Dr. Maha Farid Clinics - دكتورة مها فريد استشاري النساء والتوليد

28/02/2026

اليوم العاشر من رمضان ذكري الانتصارات و العبور العظيم
خصم خاص لكل متابعه و متردده علي عياده د مها فريد

23/02/2026

عزيزي المتدين المتشدد ..الكلب مش نجس ومش هيأثر على صيامك بالسلب ولا هيأثر على صلاتك!!

في الفقه قاعدة أساسية بتقول: لا اجتهاد مع نص....
يعني مثلا فيه نص قاطع بتحريم الخمر فمش هتلاقي أي آراء فقهية مختلفة حول حرمته.....
طيب إيه علاقة القاعدة دي بنجاسة الكلب؟
في الفقه السني فيه أربع مذاهب لم يتفقوا أبدا على حكم نجاسة الكلب....
يعني :
=الشافعية و الحنبلية قالوا بنجاسة الكلب نجاسة مغلظة...
=و الحنفية قالوا طاهر الجسد نجس الإفرازات زي اللعاب...
=و المالكية قالوا بطهارته كاملا...
السؤال هنا...لو كان فيه نص قاطع واحد بس حتى بنجاسة الكلب...هل كان هيبقى فيه مساحة للاجتهاد؟
و الإجابة لأ طبعا...
طيب فكرة نجاسة الكلب جت منين؟
جت من حديث: "طَهُورُ إِناءِ أحَدِكُمْ إذا ولَغَ فيهِ الكَلْبُ، أنْ يَغْسِلَهُ سَبْعَ مَرّاتٍ أُولاهُنَّ بالتُّرابِ"
و اللي قال بنجاسة الكلب استند على كلمة طهور فيكون ضدها النجاسة.....
و هنا بلاقي نفسي في حيرة حقيقية....
هل تحية زيارة المريض "لا بأس طهور إن شاء الله" معناها إن المريض كان نجس و المرض جه يزيح عنه النجاسة؟
و لا كلمة "الطهارة" ممكن تيجي بمعنى النقاء فالمرض هنا بينقي صاحبه من الذنوب...
أو بمعنى النظافة فيبقى فهم الحديث "نظافة إناء أحدكم..." لأن لعاب الكلب لزج في زمن لم يكن فيه أي مطهرات كيميائية و لذلك كان لزاما وقتها استخدام التراب علشان يقدر يستخلص اللزوجة دي من الإناء؟
و كمان نقطة مهمة....الكلب ما فيش أي خلاف على إباحة استخدامه في الصيد...و بنص القرآن الحاجة اللي يصطادها الكلب حلال أكلها....
هل الكلب بيصطاد بسنارة أو بشبكة؟ ولا بيجري يمسك الفريسة و يغرس فيها أسنانة و يختلط لعابه بدمها؟
هل نغسل الفريسة بالتراب؟ يعني حتى المذاهب اللي بتقول بنجاسة الكلب جم عند الصيد وقالك "يعفى عنه" لأن اللحمة كدا ممكن تخرب من الغسيل و التراب!!!!!!!

كمان من العجائب حديث :
عَنِ ابْنِ عُمَرَ رضي الله عنهما قَالَ: "كَانَتِ الكِلاَبُ تبول و تُقْبِلُ وَتُدْبِرُ فِي المَسْجِدِ فِي زَمَانِ رَسُولِ اللَّهِ ﷺ، فَلَمْ يَكُونُوا يَرُشُّونَ شَيْئاً مِنْ ذَلِكَ".
(رواه البخاري في صحيحه كتاب الوضوء، باب فضل الوضوء).

يعني المسجد النبوي في وجود النبي و الصحابة كانت الكلاب بتدخل و تخرج منه وما كانتش الملائكة بترفض تدخل المسجد ولا النبي كان شايفهم نجاسة تستوجب تطهير موضع السجود و العبادة منه!!!
و كل الآراء اللي بتقول "دا كان في بداية الإسلام و الوضع اتغير" يا يجيبوا نص واضح يقر بالتغيير يا هيكون مجرد كلامهم محاولة لتوفيق آرائهم و لي ذراع النص مش أكتر!

فخلاصة الكلام يعني:
ما فيش أي نص بنجاسة الكلب...
و لو كان فيه نص ما كانش هيكون فيه آراء مختلفة لاستحالة الاجتهاد في وجود النص!
و يا إما يكون الكلب مش نجس فبالتالي صيده حلال الأكل و غير نجس...
يا يكون الكلب نجس و صيده حرام الأكل و تخالف ساعتها نص واضح مافيهوش جدال في القرآن الكريم.

رمضان كريم...و بالتوفيق

#منقول

19/02/2026

الخميس أول أيام شهر رمضان المبارك لعام 1447 هجريًا

17/02/2026

تتقدم عياده د مها فريد
باسمي آيات التهاني بمناسبه قدوم شهر رمضان المبارك

10/02/2026

عياده د مها فريد تقدم خصم خاص علي الكشوفات و متابعه الحمل و الكشف المبكر للورام

10/02/2026