دكتور عمرو حـسن الحسنى

دكتور عمرو حـسن الحسنى Board member of chapters of Multiple sclerosis, Pediatric
Neurology and Headache at the Egyptian Society for
Neurology, Psychiatry and Neurosurgery.

استشاري وأستاذ أمراض المخ والأعصاب
جامعة القاهرة، مصر 🇪🇬
Consultant & Professor of Neurology
Cairo University, Egypt

Botox Expert
International Speaker & Researcher 🌍

📲 YouTube | Instagram | TikTok | Website
linktr.ee/Dr.AmrHasan استشارى و استاذ أمراض المخ و الاعصاب بكلية طب قصر العيني-
دكتوراة أمراض المخ و الاعصـاب -مـاجـستير الأمراض العصبية والنفـسـية -
عضو الجمعــية المصـرية للامـراض النفس

ية والعصـبيةوجراحة الاعصاب -
عضو الجـمعية المـصرية لابحاث الخلايا الجذعية

Dr. Amr Hassan MD,FEBN
Consultant and Professor of Neurology
Kasr Al Ainy Faculty of Medicine
Cairo University- Cairo- Egypt
Fellow of European Board of Neurology

Membership of Scientific
Societies & Committees:

Fellow of European board of Neurology
Member of European Society of Pediatric Neurology
Board member of the National Egyptian Neurology Board. Member of Egyptian Society of Neurology, Psychiatry and
Neurosurgery

03/09/2026

🚶‍♀️ مشاكل المشي والحركة مع التصلب المتعدد مش معناها إن مفيش حل!

في الفيديو ده هنتكلم عن أهم الحلول اللي ممكن تساعدك تتحرك بشكل أفضل 👀
شوف الفيديو للآخر… يمكن يكون فيه الحل اللي بتدور عليه!

🚨 رجلك بتحرقك؟ إيدك بتنمل؟ بتحس بكهرباء في جسمك؟استنى قبل ما تقول: «عادي… التهاب اعصاب » 👀خلي بالك 👇مش معناه تلقائيًا ال...
03/09/2026

🚨 رجلك بتحرقك؟ إيدك بتنمل؟ بتحس بكهرباء في جسمك؟
استنى قبل ما تقول: «عادي… التهاب اعصاب » 👀
خلي بالك 👇
مش معناه تلقائيًا التهاب أعصاب طرفية.

🧠 أولًا: يعني إيه اعتلال أو التهاب الأعصاب الطرفية؟

الأعصاب الطرفية هي الأعصاب اللي بتوصل بين المخ والحبل الشوكي وبين باقي الجسم.

لما يحصل فيها خلل أو تلف، ممكن تظهر أعراض في:
🖐️ الإيدين او🦶 الرجلين وأحيانًا أماكن تانية حسب العصب المصاب.

⚡ طيب العصب لما يتأثر… بيحصل إيه؟
الأعراض مش كلها بتحصل بنفس الشكل، ممكن تكون:
1️⃣🔥 حرقان:
إحساس إن القدم أو الإيد مولعة، رغم إن مفيش حاجة حقيقية بتحرقها.
2️⃣⚡ كهربا أو صدمات:
زي لسعة كهربا أو شحنات بتعدي في الطرف.
3️⃣📍 تنميل:
إحساس إن الجزء ده «منمل» أو الإحساس فيه أقل من الطبيعي.
4️⃣🪡 شكشكة أو وخز:
كأن فيه إبر صغيرة بتشكشك في الجلد.
5️⃣🌡️ إحساس غريب بالحرارة أو البرودة:
ممكن تحس إن الحاجة سخنة جدًا أو ساقعة جدًا رغم إن حرارتها طبيعية.
6️⃣👣 الإحساس بالأرض يقل:
تحس إنك مش حاسس برجلك كويس، خصوصًا أثناء المشي كانك بتدوس علي قطن او سفنج
7️⃣💪 ضعف:
مش مجرد ألم… لكن فعلًا القوة نفسها تقل، زي صعوبة فتح إزازة أو طلوع السلم.

👈🌙 وأحيانًا الألم يزيد بالليل ويأثر على النوم.

🔍 هل كل الأعصاب الطرفية بتعمل نفس الأعراض؟
👈لأ!

🟢 لو الأعصاب الحسية هي الأكثر تأثرًا →
غالبًا يكون فيه تنميل، حرقان، شكشكة أو ألم.

🔵 لو الأعصاب الحركية هي المتأثرة →
ممكن يظهر ضعف، تعثر أو صعوبة في بعض الحركات.

🟣 لو الأعصاب اللاإرادية Autonomic nerves اتأثرت →
ممكن تظهر أعراض زي الدوخة عند الوقوف، اضطراب العرق، مشاكل في الجهاز الهضمي أو اضطرابات أخرى حسب العصب المصاب.

🧩 طب إيه اللي ممكن يعمل اعتلال في الأعصاب؟

الاسباب لا حصر لها و لكن من اشهرها :
👈🩸 مرض السكر
👈🥦 نقص بعض الفيتامينات، خصوصًا B12
👈🦋 مشاكل الغدة الدرقية :في بعض الحالات.
👈🧬 أمراض المناعة :تأثر على الأعصاب.
👈💊 بعض الأدوية والمواد السامة :حسب نوع المادة والجرعة ومدة التعرض.
👈🦠 بعض العدوى : ممكن تسبب اعتلالًا عصبيًا.
👈🧬 أسباب وراثية : خصوصًا لو الأعراض موجودة من سن صغير أو فيه تاريخ عائلي.

😳 طيب إمتى الموضوع محتاج كشف؟

لو عندك:
🔸 تنميل بيتكرر أو مستمر.
🔸 حرقان في القدمين، خصوصًا بالليل.
🔸 شكشكة أو إحساس بالكهربا بدون سبب واضح.
🔸 فقدان تدريجي للإحساس.
🔸 إحساس إنك مش حاسس برجلك كويس أثناء المشي.
🔸 ضعف في الإيد أو الرجل.
🔸 تعثر أو عدم ثبات بدأ يظهر جديد.

🚨 وفي علامات ما نستناش عليها!

👈لو ظهر ضعف مفاجئ أو سريع في الإيدين أو الرجلين، خصوصًا لو بيزيد بسرعة أو حصلت مشاكل في المشي أو التنفس أو البلع
🗣️ صعوبة في الكلام
👁️ اضطراب مفاجئ في الرؤية
🧠 ضعف أو تنميل في ناحية واحدة من الجسم

❌ أكتر غلطة بنشوفها؟

عندك تنميل… تروح الصيدليه و تاخذ فيتامينات للأعصاب وخلاص.
💡 مش بنعالج التنميل بس… إحنا بندور على السبب اللي وراه.
👈 💉 قبل حقنة الأعصاب الجاية… اسأل نفسك:
«عندك نقص فعلًا؟ ولا هي بتغسلك من جوه 😅

أنتم اخترتوا الموضوع والفائز في التصويت هو… التصلب المتعدد MS! 🏆🎙️هتكلم عن أهم الأسئلة اللي بتشغلكم… وكالعادة، المايك في...
02/09/2026

أنتم اخترتوا الموضوع والفائز في التصويت هو… التصلب المتعدد MS! 🏆

🎙️هتكلم عن أهم الأسئلة اللي بتشغلكم… وكالعادة، المايك في إيدكم أنتم! 🎤

📱 اللايف هيكون على TikTok النهارده الساعه ١٠ مساء
جهّزوا أسئلتكم…

ولو مش عندك TikTok، إلحق نزل الـApp من دلوقتي عشان تكون معانا في اللايف 📌 لينك قناة TikTok في أول كومنت 👇

01/09/2026

هل كل تدهور في أعراض الـMS يعني هجمة؟ 🤔
ولا ممكن تكون هجمة كاذبة؟

🎥 شوفوا الريل، وللتفاصيل كاملة تابعوا اللايف 👇
🔗 لينك اللايف كامل في أول كومنت.

#

🧠 أشهر أنواع الصرع عند الأطفال :دليل بسيط للأهل😉الصرع مش نوع واحد، في أنواع بتظهر عند الرضع، وأنواع في سن المدرسة، وأنوا...
01/09/2026

🧠 أشهر أنواع الصرع عند الأطفال :دليل بسيط للأهل😉

الصرع مش نوع واحد، في أنواع بتظهر عند الرضع، وأنواع في سن المدرسة، وأنواع بتبدأ في المراهقة.

👶 1️⃣. التشنجات الرضعيه / infantile spasm or west Syndrome

📍 السن: غالبًا خلال السنة الأولى من العمر، وخصوصًا الشهور الأولى.
🔎 شكل النوبة:
* حركة مفاجئة وقصيرة جدً الطفل ممكن ينحني لقدام فجأة.
* أو يضم دراعاته أو يرفعهم.
* أو جسمه يشد فجأة.
* غالبًا النوبات بتيجي في مجموعات ورا بعض.
* بتحصل كثيرًا بعد الاستيقاظ من النوم.

🌡️ 2️⃣. التشنجات الحرارية | Febrile Seizures

📍 السن: من حوالي 6 شهور لـ5 سنين.

🔎الطفل يكون عنده حرارة، وفجأة يحصل له تشنج.
💡 التشنج الحراري مش معناه بالضرورة إن الطفل عنده صرع وبتتحسن عند أغلب الأطفال مع التقدم في العمر
ولكن لو استمر بعد ال5 سنوات او اتكررت بدون وجود حراره تبقي محتاجة تقييم طبي.

🧒 3️⃣. الصرع الرولاندي الحميد |benign Rolandic epilepsy

📍 السن: غالبًا من 3 لـ10 سنين.
🌙 وقت النوبة: غالبًا أثناء النوم أو قريب من وقت النوم.

🔎 شكلها:
الطفل ممكن يحس بتنميل حوالين الفم أو في اللسان، ويحصل:
* سيلان لعاب.
* حركة أو شد في عضلات الوجه.
* صعوبة في الكلام أو الكلام يبقى غير واضح.
👀 وفي بعض الحالات الطفل بيكون واعي ومدرك أثناء النوبة.
📌المميز:
ده من أنواع الصرع اللي غالبًا بتكون محدودة مع السن، وبتتحسن عند أغلب الأطفال مع التقدم في العمر.

👀 4️⃣.نوبات التغيب عند الأطفال | Childhood Absence Epilepsy

📍 السن: غالبًا من 4 لـ10 سنين.

🔎 شكل النوبة:
الطفل يكون بيتكلم أو بيلعب وفجأة:
👀 يبص في الفراغ
⏸️ يسكت أو يوقف اللي بيعمله
👁️ ممكن يرمش بسرعة
⏱️ وبعد ثواني يرجع طبيعي ويكمل كأن مفيش حاجة حصلت.

🔁 ممكن تتكرر النوبات مرات كتير جدًا في اليوم.
💡ممكن الأهل يفتكروا إن الطفل «سرحان» أو «مش مركز»، لكن لو الموضوع بيتكرر بنفس الشكل، لازم نفكر في نوبات الغياب.

⚡ 5️⃣. الصرع الرمعي العضلي JME

📍 السن: غالبًا في بداية المراهقة.

🌅 أشهر وقت للنوبة: الصبح بعد الاستيقاظ.

🔎 شكلها:
نفضات مفاجئة وسريعة في الذراعين أو الكتفين.
مثلاً:
🥛 الكوباية تقع من إيده
📱 الموبايل يقع فجأة
من غير ما يكون فيه سبب واضح.

⚠️ أشهر المحفزات:
* قلة النوم و السهر و التوتر
📌📌ممكن يصاحبها أنواع أخرى من التشنجات

🧠 6️⃣. الصرع البؤري | Focal Epilepsy

📍 السن: ممكن يظهر في أي سن.

الفكرة هنا إن النوبة بتبدأ من منطقة معينة في المخ، وعشان كده شكلها ممكن يكون مختلف جدًا.

🔎 ممكن الطفل:
* إيده أو رجله تتحرك لوحدها.
* يحس بتنميل أو إحساس غريب.
* يشم ريحة مش موجودة.
* يحس بطعم أو إحساس غريب في الفم.
* يسرح وميردش.
* يعمل حركات متكررة بفمه.
* أو يتصرف بشكل غريب لفترة قصيرة.

👀 أحيانًا الطفل يكون واعي تمامًا، وأحيانًا يحصل اضطراب في الوعي.

⚠️🚨. أنواع أقل شيوعًا لكنها مهمة

وهي متلازمات صرع بتبدأ في الطفوله

🔸 Lennox-Gastaut Syndrome
📍 السن: غالبًا بتبدأ في الطفولة المبكرة، تقريبًا من 2–8 سنين.
أكثر من نوع من النوبات، ومنها نوبات السقوط المفاجئ، وممكن يصاحبها مشاكل و تأخر في النمو و التطور والتعلم.

🔸 Dravet Syndrome
📍 غالبًا بيبدأ في السنة الأولى
وقد تظهر نوبات طويلة ومع الوقت ممكن تظهر أنواع مختلفة من النوبات و بيكون معاها تراجع في المهارات المكتسبة
🧬 في نسبة كبيرة من الحالات بيكون فيه تغير جيني، وأشهره SCN1A

🔸 Doose Syndrome
📍 السن غالبًا من 1–6 سنين.
🔎 شكل النوبة:
الطفل ممكن يحصل له نفضة مفاجئة في الجسم
ثم فجأة يفقد قوة عضلاته فيقع على الأرض.

🔸 Landau-Kleffner Syndrome
📍 السن: غالبًا من 3–9 سنين.
⭐ أهم علامة هنا مش التشنج نفسه… لكن اللغة.
الطفل اللي كان بيتكلم وبيفهم كويس ممكن يبدأ:
🗣️ يلاقي صعوبة في فهم الكلام أو الكلام نفسه يتأثر
🧠 وكأنه «فقد جزء من مهارات اللغة».
وممكن تحصل نوبات صرع، خصوصًا أثناء النوم.

🔸 Rasmussen Encephalitis

📍 حالة نادرة جدًا في الأطفال.
🔎 بتبدأ غالبًا بنوبات بؤرية متكررة، ومع الوقت ممكن يظهر:
➡️ ضعف في ناحية واحدة من الجسم
➡️ تراجع في بعض المهارات
➡️ ومشاكل معرفية أو في الحركة.

🔸 HHE Syndrome
من الحالة النادرة ممكن تحصل بعد نوبة تشنج طويلة وشديدة في ناحية واحدة من الجسم، وغالبًا في طفل صغير.
بعد النوبة ممكن يظهر:
➡️ ضعف مستمر في ناحية من الجسم
➡️ ومع الوقت ممكن تظهر مشاكل في الحركة أو التطور.

📌🧭 طيب لو شكيت إن طفلي عنده نوبات… أعمل إيه؟
مش مطلوب منك تعرف نوع الصرع بنفسك 👇

1️⃣ لاحظ وسجل
📌 إمتى النوبة حصلت؟ ⏱️ استمرت قد إيه؟ 👀 شكلها كان عامل إزاي؟ 🌙 حصلت أثناء النوم ولا وهو صاحي؟

2️⃣ صور النوبة📱 فيديو قصير لانه ممكن يساعد الطبيب جدًا في تحديد نوعها.

3️⃣ ما تحاولش توقف النوبة بالقوة
❌ ما تمسكش جسم الطفل.
❌ ما تحطش أي حاجة في بقه.

✔️ امن الطفل و ابعد أي حاجة ممكن تخبطه أو تأذيه.
😮‍💨 وبعد انتهاء التشنجات، خليه على جنبه لو مش واعي كويس.

4️⃣ المتابعه الدوريه و الالتزام بالعلاج 💊 ما توقفش أو تغير دواء الصرع من نفسك، حتى لو النوبات اختفت.

5️⃣🚨 اجري علي الطوارئ فورًا لو:
⏱️ النوبة عدت 5 دقايق و مش بتقف
😮‍💨 فيه صعوبة في التنفس أو الطفل بيزرق
💧 النوبة حصلت في الميه
⚠️ أو دي أول نوبة تشنج واضحة للطفل.

❤️ افتكر: دورك مش إنك تشخص… دورك إنك تلاحظ، و تأمن ، و تلتزم بالتعليمات
#الصرع

31/08/2026

👁️⚡️ ألم في العين؟ زغللة؟ ضعف مفاجئ في النظر؟

ممكن تكون علامات التهاب العصب البصري… بس إيه الحكاية؟ وإمتى لازم نقلق؟ 🤔

🎥 الحلقة كاملة نزلت على قناة اليوتيوب ❤️

👇 هتلاقوا اللينك في أول كومنت

🎥 اللايف الجاي هيكون على TikTok… والمايك في إيدكم أنتم 🎤🔥اختاروا الموضوع اللي حابين أتكلم عنه:1️⃣🧠 التصلب المتعدد2️⃣🤕 ال...
31/08/2026

🎥 اللايف الجاي هيكون على TikTok… والمايك في إيدكم أنتم 🎤🔥

اختاروا الموضوع اللي حابين أتكلم عنه:

1️⃣🧠 التصلب المتعدد
2️⃣🤕 الصداع
3️⃣⚡ التهاب الأعصاب
4️⃣🧠 كهرباء المخ والصرع

صوتوا في الكومنتات 👇
وأكتر موضوع هيكسب… هيكون موضوع اللايف الجاي 🔥

🧠 10 أسئلة عن الصداع… إجاباتها ممكن تغير طريقة تعاملك معاه!كلنا تقريبا بنعاني من الصداع ولكن لازم تفهم ان الصداع مش نوع ...
31/08/2026

🧠 10 أسئلة عن الصداع… إجاباتها ممكن تغير طريقة تعاملك معاه!
كلنا تقريبا بنعاني من الصداع ولكن لازم تفهم ان الصداع مش نوع واحد، وعلاجه مش مجرد “خد مسكن وخلاص”.

1️⃣ هل الصداع له أنواع كتير؟

آه، ومش كل صداع هو مجرد صداع وخلاص .
من اشهرها
🔹 Migraine – الصداع النصفي/الشقيقة
🔹 Tension-type headache – الصداع التوتري
🔹 Cluster headache – الصداع العنقودي
🔹 Medication Overuse Headache – صداع الإفراط في استخدام المسكنات

👈وفيه أنواع تانية مرتبطة بأسباب مختلفة، عشان كده تحديد نوع الصداع هو أول خطوة في العلاج.

2️⃣ هل كل صداع محتاج اشعه رنين او مقطعيه علي المخ؟

❌ لأ.
لو الصداع شكله نموذجي، والفحص العصبي طبيعي، ومفيش علامات خطر، غالبًا مش بنحتاج أشعة.
👈الأشعة بنفكر فيها لما يكون الصداع جديد، مختلف عن المعتاد، شديد بشكل مفاجئ، أو مصحوب بأعراض اخري زي اضطراب درجة الوعي أو التشنجات و القيء او ضعف حركه او صعوبة في الاتزان و غيرها

3️⃣ هل المسكنات الي بتاخدها علشان تسكن الصداع ممكن تكون هي سبب الصداع؟

✔️✔️أيوة.
الاستخدام المفرط في المسكنات ممكن يؤدي إلى Medication Overuse Headache، فيتحول الصداع من نوبات متقطعة إلى صداع متكرر أو شبه يومي.

4️⃣ ليه الصداع النصفي بيزيد عند بعض السيدات؟ 👩🏻

لأن الهرمونات بيكون لها دور كبير في تحفيز نوبات الصداع .
👈وأشهر مثال هو الفترة اللي قبل الدورة، لما يحصل انخفاض في مستوى الإستروجين وعشان كده بعض السيدات يلاحظوا إن الصداع بيتكرر أو يزيد في وقت معين من كل شهر

5️⃣ هل القهوة والكافيين بيزودوا الصداع ولا بيقللوه؟ ☕

الإجابة: الاتنين!
الكافيين ممكن يساعد في تخفيف الصداع عند بعض الأشخاص، لكن الإفراط فيه أو التوقف المفاجئ عنه ممكن يؤدي إلى صداع انسحابي.
و اشهر أمثلة الناس الي متعوده علي القهوة بتصدع جدا فتره الصيام

6️⃣ هل النوم له علاقة بالصداع؟ 😴

قلة النوم و عدم انتظام مواعيد النوم و وأحيانًا النوم لفترات أطول من المعتاد عند بعض الأشخاص، ممكن يحفز نوبات الصداع.
👈علشان كده انتظام النوم جزء مهم من التعامل مع الصداع

7️⃣ طيب إيه الحاجات اللي ممكن تحفز الصداع؟ 🤔

مش كل الناس عندها نفس المحفزات ، لكن من أشهر المحفزات:
👈☕ الإفراط في الكافيين أو تغييره بشكل مفاجئ
👈😴 اضطراب النوم
👈🍽️ الصيام لفترات طويلة عند بعض الأشخاص
👈💧 قلة شرب المياه
👈😰 التوتر والضغط النفسي
👈💡 بعض المحفزات الحسية مثل الضوء الشديد أو الروائح القوية
👈🩸 التغيرات الهرمونية عند بعض السيدات
👈🧁🧀الحلويات او الجبن و منتجات الالبان

8️⃣ هل الـMigraine with Aura او الصداع النصفي المصحوب بالاوره ممكن يتلخبط مع أمراض تانية؟

آه. ودي نقطة مهمة جدًا. ⚠️
الـAura ممكن تظهر في صورة:
✨ ومضات أو خطوط في النظر
✨ اضطراب مؤقت في الرؤية
✨ تنميل أو وخز او ثقل في الحركه
✨ وأحيانًا اضطراب مؤقت في الكلام.

وده ممكن يشبه بعض الأعراض العصبية لأمراض أخرى، خصوصًا اشتباه الجلطات .

👈الفرق مش مجرد “عندك صداع ولا لأ”، لكن شكل الأعراض، طريقة بدايتها وتطورها، مدتها، والفحص الطبي.
وعشان كده لو اعراض جديدة ، ظهرت فجأة، أو مختلفة عن المعتاد، لازم تكشف فورا

9️⃣ إمتى الصداع يبقى علامة خطر؟ 🚨

⚠️ بدأ فجأة وبأقصى شدة خلال ثوانٍ أو دقائق.
⚠️ جديد تمامًا أو مختلف بشكل واضح عن الصداع المعتاد.
⚠️ مصحوب بضعف أو تنميل أو اضطراب في الكلام أو الوعي.
⚠️ مصحوب بحمى وتيبس في الرقبة.
⚠️ ظهر بعد إصابة في الرأس.
⚠️ أو بيزداد تدريجيًا وبشكل غير معتاد.

في الحالات دي بلاش تاخد مسكن وخلاص لازم تكشف تتوجه للطوارئ.

🔟 إمتى الصداع يحتاج علاج وقائي مش مجرد مسكن؟

لما النوبات تبقى متكررة أو شديدة أو مؤثرة على الدراسة أو الشغل أو الحياة اليومية، أو لو بتستخدم المسكنات بشكل مفرط.
👈ساعتها ممكن تحتاج علاج وقائي

🎯 الخلاصة:
الصداع مش مجرد مسكن وخلاص.
نوع الصداع إيه؟ بيتكرر قد إيه؟ إيه المحفزات؟ وهل فيه أي علامات خطر؟
التشخيص الصح هو أول خطوة للعلاج الصح

💬 قولي في الكومنتات: إيه أكتر سؤال عن الصداع محيرك؟👇

#الصداع

🚨 إنتوا اللي هتحددوا مكان اللايف الجاي! 🔥🗓️ المعاد الاربع القادم⏰ الساعة 10 مساءًبس السؤال:👀 هنتقابل فين؟1️⃣🎵 TikTok2️⃣ ...
30/08/2026

🚨 إنتوا اللي هتحددوا مكان اللايف الجاي! 🔥

🗓️ المعاد الاربع القادم
⏰ الساعة 10 مساءً

بس السؤال:
👀 هنتقابل فين؟

1️⃣🎵 TikTok

2️⃣ 📸 Instagram

👇صوّت دلوقتي…👇

😂🧠 مريض الصداع × ChatGPT👨‍🦱 المريض: يا ChatGPT… عندي صداع، أعمل إيه؟🤖 ChatGPT:ممكن أسألك كام سؤال؟نمت كويس؟ شربت مية؟ مت...
30/08/2026

😂🧠 مريض الصداع × ChatGPT

👨‍🦱 المريض:
يا ChatGPT… عندي صداع، أعمل إيه؟

🤖 ChatGPT:
ممكن أسألك كام سؤال؟
نمت كويس؟ شربت مية؟ متوتر؟ الصداع بقاله قد إيه؟

👨‍🦱: طب لو الصداع في ناحية واحدة؟ 👀
🤖: ممكن يكون صداع نصفي… وممكن أسباب تانية.

👨‍🦱: طب لو عيني بتوجعني؟ 👁️
🤖: ممكن.

👨‍🦱: طب لو بحس إني هرجع؟ 🤢
🤖: برضه ممكن يحصل مع الصداع النصفي.

👨‍🦱: 😳 يعني عندي Migraine؟!
🤖: مش بالضرورة.

👨‍🦱: طب ورم في المخ؟! 😨
🤖: ممكن و لكن برضه مش بالضرورة.

👨‍🦱: طب ايه؟! 😰
🤖: استنى بس…
أنا قلتلك ممكن مش قلتلك عندك! 😂

👨‍🦱: طب أعمل إيه دلوقتي؟! 😩
🤖: روح للدكتور. 😂

👨‍🦱: طب ما أنا كنت بسألك عشان أوفر الكشف!
🤖: روح للدكتور.

📌 الحقيقة هنا مهمة:

الـAI وGoogle ممكن يساعدوك تفهم الأعراض وتعرف تسأل الدكتور إيه لكن التشخيص و العلاج محتاج دكتور

💬 قولي بصراحة: انت بتعمل ايه

🔎 Google؟
🤖 ChatGPT؟
👨‍⚕️ ولا بتروح للدكتور من الأول؟

#الصداع

Address

87 El Maniel Street
Cairo
11553

Opening Hours

Monday 11am - 11pm
Tuesday 11am - 11pm
Wednesday 11am - 11pm
Saturday 11am - 11pm
Sunday 11am - 11pm

Telephone

+201016668886

Website

, ,

Alerts

Be the first to know and let us send you an email when دكتور عمرو حـسن الحسنى posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتور عمرو حـسن الحسنى:

Shortcuts

Share

Category