaaladaadu ay zaaid uga sii dareyso; arinkaas waxuu muujinayaa in caabuqa uu gaaray kelyaha.

Qormadaan La wadaag saaxibadaa si dadka kale ay wax uga faaidaan.

Dr Adnan Abdallah
Urologist & Andrologist
61 5830555

🚨 Kaadida haddii ay si kedis ah kuu istaagto / kaa imaanweyso, waa xaalad degdeg ah!Kaadi istaaggu waa markii kaadi hays...
30/08/2026

🚨 Kaadida haddii ay si kedis ah kuu istaagto / kaa imaanweyso, waa xaalad degdeg ah!

Kaadi istaaggu waa markii kaadi haysta buuxsanto, balse qofku uusan awoodin inuu kaadida iska saaro. Mararka qaarkood si tartiib ah ayey u daciiftaa socodka kaadida, halka mararka qaar ay si kedis ah u istaagikarto.

Calaamadaha kah**eeyo istaaga waxaa ka mid ah:

* Kaadida oo kugu adkaata inay bilaabato
* Kaadida socodkeeda oo daciifa ama kala go’ada
* Dareen ah in kaadi ku hayso balse aanay kaa wada faaruqin
* Kaadi yar oo soo noqnoqota (ku laabasho badan suuliga)
* Xanuun ama barar aad ka dareemeysid caloosha hoose

Sababaha ugu badan waxaa ka mid ah qanjirka prostate ka oo weynaada, tubada kaadi mareenka oo ciriiri noqota, dhagax, daawooyinka qaarkood iyo dhibaatooyin dhanka neerfayaasha ah.

⚠️ Haddii aad si kedis ah u kaadin weydo, iyadoo caloosha hoose ku xanuunayso ama kusoo bararayso, ha sugin hana isku daaweyn guriga! tag qaybta gargaarka degdegga ah (Emergency). Kaadi haysta waa in si dhaqso ah loo faarujiyo si aysan u imaan halista ka dhalankarta markey kaadida imaanweydo.

La wadaag qormadan ; qof ayay ka caawin kartaa inuu xaalad degdeg ah waqtigeeda ku garto.

Dr Adnan Abdallah
Urologist & Andrologist

10 ARRIMOOD OO AABBAHAA UUSAN WALIGII KUU SHEEGIN | Aan kula wadaago maanta❤️Aabbuhu mar walba dareenkiisa hadal kuma mu...
29/08/2026

10 ARRIMOOD OO AABBAHAA UUSAN WALIGII KUU SHEEGIN | Aan kula wadaago maanta❤️

Aabbuhu mar walba dareenkiisa hadal kuma muujiyo, balse jacaylkiisa waxaa laga dhex arkaa dadaalkiisa, dulqaadkiisa iyo naf hurnimadiisa.

1. Wuxuu mar walba ka walwalaa sidii reerku u heli lahaa dhaqaale ku filan, wuxuuna ugalaa shaqo adag.
2. Dhisida Adiga iyo mustaqbalkaagu waxaad isaga kala muhiimsan tihiin wax walba.
3. Wuxuu doonayaa inaad u aragto geesi awood badan oo wax walba xallin kara.
4. Wuxuu ku dadaalay inuu fuliyo ballan kasta oo uu kuu qaaday.
5. Mararka qaarkood wuu daalaa, culeysyo aduun ayuu lakulmaa balse dhibkiisa cidna uma sheego.
6. Qalbigiisu wuu xanuunsadaa marka uusan awoodin inuu kuu iibiyo wax aad jeclayd.
7. Wuxuu doonayaa inaad dadaasho oo aad xaqiijiso riyooyinkaaga.
8. Wuxuu rajaynayaa inaad dhinac kasta kaga wanaagsanaato isaga.
9. Haddii dib loo celin lahaa waqtiga, dhammaan dadaalkii iyo naf hurnimadii uu kuu sameeyey mar kale ayuu samayn lahaa asagoo ku faraxsan.
10. Si kasta oo ay xaaladuhu isu beddelaan, jacaylka uu kuu qabo isma bedelaayo marnaba.

Aabbuhu badanaa kuma yiraahdo “waan ku jeclahay,” laakiin qaab nololeedkiisa oo dhan ayaa kuu muujinaayo jacaylka uu kuu qabo.

Haddii aabbahaa nool yahay, maanta u mahadnaq, la hadal oo u sheeg inaad jeceshahay. Haddii uu geeriyoodayna, Alle ha u naxariisto, qabrigiisana Allah u waasiciyo. Aamiin. 🤲

Aabbayaasha adduunka oo dhan 🙏 waad ku mahadsan tihiin dadaalkiinna iyo naf hurnimadiinna❤️

Si qaas ah Aabahey Dr Abdullahi Hussein Mahadsanid Aabe 💐 Cimri dheer, cibaado suuban, Caafimaad taam ah iyo farxad waarta Allah ku siiyo.

🩺 ILAALIYA KELYAHIINAKelyuhu waxay jirka ka sifeeyaan qashinka, dheellitiraan biyaha iyo macdanta, waxayna qayb weyn ka ...
29/08/2026

🩺 ILAALIYA KELYAHIINA

Kelyuhu waxay jirka ka sifeeyaan qashinka, dheellitiraan biyaha iyo macdanta, waxayna qayb weyn ka qaataan xakamaynta cadaadiska dhiigga.

Si aad u ilaaliso caafimaadka kelyahaaga:

✅ Cab biyo kugu filan
✅ Iska Xakamee dhiigkarka hadii aad isku ogtahay
✅ Iska Xakamee sonkorowga hadii aad isku ogtahay
✅ Ka fogow isticmaalka xad dhaafka ah ee xanuun baabi’iyeyaasha adigoon talo caafimaad helin
✅ Si joogto ah u Samee baaritaan sanad walba haddii aad leedahay cudurrada waqtiga dheer jira si gaar ah u taxadar oo haiska indhatirin (Medical Chekups) 6dii biloodba mar.

Kelyaha badanaa si aamusnaan ah ayey u dhaawacmaan, calaamaduhuna waxay soo muuqan karaan marka dhibaatadu zaaid kugu noqoto.

Sidaas darteed, KAHORTAGA AYAA KA WANAAGSAN DAAWEYNTA.

Healthy Kidneys, Healthy Life.

— Dr Adnan Abdallah
Urologist & Andrologist

Address

Cairo

Telephone

+201553015430

Website

Alerts

Be the first to know and let us send you an email when Dr. Adnan Abdallah posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Adnan Abdallah:

Shortcuts

Share